حالىق تورابى

شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى

2022.12.01 16:43 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

11 - ايدىڭ 30 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

　　شينحۋا اگەنتتىگى، 11 - ايدىڭ 30 - كۇنى، بەيجيڭ. 11 - ايدىڭ 30 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى. ەكى جاق مىنانى دارىپتەدى: «ۇزاق ۋاقىت ورنىقتى بولۋ، تاتۋ كورشى بولۋ، ءبىر - بىرىنە سەنۋ، جان - جاقتى سەلبەسۋ» باعىتى مەن «جاقسى كورشى، جاقسى دوس، جاقسى جولداس، جاقسى سەرىك» رۋحىنان جازباي، ساياسي جاقتا ءبىرىن - ءبىرى قۇرمەتتەپ، ءبىر - بىرىنە سەنىم ارتىپ، ەكونوميكالىق جاقتا ءوزارا تيىمدىلىك جاساپ، ءوزارا پايدا جەتكىزىپ، گۋمانيتارلىق جاقتا ءبىرىن - ءبىرى ءتۇسىنىپ، ءوزارا جاقىن بولىپ، جۇڭگو - لاوس تاعدىرلاس ورتاق تۇلعاسى قۇرىلىسىن ۇزدىكسىز تەرەڭدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى قۇلشىنىس جاساۋ جانە ۇلەس قوسۋ كەرەك.

　　شي جينپيڭ اۋەلى مىنالاردى ءبىلدىردى: جياڭ زىمين جولداس ناۋقاستان قۇتقارۋ ءونىم بەرمەي بۇگىن شاڭحايدا دۇنيە سالدى. جياڭ زىمين جولداس − جۇڭگو پارتياسى، ارمياسى جانە ءار ۇلت حالقى جاپپاي مويىنداعان وسكەلەڭ بەدەلگە يە كورنەكتى باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ كورنەكتى باسشىسى، جۇڭگو كوممۋنيستىك پارتياسى ورتالىق كوميتەتىنىڭ ءۇشىنشى ۇرپاق باسشىلىق كوللەكتيۆىنىڭ ۇيىتقىسى، «ۇشكە ۋاكىلدىك ەتۋ» ماڭىزدى يدەياسىنىڭ نەگىزگى جاراتۋشىسى. ءبىز جياڭ زىمين جولداسقا قايعىلى ازا ءبىلدىرىپ، قايعىنى قايراتقا اينالدىرىپ، ج ك پ 20 - قۇرىلتايىنىڭ ورنالاستىرۋى بويىنشا، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەمىز.

　　تۇڭلۇن جياڭ زىمين جولداستىڭ دۇنيەدەن وتۋىنە قايعىلى ازا ءبىلدىردى. ول مىنالاردى ءبىلدىردى: بۇل − جۇڭگو پارتياسى مەن حالقىنىڭ وراسان زور جوعالتۋى، لاوس پارتياسى مەن حالقى دا قاتتى قايعىرىپ وتىر. جياڭ زىمين جولداس پارتيا مەن مەملەكەتتىڭ نەگىزگى باسشىسى بولعان مەزگىلدە جۇڭگو حالقىن باستاپ ماڭىزدى دامۋ جەتىستىكتەرىنە قول جەتكىزىپ، جۇڭگوشا سوتسياليزم ىستەرىنە ماڭىزدى ۇلەستەر قوستى. جياڭ زىمين جولداس − لاوس پارتياسى مەن حالقىنىڭ جاقىن دوسى، 2000 - جىلى لاوسقا ساپارلاي بارعاندا «ون التى ارىپتىك باعىتتى» العا قويىپ، لاوس - جۇڭگو قاتىناسىنىڭ دامۋىندا ماڭىزدى جەتەكشىلىك رول اتقاردى. لاوس پارتياسى، ۇكىمەتى جانە حالقى جۇڭگولىق جولداستارمەن بىرگە ەكى ەلدىڭ دوستىق ىستەرىن ۇزدىكسىز ىلگەرىلەتەدى.

　　شي جينپيڭ مىنانى ءبىلدىردى: بىلتىردان بەرى مەن باس شۋجي تۇڭلۇن جولداسپەن كوپ ءتۇرلى تاسىلدەر ارقىلى تىعىز قارىم - قاتىناستى جالعاستىرىپ، جۇڭگو - لاوس قاتىناسىنىڭ دامۋى جانە تاعدىرلاس ورتاق تۇلعا قۇرىلىسى جونىندە كوپتەگەن ماڭىزدى ورتاق تانىمعا كەلدىك. مەن تۇڭلۇن باس شۋجي جولداسپەن بىرگە جۇڭگو - لاوس تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا، ورنىقتى قاداممەن الىسقا جەتۋىنە جەتەكشىلىك ەتىپ، ەكى ەل حالىقتارىن اناعۇرلىم ويداعىداي باقىتقا كەنەلتىپ، وسى ءوڭىردىڭ بەيبىتشىلىگى مەن ورنىقتىلىعىن، دامۋى مەن گۇلدەنۋىن جەبەۋدى قالايمىن.

　　شي جينپيڭ ج ك پ 20 - قۇرىلتايىنىڭ نەگىزگى جاعدايىن تانىستىرا كەلىپ مىنالاردى ءبىلدىردى: ج ك پ 20 - قۇرىلتايىندا ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ سياقتى كەلەلى ماسەلەلەر پايىمدالىپ، جاڭا ءداۋىر، جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى العا قويىلىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ كەرەكتىگى دارىپتەلدى. جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتىپ، جاڭا ەمتيحان الۋ جولىنا ءتۇستى. ءبىزدىڭ مۇنان دا زور تىڭ تابىستارعا جەتىپ، جۇڭگو كوممۋنيستىك پارتياسىنىڭ 20 - قۇرىلتايىندا بەلگىلەنگەن ءتۇرلى نىسانالار مەن مىندەتتەردى ءساتتى جۇزەگە اسىرۋعا سەنىمىمىز كامىل، قۋاتىمىز قاپتال جەتەدى.

　　شي جينپيڭ مىنالاردى ءبىلدىردى: لاوس حالىق توڭكەرىستىك پارتياسىنىڭ 11 - قۇرىلتايىنان بەرى كۇردەلى، قۇبىلمالى حالىقارا جانە مەملەكەت ءىشى اۋقىمى الدىندا لاوس حالىق توڭكەرىستىك پارتياسى ورتالىق كوميتەتى وزىندىك قۇرىلىستى كۇشەيتىپ، ءوز ەرەكشەلىگىنە سايكەس كەلەتىن سوتسياليزم جولىمەن جۇرۋدە تاباندى بولىپ، ساياسي، قوعامدىق ورنىقتىلىقتى جانە ەكونوميكانىڭ ءۇرتىس دامۋىن قۇلشىنا قورعادى، سونىمەن بىرگە، ءوڭىردىڭ تىنىشتىعىن، ورنىقتىلىعىن قورعاۋعا، وركەندەپ كەلە جاتقان ەلدەردىڭ ورتاق مۇددەسىن قورعاۋعا ۇلەس قوستى. باس شۋجي تۇڭلۇن جەتەكشىلىك ەتكەن لاوس حالىق توڭكەرىستىك پارتياسى ورتالىق كوميتەتىنىڭ پارمەندى باسشىلعىندا لاوس حالىقىنىڭ لاوس حالىق توڭكەرىستىك پارتياسىنىڭ 11 - قۇرىلتايىندا ورتاعا قويىلعان ءتۇرلى نىسانالى مىندەتتەردى، ءسوزسىز، ىسكە اسىرا الاتىنىنا سەنەمىن. جۇڭگو كوممۋنيستىك پارتياسى لاوس حالىق توڭكەرىستىك پارتياسىمەن ىنتىماقتى، سەلبەستىكتى، اۋىس - كۇيىستى، ءوزارا ۇلگى الۋدى كۇشەيتىپ، حالىقتى وزەك ەتكەن دامۋ يدەياسىندا تاباندى بولىپ، سوتسياليزم جولىمەن ءجۇرۋ سەنىمىن بەكەمدەپ، ادامزاتتىڭ وسىزاماندانۋىنىڭ جاڭا جولىن بىرگە قاراستىرۋدى قالايدى.

　　شي جينپيڭ مىنالاردى دارىپتەدى: جۇڭگو مەن لاوس ەكى ەلدىڭ تاۋ - وزەندەرى جالعاسقان، ەجەلدەن بەرى تۋىسقاندار سياقتى تاتۋ - ءتاتتى ءوتىپ كەلەدى. 2019 - جىلى 4 - ايدا جۇڭگو - لاوس تاعدىرلاس ورتاق تۇلعاسىن قۇرۋ ارەكەت جوسپارىنا قول قويىلعاننان بەرى جۇڭگو - لاوس ەكى جاق زەيىن - زەردەنى، كۇش - قۋاتتى شوعىرلاندىرىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ سۇبەلى تابىستارعا قول جەتكىزۋىن ىلگەرىلەتتى، اسىرەسە، جۇڭگو - لاوس تەمىر جولىن جۇڭگو، لاوس حالىقتارىنىڭ دامۋ جولى، باقىت جولى، دوستىق جولى ەتىپ قۇرىپ شىعىپ، ەكى ەل حالىقتارىنا وراسان زور باقىت اكەلۋمەن بىرگە، «ءبىر بەلدەۋ، ءبىر جولدى» بىرگە قۇرۋعا جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلگى كورسەتتى. جاڭا جاعدايدا ەكى جاق ەكى ەل قارىم - قاتىناسىنىڭ دۇرىس بەتالىسىن مىقتاپ يگەرىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ اۋىتقىماۋىنا، جىلدامدىعىنان ايىرىلماۋىنا شىنايى كەپىلدىك ەتۋى؛ حاۋىپسىزدىك نەگىزىن ۇزدىكسىز بەكەمدەپ، ساياسي حاۋىپسىزدىكتى بىرگە قورعاپ، زاڭ اتقارۋ حاۋىپسىزدىگى مەن قورعانىس ىستەرى سەلبەستىگىن ىلگەرىلەتۋى؛ مۇددەنىڭ توعىسۋى مەن دامۋ ستراتەگياسىنىڭ ۇشتاسۋىن تەرەڭدەتىپ، وسى ءوڭڭىردىڭ ۇلاستىرۋ - تۇتاستىرۋ ىستەرىن جانە سايكەستى دامۋىن ىلگەرىلەتۋى كەرەك؛ ەكونوميكا - ساۋدا، قارجى قوسۋ بارىس - كەلىسىن تەرەڭدەتۋدە جۇڭگو اناعۇرلىم كوپ جۇڭگو كاسىپورىندارىن لاوسقا بارىپ قارجى قوسۋعا شابىتتاندىرادى، لاوس جاقتىڭ اناعۇرلىم كوپ ساپالى ونىمدەرىنىڭ جۇڭگو بازارىنا كىرۋىن قارسى الامىز، جۇڭگو جاق لاوس جاقتىڭ قازىر ءدوپ كەلگەن قيىنشىلىقتاردى شەشۋىنە ۇزدىكسىز كومەك كورسەتەدى؛ عىلىم - تەحنيكا، وقۋ - اعارتۋ، مادەنيەت، ساياحات، دەنساۋلىق ساقتاۋ، جاستار سياقتى سالالارداعى اۋىس - كۇيىستى، سەلبەستىكتى ۇزدىكسىز كەڭەيتىپ، حالىق تىلەگىنىڭ توعىسۋىن كۇشەيتۋ كەرەك. جۇڭگو جاق لاوس جاقپەن لانساڭجياڭ وزەنى - مەكونگ وزەنى سەلبەستىگى، جۇڭگو - شىعىس وڭتۇستىك ازيا ەلدەرى وداعى سەلبەستىگى جۇلگەسىندەگى سايكەسۋدى تەرەڭدەتىپ، بۇكىل ادامزاتتىڭ ورتاق قۇنىن ساۋلەلەندىرىپ، دۇنيە ءجۇزىنىڭ بەيبىتشىلىگى مەن ورنىقتىلىعىن، دامىپ، گۇلدەنۋىن بىرگە قورعاۋدى قالايدى.

　　تۇڭلۇن مىنالاردى ءبىلدىردى: ج ك پ 20 - قۇرىلتايى − جۇڭگونىڭ جاڭا داۋىردەگى كەلەلى ءىسى، دۇنيە ءجۇزىنىڭ دامۋىنا ماڭىزدى ىقپال جاسايدى. دۇنيە ءجۇزى كۇردەلى وزگەرىستەردى باستان كەشىرىپ وتىرعان جاعدايدا جۇڭگو دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدىڭ تىرەگى بولىپ، ادامزاتتىڭ بىرگە دامۋىن جەبەۋگە جانە ادامزاتتىڭ تاعدىرلاس ورتاق تۇلعاسىن قۇرۋعا كۇش سالۋدا. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا، جۇڭگونىڭ، ءسوز جوق، ج ك پ 20 - قۇرىلتايىنىڭ رۋحىن جانە 20 - قۇرىلتايدا بەلگىلەنگەن ءتۇرلى نىسانالى مىندەتتەردى، ءسوز جوق، جاپپاي دايەكتى تياناقتاندىرىپ، ەكىنشى 100 جىلدىق كۇرەس نىساناسىن ۋاعىندا جۇزەگە اسىرا الاتىنىنا سەنەمىن.

　　تۇڭلۇن جۇڭگو جاقتىڭ ۇزاق ۋاقىتتان بەرى لاوستىڭ ەكونوميكالىق، قوعامدىق دامۋىنا كورسەتكەن قاستەرلى قولداۋى مەن كومەگىنە العىس ايتىپ، مىنالاردى ءبىلدىردى: لاوس پەن جۇڭگونىڭ ءداستۇرلى دوستىعى ۋاقىت وتكەن سايىن جاڭارىپ، ساياسي ءوزارا سەنىمدىلىگى ۇزدىكسىز تەرەڭدەدى، اسىرەسە، 2019 - جىلى لاوس - جۇڭگو تاعدىرلاس ورتاق تۇلعاسى ارەكەت جوسپارىنا قول قويىلعاننان بەرى ەكى جاق وسى جوسپاردى مۇقيات تياناقتاندىرىپ، ءار سالاداعى سەلبەستىگى ۇزدىكسىز كەڭەيىپ، تەرەڭدەپ، جۇڭگو جاقتىڭ لاوسقا كومەكتەسۋدەگى ماڭىزدى نىساندارى ءساتتى ىلگەرىلەتىلدى، اسىرەسە، لاوس - جۇڭگو تەمىر جولى سالىنىپ، لاوستىڭ ەكونوميكانى دامىتۋىندا ماڭىزدى تۇرتكىلىك رول اتقاردى. ەكى پارتيانىڭ، ەكى ەلدىڭ قاتىستى تاراۋلارىنىڭ جانە قۇرىلىمدارىنىڭ ءوزارا بارىس - كەلىستى جانە ەل باسقارۋ اۋىس - كۇيىسىن كۇشەيتىپ، ەكى ەلدىڭ اماندىق، مەملەكەت قورعانىسى سەلبەستىگىن بەكەمدەپ، تەرەڭدەتىپ، ەكونوميكا - ساۋدا، قارجى قوسۋ جاقتارىنداعى ناقتى سەلبەستىكتى كۇشەيتىپ، «ءبىر بەلدەۋ، ءبىر جول» باستاماسى مەن لاوستىڭ «تۇيىق قۇرلىقتىق ەلدەن توڭىرەكتى تۇتاستىرۋشى ەلگە اينالۋ» ستراتەگياسىن اناعۇرلىم جاندى بايلانىستىرىپ، ەكى ەل حالىقتارىنىڭ ءوزارا ءتۇسىنىسۋىن جانە گۋمانيتارلىق اۋىس - كۇيىسىن كۇشەيتىپ، لاوس - جۇڭگو قارىم - قاتىناسىنىڭ اناعۇرلىم زور دامۋىن جەبەۋىن ءۇمىت ەتەمىن.

　　كەڭەستەن كەيىن شي جينپيڭ مەن تۇڭلۇن ەكى جاقتىڭ ساياسي پارتيا، ەكونوميكا - ساۋدا، فينانس، مادەنيەت، وقۋ - اعارتۋ، جەرگىلىكتى ورىندار سياقتى سالالارداعى سەلبەستىك قۇجاتتارىنا قول قويۋىنا كۋا بولدى.

　　ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved