جياڭ زىمين جولداستىڭ مۇراتىنا مۇراگەرلىك ەتىپ، ىنتىماقتاسا العا ۇمتىلاتىن كۇش ۇيىستىرايىق
− بۇكىل ەلدىڭ جەر - جەرىندەگى كادرلار مەن بۇقارا جياڭ زىمين جولداستى ۇزدىكسىز تەرەڭ ساعىنىشپەن ەسكە الدى
2022.12.05 16:23 كەلۋ قاينارى : حالىق تورابى
بىرنەشە كۇننەن بەرى بۇكىل ەلدەگى قالىڭ كادرلار مەن بۇقارا جياڭ زىمين جولداستىڭ ەرەن ەڭبەگىن شەكسىز قايعىلى كوڭىل كۇيمەن ەسكە الىپ، جياڭ زىمين جولداستىڭ رۋحاني قاسيەتىن تەرەڭ سەزىندى.
كوپشىلىك ءبىر اۋىزدان مىنانى ءبىلدىردى: قايعىنى قايراتقا اينالدىرىپ، جياڭ زىمين جولداسقا ازا ءبىلدىرۋدى پارتيا 20 - قۇرىلتايىنىڭ رۋحىن دايەكتى تياناقتاندىرۋدىڭ ءىس جۇزىندىك ارەكەتىنە اينالدىرىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ءبىر جاعادان باس، ءبىر جەڭنەن قول شىعارىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەمىز.
قالىڭ كادرلار مەن بۇقارا قايعىلى ساعىنىش ارقالاپ، جياڭ زىمين جولداستىڭ شۇعىلالى جاۋىنگەرلىك ءومىرىن تەرەڭ سۇيىسپەنشىلىكپەن ەسكە الدى
شاڭحاي قاتىناس داشۋەسىنىڭ مەكتەپ اۋلاسىندا ءجۇز جىلدىق مەكتەپ مەرەكەسىنىڭ جاڭا ساپار ەسكەرتكىشى جىم - جىرت تۇر. ەسكەرتكىشكە جياڭ زىمين جولداستىڭ انا مەكتەبىنە جولداعان جولداماسىنداعى: «بۇرىنعىعا مۇراگەر بولىپ، كەيىنگىگە جول اشىپ، قاتىناس داشۋەسىن دۇنيە جۇزىندەگى ماڭداي الدى داشۋە ەتىپ قۇرىپ شىعايىق» دەگەن ءسوز جازىلعان.
ءۇنسىز ازا ءبىلدىرىپ، تاعزىم ەتۋشىلەردىڭ قاتارى كوپ بولدى، گۇل ۇسىنۋعا كەلگەن 2021 - جىلدىق ماگيسترلىق اسپيرانتى جاڭ چىن - يدىڭ جانارىنان جاس پارلادى. مەكتەپ تاريحى مۇراجايىنىڭ ەرىكتى ءتۇسىندىرۋشىسى بولىپ ىستەيتىن جاڭ چىن - ي جياڭ زىمين جولداستىڭ العاباسار وقۋشىلاردىڭ جاپون شاپقىنشىلارىنا قارسى وتانشىلدىق قيمىلىنا قاتىناسۋى، پارتيانىڭ جاسىرىن قىزمەتىمەن شۇعىلدانۋى سياقتى ءومىر كەشىرمەلەرىن تەرەڭ سەزىنگەن بولاتىن. «ءار جولى تۇسىندىرگەن سايىن مەن جياڭ زىمين جولداستىڭ اقيقاتقا تالپىناتىن، مەملەكەت ءۇشىن، حالىق ءۇشىن ىستەيتىن سەنىمى مەن قاسيەتىن سەزىنەمىن. مەكتەپتەس اتا، ءبىز ءسىزدى ماڭگى ساعىنامىز» دەدى ول.
بۇرىنعى پۋدۇڭ جاڭا رايونى جينچياۋ ەكسپورت ەتۋ، مانەرلەۋ رايونى كوركەيتۋ سەرىكتەستىگىنىڭ باس ديرەكتورى جۋ شياۋميڭ ەسكە الىپ بىلاي دەدى: «پۋدۇڭدى كوركەيتۋدىڭ العاشقى مەزگىلىندە قارجى، تاجىريبە، نىسان، دارىندى ءبىر مەزەت تاپشى بولدى، جياڭ زىمين جولداس پەن پارتيا ورتالىق كوميتەتىنىڭ شابىتتاندىرۋى بىزگە سۇيىسپەنشىلىك باعىشتاپ، اقىل - پاراسات ۇستەپ، يگىلىك، جاڭالىق جاراتۋ باتىلدىعىن سيلادى. ءبىز جياڭ زىمين جولداستىڭ كورەگەندىگىنە ءتانتى بولاتىنبىز».
جياڭ زىمين جولداس كەزىندە چاڭچۇن 1 - اۆتوموبيل زاۆودىن قۇرۋعا الماسىپ بارعان ەدى. بيىل 89 جاسقا كەلگەن ليۋ رىنۋەي سوۆەت وداعى كومەكتەسىپ سالىپ بەرگەن 1 - اۆتوموبيل سەرىكتەستىگىنىڭ مامانى گيلەۆتىڭ اۋدارماشىسى بولاتىن، قايعىلى حاباردى ەستىگەن ول نەشە ون جىلدىڭ الدىندا جياڭ زىمين جولداسپەن بىرگە قىزمەت ىستەگەن كەزىن ەرىكسىز ەسىنە الدى. ليۋ رىنۋەي بىلاي دەدى: تاريح جياڭ زىمين جولداستىڭ جاڭا جۇڭگونىڭ اۆتوموبيل ونەركاسىبى مەن شىعىس سولتۇستىك ونەركاسىپ بازاسى قۇرىلىسىنا قوسقان ۇلەسىن ۇمىتپايدى، ونىڭ شىندىقتى ءىس جۇزىنەن ىزدەيتىن عىلمي پوزيتسياسى، قاجىرلى دا قاراپايىم ستيلى، بارلىق جەردە بۇقارانىڭ قامىن ويلايتىن وسكەلەڭ قاسيەتى ءبىزدىڭ ماڭگى ۇيرەنۋىمىزگە تاتيدى.
«قالىڭ حالىقتىق كاسىپورىندار − سوتسياليستىك بازار شارۋاشىلىعى ءتۇزىلىسى رەفورماسىنىڭ باستان كەشىرۋشىلەرى، امالياتتا ايگىلەۋشىلەرى جانە يگىلىگىن كورۋشىلەر». جىڭتاي توبىنىڭ باس القاسى نان سۇنحۇي بىلاي دەدى: جياڭ زىمين جولداس حالىقتىق كاسىپورىنداردىڭ دامۋىنا باستان - اياق كوڭىل ءبولدى. ءبىز تاپسىرىقتى ەستە بەرىك ساقتاپ، كاسىپتى ۇزدىكسىز تاباندى ىستەپ، تىنباي جاڭالىق اشا داميمىز.
1999 - جىلى 5 – ايدا جياڭ زىمين جولداس ۋحانداعى پوچتا - تەلەگراف عىلىمىن زەرتتەۋ اكادەمياسىنا كەلىپ تەكسەرۋ جۇرگىزىپ، مەملەكەت مەنشىگىندەگى كاسىپورىنداردىڭ دامۋىن ىلگەرىلەتۋ ءۇشىن، سوتسياليستىك بازار شارۋاشىلىعىن دامىتۋدىڭ تالابىنا ۇيلەسىپ، رەفورمانى ۇزدىكسىز تەرەڭدەتىپ، تەحنيكالىق جاقتان قايتا قۇرۋ مەن تەحنيكالىق جاقتان العا باسۋدى ىلگەرىلەتىپ، عىلىمي باسقارۋدى كۇشەيتىپ، كاسىپورىنداردىڭ بازارداعى باسەكەلىك قۋاتىن، عىلىم - تەحنيكادا جاڭالىق جاراتۋ قۋاتىن جانە حاۋىپ - قاتەرگە توتەپ بەرۋ قۋاتىن ۇزدىكسىز جوعارىلاتۋدى دارىپتەدى.
سول كەزدە ۋحان پوچتا - تەلەگراف عىلمي زەرتتەۋ ورنى جابدىقتار بولىمشەسىنىڭ باستىعى بولىپ تۇرعان لۋ گوچيڭ بىلاي دەدى: «جياڭ زىمين جولداستىڭ رەفورمانى باتىلدىقپەن ىلگەرىلەتۋ رۋحى ءبىزدى دۇنيە جۇزىلىك ينفورماتسيا – حابارلاسۋ ىستەرى دامۋىنىڭ الدىڭعى شەبىنە بەت الۋدان جازباي، قۇلشىنا وتىرىپ ءتول جاسامپازدىق تەحنيكاسىنىڭ ىرگە تاسىن قالاۋعا جىگەرلەندىرىپ وتىردى».
86 جاستاعى جۇڭگو وليمپيادا كوميتەتىنىڭ بۇرىنعى باس حاتشىسى ۋەي جيجۇڭ جياڭ زىمين جولداس جانە بەيجيڭ وليمپيادا سپورت جارىسىن وتكىزۋدى ءوتىنىش ەتۋ حيكاياسىن ەسكە الدى.
«2001 – جىلى 7 - ايدىڭ 13 - كۇنى، بەيجيڭ وليمپيادا سپورت جارىسىن وتكىزۋدى ءوتىنىش ەتۋ ءساتتى بولعان كۇنى كەشتە جياڭ زىمين جولداس بەيجيڭدەگى جۇڭحۋا عاسىر مىنبەسى مەن تيان - انمىن الاڭىندا ءار سالا جۇرتشىلىعىمەن بىرگە وسى قۋانىشتى ءساتتى قۇتتىقتادى. سول كورىنىس كوز الدىمىزدان كەتپەيدى». ۋەي جيجۇڭ بىلاي دەدى: وليمپيادا سپورت جارىسىن وتكىزۋدى ءوتىنىش ەتۋ بارىسى جۇڭگولىقتاردى قايراتتانا سايىسۋعا جىگەرلەندىردى، قازىر مەملەكەت ءتىپتى دە قۇدىرەتتەندى، حالىق ءتىپتى دە سەنىمدى بولدى، جۇڭحۋا ۇلتى ءتىپتى دە قۇدىرەتتەنىپ، ءوز كۇشىنە سۇيەنىپ ءومىر ءسۇرىپ، قايراتتانا العا ۇمتىلدى.
قالىڭ كادرلار مەن بۇقارا مىنانى ءبىلدىردى: جياڭ زىمين جولداستىڭ ءومىرى شۇعىلالى ءومىر، كۇرەسكە تولى ءومىر. 70 نەشە جىلدىق توڭكەرىستىك ومىرىندە ول كوممۋنيستىك مۇراتتا تاباندى بولىپ، پارتيا مەن حالىققا شەكسىز ادال بولىپ، پارتيا مەن حالىق ىستەرى ءۇشىن قاجىماي - تالماي كۇرەس جۇرگىزدى. جياڭ زىمين جولداس ءبىزدىڭ جۇرەگىمىزدە ماڭگى جاسايدى.
ءداۋىر ەستە بەرىك ساقتايدى، جياڭ زىمين جولداستىڭ بۇكىل پارتيا، بۇكىل ەل حالقىنا باسشىلىق ەتىپ سىڭىرگەن ەڭبەگى ماڭگى وشپەيدى
2000 - جىلى 2 - ايدا جياڭ زىمين جولداس گۋاڭدۇڭدا قىزمەت تەكسەردى ءارى ماۋميڭ قالاسىنا قاراستى گاۋجوۋ قالاسىنداعى باسشى كادرلاردىڭ «ءۇشتى دارىپتەۋ» تاربيە ماجىلىسىنە قاتىناستى. ءوز كوزىمەن كورۋشى سانالاتىن گۋاڭدۇڭ ولكەسى ماۋميڭ قالاسى گاۋجوۋ قالاسى گىنزى قالاشىعى پارتكومىنىڭ بۇرىنعى شۋجيى حۋاڭ ۋ جولداس سول كەزدى ەسىنە وتە انىق ساقتاپ قالعان، جياڭ زىمين جولداس ماڭىزدى ءسوز سويلەگەندە بۇكىل الاڭداعىلار ۇزاق ۋاقىت شاپالاق سوققان. 5 كۇننەن كەيىن جياڭ زىمين جولداس گۋاڭجوۋدا ولكەلىك پارتكومنىڭ قىزمەت مالىمەتىن تىڭداعان كەزدە «ۇشكە ۋاكىلدىك ەتۋ» تالابىن ايقىن العا قويعان.
«جياڭ زىمين جولداس بۇكىل پارتيانىڭ اقىل - پاراساتىن شوعىرلاندىرا وتىرىپ <ۇشكە ۋاكىلدىك ەتۋ> ماڭىزدى يدەياسىن جاراتىپ، پارتيانىڭ جەتەكشى يدەياسى جاعىندا تاعى ءبىر رەت داۋىرمەن بىرگە ىلگەرىلەۋدى جۇزەگە اسىرىپ، ناعىز ماركسيزمشىلدىڭ وراسان زور ساياسي باتىلدىعى مەن نازاريالىق باتىلدىعىن ايگىلەدى» دەدى حۋاڭ ۋ.
انحۇي ولكەسىنىڭ حىفەي قالاسىنداعى عىلىم ارالىندا جۇڭگو عىلىم اكادەمياسى حىفەي زاتتىق عىلىم زەرتتەۋ مەكەمەسى زەردەلى مەحانيكا زەرتتەۋ ورنى پارتكومىنىڭ شۋجيى ۋ ليفاڭ 1998 - جىلى جياڭ زىمين جولداس ارالدا قىزمەت تەكسەرگەن كەزدەگى جاعدايدى ەسكە الدى. سول كەزدە ءالى دە دوكتورانت ۋ ليفاڭ جياڭ زىمين جولداسقا يوندى - ساۋلەلىك تەحنيكانىڭ تۇقىم جەتىلدىرۋگە پايدالانىلۋ جاعدايىن مالىمدەدى. «ول عىلىم - تەحنيكانىڭ قوعامدىق وندىرگىش كۇشتى دامىتۋدى ىلگەرىلەتۋدەگى ماڭىزدى رولىنا باسا ءمان بەرىپ، ءبىزدى عىلمي زەرتتەۋدەن تىنباي قامال الىپ، مەملەكەتتىڭ استىق حاۋىپسىزدىگىنە كەپىلدىك ەتۋ ءۇشىن ۇلەس قوسۋعا شابىتتاندىردى» دەدى ۋ ليفاڭ.
جياڭ زىمين جولداس عىلمي زەرتتەۋ قىزمەتكەرلەرىمەن بىرگە سۋرەتكە ءتۇستى ءارى سول كەزدەگى جۇڭگو عىلىم اكادەمياسىنىڭ حىفەي بولىمشەسىنە «عىلىم ارالى» دەپ ات جازىپ بەردى. قازىر 3 شارشى كيلومەترگە جەتپەيتىن وسى شاعىن ارالدا ىلگەرىندى - كەيىندى «جاساندى كۇن» EAST جۇيەسىن قامتىعان كوپتەگەن ۇلكەن عىلىم قوندىرعىلارى قۇرىلىپ، ىسكە قوسىلىپ، دۇنيە جۇزىلىك دەڭگەيدەگى ءبىر توپ كەلەلى عىلىم - تەحنيكا جەتىستىكتەرى وسى ارادا دۇنيەگە كەلدى.
1999 - جىلى 6 - ايدا جياڭ زىمين جولداس جەڭىس مۇناي الابىن كوزدەن كەشىرىپ، سول كەزدەگى جەڭىس مۇناي الابى ەسەپتەۋ ورتالىعى پارتكومىنىڭ شۋجيى شۇي گۋانشۋەنىڭ تۇسىنىك مالىمەتىن تىڭدادى. «جياڭ زىمين جولداس مەيىرلى بەينەدە ءبىزدىڭ قول جەتكىزگەن جەتىستىكتەرىمىزدى تىڭداپ، ەرەكشە جەلپىنىپ، <يگىلىك جاراتۋ رۋحىن ساۋلەلەندىرىپ، جەڭىستەن جەڭىسكە جەتەيىك> دەپ ارناۋ ءسوز جازىپ بەردى». شۇي گۋانشۋە بىلاي دەدى: بۇل جەڭىس مۇناي الابىنىڭ ۇزدىكسىز دامىپ زورايىپ، مەملەكەتتىڭ دامۋىنا سەنىمدى ەنەرگيا تىرەگىن ازىرلەۋىنە دەم بەردى جانە قامشى باستى.
«جياڭ زىمين جولداس بۇقاراعا قۇرمەت ەتىپ، قامقورلىق جاساپ، حالىق بۇقاراسىنىڭ مۇڭ - مۇقتاجىن قاشان دا كوكەيىندە ساقتاپ، قىزمەتتى ەڭ قالىڭ حالىقتىڭ ءتۇبىرلى مۇددەسى نەگىزىندە سىننان وتكىزدى جانە ىلگەرىلەتتى». ىشكى موڭعۇل بايىننۇر قالاسى لينحى رايونى گانجاۋمياۋ قالاشىعى گۋاڭليان قىستاعى پارتيا مۇشەلەرى بۇقاراعا قىزمەت وتەۋ ورتالىعىندا قىستاق تۇرعىنى ۋاڭ يوۋساي قىستاق پارتيا ياچەيكاسىمەن، قىستاق تۇرعىندار كوميتەتىنىڭ مۇشەلەرىمەن بىرگە جياڭ زىمين جولداستىڭ اۋىلداستارعا باعىشتاعان شابىتى مەن مەيىرىن ەسكە الدى.
1990 - جىلى 9 - ايدا جياڭ زىمين جولداس قىستاققا كەلىپ جەمىس باعىن ەكسكۋرسيالاپ، قىستاق تۇرعىندارىنىڭ جالپى كىرىس جاعدايىن ۇعىستى. «جياڭ زىمين جولداس ءبىزدى الاڭسىز ىستەۋگە شابىتتاندىرىپ، پارتيانىڭ ساياساتى وزگەرمەيدى دەپ اتاپ كورسەتىپ، كوپشىلىكتىڭ كوڭىلىن ورنىقتىردى. بۇكىل قىستاقتا ونىمگە بىرلەستىرىپ وتباسىلارعا كوتەرمەگە بەرۋ جاۋاپكەرلىك ءتۇزىمى ورنىقتى اتقارىلىپ، قىستاق تۇرعىندارىنىڭ ءوندىرىس بەلسەندىلىگى تولىق جۇمىلدىرىلدى» دەدى ۋاڭ يوۋساي.
78 جاستاعى يۇي گوگاڭ − شىنجىن اكتسيا بيرجاسىن قۇرۋ دايىندىق قىزمەتىنە قاتىناسۋشىلاردىڭ ءبىرى. ول تەرەڭ سۇيىسپەنشىلىكپەن ەسكە الىپ بىلاي دەدى: جياڭ زىمين جولداس شاڭحاي، شىنجىن ەكى اكتسيا بيرجاسىنىڭ قۇرىلۋى مەن دامۋىن قولداپ، ەلىمىزدىڭ فينانس ءتۇزىلىسى رەفورماسىندا ماڭىزدى قادام تاستاۋدى ىلگەرىلەتتى.
«جياڭ زىمين جولداس جۇڭگو كوممۋنيستەرىنىڭ نازاريادا جاڭالىق اشۋدا، داۋىرمەن بىرگە ىلگەرىلەۋدە تاباندى بولاتىن زور باتىلدىعىمەن سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزگى جۇلگەسىن تۇراقتاندىرىپ، سوتسياليزمنىڭ العاشقى ساتىسىنداعى جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق قاتار دامىتىلاتىن نەگىزگى ەكونوميكالىق ءتۇزىمدى جانە ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن تۇراقتاندىرىپ، جاپپاي رەفورما جاساپ، ەسىك اشۋدىڭ جاڭا جاعدايىن اشتى». يۇي گوگاڭ بىلاي دەدى: شىنجىن اكتسيا بيرجاسى − تەرەزە جانە ىقشام كورىنىس، 30 نەشە جىلدان بەرى شىنجىن اكتسيا بيرجاسىندا جارناسى بازارعا شىعارىلعان سەرىكتەستىكتەردىڭ سانى بۇرىنعى بەسەۋدەن كوبەيىپ، بۇگىنگى تاڭا 2700 دەن استى، بولاشاقتا، ءسوز جوق، اناعۇرلىم جاقسى داميتىن بولادى.
جياڭ زىمين جولداس: جۇڭگوشا سوتسياليستىك مادەنيەت − بۇكىل ەلدەگى ءار ۇلت حالقىن ۇيىستىراتىن جانە شابىتتاندىراتىن ماڭىزدى كۇش، − دەپ اتاپ كورسەتتى. ادامدار ونى تەرەڭ سەزىممەن ەسكە الىپ، وزىق مادەنيەتتىڭ دامۋىن ىلگەرىلەتەتىن بولادى.
«جياڭ زىمين جولداستىڭ جۇڭحۋانىڭ تاڭداۋلى ءداستۇرلى مادەنيەتىن قىزۋ ءسۇيۋى جانە ءمان بەرۋى ءبىزدى ەرەكشە شابىتتاندىردى». 1994 - جىلى 6 - ايدا جياڭ زىمين جولداس فۋجياننىڭ چۋانجوۋ دەگەن جەرىندە قىزمەت تەكسەرگەن كەزدە نانيىن، قۋىرشاق تەاتر سياقتى ءداستۇرلى مادەنيەت نومىرلەرىن كوردى، سول كەزدە چۋانجوۋ قالالىق مادەنيەت مەكەمەسى باستىعىنىڭ ورىنباسار بولىپ ىستەگەن چىن رىشىڭ ەسكە الىپ بىلاي دەدى: جياڭ زىمين جولداس وتە مۇقيات كوردى، ويىن اياقتاعان كەزدە بالا ارتيستەرمەن ءبىر - بىرلەپ قول الىسىپ، جەلپىنگەن كوڭىلمەن سىبىزعىنى سىناق رەتىندە تارتىپ كوردى.
«سول كەزدە جياڭ زىمين جولداسپەن قول الىسقان بالالاردىڭ كوبى كەيىن كەلە چۋانجوۋدىڭ تاڭداۋلى ءداستۇرلى مادەنيەتىن جالعاستىراتىن تىرەكتىگە اينالدى». چىن رىشىڭ بىلاي دەدى: جياڭ زىمين جولداس وزىق مادەنيەتتىڭ دامۋىن ەسىنەن شىعارمادى. جاڭا داۋىردەگى ۇلى اماليات بارىسىندا سوتسياليستىك رۋحاني وركەنيەت قۇرىلىسىندا ۇزدىكسىز تىڭ تابىستارعا قول جەتكىزۋدى ىلگەرىلەتە الساق، جياڭ زىمين جولداستىڭ رۋحى جونىنەن زور جۇبانىش بولار ەدى.
مۇراتقا مۇراگەرلىك ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ جولىندا ۇزدىكسىز ىنتىماقتاسا كۇرەس جۇرگىزەيىك
1998 - جىلى چاڭجياڭ وزەنىندە سەل اپاتى تۋىلعاندا جياڭشي ولكەسى جيۋجياڭ قالاسى يۇڭشيۋ اۋدانى ليشين اۋىلىنىڭ جاعدايى اۋىر بولعان ەدى. سول جىلى اپات ەڭ اۋىر بولعان كۇندەردە جياڭ زىمين جولداستىڭ جاڭبىرعا قاراماي توسپاعا كەلىپ، اپات جاعدايىن تەكسەرىپ، بۇقارادان حال سۇراعانى اۋىلداستاردىڭ ءالى دە ەسىندە.
«جياڭ زىمين جولداس مەنىمەن ىقىلاسپەن قول الىسىپ، ءبىزدى جوعارىدان تومەنگە دەيىن ءبىر نيەتتە بولىپ، اۋىر اپاتتان كەيىن اتا مەكەندى قايتا قۇرۋعا جىگەرلەندىرىپ، بۇقاراعا زور قولداۋ جانە شابىت بەردى». سول كەزدە ليشين اۋىلى چىشي قىستاعى تۇرعىندار كوميتەتىنىڭ مەڭگەرۋشىسى بولىپ ىستەگەن ياڭ چاڭجى تەبىرەنە: «24 جىل وتە شىقتى، قيىنشىلىققا جولىققاندا مەن ونىڭ ءسوزىن ەسكە السام، رۋحىم سەرپىلىپ، جۇمىس ىستەۋ تەبىنىم تاسقىندايدى. قازىر تۇرمىسىمىز بارعان سايىن جاقسارىپ كەلەدى، ونى ساعىنا ەسكە الامىز» دەدى.
گۇيياڭ چيانتاۋ بۋيزۋ – مياۋزۋ ۇلتتىق اۋىلى چيلۇڭ قىستاعى لو- ي جاڭا قورجاسى.
بىرنەشە كۇننەن بەرى چيلۇڭ قىستاعى پارتيا ياچەيكاسىنىڭ 48 جاستاعى شۋجيى ليۋ چييۇن قاتتى قايعىردى. 1996 - جىلى 10 - ايدا جياڭ زىمين جولداس گۇيجوۋ ولكەسىندە قىزمەت تەكسەرگەن كەزدە، لو- ي جاڭا قورجاسىنا بارىپ، لاۋيا تاۋىنان وسىندا كوشىپ كەلگەن مياۋزۋ باۋىرلاستارمەن امانداسقان بولاتىن.
«جياڭ زىمين جولداس تاۋلى رايونداعى از ۇلت بۇقاراسىن، كەدەي رايوندارداعى بۇقارانىڭ تۇرمىسىن كوكەيىنە ۇيالاتتى». سول كەزدە ورتا تەحنيكۋم ءبىتىرىپ، قىستاققا جاڭا كەلىپ شىنىعىپ جاتقان ليۋ چييۇننىڭ ەسىندە قالۋىنشا، تەڭىز دەڭگەيىنەن 1500 مەتر بيىك لاۋيا تاۋىندا سول كەزدە مياۋزۋ ۇلتىنان 23 وتباسىنىڭ بۇقاراسى تۇرادى ەكەن، سۋ، توك، جول جوق ەدى. كەدەيلىك بەت - بەينەسىن وزگەرتۋ ءۇشىن، جەرگىلىكتى ورىن تاۋ ەتەگىنەن لو - ي جاڭا قورجاسىن سالعان، بۇقارا كەرپىشتەن تۇرعىزىلىپ، توبەسىنە قاڭىلتاق كەرپىش توسەلگەن جاڭا ۇيلەرگە كوشىپ كىرگەن، سۋ، ەلەكتر جەتكزىلىپ، جول جاسالعان.
«ول كەزدە ءبىز ىشەر اس، كيەر كيىم ماسەلەسىن ەندى عانا شەشكەن بولاتىنبىز، قازىر بۇكىل قىستاقتىڭ جان باسىندىق جىلدىق ورتاشا ناق كىرىسى 20 مىڭ يۋاننان استى». ليچ چييۇن بىلاي دەدى: «ءبىز جاڭا داۋىردە اۋىل - قىستاقتى گۇلدەندىرۋدىڭ جاڭا كارتيناسىن ۇزدىكسىز جازىپ، اناعۇرلىم تاماشا تۇرمىس ارقىلى جياڭ زىمين جولداستىڭ رۋحىن جۇباتۋىمىز كەرەك».
قارلى ۇستىرتتە زاڭزۋ باۋىرلاستار جياڭ زىمين جولداستى ساعىنىشپەن ەسكە الدى. جياڭ زىمين جولداستىڭ دۇنيە سالعانى جونىندەگى حاباردى ەستىگەن 84 جاستاعى لوساڭ قاريا جياڭ زىمين جولداسقا حادا ۇسىنعان كەزىندەگى سۋرەتكە قاراپ، سول ءساتتى تەرەڭ سۇيىسپەنشىلىكپەن ەسكە الدى.
1998 - جىلى 3 - ايدا جياڭ زىمين جولداس 9 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە شيزاڭ ۋاكىلدەر ۇيىرمەسىنە كەلىپ، ۋاكىلدەرمەن بىرگە ۇكىمەت قىزمەتىنەن باياندامانى قارادى. سول كەزدەگى مەملەكەتتىك حالىق قۇرىلتايىنىڭ ۋاكىلى، لحاسا قالاسى چىڭگۋان رايونى شۋە تۇرعىندار كوميتەتى پارتيا ياچەيكاسىنىڭ شۋجيى لوساڭ جياڭ زىمين جولداسقا اپپاق حادا ۇسىنىپ، پارتيا ورتالىق كوميتەتىنىڭ شيزاڭداعى ءار ۇلت حالقىنا دەگەن قامقورلىعىنا العىس ايتتى.
«عاسىر توعىسىنداعى تاريحي ورايدى مىقتى يگەرىپ، باتىس بولەكتى اشۋدىڭ اياق الىسىن تەزدەتۋ كەرەك». 1999 - جىلى جياڭ زىمين جولداس «باتىس بولەكتى قاۋىرت اشۋ» ستراتەگيالىق ويىن العا قويدى. جاڭا عاسىرعا بەت العان بۇل ماڭىزدى شارا شيزاڭنىڭ تەز دامۋى ءۇشىن جاڭا اۋقىم جاراتىپ، ءتۇرلى ىستەردە جاپپاي ىلگەرلەۋ بولدى.
«بۇگىنگى شيزاڭدا جياڭ زىمين جولداس ارمانداعانداي، قوعام جاراسىمدى، ورنىقتى بولۋدا، حالىق تىنىش ءومىر، شات - شادىمان تىرشىلىك كەشىرۋدە. ءبىز ونى ماڭگى ساعىنامىز» دەدى لوساڭ.
نانحاي قايراڭى، حاينان ەركىن ساۋدا پورتى قۇرىلىسىنىڭ الدىمەن اتقارىلاتىن رايونى ياڭپۋدا ەسىك اشۋ ساياساتىن الدىمەن اتقارۋ، الدىمەن سىناق ەتۋدەگى ءتۇرلى شارالار جەدەل تياناقتانۋدا.
«ياڭپۋدىڭ قۇرىلىسى، دامۋى جياڭ زىمين جولداستىڭ كوڭىل ءبولۋى مەن قامقورلىعىنان ايرىلا المايدى». حاينان ولكەسى دانجوۋ قالالىق پارتكومنىڭ تۇراقتى مۇشەسى، ياڭپۋ ەكونوميكالىق اشۋ رايونى قىزمەت كوميتەتى شۋجيىنىڭ ورىنباسارى رىن يانشيننىڭ ياڭپۋعا تامىر تارتقانىنا 30 جىلعا تايادى، ول بىلاي دەدى: «ءبىز ۇلكەن ءۇمىتتى اقتاپ، ۇزدىكسىز العا باسىپ، رەفورما جاساپ، ەسىك اشۋدى تەرەڭدەتىپ، ساپالى دامۋ جولىمەن جۇرۋدە تاباندى بولىپ، ياڭپۋدى حايناندى دامىتۋدىڭ تاماشا تانىسقىسىنا، جۇڭگوشا وسىزامانداندىرۋدىڭ جاڭا كورىنەۋ تۇيىنىنە اينالدىرۋىمىز كەرەك».
2006 - جىلى جياڭ زىمين جولداس «جياڭ زىمين ماقالالارىنان تاڭدامالىلاردىڭ» 1 - تومىن، 2 - تومىن، 3 - تومىن ءوزى باسقارىپ رەداكسيالادى جانە ماقالالاردى ءبىر - بىردەن تەكسەرىپ بەكىتتى. «جياڭ زىمين ماقالالارىنان تاڭدامالىلاردى» رەداكسيالاۋ قىزمەتىنە قاتىناسقان ورتالىق پارتيا تاريحى جانە قۇجات زەرتتەۋ ورنى 3 - زەرتتەۋ ءبولىمى مەڭگەرۋشىسىنىڭ ورىنباسارى جاڭ ميڭجيە قاتتى قايعىردى. ول بىلاي دەدى: «جياڭ زىمين جولداس قاشان دا ءداۋىردىڭ دامۋ اۋقىمى مەن ورايىن مىقتى يگەرىپ، پارتيا مەن حالىقتىڭ جاندى امالياتىن شىعار ءتۇيىن ەتە وتىرىپ تاجىريبەلەردى قورىتىندىلاپ، جول قاراستىرىپ، تاباندىلىقپەن ءورىس اشا العا ىلگەرىلەپ وتىردى. جياڭ زىمين جولداستىڭ تاڭداۋلى ءمورالى مەن وسكەلەڭ ءمورالى ءبىزدى ماڭگى تاربيەلەيدى جانە شابىتتاندىرادى».
قالىڭ كادرلار مەن بۇقارا مىنانى ءبىلدىردى: جاڭا ءداۋىردىڭ جاڭا جورىعىندا ۇزدىكسىز جىگەرلەنە العا باسۋ جياڭ زىمين جولداسقا دەگەن ەڭ جاقسى جۇباتۋ سانالادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە جاڭا دا اناعۇرلىم زور ۇلەس قوسۋىمىز كەرەك.
(شينحۋا اگەنتتىگى، 12 - ايدىڭ 4 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
