بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

10 - ايدا شينجياڭنىڭ ەلەكترىن سىرتقا جەتكىزۋدەگى جاڭا ەنەرگيالى ەلەكتر مولشەرى %30تەن استى

2022.12.01 16:48     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 29 - كۇنى ۇرىمجىدەن حابارلايدى. شينجياڭ ەلەكتر ساۋدا ورتالىعى شەكتى سەرىكتەستىگىنەن ۇعىسۋىمىزشا، 10 - ايدا رايونىمىزدىڭ شينجياڭنىڭ ەلەكترىن سىرتقا جەتكىزۋدەگى ەلەكتر مولشەرى 7 ميلليارد 643 ميلليون كيلوۆات ساعات بولعان، مۇنىڭ ىشىندە سىرتقا جەتكىزىلگەن جاڭا ەنەرگيالى ەلەكتر مولشەرى 2 ميلليارد 638 ميلليون كيلوۆات ساعات بولىپ، جالپى سىرتقا جەتكىزىلگەن ەلەكتر مولشەرىنىڭ %30تەن استامىن يەلەگەن. وسى جاڭا ەنەرگيالى ەلەكتر مولشەرى 800 مىڭ توننا ولشەمدى كومىردى از جاققانمەن، 2 ميلليون 154 مىڭ 600 توننا كومىرتەگى قوس توتىعىن، 6800 توننا كۇكىرت قوس توتىعىن، 5900 توننا ازوت وكسيدتەتىن از شىعارعانمەن بارابار بولعان.

  10 - ايدا شينجياڭنىڭ ەلەكترىن سىرتقا جەتكىزەتىن 4 ارنانىڭ ىشىندە شينجياڭنىڭ باتىس سولتۇستىك نەگىزگى جەلىسىمەن تۇتاساتىن 750 كيلوۆولتتىق 1 -، 2 - ارناسىنىڭ سىرتقا جەتكىزگەن ەلەكتر مولشەرى ءبىر ميلليارد 523 ميلليون كيلوۆات ساعات، قۇمىلدىڭ وڭتۇستىگى − جىڭجوۋ 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ (تومەندە قىسقارتىلىپ تيان − جۇڭ تۇراقتى توگى دەلىنەدى) سىرتقا جەتكىزگەن ەلەكتر مولشەرى 3 ميلليارد 266 ميلليون كيلوۆات ساعات، سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ (تومەندە قىسقارتىلىپ جي − چۋان تۇراقتى توگى دەلىنەدى) سىرتقا جەتكىزگەن ەلەكتر مولشەرى 2 ميلليارد 854 ميلليون كيلوۆات ساعات بولدى.

  جي − چۋان تۇراقتى توگىن جىلدىق تەكسەرۋ - جوندەۋ قىزمەتىنىڭ ىقپالى سەبەبىنەن، 10 - ايدا تيان − جۇڭ تۇراقتى توگىمەن سىرتقا جەتكىزىلگەن ەلەكتر مولشەرى سىرتقا جەتكىزىلگەن جالپى ەلەكتر مولشەرىنىڭ %73. 42 يەلەدى، بۇل بيىل تيان − جۇڭ تۇراقتى توگىن سىرتقا جەتكىزۋ ايلىق ەلەكتر مولشەرىنىڭ جي − چۋان تۇراقتى توگىنەن تۇڭعىش رەت اسۋى بولىپ تابىلادى.

  سوڭعى جىلدارى شينجياڭ ”3 بازا، ءبىر ارنا“ قۇرىلىسىن جاپپاي جەدەلدەتىپ، جاڭا ەنەرگيا كاسىپ سالاسىن بار كۇشپەن دامىتتى. قازىرگە دەيىن شينجياڭ ەلەكتر تورىنىڭ جاڭا ەنەرگيالى گەنەراتور اگراگاتتار سيىمدىلىعى جيىنى 38 ميلليون 64 مىڭ 250 كيلوۆاتقا جەتىپ، شينجياڭ ەلەكتر تورى گەنەراتور اگراگاتتارى جالپى مولشەرىنىڭ %64. 34 ىن يەلەدى، مۇنىڭ ىشىندە جەل ەلەكتر گەنەراتور اگراگاتتارى سيىمدىلىعى 24 ميلليون 908 مىڭ 250 كيلوۆات، فوتوۆولتتىق گەنەراتور اگراگاتتارى سيىمدىلىعى 13 ميلليون 156 مىڭ كيلوۆات بولدى.

  شينجياڭنىڭ تازا ەنەرگيا اشۋدى جەدەلدەتۋىنە بايلانىستى، شينجياڭنىڭ سىرتقا جەتكىزگەن ەلەكترىندە جاڭا ەنەرگيانىڭ يەلەگەن سالىستىرماسى بىرتىندەپ جوعارىلاپ، بيىل 10 - ايدىڭ سوڭىنا دەيىن جالپى سىرتقا جەتكىزىلگەن جاڭا ەنەرگيالى ەلەكتر مولشەرىنىڭ سىرتقا جەتكىزىلگەن ەلەكتر جالپى مولشەرىندە يەلەگەن سالىستىرماسى %30تەن استى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار