بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا حابارلاندىرۋ
2022.11.30 22:09 كەلۋ قاينارى : حالىق تورابى
 |
جياڭ زىمين جولداستىڭ سۋرەتى. شينحۋا اگەنتتىگى جولداعان
|
شينحۋا اگەنتتىگى، 11 – ايدىڭ 30 – كۇنى، بەيجيڭ
جۇڭگو كوممۋنيستىك پارتياسى ورتالىق كوميتەتىنىڭ
جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ تۇراقتى كوميتەتىنىڭ
جۇڭحۋا حالىق رەسپۋبليكاسىنىڭ مەملەكەتتىك كەڭەسىنىڭ
جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ
جۇڭگو كوممۋنيستىك پارتياسىنىڭ جانە جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ
بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا حابارلاندىرۋى
جۇڭگو كوممۋنيستىك پارتياسى ورتالىق كوميتەتى، جۇڭحۋا حالىق رەسپۋبليكاسى مەملەكەتتىك حالىق قۇرىلتايى تۇراقتى كوميتەتى، جۇڭحۋا حالىق رەسپۋبليكاسى مەملەكەتتىك كەڭەسى، جۇڭگو حالىق ساياسي ءماسليحات كەڭەسى مەملەكەتتىك كوميتەتى، جۇڭگو كوممۋنيستىك پارتياسى جانە جۇڭحۋا حالىق رەسپۋبليكاسى ورتالىق اسكەري ىستەر كوميتەتى بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا توتەنشە قايعىرا وتىرىپ مىنانى حابارلاندىرادى: قادىرمەندى جولداسىمىز جياڭ زىمين اق قان اۋرۋىنا شالدىعىپ، كوپتەگەن دەنە مۇشەسىنىڭ قىزمەتى السىرەپ، قۇتقارۋ ءونىم بەرمەي، 2022 - جىلى 11 - ايدىڭ 30 - كۇنى ساعات 12 دەن 13 مينۋت وتكەندە شاڭحايدا 96 جاسىندا قايتىس بولدى.
جياڭ زىمين جولداس — پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان وسكەلەڭ بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ءىسىنىڭ كورنەكتى باسشىسى، پارتيا ورتالىق كوميتەتىنىڭ ءۇشىنشى ۇرپاق باسشىلىق كوللەكتيۆىنىڭ ۇيىتقىسى، «ۇشكە ۋاكىلدىك ەتۋ» ماڭىزدى يدەياسىنىڭ نەگىزگى جاراتۋشىسى.
جياڭ زىمين جولداس جاس ءوسپىرىم كەزىنەن باستاپ قۇلشىنا ۇيرەنىپ، اقيقاتقا تالپىنىپ، وتانشىلدىق يدەيا مەن دەموكراتيالىق توڭكەرىس يدەياسىنان ءنار الدى. داشۋەدە وقىپ جاتقان كەزىندە جاپون شاپقىنشىلارىنا قارسى وتانشىلدىق قيمىلعا بەلسەنە قاتىناسۋ ارقىلى جياڭ زىمين جولداس دۇنيەگە ماركسيزمدىك كوزقاراس قالىپتاستىرىپ، ءومىر جولىن تاڭداۋدى ورىنداپ، ەڭ سوڭىندا ۇلت ازاتتىعى، حالىقتىڭ باقىتى ءۇشىن كۇرەس جاسايتىن ومىرلىك مۇرات پەن سەنىمدى ورناتتى. 1947 – جىلى شاڭحاي قاتىناس داشۋەسىن بىتىرگەننەن كەيىن، جياڭ زىمين جولداس زاۆودقا كەلىپ قىزمەت ىستەدى، جۇمىسشىلار بۇقاراسى اراسىندا جانە جاستار قوعامىنىڭ كەشكى مەكتەبىندەگى كاسىپتىك جاستار اراسىندا توڭكەرىستىك ۇگىت قىزمەتىمەن شۇعىلداندى، 1949 – جىلى جۇمىسشىلار بۇقاراسىن زاۆودتى قورعاۋ قيمىلىن ورىستەتۋگە ۇيىمداستىرىپ، شاڭحايدىڭ ازاتتىعىن قارسى الدى.
جۇڭحۋا حالىق رەسپۋبليكاسى قۇرىلعان العاشقى مەزگىلدە جياڭ زىمين جولداس ىلگەرىندى - كەيىندى شاڭحاي يمين ازىق - تۇلىك 1 - زاۆودى باستىعىنىڭ ءبىرىنشى ورىنباسارى، شاڭحاي سابىن زاۆودى باستىعىنىڭ ءبىرىنشى ورىنباسارى، 1 - ماشينا ونەركاسىپ مينيسترلىگى شاڭحاي 2 - جوبالاۋ بولىمشە مەكەمەسى ەلەكتر جابدىقتارى كاسىپتىك ءبولىمىنىڭ باستىعى سياقتى مىندەتتەردى وتەدى. 1954 - جىلى مەملەكەت چاڭچۇندە 1 - اۆتوموبيل زاۆودىن سالعاندا، قىرۋار كاسىپتىك تەحنيكالىق كادرلار مەن باسقارۋشى كادرلار قاجەت بولىپ، جياڭ زىمين جولداس وسىندا جوتكەلىپ باردى، 1955 - جىلى سوۆەت وداعىنىڭ موسكۆا قالاسىنداعى ستالين اۆتوموبيل زاۆودىنا بارىپ پراكتيكا جاسادى. 1956 - جىلى ەلگە ورالعاننان كەيىن جياڭ زىمين جولداس چاڭچۇن 1 - اۆتوموبيل زاۆودى ەنەرگيا باسقارماسى باستىعىنىڭ ورىنباسارى، باس ەنەرگەتيكتىڭ ورىنباسارى، ەنەرگيا بولىمشە زاۆودىنىڭ باستىعى بولدى. 1962 - جىلى جياڭ زىمين جولداس 1 - ماشينا ونەركاسىپ مينيسترلىگى شاڭحاي ەلەكتر جابدىقتارى عىلمي زەرتتەۋ ورنى باستىعىنىڭ ورىنباسارى بولىپ اۋىسىپ كەلىپ، وسى زەرتتەۋ ورنىنىڭ عىلمي زەرتتەۋ قىزمەتىنە باسشىلىق ەتۋگە جاۋاپتى بولدى. 1966 - جىلى جياڭ زىمين جولداس ۋحان جىلۋلىق ونەركاسىپ ماشينالارىن زەرتتەۋ ورنىنىڭ باستىعى، پارتكومنىڭ ۋاقىتتىق شۋجيى بولدى، كەيىن پارتكوم شۋجيى بولدى، اتوم ەنەرگياسى ارقىلى توك شىعارۋ جابدىقتارىن جوبالاۋ قىزمەتىن ۇيىمداستىردى. «مادەنيەت زور توڭكەرىسى» باستالعاننان كەيىن جياڭ زىمين جولداس سوققىعا ۇشىرادى. 1970 - جىلى جياڭ زىمين جولداس 1 – ماشينا ونەركاسىپ بولىمىنە اۋىسىپ كەلىپ قىزمەت ىستەدى، 1971 - جىلى جۇڭگو 1 - ماشينا ونەركاسىپ مينيسترلىگىنىڭ رۋمينياعا جىبەرگەن ماماندار گرۋپپاسىنىڭ 1 - باستىعى بولدى، 1973 - جىلى ەلگە ورالىپ، ىلگەرىندى - كەيىندى 1 - ماشينا ونەركاسىپ مينيسترلىگى سىرتقى ىستەر مەكەمەسى باستىعىنىڭ ورىنباسارى، باستىعى بولدى. 1980 - جىلى جياڭ زىمين جولداس مەملەكەتتىك يمپورت - ەكسپورت باسقارۋ كوميتەتى، مەملەكەتتىك شەتەل قارجىسىن باسقارۋ كوميتەتى مەڭگەرۋشىسىنىڭ ورىنباسارى، قوسىمشا باس حاتشىسى، پارتيا باسشىلىق گرۋپپاسىنىڭ مۇشەسى بولىپ، گۋاڭدۇڭ، فۋجيان ولكەلەرىنىڭ ەرەكشە ساياسات، يكەمدى شارالار قولدانۋى جانە ەكونوميكالىق ەرەكشە رايوندى سىناق رەتىندە قۇرۋ سياقتى باستاما قىزمەتتەردى باسقاردى. 1982 - جىلى جياڭ زىمين جولداس ەلەكترون ونەركاسىبى مينيسترلىگى مينيسترىنىڭ ءبىرىنشى ورىنباسارى، پارتگرۋپپاسى شۋجيىنىڭ ورىنباسارى بولدى، 1983 - جىلى مينيسترى، پارتگرۋپپا شۋجيى بولىپ، ەلىمىزدىڭ ەلەكترون ونەركاسىبىن دامىتۋ جولىندا ماڭىزدى ۇلەس قوستى. 1982 - جىلى 9 – ايدا جياڭ زىمين جولداس پارتيانىڭ مەملەكەتتىك 12 - قۇرىلتايىندا ورتالىق كوميتەتتىڭ مۇشەلىگىنە سايلاندى.
1985 - جىلى جياڭ زىمين جولداس شاڭحاي قالاسىنىڭ باستىعى، ج ك پ شاڭحاي قالالىق پارتكوم شۋجيىنىڭ ورىنباسارى بولدى. 1987 - جىلى جياڭ زىمين جولداس پارتيا 13 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە ج ك پ ورتالىق كوميتەتى ساياسي بيۋروسىنىڭ مۇشەلىگىنە سايلاندى، سونداي - اق ج ك پ شاڭحاي قالالىق پارتكومنىڭ شۋجيى بولدى. شاڭحاي قالاسىنىڭ باستىعى، قالالىق پارتكومنىڭ شۋجيى مىندەتىن وتەگەن كەزدە جياڭ زىمين جولداس شاڭحايداعى قالىڭ كادرلار مەن بۇقارانى باستاپ، رۋحتى سەرپىلتىپ، باتىلدىقپەن ىزدەنىس جاساپ، شاڭحايدىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىندا كەلەلى تابىستارعا قول جەتكىزۋىن ىلگەرىلەتتى، پۋدۇڭنىڭ كوركەيتۋ، ەسىك اشۋ ىستەرى قارىشتاپ دامىپ، پارتيا قۇرىلىسىندا، رۋحاني وركەنيەت قۇرىلىسىندا، قوعامدىق قۇرىلىستا كەلەلى ىلگەرىلەۋشىلىككە قول جەتكىزۋدى ىلگەرىلەتتى. 1989 – جىلى كوكتەم مەن جازدىڭ ءولاراسىندا ەلىمىزدە اۋىر ساياسي جاڭجال تۋىلدى، جياڭ زىمين جولداس پارتيا ورتالىق كوميتەتىنىڭ بىلىقپالىققا تۋدى ايقىن ۇستاي وتىرىپ قارسى تۇرۋ، سوتسياليستىك مەملەكەت بيلىگىن قورعاۋ، حالىقتىڭ ءتۇبىرلى مۇددەسىن قورعاۋ جونىندەگى دۇرىس شەشىمىن قولداپ جانە اتقارىپ، قالىڭ پارتيا مۇشەلەرىنە، كادرلارعا، بۇقاراعا تىعىز ارقا سۇيەپ، شاڭحايدىڭ ورنىقتىلىعىن پارمەندى قورعادى.
1989 – جىلى پارتيا 13 – كەزەكتى ورتالىق كوميتەتىنىڭ ءتورتىنشى جالپى ماجىلىسىندە جياڭ زىمين جولداس ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ باس شۋجيى بولىپ سايلاندى. سول جىلى پارتيا 13 - كەزەكتى ورتالىق كوميتەتىنىڭ بەسىنشى جالپى ءماجىلىسى جياڭ زىمين جولداستى ج ك پ ورتالىق اسكەري ىستەر كوميتەتىنىڭ ءتوراعالىعىنا تاعايىنداۋدى ۇيعاردى. 1990 - جىلى 7 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندە جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلاندى.
جياڭ زىمين جولداس — پارتيانىڭ ءۇشىنشى بۋىن ورتالىق باسشىلىق كوللەكتيۆىنىڭ ۇيىتقىسى. 20 - عاسىردىڭ 80 - جىلدارىنىڭ سوڭى مەن 90 - جىلدارىنىڭ باسىندا حالىقارادا جانە ەل ىشىندە اۋىر ساياسي جاڭجال تۋىلىپ، دۇنيە جۇزىندە سوتسياليزم اۋىر بۇراڭدىققا تاپ بولدى، ەلىمىزدىڭ سوتسياليزم ىستەرىنىڭ دامۋى بۇرىن بولىپ كورىلمەگەن وراسان زور قيىنشىلىقتار مەن قىسىمدارعا تاپ بولدى. پارتيا مەن مەملەكەتتىڭ بولاشاعى مەن تاعدىرىن بەلگىلەيتىن وسىنداي كەلەلى تاريحي كەزەڭدە جياڭ زىمين جولداس پارتيا ورتالىق كوميتەتىنىڭ باسشىلىق كوللەكتيۆىن باستاپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا بەرىك سۇيەنىپ، تۋدى ايقىن ۇستاي وتىرىپ ءتورت نەگىزگى پرينسيپتە تاباندى بولىپ، مەملەكەتتىڭ تاۋەلسىزدىگىن، ابىرويىن، حاۋىپسىزدىگىن، ورنىقتىلىعىن قورعاپ، ەكونوميكالىق قۇرىلىس سىندى وزەكتە، رەفورما جاساپ، ەسىك اشۋدا بۇلجىماي تاباندى بولىپ، جۇڭگوشا سوتسياليزم ۇلى ءىسىن قورعادى، ەلىمىزدىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا اۋقىمىن اشتى.
پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن پارتيانىڭ 16 - قۇرىلتايىنا دەيىنگى 13 جىلدا حالىقارالىق جاعداي اۋمالى - توكپەلى بولدى، ەلىمىزدىڭ رەفورما جاساپ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسى قۇلاشىن كەڭ جايدى. حالىقاراداعى جانە مەملەكەت ىشىندەگى ەرەكشە كۇردەلى اۋقىمدا جياڭ زىمين جولداس پارتيا ورتالىق كوميتەتىنىڭ باسشىلىق كوللەكتيۆىن باستاپ، ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى ۇلى تۋىن بيىك ۇستاپ، پارتيانىڭ نەگىزگى لۋشيانىندا مىزعىماي بەرىك تۇرىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، ورايدى يگەرىپ، رەفورمانى تەرەڭدەتىپ، ەسىك اشۋدى كەڭەيتىپ، دامۋدى ىلگەرىلەتىپ، ورنىقتىلىقتى ساقتادى، سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزگى جۇلگەسىن تۇراقتاندىردى، سوتسياليزمنىڭ العاشقى ساتىسىنداعى جالپى مەنشىكتى نەگىز ەتكەن، كوپ ءتۇرلى مەنشىكتەگى شارۋاشىلىق قاتار دامىتىلاتىن نەگىزگى ەكونوميكالىق ءتۇزىم مەن ەڭبەگىنە قاراي ءبولۋدى نەگىز ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن تۇراقتاندىردى، رەفورما، دامۋ جانە ورنىقتىلىقتى ىلگەرىلەتۋدەگى ءبىرقىدىرۋ باعىت - ساياسات جانە ماڭىزدى ستراتەگيالاردى جاسادى جانە اتقاردى، ەكونوميكالىق ءتۇزىلىس رەفورماسىن، ساياسي ءتۇزىلىس رەفورماسىن، مادەنيەت ءتۇزىلىسى رەفورماسىن جانە باسقا جاقتارداعى رەفورمالاردى قايسارلىقپەن ىلگەرىلەتتى، جاپپاي رەفورما جاساپ، ەسىك اشۋدىڭ جاڭا اۋقىمىن جاراتتى، مەملەكەتتى زاڭمەن باسقارۋ نەگىزگى جالپى جوباسىن اتقارىپ، «بەيبىت جولمەن بىرلىككە كەلتىرۋ، ءبىر ەل، ەكى ءتۇزىم» باعىتىندا تاباندى بولىپ، شياڭگاڭ جانە اۋمىننىڭ وتان قۇشاعىنا ءساتتى ورالۋىن ىسكە اسىردى، دەربەس، وزىنە ءوزى قوجا بولۋ نەگىزىندەگى بەيبىت ديپلوماتيا ساياساتىندا تاباندى بولىپ، ديپلوماتيا قىزمەتىنىڭ شىت جاڭا جاعدايىن اشتى، پارتيا قۇرىلىسىنىڭ جاڭا، ۇلى ينجەنەرياسىن ىلگەرىلەتىپ، سوتسياليستىك ماتەريالدىق وركەنيەت، ساياسي وركەنيەت، رۋحاني وركەنيەت قۇرىلىسىندا دۇنيە ءجۇزىن جالت قاراتقان تىڭ ىلگەرىلەۋشىلىككە قول جەتكىزۋدى جەبەپ، جۇڭگوشا سوتسياليزمدى 21 – عاسىرعا قاراي ءساتتى ىلگەرىلەتتى. جياڭ زىمين جولداستى ۇيىتقى ەتكەن پارتيا ورتالىق كوميتەتىنىڭ ءۇشىنشى ۇرپاق باسشىلىق كوللەكتيۆىنىڭ باسشىلىعىندا، ءبىز ەلىمىزدىڭ يەلىك ۇقىعى مەن حاۋىپسىزدىگىنە قاتىستى ءبىرقىدىرۋ حالىقارالىق توسىن وقيعالارعا بايىپتىلىقپەن توتەپ بەرىپ، ساياسي، ەكونوميكا سالاسىندا جانە تابيعات دۇنيەسىندە جارىققا شىققان قيىنشىلىقتار مەن حاۋىپ - قاتەرلەردى جەڭىپ، رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى كەمەسىنىڭ باستان - اياق دۇرىس بەتالىسپەن تولقىن جارا العا ىلگەرىلەۋىنە كەپىلدىك ەتتىك. پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرگى 13 جىلدا پارتيامىز بەن مەملەكەتىمىز قول جەتكىزگەن وراسان زور تابىستاردى جياڭ زىمين جولداستىڭ ماركسيزمدىك ساياساتشى رەتىندەگى اسقان دارىنىنان، شەشۋشى رولىنان، ەرەن ساياسي باسشىلىق ونەرىنەن بولە قاراۋعا بولمايدى.
جياڭ زىمين جولداس ورتالىق اسكەر كوميتەتىنىڭ ءتوراعاسى بولعان مەزگىلدە ىشكى - سىرتقى اۋقىمداعى زور وزگەرىس پەن دۇنيە جۇزىندەگى جاڭا اسكەر ىستەر وزگەرىسىنىڭ دامۋ بەت الىسىن تەرەڭ بارلاپ جانە يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋ تۋراسىندا ءبىرقىدىرۋ جاڭا تۇجىرىم، جاڭا شارالاردى ورتاعا قويىپ، ماۋ زىدۇڭنىڭ اسكەر ىستەر يدەياسى مەن دىڭ شياۋپيڭنىڭ جاڭا عاسىرداعى ارميا قۇرىلىسى يدەياسىن بايىتتى جانە دامىتتى، جياڭ زىميننىڭ مەملەكەت قورعانىسى جانە ارميا قۇرىلىسى يدەياسىن جاراتتى، مەملەكەت قورعانىسى مەن ارميانى وسىزامانداندىرۋ قۇرىلىسىنا باسشىلىق ەتۋدە وراسان زور تابىستارعا قول جەتكىزدى. جياڭ زىمين جولداس مىنالاردى دارىپتەگەن بولاتىن: مەملەكەت قورعانىسى قۇرىلىسى مەن ەكونوميكالىق قۇرىلىستى سايكەستى دامىتۋ باعىتىندا تاباندى بولىپ، حالىق ارمياسىن توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسىن كۇشەيتۋ؛ ساياسيدا تولىمدى، اسكەري ىستەردە ىسىلعان، ستيلى تاماشا، ءتارتىبى قاتاڭ، قامتاماسىزداندىرۋى پارمەندى بولۋ سىندى جالپى تالاپقا ساي، جەڭىسكە جەتۋ، ساپاسىن وزگەرتپەۋ سىندى ەكى تاريحي تاقىرىپتى تىعىز ارقاۋ ەتىپ، حالىق ارمياسى قۇرىلىسىن جاپپاي ىلگەرىلەتۋ؛ پارتيانىڭ حالىق ارمياسىنا شارتسىز باسشىلىعىندا بۇلجىماي تاباندى بولىپ، يدەيالىق - ساياسي قۇرىلىستى باستان - اياق ارميامىزدىڭ ءتۇرلى قۇرىلىستارىندا ماڭداي الدى ورىنعا قويىپ، حالىق ارمياسىنىڭ سيپاتىن، قاسيەتىن، ستيلىن ماڭگى ساقتاۋ؛ بەلسەندى قورعانۋ سىندى اسكەري ستراتەگيالىق باعىتتى دايەكتىلەندىرىپ، جۇڭگوشا اسكەري بۇرىلىستى ىلگەرىلەتىپ، ينفورماتسيالانعان ارميا قۇرۋ، ينفورماتسيالانعان سوعىستا جەڭىپ شىعۋ نىساناسى بويىنشا، اسكەر سۇرىپتاۋدىڭ جۇڭگوشا جولىمەن جۇرۋدەن اۋىتقىماي، ارميامىزدىڭ وسىزاماندانۋىنىڭ قارىشتاپ دامۋىن جۇزەگە اسىرۋ؛ ارميانى عىلىم - تەحنيكامەن قۇدىرەتتەندىرۋ ستراتەگياسىن اتقارىپ، ارميانى قاتاڭ باسقارۋدا، ارميانى زاڭ بويىنشا باسقارۋدا، ارميانى ۇقىپتىلىقپەن، ۇنەمشىلدىكپەن قۇرۋدا تاباندى بولىپ، جاڭا تاريحي شارت - جاعدايدا ارميانى باسقارۋدىڭ ەرەكشەلىگى مەن زاڭدىلىعى جونىندە ىزدەنىس جاساپ، ارميامىزدىڭ ءتۇرلى قۇرىلىسىن داۋىرمەن بىرگە ىلگەرىلەتۋ؛ قورعانىس عىلىم - تەحنيكاسى، ونەركاسىپ ءتۇزىلىسى رەفورماسىن تەرەڭدەتىپ، دەربەس جاڭالىق جاراتۋ قۋاتىن ارتتىرىپ، قورعانىس عىلىم - تەحنيكاسى مەن قارۋ - جاراقپەن جابدىقتاۋدىڭ دامۋىن تەزدەتىپ، ارميانى وسىزامانداندىرۋ قۇرىلىسىنىڭ قوسىلىمى ءبىرشاما از، ونىمدىلىگى ءبىرشاما جوعارى جولىمەن ءجۇرۋ؛ بەيبىت كەزدەگى مەن سوعىس كەزىندەگىنى ۇشتاستىرۋ، اسكەري ونەركاسىپ پەن حالىقتىق ونەركاسىپتى ۇشتاستىرۋ، ارميا مەن حالىقتى توعىستىرۋ باعىتى بويىنشا، مەملەكەت قورعانىسىنا جۇمىلدىرۋ قۋاتىن جوعارىلاتىپ، جوعارى تەحنيكا جاعدايىنداعى حالىقتىق سوعىستىڭ ستراتەگياسى مەن تاكتيكاسىن دامىتىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەۋ كەرەك. وسىنىڭ ءبارى مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋدە ۇزاق بولاشاقتىق جەتەكشى مانگە يە.
جياڭ زىمين جولداس ماركسيزمدىك يدەيالىق لۋشياندا بەرىك تۇرىپ، امالياتقا، بۇقاراعا قۇرمەت ەتىپ، عاسىر ەرەكشەلىگىن دۇرىس يگەرىپ، پارتيامىزدىڭ تاريحى ورنىنا عىلىمي تۇجىرىم جاساپ، جۇڭگوشا سوتسياليزم قۇرۋ نەگىزگى تاقىرىبىن توڭىرەكتەپ، رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى، پارتيانى، مەملەكەتتى، ارميانى باسقارۋ سياقتى جاقتاردا ءبىرقىدىرۋ جاڭا يدەيا، جاڭا كوزقاراس، جاڭا تۇجىرىمدى ورتاعا قويىپ، پارتيانىڭ نەگىزگى نازارياسىندا، نەگىزگى لۋشيانىندا، نەگىزگى باعدارلاماسىندا، نەگىزگى تاجىريبەسىندە تاباندى بولۋعا جانە ونى دامىتۋعا كورنەكتى ۇلەس قوستى. اسىرەسە، ول بۇكىل پارتيانىڭ اقىل - پاراساتىن شوعىرلاندىرىپ، «ۇشكە ۋاكىلدىك ەتۋ» ماڭىزدى يدەياسىن جاراتىپ، پارتيانىڭ جەتەكشى يدەيا جاعىندا تاعى دا داۋىرمەن بىرگە العا باسۋىن ىسكە اسىرىپ، ناعىز ماركسيزمشىنىڭ اسا زور باتىلدىعى مەن نازاريالىق باتىلدىعىن ايگىلەدى. «ۇشكە ۋاكىلدىك ەتۋ» ماڭىزدى يدەياسىندا بىلاي دەپ دارىپتەلدى: پارتيامىز جۇڭگونىڭ العاباسار وندىرگىش كۇشتەرىنىڭ دامۋ تالابىنا، جۇڭگونىڭ العاباسار مادەنيەتىنىڭ العا ىلگەرىلەۋ باعىتىنا، جۇڭگوداعى ەڭ كەڭ حالىقتىڭ ءتۇبىرلى مۇددەسىنە باستان - اياق ۋاكىلدىك ەتەدى، بۇل يدەيا ادامزات تاريحىنىڭ دامىپ، العا ىلگەرلەۋىنىڭ جالپى زاڭدىلىعىنا بويسۇندى، ءداۋىردىڭ دامۋ اۋقىمى مەن ەلىمىز قوعامىنىڭ دامۋ تالابىنا سايكەستى، بۇكىل ەلدەگى ءار ۇلت حالقىنىڭ مۇددەسى مەن تىلەگىن بەينەلەدى، جاڭا جاعدايدا پارتيانىڭ بيلىك جۇرگىزۋ قابىلەتىن جوعارىلاتۋدىڭ، پارتيانىڭ بيلىك جۇرگىزۋ ورنىن بەكەمدەۋدىڭ، پارتيانىڭ بيلىك جۇرگىزۋ بورىشىن ورىنداۋدىڭ نەگىزىن مىقتى يگەردى. «ۇشكە ۋاكىلدىك ەتۋ» ماڭىزدى يدەياسىنىڭ ەڭ ايقىن ەرەكشەلىگى جانە ەڭ كورنەكتى ۇلەسى ءبىرقىدىرۋ تىعىز بايلانىسقان، ءوزارا ساباقتاستىرىلعان جاڭا يدەيا، جاڭا كوزقاراس، جاڭا تۇجىرىمدار ارقىلى سوتسياليزم دەگەن نە، سوتسياليزمدى قالاي قۇرۋ كەرەك دەگەن ماسەلەگە ىشكەرىلەي جاۋاپ بەرىپ، قانداي پارتيا قۇرۋ، پارتيانى قانداي قۇرۋ كەرەك دەگەن ماسەلەگە جاسامپازدىقپەن جاۋاپ بەرگەنىندە، بۇل − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ جالعاستىرىلۋى جانە دامىتىلۋى، بۇل جاڭا ءداۋىر شارت - جاعدايىندا جۇڭگوشا سوتسياليزم ىستەرىن ىلگەرىلەتۋدىڭ، پارتيا قۇرىلىسىن كۇشەيتۋدىڭ زاڭدىلىعى جونىندەگى تانىمىمىزدى تەرەڭدەتتى.
جياڭ زىمين جولداس پارتيا مەن حالىق ىستەرىنە ساياتىن كەلەلى ستراتەگيالىق ماسەلەلەرگە ايرىقشا ءمان بەردى. پارتيا 16 - قۇرىلتايىنا دايىندىق كورۋ كەزىندە جياڭ زىمين جولداس پارتيا مەن مەملەكەت ىستەرىنىڭ ۇزاق بولاشاقتىق دامۋى، پارتيا مەن مەملەكەتتىڭ باياندى تىنىشتىعى ءۇشىن، ءوزىنىڭ ەندىگارى ورتالىقتىڭ باسشىلىق مىندەتىن وتەمەيتىنىن، سونداي - اق ورتالىق كوميتەتتەن شەگىنەتىنىن، بۇل پارتيا مەن مەملەكەتتىڭ جوعارى جىكتەگى باسشىلارىنىڭ جاڭارۋىن جەبەۋگە ءتيىمدى بولاتىنىن ىرىقتىلىقپەن ورتاعا قويدى. پارتيا ورتالىق كوميتەتى جياڭ زىمين جولداستىڭ تالابىنا ماقۇل بولدى. سول كەزدەگى حالىقارالىق جاعدايدىڭ كۇردەلى دە قۇبىلمالى بولۋى، مەملەكەت قورعانىسى مەن ارميا قۇرىلىسى مىندەتىنىڭ اۋىر ەكەنى ەسكەرىلىپ، پارتيا 16 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جياڭ زىمين جولداستىڭ ج ك پ ورتالىق اسكەري ىستەر كوميتەتىنىڭ ءتوراعالىعى مىندەتىن وتەي تۇرۋىن ۇيعاردى. پارتيا 16 - كەزەكتى ورتالىق كوميتەتىنىڭ ءبىرىنشى جالپى ماجىلىسىنەن كەيىن جياڭ زىمين جولداس حۋ جينتاۋ جولداس باس شۋجي بولعان جاڭا كەزەكتى ورتالىق كوميتەت باسشىلىق كوللەكتيۆىنىڭ قىزمەتىن بار كۇشپەن قولداپ، پارتيا ورتالىق كوميتەتى وزىنە تاپسىرعان مىندەتتى بار كۇشپەن وتەدى. 2004 - جىلى جياڭ زىمين جولداس پارتيا مەن مەملەكەت ىستەرىنىڭ ۇزاق بولاشاقتىق دامۋى سىندى جالپى جاعدايدى شىعار ءتۇيىن ەتە وتىرىپ، پارتيا مەن مەملەكەت ورتالىق اسكەري ىستەر كوميتەتتەرىنىڭ ءتوراعالىق مىندەتىنەن بوساۋدى تاعى دا ىرىقتىلىقپەن العا قويدى، بۇل ونىڭ پارتيا مەن مەملەكەت ىستەرىنىڭ دامۋى جونىندەگى تەرەڭ تولعانىسىن تولىق ايگىلەدى.
باسشىلىق قىزمەت ورنىنان شەگىنگەننەن كەيىن جياڭ زىمين جولداس پارتيا ورتالىق كوميتەتىنىڭ قىزمەتىن باتىل قولداپ - قۋاتتادى، جۇڭگوشا سوتسياليزم ۇلى ىسىنە كوڭىل ءبولدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن باتىل قولدادى. 2006 - جىلى جياڭ زىمين جولداس «جياڭ زىمين شىعارمالارىنان تاڭدامالىلاردىڭ» 1 - تومىن، 2 - تومىن، 3 - تومىن رەداكسيالاۋعا ءوزى تىكەلەي جەتەكشىلىك ەتتى جانە ءبىر - بىرلەپ تەكسەرىپ بەكىتتى. «جياڭ زىمين شىعارمالارىنان تاڭدامالىلارعا» نەگىزىنەن جياڭ زىمين جولداستىڭ 20 - عاسىردىڭ 80 - جىلدارىنىڭ سوڭىنان 21 - عاسىردىڭ باسىنا دەيىنگى ۋاكىلدىك سيپاتقا جانە جاسامپازدىق سيپاتقا يە ماڭىزدى شىعارمالارى ەنگىزىلىپ، ءبىزدىڭ «ۇشكە ۋاكىلدىك ەتۋ» ماڭىزدى يدەياسىن اناعۇرلىم ىشكەرىلەي ۇيرەنۋىمىزگە، تۇسىنۋىمىزگە، جۇڭگوشا سوتسياليزمنىڭ ۇلى ىستەرى مەن پارتيا قۇرىلىسىنىڭ تىڭ دا ۇلى ينجەنەرياسىن ۇزدىكسىز ىلگەرىلەتۋىمىزگە ماڭىزدى وقۋلىق بولدى.
كوز اياسى كەڭ، اۋقىمدى باعامداي بىلەتىن جياڭ زىمين جولداس قاشان دا جۇڭگو مەن دۇنيە ءجۇزىنىڭ دامۋ اۋقىمىن، پارتيا مەن مەملەكەت قىزمەتىنىڭ جالپى جاعدايىن شىعار ءتۇيىن ەتە وتىرىپ ماسەلەلەرگە نازار اۋدارىپ جانە وي جۇگىرتىپ، نازاريادا جانە باسقا جاقتاردا جاڭالىق اشۋدى ۇزدىكسىز ىلگەرىلەتتى. سەنىمى بەرىك، ءىستى باتىلدىقپەن ءبىر جاقتى ەتەتىن جياڭ زىمين جولداس قاشان دا پارتيا مەن حالىقتى ەڭ جوعارى ورىنعا قويىپ، كوممۋنيستەردىڭ مۇرات - سەنىمىندە باستان - اياق تاباندى بولىپ وتىردى، شەشۋشى ساتتە باتىل شەشىم جاسايتىن ەرەكشە باتىلدىعى جانە نازاريادا جاڭالىق جاراتاتىن وراسان زور باتىلدىعى بار. جياڭ زىمين جولداس امالياتقا قۇرمەت ەتىپ، داۋىرمەن بىرگە العا باسىپ، قاشان دا ءداۋىردىڭ دامۋ اۋقىمى مەن ورايىن مىقتى يگەرىپ، پارتيا مەن حالىقتىڭ جاندى امالياتىن شىعار ءتۇيىن ەتە وتىرىپ تاجىريبەلەردى قورىتىندىلاپ، جول قاراستىرۋدا تاباندى بولىپ، پارتيا مەن مەملەكەتتىڭ ءتۇرلى قىزمەتتەرىن تىڭعىلىقتى ءارى ءورىس اشا وتىرىپ ىلگەرىلەتتى. جياڭ زىمين جولداس بۇقارانى قۇرمەتتەپ، بۇقاراعا كوڭىل ءبولىپ، حالىق بۇقاراسىنىڭ مۇڭ - مۇقتاجىنا قاي - قاشان دا باسا نازار اۋدارىپ، قىزمەتتى بارشا حالىقتىڭ ءتۇبىرلى مۇددەسى ارقىلى سىننان وتكىزدى جانە ىلگەرىلەتتى. جياڭ زىمين جولداستىڭ ۇزدىك ءمورالى مەن وسكەلەڭ قاسيەتى ماڭگى ءبىزدى العا ىلگەرلەۋگە تاربيەلەيدى، شابىتتاندىرادى.
جياڭ زىمين جولداستىڭ قايتىس بولۋى پارتيامىز، ارميامىز، ەلىمىزدەگى ءار ۇلت حالقى جونىنەن ولشەۋسىز جوعالتۋ بولدى. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن قايعىنى قايراتقا اينالدىرىپ، جياڭ زىمين جولداستىڭ مۇراتىنا مۇراگەرلىك ەتىپ، ءىس جۇزىندىك ارەكەتىمىز ارقىلى ازا بىلدىرۋگە ۇندەيدى.
ءبىز، ءسوز جوق، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم سانالىلىقپەن ىنتىماقتاسىپ، پارتيانىڭ نەگىزگى نازارياسىندا، نەگىزگى لۋشيانىندا، نەگىزگى جالپى جوباسىندا تاباندى بولىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىندىك توڭكەرىسىمەن قوعامدىق توڭكەرىسكە جەتەكشىلىك ەتىپ، پارتيامىزدىڭ اۋەلگى ماقساتتان، بورىشتان جازباي، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسىنا اينالۋىنا مۇمكىندىك جاساۋىمىز كەرەك.
ءبىز، ءسوز جوق، ماركسيزم - لەنينيزمدە، ماۋ زىدۇڭ يدەياسىندا، دىڭ شياۋپيڭ نازارياسىندا، «ۇشكە ۋاكىلدىك ەتۋ» ماڭىزدى يدەياسىندا، عىلمي دامۋ كوزقاراسىندا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋدا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، يدەيانى ازات ەتۋدە، شىندىقتى ءىس جۇزىنەن ىزدەۋدە، داۋىرمەن بىرگە العا باسۋدا، شىندىققا جۇگىنىپ، ناقتى ءىس ىستەۋدە تاباندى بولىپ، نازاريالىق ىزدەنىس جاساۋعا جانە جاڭالىق اشۋعا باتىل بولىپ، جاڭا ءداۋىردىڭ ۇلى امالياتى بارىسىندا ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشىپ، زامانىمىزداعى جۇڭگو ماركسيزمىنىڭ ءتىپتى دە شۋاقتى اقيقات شۇعىلاسىن شاشۋىنا مۇمكىندىك جاساۋىمىز كەرەك.
ءبىز، ءسوز جوق، جۇڭگو كوممۋنيستىك پارتياسىنىڭ باسشىلىعىندا، جۇڭگوشا سوتسياليزمدە بۇلجىماي تاباندى بولىپ، مەملەكەت پەن ۇلتتىڭ دامۋىن ءوز كۇشىمىزدىڭ نەگىزگى تۇيىنىنە قويۋدا تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، ءبىر نيەتپەن ىنتىماقتاسىپ، جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن قۇلشىنىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزات وركەنيەتىنىڭ جاڭا فورماتسياسىن جاراتۋىمىز كەرەك.
ءبىز، ءسوز جوق، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولىپ، بۇقارالىق كوزقاراستى بەرىك ورناتىپ، بۇقارالىق لۋشياندى دايەكتىلەندىرىپ، حالىقتىڭ جاسامپازدىق رۋحىنا قۇرمەت ەتىپ، بارلىعىن حالىق ءۇشىن ىستەۋدە، بارلىعىندا حالىققا سۇيەنۋدە تاباندى بولىپ، بۇقارادان الىپ، بۇقاراعا قايتارىپ، حالىق بۇقاراسىمەن ەتەنە بايلانىستى باستان - اياق ساقتاپ، حالىقپەن تىنىستاس، تاعدىرلاس، تىلەكتەس بولۋىمىز كەرەك.
ءبىز، ءسوز جوق، «ۇشكە ۋاكىلدىك ەتۋ» ماڭىزدى يدەياسىن قۇلشىنا ۇيرەنىپ، جياڭ زىمين جولداستىڭ توڭكەرىستىك رۋحى مەن توڭكەرىستىك قاسيەتىنەن ۇيرەنىپ، ونىڭ ماركسيزمدىك مايدان، كوزقاراس، ءادىس ارقىلى جاڭا جاعدايلاردى زەرتتەيتىن، جاڭا ماسەلەلەردى شەشەتىن عىلمي پوزيتسياسى مەن جاسامپازدىق رۋحىنان ۇيرەنىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ جولىندا ىنتىماقتاسا كۇرەس جۇرگىزۋىمىز كەرەك.
جۇڭحۋا ۇلتىنىڭ ۇلى گۇلدەنۋ ىسىنە جياڭ زىمين جولداستى قامتىعان نەشە ۇرپاق كوممۋنيستەردىڭ جۇرەك قانى مەن كۇرەس ەڭبەكتەرى سىڭگەن. العا باسۋ جولىندا بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، سەنىمدى بەكەمدەپ، ءبىر نيەت، ءبىر تىلەكتە بولىپ، شوگەلدىكپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك.
جياڭ زىمين جولداس ماڭگى جاسايدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
