4 - كەزەكتى جۇڭگو - رەسەي ەنەرگيا ساۋداسى تالقى مىنبەرى اشىلدى
حان جىڭ ءتوراعا شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى
2022.11.30 16:30 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 29 - كۇنى، بەيجيڭ. 11 - ايدىڭ 29 - كۇنى 4 - كەزەكتى جۇڭگو - رەسەي ەنەرگيا ساۋداسى تالقى مىنبەرى جەلى ءىشى – سىرتىن ۇشتاستىرۋ تاسىلىمەن بەيجيڭ مەن موسكۆادا وتكىزىلدى. مەملەكەتتىك كەڭەس زۇڭليىنىڭ ورىنباسارى حان جىڭ تالقى مىنبەرىنىڭ اشىلۋ سالتىنا قاتىناسىپ، ءتوراعا شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى.
حان جىڭ مىنانى ءبىلدىردى: ەنەرگيا حاۋىپسىزدىگى − ءار ەلدىڭ ەكونوميكالىق دامۋدى، قوعامدىق ورنىقتىلىقتى جۇزەگە اسىرۋىنىڭ ماڭىزدى نەگىزى. ەكى ەل باسشىلارىنىڭ ستراتەگيالىق جەتەكشىلىگىندە جۇڭگو مەن رەسەيدىڭ ەنەرگيا سەلبەستىگى ورنىقتى ىلگەرىلەپ، ءبىرقىدىرۋ تىڭ تابىسقا قول جەتكىزدى. قازىر دۇنيە جۇزىلىك ەنەرگيا جۇيەسىندە تەرەڭ وزگەرىستەر تۋىلۋدا، كاسىپ تىزبەگى مەن قامداۋ تىزبەگىنىڭ حاۋىپسىزدىگى، ورنىقتىلىعى كوپتەگەن حاۋىپ - قاتەر مەن سىن - سايىسقا ءدوپ كەلىپ وتىر. جۇڭگو بايلىقتى ءبىر تۇتاس جوسپارلاۋ مەن ساياساتتىق قولداۋدى ۇزدىكسىز كۇشەيتىپ، ەنەرگيا حاۋىپسىزدىگى مەن قامداۋدى تىڭعىلىقتى ىستەپ، حالىق بۇقاراسىنىڭ قىستان قىسىلماي وتۋىنە كەپىلدىك ەتەدى. جۇڭگو مەن رەسەي ەكى جاق ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، اناعۇرلىم تىعىز ەنەرگيا سەلبەستىك سەرىكتەستىك قاتىناسىن ورناتىپ، ەكى ەل حالىقتارىنىڭ باقىتىن ارتتىرۋعا، دۇنيە ءجۇزىنىڭ ەنەرگيا حاۋىپسىزدىگى مەن باياندى دامۋىن جەبەۋگە اناعۇرلىم زور ۇلەس قوسۋى كەرەك.
حان جىڭ جۇڭگو مەن رەسەيدىڭ ەنەرگيا سەلبەستىگىن تەرەڭدەتۋ جونىندە ۇسىنىس قويدى. ءبىرىنشى، ساۋدا ورتاسىن كۇش سالا ساپالىلاندىرىپ، ەنەرگيا ساۋداسىنىڭ باياندى، ورنىقتى دامۋىنا كەپىلدىك ەتىپ، كەلەلى نىساندار سەلبەستىگىن جوسپار بويىنشا ءتارتىپتى ىلگەرىلەتۋ كەرەك. ەكىنشى، ەنەرگيا وندىرەتىن ەلدەردىڭ، تاسىمال قۇبىرى وتەتىن ەلدەردىڭ، تۇتىنۋشى ەلدەردىڭ سەلبەستىگىن كۇشەيتىپ، حالىقارالىق ەنەرگيا كاسىپ تىزبەگى مەن قامداۋ تىزبەگىن ىركىلىسسىزدەندىرىپ، دۇنيە جۇزىلىك ەنەرگيا بازارىنىڭ حاۋىپسىزدىگى مەن ورنىقتىلىعىن قورعاۋعا قولداۋ كورسەتۋ كەرەك. ءۇشىنشى، جاسىل، تومەن كومىرتەكتى دۇنيە جۇزىلىك ەنەرگيانى جونگە سالۋ جاعدايىن ورناتىپ، دۇنيە جۇزىلىك تازا ەنەرگيا سەلبەستىك سەرىكتەستىك قاتىناسىن ورناتۋدى بەلسەنە ىلگەرىلەتىپ، كليمات وزگەرىسىنىڭ سىن - سايىسىنا بىرگە توتەپ بەرۋ كەرەك.
رەسەي فەدەراتسيالىق ۇكىمەتى زۇڭليىنىڭ ورىنباسارى نوۆاك، رەسەي زۇڭتۇڭى ەنەرگيانى دامىتۋ ستراتەگياسى جانە ەكولوگيا حاۋىپسىزدىگى كوميتەتىنىڭ باس حاتشىسى، رەسەي مۇناي سەرىكتەستىگىنىڭ باس القاسى شەچين اشىلۋ سالتىنا قاتىناستى. شەچين رەسەيدىڭ زۇڭتۇڭى پۋتيننىڭ قۇتتىقتاۋ حاتىن وقىدى ءارى ءسوز سويلەدى، نوۆاك ءسوز سويلەدى.
جۇڭگو مەن رەسەيدىڭ قاتىستى تاراۋلارىنان جانە ەنەرگيا كاسىپورىندارىنان، فينانس قۇرىلىمدارىنان، زەرتتەۋ قۇرىلىمدارىنان، كاسىپتىك قوعامداردان 300 دەن استام ۋاكىل تالقى مىنبەرىنىڭ اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
