وميكروننىڭ اۋرۋعا شالدىقتىرۋ قۋاتى قانداي؟ قالاي ەمدەۋگە بولادى؟ — مەملەكەتتىڭ كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ مامانى ىندەتتەن ساقتانۋداعى قولامتالى ماسەلەلەر جونىندە جاۋاپ قايتاردى
2022.12.06 15:37 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 5 – كۇنى بەرگەن حابارى. وميكرون ۆيرۋسىنىڭ اۋرۋعا شالدىقتىرۋ قۋاتىنىڭ السىرەۋىنە، ۆاكسينانى ەكتىرۋدىڭ جالپىلاستىرىلۋىنا، ىندەتتەن ساقتانۋ – تىزگىندەۋ جاعىندا تاجىريبە جيناقتاۋعا بايلانىستى، ەلىمىز ىندەتتەن ساقتانۋ جاعىندا جاڭا جاعدايعا، جاڭا مىندەتتەرگە ءدوپ كەلدى. جۋىردان بەرگى ەمدەۋدىڭ ءبىرىنشى شەبىندەگى جاعدايدان الىپ قاراعاندا، وميكرون ۆيرۋسى سەبەبىنەن سالماقتى اۋرۋعا شالدىعۋ مولشەرى جوعارى ما؟ وميكرون ۆيرۋسىمەن جۇعىمدالعان قارتتار، نەگىزدىك اۋرۋى بار ناۋقاستار قاتارلىلاردى قازىرگى جاعدايدا قالاي ەمدەۋگە بولادى؟ مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى تىنىس جولىنا قاتىستى قاتەرلى، سالماقتى اۋرۋلاردى ەمدەيتىن مامان، استانا مەديتسينا داشۋەسىنىڭ قاراماعىنداعى بەيجيڭ چاۋياڭ ەمحاناسىنىڭ ورىنباسار باستىعى، بەيجيڭ قالالىق تىنىس جولى اۋرۋلارىن ەمدەۋ مەكەمەسىنىڭ باستىعى تۇڭ جاۋحۇيدى كاسىپتىك جاقتان تۇسىنىك بەرۋگە ۇسىنىس ەتتى.
1.سۇراۋ: جۋىردان بەرى ەمدەۋدەگى ءبىرىنشى شەپتىڭ جاعدايىنان الىپ قاراعاندا، وميكرون ۆيرۋسىنىڭ سەبەبىنەن سالماقتى اۋرۋعا شالدىعۋ مولشەرى جوعارى ما؟
جاۋاپ: ۆيرۋستىڭ وزگەرۋىنە، سونداي – اق، ۆاكسينا ەكتىرۋدىڭ جالپىلاستىرىلۋىنا، ىندەتتەن ساقتانۋ – تىزگىندەۋ جاعىندا تاجىريبە جيناقتاۋعا بايلانىستى، وميكرون ۆيرۋسى سەبەبىنەن ەمحاناعا جاتىپ ەمدەلۋ مولشەرى، سالماقتى اۋرۋعا شالدىعۋ مولشەرى، اۋرۋدان قايتىس بولۋ مولشەرى زور مولشەردە تومەندەدى. قازىر بۇكىل ەلىمىزدەگى اۋرۋلاردىڭ جاعدايىنان الىپ قاراعاندا، وميكرون ۆيرۋسىمەن جۇعىمدالعانداردىڭ اۋرۋ بەلگىلەرى جوعارعى تىنىس جولىنداعى اۋرۋ بەلگىلەرىن نەگىز ەتەدى، باستىسى تاماعى جايسىزدانۋ، جوتەلۋ قاتارلىلار. اۋرۋ بەلگىسى جوق جۇعىمدالۋشىلار مەن جەڭىل تيپتەگى جۇعىمدالۋشىلار شامامەن %90 تەن استامىن ۇستايدى، جاي تيپتەگى جۇعىمدالۋشىلار (وكپە قابىنۋ سىندى اۋرۋ بەلگىسى بايقالعاندار) قازىر كوپ ەمەس، سالماقتى ناۋقاستانعانداردىڭ (جوعارى اعىمدى وتتەگىمەن ەمدەۋدى قاجەت ەتەتىن نەمەسە جاراقاتسىز، جاراقاتتى اۋا وتكىزۋ وپەراتسياسىن قابىلداۋدى قاجەت ەتەتىن) سالىستىرماسى تىپتەن تومەن.
بۇل ۋحاندى قورعاۋ شايقاسى كەزىندەگى جاڭا تيپتى ايدارشا ۆيرۋستىڭ باستاپقى ۆيرۋس تۇبىرشىگىنەن تۋىندايتىن اۋرۋ بەلگىلەرىمەن بارىنشا ۇقسامايدى. ول كەزدە سالماقتى اۋرۋلار ءبىرشاما كوپ بولعان، جاستار مەن ورتا جاستارداعى كەيبىر ناۋقاستاردىڭ قوس وكپەسى دە اعارىپ، تىنىس الۋى شۇعىل السىرەيتىن. جۋىردان بەرگى ىندەت مەزگىلىندە، بەيجيڭدەگى بەلگىلەنگەن ەمحانالارداعى ەمدەۋ جاعدايىنان الىپ قاراعاندا، جاڭا تيپتى ايدارشا ۆيرۋس وكپە قابىنۋ ىندەتى سەبەبىنەن شىنىمەن دە تۇتىك ارقىلى تىنىس الۋ اسپابىمەن تىنىس الدىرۋعا تۋرا كەلەتىن ناۋقاستاردىڭ سانى تەك از سانداعى، ساناۋلى ناۋقاس قانا بولعان.
2.وميكرون ۆيرۋسىمەن جۇعىمدالعان قارتتار، نەگىزدىك اۋرۋى بار ناۋقاستار قاتارلىلاردى قازىرگى جاعدايدا قالاي ەمدەۋگە تۋرا كەلەدى؟
جاۋاپ: قارتتار، جۇرەك، مي قان تامىرى اۋرۋى، سوزىلمالى تىنىس جولى اۋرۋى قاتارلى نەگىزدىك اۋرۋى بار ناۋقاستار، حيميالىق جولمەن ەمدەلىپ جاتقان ناۋقاستار، جۇكتىلىكتىڭ سوڭعى مەزگىلىندەگى ايەلدەر قاتارلىلاردىڭ يممۋنيتەت قۋاتى ءبىرشاما تومەن بولادى، ولاردى ءالسىز توپتاعىلار قاتارىنا قوسۋعا بولادى. قازىرگى ەمدەۋ جاعدايىنان الىپ قاراعاندا، ولاردىڭ جاڭا تيپتى ايدارشا ۆيرۋسپەن جۇعىمدالعان سوڭ، بەلگىلەنگەن ەمحانالارعا جاتىپ ەمدەلۋى، كوبىنەسە، بۇرىنعى اۋرۋىنىڭ قوزۋى سەبەبىنەن بولادى، الايدا، حىسۋان تەكسەرۋ ناتيجەسى بولىمدى بولعاندىقتان، جاي ەمحانالارعا جاتىپ ەمدەلۋىنە مۇمكىندىك جوق. مۇنداي ناۋقاستاردا جاڭا تيپتى ايدارشا ۆيرۋس وكپە قابىنۋ اۋرۋىنىڭ بەلگىلەرى كورنەكتى بولمايدى، ەمدەۋ تاسىلىندە دە ادەتتە وتە زور پارىق بولمايدى.
CT اسپابىمەن تەكسەرۋ ناتيجەسى قاتارلى كلينيكالىق بەلگىلەرى تيپتىك جاڭا تيپتى ايدارشا ۆيرۋس وكپە قابىنۋ اۋرۋى بولىپ شىققان از ساندى ناۋقاستاردى شيپاگەرلەر قاتاڭ تۇردە ولشەمگە ساي ەمدەيدى.
بەيجيڭدەگى بەلگىلەنگەن ەمحانالار نەگىزدىك اۋرۋى بار كەيبىر قارتتارعا ءتۇرلى ءپان سالاسىنداعى مامانداردى توپتىق دياگنوز قويۋعا ورنالاستىرادى. ەمدەۋ ارقىلى ناۋقاستاردىڭ حىسۋان تەكسەرۋ ناتيجەسى بولىمسىز بولىپ وزگەرگەن سوڭ، بىرتىندەپ بەلگىلەنگەن ەمحانالاردان باسقا ەمحانالارعا قاراي جوتكەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
