«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيا 19 - كەزەكتى ورتالىق كوميتەتى جەتىنشى جالپى ءماجىلىسىنىڭ 2 - رەتكى جالپى جيىنىندا سويلەنگەن ءسوز
2022.12.02 16:35 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى. 12 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 23 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى «پارتيا 19 - كەزەكتى ورتالىق كوميتەتى جەتىنشى جالپى ءماجىلىسنىڭ 2 - رەتكى جالپى جيىنىندا سويلەنگەن ءسوزدى» جاريالايدى.
سوزدە بىلاي دەپ باسا دارىپتەلدى: پارتيا 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلاتىن ءبىر رەتكى اسا ماڭىزدى قۇرىلتاي. بۇعان بۇكىل پارتيا، بۇكىل ەلدەگى ءار ۇلت حالقى ۇلكەن ءۇمىت ارتىپ، حالىقارالىق قوعام جاپپاي نازار اۋدارىپ وتىر.
سوزدە بىلاي دەپ اتاپ كورسەتىلدى: پارتيا 20 - قۇرىلتايىنىڭ بايانداما نۇسقاسى جۇڭگوشا سوتسياليزم ۇلى تۋىن بيىك ۇستاپ، حالىقارا، ەل ءىشى جاعدايىنا تالداۋ جاسادى، پارتيا 20 - قۇرىلتايىنىڭ باستى تاقىرىبىن العا قويدى، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەرگە قايىرىلا قارادى جانە ونى قورىتىندىلادى، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمدادى، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوسپار جاسادى، ”بەستى ءبىر تۇلعاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جونىندە جان - جاقتىلى ورنالاستىرۋ جاسادى، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتتى، ارەكەت باعدارناماسىن تۇراقتاندىردى.
سوزدە بىلاي دەپ اتاپ كورسەتىلدى: پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى نۇسقاسى پارتيا 19 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى ءتارتىپ تەكسەرۋ كوميتەتتەرىنىڭ پارتيانى جاپپاي قاتاڭ باسقارۋدى ىلگەرىلەتۋدەگى امالياتتىق ىزدەنىستەرى مەن ماڭىزدى جەتىستىكتەرىن قورىتىندىلادى، پارتيانىڭ ماڭگى جولدا دەيتىن سەرگەكتىكپەن جانە باتىلدىقپەن پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن ىلگەرىلەتەتىن بەرىك بەكىمىن جاريالادى، پارتيانىڭ وزىنە توڭكەرىس جاساۋ ارقىلى قوعامدىق توڭكەرىسكە جەتەكشىلىك ەتۋدەگى كەلەلى ءمانىن ايگىلەدى.
سوزدە بىلاي دەپ اتاپ كورسەتىلدى: پارتيا ۋستاۆىنا وزگەرىس ەنگىزۋ جوبا نۇسقاسى بۇكىل پارتيانىڭ ەركىن ايگىلەدى، پارتيا 19 - قۇرىلتايىنان بەرگى پارتيانىڭ نازاريادا جاڭالىق اشۋىنىڭ، امالياتتا جاڭالىق اشۋىنىڭ، تۇزىمدە جاڭالىق اشۋىنىڭ جەتىستىكتەرىن ايگىلەدى. پارتيا 20 - قۇرىلتايى بايانداماسىندا العا قويىلاتىن كەيبىر ماڭىزدى يدەيالاردى، ماڭىزدى كوزقاراستاردى، كەلەلى ستراتەگيالاردى، كەلەلى شارالاردى پارتيا ۋستاۆىنا وزگەرىس ەنگىزۋ جوباسىندا ۇيلەسىمدى ايگىلەپ، وزگەرىس ەنگىزىلگەننەن كەيىنگى پارتيا ۋستاۆىن جاڭا جاعدايداعى جاڭا مىندەتتەردىڭ پارتيا قىزمەتى مەن پارتيا قۇرىلىسىنا قويعان جاڭا تالاپتارىنا ۇيلەستىرۋگە كۇش سالىندى.
سوزدە بىلاي دەپ اتاپ كورسەتىلدى: كوڭىلدەگىدەي ورتالىق كوميتەت باسشىلىق كوللەكتيۆىن سايلاپ شىعۋ پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىس جاعدايىن ءبىر تۇتاس جوسپارلاۋ، عىلمي، ءونىمدى تۇردە وزگەرىس جاعدايىنا توتەپ بەرۋ، جاڭا وراي جەتىلدىرۋ، جاڭا جاعداي اشۋ، جۇڭگوشا سوتسياليزمنىڭ جاڭا جەڭىسىنە قول جەتكىزۋ جونىنەن ەرەكشە ماڭىزدى. پارتيا 20 - كەزەكتى ”ەكى كوميتەتىنىڭ“ كانديداتتىعىنا دايىندالعان كانديداتتارعا جەر - جەردەگى، تاراۋلارداعى، ءار شەپتەگى، ءار كاسىپتەگى پارتيانىڭ بيلىك باسىنداعى تىرەكتىلەرى جانە ۇزدىك ۋاكىلدەرى شوعىرلاندى، ولاردىڭ ساپاسى تاماشا، ورنالاسىمى بىركەلكى، قۇرىلىمى ۇيلەسىمدى، پارتيا ورتالىق كوميتەتىنىڭ تالاپتارى مەن كادر - بۇقارانىڭ تىلەگىنە ۇيلەسەدى، باسشىلىق القاسى مەن كادرلار قوسىنىنىڭ ءىس جۇزىندىگىنە ۇيلەسەدى.
سوزدە بىلاي دەپ باسا دارىپتەلدى: پارتيامىز − 96 ميلليوننان استام پارتيا مۇشەسى، 4 ميلليون 900 مىڭنان استام نەگىزگى ساتى پارتيا ۇيىمى بار ءىرى پارتيا، ءبىر ميلليارد 400 ميلليوننان استام جۇڭگو حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سىندى تاريحي ماڭىزدى مىندەتتى ارقالاپ وتىر. ءىرى پارتيا، ءىرى ەل ءبىزدىڭ ۇلكەن ءىس تىندىرۋ، ۇلى ءىستى كوركەيتۋ ابزالدىلىعىمىز بولۋمەن بىرگە، ءبىزدى پارتيانى باسقارۋدا، مەملەكەتتى باسقارۋدا كوپتەگەن ەرەكشە قيىن ماسەلەلەرگە دە جولىقتىرادى. ءبىزدىڭ وسى دۇنيە جۇزىندەگى حالىق سانى ەڭ كوپ ەلدە جۇڭگوشا سوتسياليزمگە تاباندى بولىپ جانە ونى دامىتىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋدا، ءسوز جوق، پارتيانىڭ جالپى بەتتىك باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ، پارتيانىڭ باستان - اياق جالپى جاعدايدى تۇتاس مەڭگەرۋىنە، ءار جاقتى سايكەستىرۋىنە شىنايى كەپىلدىك ەتۋ كەرەك.
سوزدە بىلاي دەپ باسا دارىپتەلدى: ءبىزدىڭ پارتيا مۇشەلەرىمىز، كادرلارىمىز قىزمەتتە، الدە قىزمەت ورنىنان بوساعان بولسىن، قاي ۋاقىتتا، قاي جەردە، قانداي ورىندا بولسىن، تۇگەلدەي ءوزىنىڭ ءبىر كوممۋنيست ەكەندىگىن قاي - قاشان دا ەستە بەرىك ساقتاۋى كەرەك، اۆانگارد ۇلگىلىك رولىن باستان - اياق ساۋلەلەندىرۋى كەرەك، قاي - قاشان دا پارتيانىڭ باسشىلىعىنا تاباندى بولۋى جانە ونى قورعاۋى، پارتيانىڭ ىنتىماعىن، بىرلىگىن قورعاۋى كەرەك. بارلىق كوممۋنيست ”مەملەكەتتىڭ زور ءىسىن“ ەستە بەرىك ساقتاۋى كەرەك، جۇڭگوشا سوتسياليزمنىڭ جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋى كەرەك، پارتيا مۇشەسى تانىمىن كۇشەيتىپ، ستراتەگيالىق سەرگەكتىكتى ساقتاپ، پارتيا مەن حالىق ىستەرى ءۇشىن ۇزدىكسىز كۇرەس جۇرگىزۋى كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
