ەكونوميكالىق قىزمەت جونىندە پىكىر جانە ۇسىنىس الدى
ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
شي جينپيڭ ءماجىلىستى باسقاردى ءارى ماڭىزدى ءسوز سويلەدى
2022.12.08 16:12 كەلۋ قاينارى : حالىق تورابى
لي كىچياڭ قاتىستى جاعدايلاردى حابارلاندىردى، ۋاڭ ياڭ، لي چياڭ، ۋاڭ حۋنيڭ، حان جىڭ، ساي چي، ديڭ شۋە شياڭ قاتىناستى
■ كەلەر جىل − ج ك پ 20 - قۇرىلتايىنىڭ رۋحىن جاپپاي دايەكتى تياناقتاندىرۋدىڭ باستاما جىلى، ەكونوميكالىق قىزمەتتە ورنىقتىلىقتى باستى ورىنعا قويۋدا، ورنىقتىلىق بارىسىندا ىلگەرىلەۋدە تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارىپ، ءتۇرلى ساياساتتاردى سايكەستىرۋدى كۇشەيتىپ، بازار سەنىمىن بارىنشا سەرپىلتىپ، ىشكى سۇرانىمدى ۇلعايتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ەكونوميكالىق اينالىمنىڭ جالپى تۇلعالىق جاقسارۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما جاراتۋ كەرەك
■ ءارقايسى دەموكراتيالىق پارتيا - توپتارعا، مەملەكەتتىك ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، سەلبەستىك اۋەلگى ماقساتىن ۇمىتپاي، تاڭداۋلى داستۇرگە مۇراگەرلىك ەتۋ كەرەك. ەكىنشى، يدەيا مەن ارەكەتتى ج ك پ ورتالىق كوميتەتىنىڭ كەلەر جىلعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتتەن ساقتانۋ - تىزگىندەۋدى عىلمي، دالمە - ءدال ويداعىداي ىستەۋ، ىشكى سۇرانىستى ءونىمدى كەڭەيتۋ، جوعارى دەڭگەيلى عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋدى جۇزەگە اسىرۋ، ۇساق تيجارات تۇلعالارىنىڭ ومىرشەڭدىك كۇشىن قاۋلاتۋ سياقتى كەلەلى ماسەلەلەر توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، قۇندى پىكىر - ۇسىنىستاردى العا قويۋ كەرەك. ءۇشىنشى، كەزەك الماسۋدى وراي دەپ ءبىلىپ، ساياسي وتكىزىپ بەرۋ – وتكىزىپ الۋدى جاقسى ىستەپ، كەزەك الماسۋ قىزمەتىن زەيىن قويىپ ۇيىمداستىرىپ، كادرلاردى ءساتتى الماستىرىپ، كوپ پارتيا سەلبەستىگىنىڭ ورتاق يدەيالىق - ساياسي نەگىزى مەن ۇيىمدىق نەگىزىن ىشكەرىلەي بەكەمدەپ، كوپ پارتيا سەلبەستىگى ىستەرىنىڭ ماڭگى بەكەمدەلۋىنە، ۇرپاقتان - ۇرپاققا جالعاسۋىنا كەپىلدىك ەتۋ كەرەك
شينحۋا اگەنتتىگى، 12 - ايدىڭ 7 - كۇنى، بەيجيڭ. 12 - ايدىڭ 2 - كۇنى ج ك پ ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ بىلاي دەپ دارىپتەدى: كەلەر جىل − ج ك پ 20 - قۇرىلتايىنىڭ رۋحىن جاپپاي دايەكتى تياناقتاندىرۋدىڭ باستاما جىلى، ەكونوميكالىق قىزمەتتە ورنىقتىلىقتى باستى ورىنعا قويۋدا، ورنىقتىلىق بارىسىندا ىلگەرىلەۋدە تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارىپ، ءتۇرلى ساياساتتاردى سايكەستىرۋدى كۇشەيتىپ، بازار سەنىمىن بارىنشا سەرپىلتىپ، ىشكى سۇرانىمدى ۇلعايتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ەكونوميكالىق اينالىمنىڭ جالپى تۇلعالىق جاقسارۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما جاراتۋ كەرەك.
لي كىچياڭ، ۋاڭ ياڭ، لي چياڭ، ۋاڭ حۋنيڭ، حان جىڭ، ساي چي، ديڭ شۋەشياڭ اڭگىمە ماجىلىسىنە قاتىناستى. لي كىچياڭ ج ك پ ورتالىق كوميتەتىنىڭ تاپسىرۋىمەن بيىلعى ەكونوميكالىق قىزمەتكە قاتىستى جاعدايلاردى حابارلاندىرىپ، كەلەر جىلعى ەكونوميكالىق قىزمەت جونىندەگى قاتىستى ويلاردى تانىستىردى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى جۋ تۇڭ ىلگەرىندى – كەيىندى ءسوز سويلەدى. ولار ج ك پ ورتالىق كوميتەتىنىڭ ەلىمىزدىڭ قازىرگى ەكونوميكالىق اۋقىمى جونىندەگى تالداۋ، تۇجىرىمىن جانە كەلەر جىلعى ەكونوميكالىق قىزمەت جونىندەگى جوباسى مەن ويىن بۇكىلدەي قولدادى ءارى چاڭجياڭ وزەنى، حۋاڭحى وزەنى الاپتارىنىڭ بويلىق باعىتتا سايكەستى دامۋىن ىلگەرىلەتۋ، تومەنگى ساتىداعى تەحنيكالىق زەرتتەۋ - اشۋ قابىلەتىن جوعارىلاتۋ، عىلىم - تەحنيكا دارىندىلارىن ەنگىزۋدى كۇشەيتۋ، جاسىل، تومەن كومىرتەكتى دامۋدى ىلگەرىلەتۋ، حالىقتىق قارجى قوسۋ بەلسەندىلىگىن جۇمىلدىرۋ جانە قورعاۋ، تۇعىر ەكونوميكاسىنىڭ سالىق كىرىسىن جونگە سالۋدى كەمەلدەندىرۋ، تۇرعىنداردىڭ تۇتىنۋ تىلەگىن سەرپىلتۋ، ساپالى جۇمىستانۋدىڭ كەشەندى شارالارىن ويداعىداي اتقارۋ، ىندەتتەن دالمە - ءدال ساقتانۋ - تىزگىندەۋ شارالارىن ساپالىلاندىرۋ، ەكى جاعالاۋدىڭ توعىسا دامۋىن تەرەڭدەتۋ سياقتىلار جونىندە پىكىر جانە ۇسىنىس قويدى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى ءبىلدىردى: كوپشىلىك سوزدەرىندە بيىلعى ەكونوميكالىق قىزمەتتە قول جەتكىزگەن ناتيجەلەردى تولىق تۇراقتاندىردى ءارى جۇڭگو كوممۋنيستىك پارتياسى 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ، قازىرگى ەكونوميكالىق جاعدايعا دۇرىس تۇجىرىم جاساۋ، كەلەر جىلعى ەكونوميكالىق قىزمەتتى ويداعىداي ىستەۋ جونىندە كوپتەگەن سىندارلى پىكىرلەر مەن ۇسىنىستاردى العا قويدى. ءبىز مۇقيات زەرتتەپ، بەلسەنە قابىلدايمىز.
شي جينپيڭ بىلاي دەپ اتاپ كورسەتتى: بيىل جىل باسىنان بەرى قيىن - قىستاۋ حالىقارالىق ورتا جانە ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتاردان تايسالماي العا ۇمتىلىپ، ىندەتتەن ساقتانۋ - تىزگىندەۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق تىزگىندەۋ تەبىنىن ارتتىرىپ، ەكونوميكالىق، قوعامدىق جالپى جاعدايدىڭ ورنىقتىلىعىن ساقتادى.
شي جينپيڭ بىلاي دەپ اتاپ كورسەتتى: وتكەن 5 جىل وتە ەرەكشە، توتەنشە وزگەشە بولدى، دۇنيە ءجۇزى وزگەرىسىنىڭ اسقىنۋى، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى جانە ەل ءىشى ەكونوميكاسىنىڭ قۇلدىراۋى سياقتى كوپ ءتۇرلى سىناقتاردان وتتىك، اسىرەسە، ءىشىنارا ەلدەردىڭ ەكونوميكادا، عىلىم - تەحنيكادا «قول ءۇزۋدى» ىلگەرىلەتۋى سياقتى سىن - سايىسقا پارمەندى توتەپ بەرىپ، كاسىپ سالاسى تىزبەگىنىڭ، قامداۋ تىزبەگىنىڭ نەگىزىنەن ورنىقتىلىعىن ساقتادىق، ەكونوميكانىڭ نەگىزگى جاعدايىن ورنىقتىردىق. ءبىز حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعادىق. ەلىمىز ەكونوميكاسى جىلىنا ورتا ەسەپپەن %5 تەن استام ارتىپ، بۇكىل دۇنيە ءجۇزىنىڭ ورتاشا دەڭگەيىنەن جاقسى بولدى.
شي جينپيڭ بىلاي دەپ اتاپ كورسەتتى: جاڭا داۋىردەگى 10 جىل ەلىمىزدىڭ ەكونوميكالىق، قوعامدىق دامۋى تاريحي تابىستارعا قول جەتكىزگەن، تاريحي وزگەرىستەر تۋىلعان، ساپالى دامۋعا بۇرىلىس جاساعان 10 جىل بولدى. 10 جىلدان بەرى ەلىمىز ەكونوميكاسىنىڭ جالپى مولشەرى تىڭ ساتىعا كوتەرىلىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى دۇنيە ءجۇزى بويىنشا ماڭداي الدى ورىندا تۇردى، ستراتەگيالىق جاڭا گۇلدەنگەن كاسىپتەر دامىپ زورايىپ، دامۋدىڭ بىركەلكىلىگى، سايكەسىمدىلىگى، قامتىمدىلىعى ۇزدىكسىز جوعارىلادى، ەكولوگيالىق ورتادا كورنەكتى جاقسارۋ جانە اۋقىمدىق جاقسارۋ جارىققا شىعىپ، «ءبىر بەلدەۋ، ءبىر جولدى» بىرگە قۇرۋ تەرەڭدەپ، ناقتىلانا ءتۇستى، جاڭاشىل مەملەكەت قۇرىلىسىندا كەلەلى ىلگەرىلەۋشىلىككە قول جەتتى. اسىرەسە، مۇلدەم كەدەيلىك ماسەلەسى تاريحي سيپاتتى شەشىلىپ، جاپپاي دوڭگەلەك داۋلەتتى قوعام ۋاعىندا قۇرىلىپ، ءبىرىنشى 100 جىلدىق كۇرەس نىساناسى جۇزەگە اسىرىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستالدى.
شي جينپيڭ مىنارلاردى ءبىلدىردى: بيىل جىل باسىنان بەرى ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا – توپتا جوق قايراتكەرلەر پارتيا مەن مەملەكەتتىڭ وزەكتى قىزمەتىن توڭىرەكتەپ، جاڭا دامۋ اۋقىمىن جاراتۋ، ورتاق بايۋدى تىڭعىلىقتى ىلگەرىلەتۋ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ سياقتى ماڭىزدى ماسەلەلەر جونىنەن تەكسەرىپ زەرتتەۋ جۇرگىزىپ، چاڭجياڭ وزەنىنىڭ ەكولوگيالىق ورتاسىن قورعاۋ ارناۋلى دەموكراتيالىق باقىلاۋى سياقتى قىزمەتتەردى ورىستەتىپ، تىكەلەي بايلانىس جاساۋ جولىمەن 53 پارشا پىكىر، ۇسىنىس بەرىپ، ج ك پ ورتالىق كوميتەتىنىڭ عىلمي شەشىم جاساۋىنا ماڭىزدى نەگىز قالادى. شي جينپيڭ ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ دەموكراتيالىق پارتيا - توپتارعا، مەملەكەتتىك ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، سەلبەستىك اۋەلگى ماقساتىن ۇمىتپاي، تاڭداۋلى داستۇرگە مۇراگەرلىك ەتۋ كەرەك. ەكىنشى، يدەيا مەن ارەكەتتى ج ك پ ورتالىق كوميتەتىنىڭ كەلەر جىلعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتتەن ساقتانۋ - تىزگىندەۋدى عىلمي، دالمە - ءدال ويداعىداي ىستەۋ، ىشكى سۇرانىستى ءونىمدى كەڭەيتۋ، جوعارى دەڭگەيلى عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋدى جۇزەگە اسىرۋ، ۇساق تيجارات تۇلعالارىنىڭ ومىرشەڭدىك كۇشىن قاۋلاتۋ سياقتى كەلەلى ماسەلەلەر توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، قۇندى پىكىر - ۇسىنىستاردى العا قويۋ كەرەك. ءۇشىنشى، كەزەك الماسۋدى وراي دەپ ءبىلىپ، ساياسي وتكىزىپ بەرۋ – وتكىزىپ الۋدى جاقسى ىستەپ، كەزەك الماسۋ قىزمەتىن زەيىن قويىپ ۇيىمداستىرىپ، كادرلاردى ءساتتى الماستىرىپ، كوپ پارتيا سەلبەستىگىنىڭ ورتاق يدەيالىق - ساياسي نەگىزى مەن ۇيىمدىق نەگىزىن ىشكەرىلەي بەكەمدەپ، كوپ پارتيا سەلبەستىگى ىستەرىنىڭ ماڭگى بەكەمدەلۋىنە، ۇرپاقتان - ۇرپاققا جالعاسۋىنا كەپىلدىك ەتۋ كەرەك.
شى تايفىڭ، ليۋ حى، سۇن چۇنلان، حى ليفىڭ، ۋاڭ يۇڭ، شياۋ جيە، ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسىنە قاتىناستى.
اڭگىمە ماجىلىسىنە پارتيا سىرتىنداعى قايراتكەرلەردەن تاعى چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ جانە جياڭ زوجۇن، لي يۋەفىڭ، حۋاڭ رۇڭ، دوۋ شياۋيۇي قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
