بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جياڭ زىمين جولداستىڭ ءمايىتى ارناۋلى ۇشاقپەن بەيجيڭگە قۇرمەتپەن جەتكىزىلدى

شي جينپيڭ قاتارلى پارتيا مەن مەملەكەتتىڭ باسشى جولداستارى اۋەجايعا بارىپ ءمايىتتى توسىپ الدى

2022.12.02 16:47     كەلۋ قاينارى : حالىق تورابى


12 - ايدىڭ 1 - كۇنى جياڭ زىمين جولداستىڭ ءمايىتى شاڭحايدان ارناۋلى ۇشاقپەن بەيجيڭگە قۇرمەتپەن جەتكىزىلدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگى، 12 - ايدىڭ 1 - كۇنى، بەيجيڭ. پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيىتقىسى، «ۇشكە ۋاكىلدىك ەتۋ» ماڭىزدى يدەياسىنىڭ باستى جاراتۋشىسى جياڭ زىمين جولداستىڭ ءمايىتى بۇگىن شاڭحايدان ارناۋلى ۇشاقپەن بەيجيڭگە قۇرمەتپەن جەتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ديڭ شۋەشياڭ، لي شي، ۋاڭ چيشان قاتارلى پارتيا مەن مەملەكەتتىڭ باسشى جولداستارى بەيجيڭ باتىس قالا ماڭى اۋەجايىنا بارىپ ءمايىتتى توسىپ الدى ءارى جياڭ زىمين جولداستىڭ تۋىس - تۋعاندارىنان شىنايى حال سۇرادى. ساي چي مەن جەرلەۋ كوميسسياسى كەڭسەسىندەگى قاتىستى جولداستار، جياڭ زىمين جولداستىڭ تۋىس - تۋعاندارى شاڭحايدان جياڭ زىمين جولداستىڭ ءمايىتىن الىپ بەيجيڭگە قايتىپ كەلدى.

  بەيجيڭ باتىس قالا ماڭى اۋەجايىندا مەملەكەت تۋى جارتىلاي تۇسىرىلگەن، ايبىندى دا سالماقتى بەينە اڭعارىلادى، قارا ءتۇستى كەرمە تۋعا «جياڭ زىمين جولداس ماڭگى جاسايدى»، «جياڭ زىمين جولداس ءبىزدىڭ كوكەيىمىزدە ماڭگى جاسايدى» دەگەن اق ءتۇستى جازۋلار جازىلعان. شي جينپيڭ مەن حانىمى پىڭ لييۋان كەۋدەسىنە اق گۇل، بىلەگىنە قارا جەڭدىك تاعىپ، ۇشاق توقتاتۋ الاڭىندا تولقىپ تۇردى.

  ساعات 15 تەن 55 مينۋت وتكەندە جياڭ زىمين جولداستىڭ ءمايىتى سالىنعان ارناۋلى ۇشاق باياۋ قوندى. ازالى مۋزىكا ءۇنى ىشىندە 12 قۇرمەت قاراۋىلى جياڭ زىمين جولداستىڭ ءمايىتى قويىلعان تابىتتى كوتەرىپ، ارناۋلى ۇشاقتان باياۋ ءتۇسىپ، ءمايىتتى توسىپ الۋ قوسىنىنىڭ الدىنا كەلىپ ءۇنسىز تۇردى. شي جينپيڭ قاتارلىلار جياڭ زىمين جولداستىڭ مايىتىنە 3 رەت تاعزىم ەتىپ، تابىت اۆتوموبيلگە شىعارىلعانشا قاراپ تۇردى. وسىدان كەيىن جەرلەۋ كوميسسياسى كەڭسەسىنىڭ مۇشەلەرى مەن جياڭ زىمين جولداستىڭ تۋىس – تۋعاندارى ءمايىتتى الىپ ءمايىتحاناعا ءجۇردى.

  سول كۇنى تۇسكى ساعات 12 دەن 10 مينۋت وتكەندە ءمايىتتى شىعارىپ سالۋ سالتى شاڭحاي شىعىس جۇڭگو شيپاحاناسىنىڭ قوشتاسۋ بولمەسىندە وتكىزىلدى. جەرلەۋ كوميسسياسى كەڭسەسىنىڭ مۇشەلەرى، شاڭحاي قالاسىنداعى قاتىستى جاۋاپتى جولداستار، جياڭ زىمين جولداستىڭ تۋىس - تۋعاندارى جانە كوزى تىرىسىندەگى دوس - جاراندارى، ەمدەۋ - كۇتىمدەۋ قىزمەتكەرلەرى جياڭ زىمين جولداستىڭ مايىتىمەن قوشتاستى ءارى تابىتىن شاڭحاي حۇڭچياۋ اۋەجايىنا جەتكىزىپ سالدى. شاڭحايداعى ءار سالا جۇرتشىلىعى جول بويى اتتاندىرىپ سالدى.

  بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەس ءتوراعاسىنىڭ ورىنباسارلارى، سونداي - اق ورتالىق اسكەري ىستەر كوميتەتىنىڭ مۇشەلەرى دە بەيجيڭ باتىس قالا ماڭى اۋەجايىنا كەلىپ ءمايىتتى توسىپ الدى.

  جياڭ زىمين جولداس 11 - ايدىڭ 30 - كۇنى شاڭحايدا 96 جاسىندا دۇنيەدەن ءوتتى.

  كەلۋ قاينارى: حالىق تورابى

12 - ايدىڭ 1 - كۇنى جياڭ زىمين جولداستىڭ ءمايىتى شاڭحايدان ارناۋلى ۇشاقپەن بەيجيڭگە قۇرمەتپەن جەتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ديڭ شۋەشياڭ، لي شي، ۋاڭ چيشان قاتارلى پارتيا مەن مەملەكەتتىڭ باسشى جولداستارى بەيجيڭ باتىس قالا ماڭى اۋەجايىنا بارىپ ءمايىتتى توسىپ الدى. ساي چي قاتارلىلار شاڭحايدان جياڭ زىمين جولداستىڭ ءمايىتىن الىپ بەيجيڭگە قايتىپ كەلدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار