تاسقىنداعان رۋحپەن تاعى دا اتتانايىق
□ شين يان
2022.11.30 16:05 كەلۋ قاينارى : شينجياڭ گازەتى
بۇلت ايىعىپ، اشىق اسپان دا كورىندى. ۇزاقتان بەرى جىم - جىلاس جاتقان ءۇرىمجى اقىرى تالاي ۋاقىت كورىنبەگەن تىرشىلىك تىنىسىنا شومدى.
11 - ايدىڭ 28 - كۇنىنەن باستاپ، تەمىر جول، حالىقتىق اۆياتسيا جانە الەۋمەتتىك اۆتوبۋز، تاكسي سياقتى قالا الەۋمەتتىك قاتىناسى تارتىپپەن قالپىنا كەلتىرىلدى؛ 11 - ايدىڭ 29 - كۇنىنەن باستاپ، جەدەل جەتكىزۋ زات اينالىمى كاسىپورىندارى جۇمىستى قالپىنا كەلتىرە باستادى، تومەن حاۋىپ - قاتەرلى اۋماقتارداعى پارتيا، ۇكىمەت ورگاندارى، كاسىپورىن، ءىسورىن قىزمەتكەرلەرى جۇمىس ورىندارىنا توتەلەي بارىپ - كەلىپ قىزمەت ىستەۋىنە بولاتىن بولدى... ءار ۇلت كادرلار مەن بۇقاراسىنىڭ قاجىماي - تالماي قۇلشىنۋىنىڭ ارقاسىندا، ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋعا بەت الدى، جوعارى حاۋىپ - قاتەرلى اۋماقتاردىڭ كولەمى ۇزدىكسىز تارايدى، تومەن حاۋىپ - قاتەرلى اۋماقتاردا تۇرمىس ءتارتىبى جەدەل قالپىنا كەلدى، جۇمىستى، ءوندىرىستى، بازاردى قالپىنا كەلتىرۋ تارتىپپەن ىلگەرىلەدى. سونىمەن بىرگە، كورلا، شىحىزى سياقتى جەرلەردىڭ دە اۋەلگى تىرشىلىك تىنىسى بىرتىندەپ قالپىنا كەلتىرىلدى. وڭاي - وسپاق كەلمەگەن وسى ءسات جۇرتتى جەلپىندىرىپ، كوڭىلدەردى تولقىتتى، ونان دا ماڭىزدىسى، ادامدى بۇگىنگى شاقتىڭ قادىرىنە جەتۋگە جەبەدى. جاي كوزگە قاراپايىم كورىنگەنىمەن، كەرەمەتى ەرەك - تى، ىسكە اسىرۋ وڭاي سەزىلگەنىمەن، ماشاقاتى بولەك - تى. جاڭا عانا وتكەن 3 ايدان استام ۋاقىتتا شينجياڭنىڭ كوپ جەرى ىندەتكە قارسى بۇرىن بولماعان جاپالى شايقاستى باستان كەشىردى، الۋان گۇل قۇلپىرعان كەزدەن قاپالاقتاپ قار جاۋعانعا دەيىن اۋىر دا ەستەن كەتپەس 100 نەشە كۇن مەن ءتۇندى وتكىزدىك. وسىناۋ كۇندەر تيانشان الابىنىڭ ەل بىرلىگىنەن بەرىك قامال تۇرعىزىپ، ۋاقىتتىق قيىنشىلىقتى بىرگە جەڭىپ، ءبىر نيەتپەن ىنتىماقتاسۋىن ەستەلىككە الىپ، ءار ۇلت پەرزەنتتەرىنىڭ ەرلىكپەن ۇلەس قوسىپ، توزىمدىلىك تانىتىپ قۇربان بەرۋدەي رۋحاني قاسيەتىنە كۋا بولدى. ۇيدەن شىعىپ، كوك اسپانعا قۇشاق اشقان ساتتە، ءبىز بوران - شاشىنعا قارسى اتتانعان ادامداردى دا ەستە بەرىك ساقتاۋىمىز، وزىمىزگە دە القاۋ ايتۋىمىز كەرەك. العىستى سەزىممەن سەنىمدى بەكەمدەپ، تۇماننان قۇتىلىپ، كۇن نۇرىنا شومىلىپ، تاسقىنداعان رۋحپەن تاعى دا اتتانايىق.
ءدال وسى ساتتە كوڭىل كۇيدى رەتكە سالۋ وتە ماڭىزدى. ۇزاق ۋاقىت بويى ۇيدەن شىقپاۋ بۇرىنعى قالىپتى تۇرمىس، قىزمەت، ۇيرەنۋ ريتىمىن بۇزىپ جىبەردى، وسى سەبەپتى كەي ادامدار دەگبىرسىزدەنىپ، مازاسىزداندى، ءتىپتى جابىعۋ كوڭىل كۇيى دە بولدى. قوعامدىق ءتارتىپ قالىپتى كۇيىنە تۇسكەن شاقتا، مۇنداي رۋحاني قىسىم سىرتقى ورتا ارقىلى بەلگىلى دارەجەدە باسەڭدەيدى، الايدا، كوڭىل كۇيدى شىنايى قالپىنا كەلتىرۋ ءۇشىن، سوز جوق، وزىمىزگە سۇيەنۋىمىز كەرەك، كوڭىل كۇيدى تەز ارادا رەتكە سالىپ، تۇرمىسقا دەگەن قىزۋ ىنتانى قايتا تاۋىپ، بەلسەندى دە جارقىن بەينەمەن جالىندى تۇرمىسقا ارالاسۋىمىز كەرەك. سونىمەن بىرگە ءبىز مىنانى دا كورە ءبىلۋىمىز كەرەك: ىندەت بىزگە ۇنامسىز كوڭىل كۇيدى عانا ەمەس، وعان قوسا قيىنشىلىق بارىسىندا شىڭدالعان قايسارلىق، مۇشكىل جاعدايدا قاۋلاعان باتىلدىق پەن كومەسكى قابىلەتتى دە سيلادى، وسىنىڭ ءبارى كوڭىل كۇيىمىزدى دۇرىستاپ، تاماشا تۇرمىسپەن قاۋىشتىراتىن ”جانعا ءدارۋ شيپاشاق“.
ءدال وسى ساتتە، يدەيادا كوكەي تەستىلىك سەزىم بولۋ كەرەك. وسى مەزگىلدە قىزمەتتەگىلەر ۇزاق ۋاقىت ۇيدە وتىرىپ قىزمەت ىستەدى، وقۋشىلار ۇيدە ينتەرنەتتەن ساباق وقىدى، قىزمەت ونىمدىلىگى مەن ۇيرەنۋ ناتيجەسىنىڭ شارت - جاعدايدىڭ شەكتەمەسى سەبەپتى تومەندەۋىنەن ساقتانۋ قيىن، جانەدە كەيبىر ادامدار ىندەتكە بايلانىستى شىعىسى كىرىسىنەن اسىپ، قيىنشىلىق قىسپاعىندا قالدى، وسىنىڭ ءبارى كوپشىلىك ءدوپ كەلگەن ناقتى ماسەلەلەر، ول ءبىزدىڭ بۇدان بىلايعى كۇندەرگە مۇقيات دۇرىس قاراپ، قولدان كەتكەن ۋاقىتتى قۇلشىنا قايتارىپ الىپ، قولدان كەتكەن ورايعا قايتا يە بولۋىمىزدى قاجەت ەتەدى. ءاربىر ارماننىڭ جۇزەگە اسۋى ءۇشىن، قازىرگى بىزدەر، ءسوز جوق، رۋحتى سەرپىلتىپ، قايراتتى تاسقىنداتىپ، باقىتقا باستاپ اپارار جولدا اناعۇرلىم قۇلشىنا العا باسۋىمىز كەرەك.
ءدال وسى ساتتە، ارەكەت ەركىندىگىندە ءوزىن تەجەۋ ءتىپتى قاجەت. ءوندىرىس، تۇرمىس ءتارتىبىن قالپىنا كەلتىرۋدى بىرتىندەپ ءتارتىپتى تۇردە ىلگەرىلەتۋ − استە تۇبەگەيلى بوساڭسۋ، ەركىنە جىبەرۋ ەمەس. ءبىر جاعىنان، جۇمىستى، ءوندىرىستى قالپىنا كەلتىرۋگە، ساۋدانى، بازاردى قالپىنا كەلتىرۋگە ىلەسە، ادامداردىڭ جىلجۋى، ءوزارا بارىس - كەلىسى كوبەيەدى، ءارقانداي ابايسىزدىقتان تۋعان نەمقۇرايدىلىقتىڭ ءبارى ىندەتتىڭ قايتا تاپ بەرۋىن تۋدىرۋى مۇمكىن؛ ەندى ءبىر جاعىنان، ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايى جاقسارعانىمەن، ءبىراق ەل ىشىندە جاڭادان تۋىلعان ىندەت ۇزدىكسىز بەلەڭ بەرۋدە، شينجياڭدا ىندەت ءالى دە بەلگىلى كولەمگە يە، ءبىز ىندەتتەن ساقتانۋ - تىزگىندەۋدىڭ ەڭ سوڭعى جەڭىسىنە قول جەتكىزە قويعان جوقپىز. وسىنداي جاعدايدا، ءبىزدىڭ سالعىرتسۋىمىزعا، بوساڭسۋىمىزعا بولمايدى، ءوز بەتىمىزبەن كەتۋىمىزگە ءتىپتى دە بولمايدى، قايتا ىستەۋگە ءتيىستىنى ىستەۋىمىز، ىستەمەۋگە ءتيىستىنى ىستەمەۋىمىز كەرەك، ىندەتتەن ساقتانۋ - تىزگىندەۋ سىندى ارقاۋدى اۋەلگىدەي شيراتىپ، تاباندىلىقپەن ءوز دەنساۋلىعىمىزدىڭ ءبىرىنشى جاۋاپتى ادامى بولۋدى ويداعىداي ورىنداپ، ءوزىمىز ءۇشىن دە، باسقالار ءۇشىن دە جاۋاپتى بولۋىمىز كەرەك.
تاسقىنداعان رۋحپەن تاعى دا اتتانايىق. مەكەنىمىزدىڭ ءبىر مەزەت كورىنبەي كەتكەن تىرشىلىك تىنىسىنا تۇبەگەيلى ورالىپ، وتكەن كۇندەردەگىدەي قاۋلاعان ومىرشەڭدىكپەن قايتا قاۋىشۋى ءۇشىن قاراپايىم سىزدەر مەن بىزدەر وتكەن 100 نەشە كۇنگى جاپالى دا ”ماشاقاتتى دا قيان - كەسكى شايقاس“ جەتىستىكتەرىن كۇش بىرىكتىرە قورعاپ، وڭاي - وسپاق قولعا كەلمەگەن قالىپتى تۇرمىسىمىزدى بىرگە قورعاپ، قول ۇستاسا، يىق تۇيىستىرە كورىكتى بولاشاق ءۇشىن قۇلشىنا كۇرەس جاساۋىمىز قاجەت.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
