”جۇڭگونىڭ ءداستۇرلى شاي جاساۋ ونەرىن جانە وعان قاتىستى عۇرىپ - ادەتتى“ بەيزاتتىق مادەنيەت مۇرالار قاتارىنا قوسۋ ءوتىنىشى ءساتتى قابىلداندى
2022.12.01 16:40 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى (تىلشىلەر جوۋ ۋي، شۇي جۋاڭ). ءتىلشىنىڭ مادەنيەت جانە ساياحات مينيسترلىگىنەن ۇعىسۋىنشا، بەيجيڭ ۋاقىتى 11 - ايدىڭ 29 - كۇنى كەشتە ەلىمىز جولداعان ”جۇڭگونىڭ ءداستۇرلى شاي جاساۋ ونەرى جانە وعان قاتىستى عۇرىپ - ادەت“ ماروككونىڭ رابات قالاسىندا اشىلعان بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ بەيزاتتىق مادەنيەت مۇرالارىن قورعاۋ بويىنشا ۇكىمەت ارالىق كوميتەتىنىڭ 17 - رەتكى ۇنەمىلىك ماجىلىسىندە باعالاۋدان ءوتىپ، بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارىنىڭ ۋاكىلدىك تۋىندىلارى تىزىمىنە ەنگەن.
تانىستىرۋعا نەگىزدەلگەندە، جۇڭگونىڭ ءداستۇرلى شاي جاساۋ ونەرى جانە وعان قاتىستى عۇرىپ - ادەتى شاي باعىن باسقارۋعا، شاي جاپىراعىن جيناۋعا، شايدى قولدا جاساۋعا، سونداي - اق شايدى ىشۋمەن بىرگە، ورتاقتاسۋعا قاتىستى ءبىلىمدى، ونەردى جانە امالياتتى قامتىپ جاتادى ەكەن.
ەجەلدەن بەرى جۇڭگولىقتار شاي ەگىپ، شاي جيناپ، شاي جاساپ جانە شاي ءىشىپ، ونى جاسىل شاي، سارى شاي، قارا شاي، اق شاي، ۋلۇڭ شايى، قىزىل شاي سىندى 6 ۇلكەن شاي تۇرىنە جانە گۇلدى شاي سىندى قايتالاي وڭدەلگەن شايعا ءبولىپ دامىتىپ، شايدىڭ 2000نان استام ءتۇرىن ادامداردىڭ تۇتىنۋىنا جانە بىرگە ورتاقتاسۋعا ۇسىنعان.
ءداستۇرلى شاي جاساۋ ونەرى، باستىسى، چينليڭ - حۋايحىنىڭ وڭتۇستىگىندەگى، چيڭحاي - شيزاڭ ءۇستىرتىنىڭ شىعىسىنداعى جياڭنان، جياڭبەي، شي - نان جانە حۋا - نان 4 ۇلكەن شاي اۋماعىنا شوعىرلانسا، قاتىستى عۇرىپ - ادەت بۇكىل ەلدىڭ جەر - جەرىنە كەڭ تارالىپ، كوپ ۇلتتىڭ ورتاق يگىلىگىنە اينالعان. كەمەلىنە كەلىپ دامىعان ءداستۇرلى شاي جاساۋ ونەرى جانە ونىڭ كەڭ دە تەرەڭ قوعامدىق امالياتى جۇڭحۋا ۇلتىنىڭ جاسامپازدىق قۋاتى مەن مادەنيەتىنىڭ الۋان تۇرلىلىگىن كورسەتىپ، شايمەن الەمدى بەرەكەگە شاقىرۋ، سيىسىمدىلىقپەن ءبارىن قامتۋ ۇستانىمىن جەتكىزىپ جاتادى.
جىبەك جولى، ەجەلگى شاي - جىلقى جولى، تۇمەن شاقىرىمدىق شاي جولى سياقتىلار ارقىلى شاي تاريحتان بۇگىنگە جەتىپ، مەملەكەت شەكاراسىنان اتتاپ، دۇنيە جۇزىندەگى ءار ەل حالقىنىڭ ۇناتۋىنا بولەنىپ، جۇڭگو مەن دۇنيە ءجۇزى حالقىنىڭ ءبىرىن - ءبىرى ءبىلىسىپ، ءوزارا ارالاسۋىنىڭ، جۇڭحۋا وركەنيەتى مەن دۇنيە جۇزىندەگى باسقا وركەنيەتتەردىڭ اۋىس - كۇيىسىنىڭ، ءوزارا ۇلگى الۋىنىڭ ماڭىزدى دانەكەرىنە، ادامزات وركەنيەتىنىڭ ورتاق بايلىعىنا اينالدى.
قازىرگە دەيىن ەلىمىزدەن 43 نىسان بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ بەيزاتتىق مادەنيەت مۇرالارى ۋاكىلدىك تۋىندىلارى تىزىمىنە، كىتاپشاسىنا ەنگىزىلىپ، دۇنيە ءجۇزى بويىنشا 1 - ورىندى يەلەپ وتىر.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
