ساقتانۋ - تىزگىندەۋ شارالارىن ەگجەي - تەگجەيلى تياناقتاندىرىپ، ىندەتتى ءبىر جاقتى ەتۋدى ءونىمدى، ويداعىداي يگەرۋ كەرەك
− مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ءماجىلىسى وزەكتى ماسەلەلەرگە جاۋاپ بەردى
□ شينحۋا اگەنتتىگىنىڭ تىلشىلەرى جاڭ چۋان، لي حىڭ
2022.12.01 16:42 كەلۋ قاينارى : شينجياڭ گازەتى
قازىر جەر - جەر ىندەتتەن ساقتانۋ - تىزگىندەۋدى ويداعىداي ىستەۋدى ناقتى، ەگجەي - تەگجەيلى يگەرۋدە. ىندەتتەن ساقتانۋ - تىزگىندەۋدى قايتكەندە اناعۇرلىم دالمە - ءدال، اناعۇرلىم مەيىرلى ىستەۋگە بولادى؟ بولىمدى بولعان جۇعىمدالۋشىلاردى قالاي عىلمي جولمەن تۇرگە ءبولىپ ەمدەۋگە الۋعا بولادى؟ بۇقارا اڭىس ەتكەن شۇعىل، قيىن، ۋايىمداعان، ءزارۋ ماسەلەلەردى قالاي ءونىمدى شەشۋ كەرەك؟ مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى 11 - ايدىڭ 29 - كۇنى اقپار جاريالاۋ ءماجىلىسىن وتكىزىپ، قاتىستى وزەكتى ماسەلەلەر جونىندە قوعام ءجىتى قاداعالاپ وتىرعان ىستەرگە جاۋاپ بەردى.
شاپشاڭ بەكىتىپ، جىلدام اشىپ، اشۋعا تيىستىلەرىن تۇگەلدەي اشىپ، ىندەتتەن ساقتانۋ - تىزگىندەۋدىڭ اناعۇرلىم دالمە - ءدال، اناعۇرلىم مەيىرگە تولى بولۋىنا مۇمكىندىك جاساۋ كەرەك
”بەكىتىپ باسقارۋدا شاپشاڭ بەكىتىپ، جىلدام اشۋ، اشۋعا تيىستىلەرىن تۇگەلدەي اشۋ، ىندەتتىڭ بۇقاراعا تۋدىراتىن قولايسىزدىعىن ازايتۋ كەرەك“، - دەدى مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ اقپارات مالىمدەمەشىسى مي فىڭ.
”ۇزاق ۋاقىت بەكىتۋ حالىق بۇقاراسىنىڭ قالىپتى ءوندىرىس - تۇرمىس تارتىبىنە اسا زور ىقپال جاساپ قانا قويماي، ابىرجۋ كوڭىل كۇيىن دە وڭاي تۋعىزادى، تۇرمىستىق قيىنشىلىققا اپارىپ سوعادى، مۇنداي جاعدايدى، ءسوز جوق، تۇزەتۋ جانە ودان ساقتانۋ كەرەك“، - دەدى مەملەكەتتىك اۋرۋدىڭ الدىن الۋ جانە ونى تىزگىندەۋ مەكەمەسى باقىلاۋ 1 - مەكەمەسىنىڭ باستىعى چىڭ يوۋچۋان.
چىڭ يوۋچۋان مىنالاردى ءبىلدىردى: پرينسيپتىك جاقتان، جوعارى حاۋىپ - قاتەرلى اۋماقتار جايشىلىقتا كورپۋستى، عيماراتتى بىرلىك ەتىپ بەلگىلەنۋى كەرەك، ونى ءوز بىلگەنىنشە ۇلعايتۋعا بولمايدى. ىندەتتىڭ تارالۋ حاۋىپ - قاتەرى انىق ەمەس نەمەسە الەۋمەتتىك اۋماقتا كەڭ تارالۋ جايتى ورىن تەپكەن جاعدايدا، جوعارى حاۋىپ - قاتەرلى اۋماقتاردى تۇراقتاندىرۋ كولەمىن لايىقتى ۇلعايتۋعا بولادى، سونىڭ وزىندە، دەرەۋ حىسۋان ەكشەپ تەكسەرۋ جانە ىندەت جاعدايىن تۇجىرىمداۋ ارقىلى شاپشاڭ جاۋىپ، جىلدام اشۋ قاجەت.
سونىمەن قاتار، حاۋىپ - قاتەرى بار ادامداردى انىقتاۋدا باسى - قاسىندا ەپيدەميولوگيالىق تەكسەرۋ جۇرگىزۋدى دايەك ەتۋ كەرەك، ۋاقىت - ورىن جاعىنان جاناسۋ بويىنشا كولەمدى ۇلعايتىپ جىبەرىپ، اۋقىمدى كولەمدە ”اعات جاراقاتتاۋ“ تۋعىزۋعا بولمايدى. جوعارى حاۋىپ - قاتەرلى اۋماقتار قاتاڭ باسقارىپ - تىزگىندەپ، ”ۇيدەن شىقپاۋدى“ ورىنداۋمەن بىرگە، قىزمەت وتەۋ، قامتاماسىز ەتۋ قىزمەتىن بار كۇشپەن ويداعىداي ىستەپ، بۇقارانىڭ نەگىزگى تۇرمىس جانە ەمدەلۋ، ءدارى - دارمەك تۇتىنۋ قاجەتىن قاناعاتتاندىرۋ كەرەك.
”ءبىز بۇقارا اڭىس ەتكەن شۇعىل، قيىن، ۋايىمداعان، ءزارۋ ماسەلەلەردى دەر كەزىندە، ءونىمدى شەشىپ، ءتۇرلى قىزمەتتەردى اناعۇرلىم دالمە - ءدال، مەيىرلى ىستەۋىمىز كەرەك“، - دەدى چىڭ يوۋچۋان.
كەيبىر جەرلەردىڭ باسقارۋ - تىزگىندەۋ اۋماعى مەن ادامدار كولەمىن ءوز بىلگەنىنشە ۇلعايتۋ، ”جابا سالىپ بولدى - ءبىتتى“ دەۋ، بەكىتىپ تاستاعان سوڭ ۇزاققا دەيىن اشپاي قويۋ سياقتى جايتتەرگە قاراتا چىڭ يوۋچۋان مىنالاردى ءبىلدىردى: جەر - جەر ”ساتى - ساتى بويىنشا اۋىرتپالىق قوسۋدى“ رەتتەۋ - وڭاۋ قىزمەت ارناۋلى ءبانىن قۇردى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ جالپىلىق گرۋپپاسى ءار كۇنى دەرلىك ورنالاستىرۋ جاساپ، جەر - جەردەگى ينتەرنەت قولدانۋشىلاردىڭ، حالىق بۇقاراسىنىڭ اڭىس ەتكەن ءتۇرلى ماسەلەلەرىنە بەلسەندى، ءونىمدى جاۋاپ قايتارىپ، سونداي - اق ونى قاتىستى جەرگىلىكتى ورىندارعا ءتۇسىرىپ بەرىپ، ماسەلەلەردىڭ شەشىلۋىن ىلگەرىلەتۋدە.
بولىمدى بولعان جۇعىمدالۋشىلاردى عىلمي جولمەن تۇرگە ايىرىپ ەمدەۋگە الىپ، سالماقتى ناۋقاستاردى قۇتقارۋ - ەمدەۋ قابىلەتىن ونان ارى جوعارىلاتۋ كەرەك
”بولىمدى بولعان جۇعىمدالۋشىلاردى عىلمي جولمەن تۇرگە ايىرىپ ەمدەۋگە الىپ، بالالاردى، قارتتاردى جانە نەگىزدىك اۋرۋى بار ناۋقاستاردى ەمدەۋگە الۋدى، كۇتىمدەۋدى لايىقتى، ويداعىداي ىستەپ، ناۋقاستاردىڭ ەرتەرەك ساۋىعۋىن جەبەۋ كەرەك“، - دەدى مي فىڭ.
ىندەت تۋىلعاننان بەرى، ەلىمىز بەلگىلەنگەن شيپاحانالار قۇرىلىسىن، فاڭساڭ شيپاحانالارى قۇرىلىسىن، قىزۋ امبولاتوريالارى قۇرىلىسىن ۇزدىكسىز كۇشەيتىپ، ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە كۇش سالدى.
”كەلەسى قادامدا، بەلگىلەنگەن شيپاحانالار قۇرىلىسىن كۇشەيتۋىمىز، وتە - موتە، جالپىلىق قۇتقارۋ - ەمدەۋ قابىلەتى مەن كوپ ءپان - سالا بويىنشا دياگنوز قويۋ - ەمدەۋ دەڭگەيىن جوعارىلاتىپ، سالماقتى ناۋقاستاردى قۇتقارۋ - ەمدەۋ قابىلەتىن جوعارىلاتۋىمىز كەرەك“، - دەدى مەملەكەتتىك دەنساۋلىق ساقتاۋ جانە سالاماتتىق كوميتەتى مەديتسينالىق شۇعىل جاعدايعا توتەپ بەرۋ مەكەمەسىنىڭ باستىعى گو يانحۇڭ.
گو يانحۇڭنىڭ تانىستىرۋىنشا، جاڭا تيپتى ايدارشا ۆيرۋس وكپە قابىنۋىن كلينيكالىق مەديتسينالىق قۇتقارۋ - ەمدەۋ امالياتىنان قاراعاندا، سالماقتى ناۋقاسقا اينالۋعا بەيىم ادامدار توبى، باستىسى، قارتتاردى، نەگىزدىك اۋرۋلارى بار ناۋقاستاردى جانە ۆاكسينا ەگىلمەگەن ادامدار توبىن قامتيدى ەكەن.
”بۇلاردىڭ اراسىندا، جاسامىس قارتتار مەن قاتەرلى وسپە ناۋقاستار، وتە - موتە، قاتەرلى وسپەنى ەمدەتۋ مەزگىلىندەگى ناۋقاستار سالماقتى ناۋقاسقا اينالۋى وڭاي جوعارى حاۋىپ - قاتەرى بار ادامدار توبىنا جاتادى، مەديتسينالىق قۇتقاۋ - ەمدەۋ بارىسىندا بۇلارعا ايرىقشا نازارا اۋدارۋ كەرەك“. گو يانحۇڭ بىلاي دەدى: ءسوز جوق، وسى تۇردەگى جۇعىمدالۋشىلاردى عىلمي جولمەن تۇرگە ايىرىپ ەمدەۋگە الىپ، مەديتسينالىق قۇتقارۋ - ەمدەۋ ورنالاستىرۋىن لايىقتى، ويداعىداي ىستەپ، نەگىزدىك اۋرۋلاردى بەلسەندى تۇردە ەمدەپ، ناۋقاستىڭ سالاماتتىعى مەن حاۋىپسىزدىگىنە كەپىلدىك ەتۋ كەرەك.
حىسۋان تەكسەرەتىن قۇرىلىمداردى باقىلاۋ - باسقارۋدى ۇزدىكسىز كۇشەيتىپ، حىسۋان سىناماسىن الۋدىڭ ساپاسىنا شىنايى كەپىلدىك ەتۋ كەرەك
بيىل جىل باسىنان بەرى، بەيجيڭ، انحۇيدىڭ حىفەيى، حىبەيدىڭ شىجياجۋاڭى، حىناننىڭ شۇيچاڭى سياقتى جەرلەردە دەنساۋلىق ساقتاۋ جانە سالاماتتىق اكىمشىلىك تاراۋلارى باقىلاۋ - باسقارۋ بارىسىندا بايقالعان حىسۋان تەكسەرەتىن قۇرىلىمداردىڭ زاڭعا قايشىلىق جاساعان، ەرەجەگە قايشىلىق جاساعان ماسەلەلەرى جونىندە جازا قولداندى، زاڭعا قايشىلىق جاساعان كەيبىر قۇرىلىمدار مەن جەكە ادامداردىڭ قىلمىستىق جاۋاپكەرشىلىگى دە قۋزاستىرىلدى.
”ءبىز تەكسەرۋ تولىمدىلىعى رۇقساتىن جانە ساپا مەڭگەرۋدى ءارقاشان قاتاڭ اتقارىپ، سونىمەن بىرگە 3 - تاراپ تەكسەرۋشى قۇرىلىمداردى قامتىعان تەكسەرۋشى قۇرىلىمداردى باقىلاۋ - باسقارۋدى ءتۇيىندى تۇردە كۇشەيتىپ كەلەمىز“. گو يانحۇڭ بىلاي دەدى: كەلەسى قادامدا، باقىلاۋ - باسقارۋ سەرپىنىن ۇزدىكسىز ارتتىرىپ، جالعان تەكسەرۋ مالىمەتىن شىعارۋ سىندى زاڭعا اۋىر قايشىلىق جاساۋ ارەكەتتەرىن زاڭ بويىنشا، ەرەجە بويىنشا باتىل تۇردە قاتاڭ ءبىر جاقتى ەتەمىز.
ءىشىنارا بۇقارا، حىسۋان تەكسەرۋ كەزىندە وڭاي جۇعىمدالىپ قالاتىن كورىنەمىز دەپ الاڭداۋشىلىق ءبىلدىرىپ جاتىر. بۇل جونىندە گو يانحۇڭ بىلاي دەدى: ”حىسۋان سىناماسىن الۋدى ۇيىمداستىرۋ، باسقارۋ جانە جۇيەلى جۇمىس جۇرگىزۋ توتەنشە ماڭىزدى، سىناما الاتىن جەرگە ايقىن بەلگىلەر قويىلىپ، كىرۋ - شىعۋ جولدارىن ويداعىداي جوبالاۋ، سىناما الۋ ءتارتىبىن ساقتاۋدى كۇشەيتۋ كەرەك. جەكە ادامدار ماسكانى دۇرىس تاعىپ ءجۇرۋ، توپتاسپاۋ، سىناما الۋ ۇستەلىندەگى ەشقانداي زاتقا جۋىسپاۋ، سىناما تاپسىرىپ بولعان سوڭ، دەرەۋ ماسكانى دۇرىستاپ تاعىپ كەتىپ قالۋ كەرەك.
كەيبىر جەرلەردىڭ تۇرلىشە تاسىلدەرمەن حىسۋان سىناماسىن ءوزى الىپ تاپسىرۋ قىزمەتىن ورىستەتۋى جونىندە گو يانحۇڭ بىلاي دەدى: حىسۋان سىناماسىن ءوزى الىپ تاپسىرۋدىڭ جۇيەلىلىگىنە، ونىمدىلىگىنە جانە حاۋىپسىزدىگىنە ايرىقشا كوڭىل ءبولۋ، كەمەلدى اتقارۋ جوباسىن جاساۋ، سونىمەن بىرگە ۇيىمداستىرۋ، اتقارۋ جۇمىستارىن ويداعىداي ىستەپ، تەحنيكالىق جاقتان جەتەكشىلىك ەتۋدى كۇشەيتىپ، حىسۋان سىناماسىن ءوزى الىپ تاپسىرۋدا سىنامانىڭ ساپاسىنا كەپىلدىك ەتۋ كەرەك.
(شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
