لي كىچياڭ قازاقستاننىڭ زۇڭليى سمايلوۆپەن جۇڭگو - قازاقستان زۇڭليلەرىنىڭ ديدارلاسۋىن وتكىزدى
2022.11.30 16:28 كەلۋ قاينارى : حالىق تورابى
 |
مەملەكەتتىك كەڭەستىڭ زۇڭليى لي كىچياڭ 11 - ايدىڭ 29 - كۇنى بەيجيڭدەگى حالىق سارايىندا بەينە ەكران ارقىلى قازاقستاننىڭ زۇڭليى سمايىلوۆپەن جۇڭگو - قازاقستان زۇڭليلەرىنىڭ ديدارلاسۋىن وتكىزدى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
شينحۋا اگەنتتىگى، 11 - ايدىڭ 29 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 29 - كۇنى تۇستەن كەيىن حالىق سارايىندا بەينە ەكران تاسىلىمەن قازاقستاننىڭ زۇڭليى سمايلوۆپەن جۇڭگو - قازاقستان زۇڭليلەرىنىڭ ديدارلاسۋىن وتكىزدى.
لي كىچياڭ مىنانى ءبىلدىردى: جۇڭگو مەن قازاقستان − دوس كورشىلەر، ديپلوماتيالىق قارىم - قاتىناس ورناتقان 30 جىلدان بەرى ەكى جاقتى قارىم - قاتىناس باياندى دامىپ، ەكى ەل مەن ەكى ەل حالىقتارىنا تيىمدىلىك جاسادى. بيىل 9 – ايدا ءتوراعا شي جينپيڭ قازاقستاندا ساپاردا بولىپ، جۇڭگو – قازاقستان قارىم - قاتىناسىنىڭ تىڭ دامۋشىلىقتارعا قول جەتكىزۋىن ىلگەرىلەتتى. جۇڭگو جاق قازاقستان جاقپەن جوعارى جىكتەگىلەردىڭ بارىس - كەلىسى مەن ءار جىكتەگىلەردىڭ تىلدەسۋىن جيىلەتىپ، دامۋ ستراتەگياسىن ۇشتاستىرۋدى كۇشەيتىپ، ءار سالاداعى ناقتى سەلبەستىكتى تەرەڭدەتىپ، وڭىرلىك جانە حالىقارالىق ىستەردەگى سايكەسۋدى، سەلبەسۋدى كۇشەيتىپ، جۇڭگو – قازاقستان قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن جانە دامۋىن اناعۇرلىم ويداعىداي قورعاۋدى قالايدى.
لي كىچياڭ مىنالاردى اتاپ كورسەتتى: جۇڭگو مەن قازاقستاننىڭ سەلبەستىك نەگىزى جاقسى، ءبىرىن - ءبىرى تولىقتاۋ ابزالدىعى كورنەكتى، وراسان زور كومەسكى كۇشكە جانە كەڭ بولاشاققا يە. ەكى جاقتىڭ ۇكىمەتتەر ارا ەكونوميكا - ساۋدا سەلبەستىگى جوباسىن ويداعىداي تياناقتاندىرىپ، قارجى قوسۋدى قورعاۋدىڭ جاڭا كەلىسىمىنە جانە ءوندىرىس قۋاتى مەن قارجى قوسۋ سەلبەستىك جوباسىنا جەدەل قول قويىپ، ۇلاستىرۋ - تۇتاستىرۋ دەڭگەيى مەن شەكارا وتكەلدەرىنىڭ زات وتكىزۋ مولشەرىن جوعارىلاتىپ، ەكى جاقتى ساۋدا دەڭگەيىنىڭ ۇزدىكسىز جوعارىلاۋىن جەبەۋىن ءۇمىت ەتەمىن. ەنەرگيا سەلبەستىگى − ەكى ەلدىڭ ناقتى سەلبەستىگىنىڭ ورنىقتىرعىشى، قازاقستاننىڭ توقتامداعى بەلگىلەمە بويىنشا جۇڭگونى گازبەن قامداۋدىڭ ورنىقتىلىعىن قامتاماسىز ەتۋىن ءارى قىس ماۋسىمىنداعى گازبەن قامداۋ مولشەرىن مۇمكىندىكتىڭ بارىنشا ارتتىرۋىن ءۇمىت ەتەمىن. جۇڭگو جاق قازاقستاننىڭ ساپالى، جاسىل ەگىن، مال شارۋاشىلىق ونىمدەرىن يمپورت ەتۋدى كەڭەيتۋدى قالايدى. ەكى جاقتىڭ فينانس، شەكارا اتتاعان ەلەكتروندىق ساۋدا سياقتى سالالاردا سەلبەستىكتىڭ جاڭا ارتۋ تۇيىندەرىن تابۋىنا بولادى. گۋمانيتارلىق اۋىس - كۇيىستى كۇشەيتىپ، حالىق تىلەگىنىڭ توعىسۋىن كۇشەيتىپ، ءوزارا ۆيزاسىز كەڭەسۋ اياق الىسىن ۇزدىكسىز ىلگەرىلەتىپ، ەكى ەل ادامدارىنىڭ بارىس - كەلىسىنە اناعۇرلىم قولايلىلىق جاساۋ كەرەك.
سمايلوۆ مىنانى ءبىلدىردى: قازاقستان جاق جۇڭگومەن قاتىناسىنا ايرىقشا ءمان بەرەدى، قازاقستان مەن جۇڭگونىڭ ديپلوماتيالىق قارىم - قاتىناس ورناتقانىنىڭ 30 جىلدىعىن وراي ەتىپ، جۇڭگومەن ساياسي سەنىمدىلىكتى تەرەڭدەتىپ، ۇكىمەتتەر اراسىنداعى ەكونوميكا - ساۋدا سەلبەستىك جوباسىن ويداعىداي تياناقتاندىرىپ، ەكونوميكا - ساۋدا، ءوندىرىس قۋاتى، ەنەرگيا، اۋىل شارۋاشىلىعى، ۇلاستىرۋ - تۇتاستىرۋ، گۋمانيتارلىق سياقتى سالالارداعى اۋىس - كۇيىستى، سەلبەستىكتى كۇشەيتىپ، ادامداردىڭ بارىس - كەلىسىن ارتتىرىپ، قازاقستان مەن جۇڭگونىڭ ماڭگىلىك جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتۋدى قالايدى.
ۋاڭ ي، حى ليفىڭ قاتارلىلار ديدارلاسۋدا بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
