بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ساۋد ارابياسىنىڭ تاق مۇراگەرى ءارى باس ءۋازىرى مۇحاممەدپەن كەڭەس وتكىزدى

2022.12.09 16:43     كەلۋ قاينارى : حالىق تورابى


  سول جەر ۋاقىتى 12 - ايدىڭ 8 - كۇنى تۇستە مەملەكەت ءتوراعاسى شي جينپيڭ ريادتىڭ پاتشا سارايىندا ساۋد ارابياسىنىڭ تاق مۇراگەرى، قوسىمشا باس ءۋازىرى مۇحاممەدپەن كەڭەس وتكىزدى. سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

  «حالىق گازەتى»، 12 – ايدىڭ 8 – كۇنى، رياد (تىلشىلەر حۋاڭ پەيجاۋ، يان حۋان). سول جەر ۋاقىتى بويىنشا 12 - ايدىڭ 8 - كۇنى تۇستە شي جينپيڭ ريادتاعى پاتشا سارايىندا ساۋد ارابياسىنىڭ تاق مۇراگەرى، قوسىمشا باس ءۋازىرى مۇحاممەدپەن كەڭەس وتكىزدى.

  مۇحاممەد الدىمەن پاتشا سالمان اتىنان شي جينپيڭنىڭ ساپارلاي كەلگەنىن قىزۋ قارسى الاتىنىن ءبىلدىرىپ، ج ك پ 20 - قۇرىلتايىنىڭ ءساتتى اشىلعانىن جانە شي جينپيڭ ج ك پ ورتالىق كوميتەتىنىڭ باس شۋجيى بولىپ تاعى دا سايلانعانىن شىن جۇرەكتەن قۇتتىقتادى.

  شي جينپيڭ بىلاي دەپ اتاپ كورسەتتى: ساۋد ارابياسى − اراب دۇنيەسى مەن ءىسلام دۇنيەسىنىڭ ماڭىزدى ءبىر مۇشەسى، سونداي - اق كوپ ۇيەكتەنگەن دۇنيە جۇزىندەگى ماڭىزدى دەربەس كۇش، جۇڭگونىڭ ورتا شىعىس رايونىنداعى ماڭىزدى ستراتەگيالىق سەرىگى. تاياۋ جىلداردان بەرى جۇڭگو مەن ساۋد ارابياسىنىڭ قاتىناسى جوعارى دەڭگەيدە دامىدى. قازىر حالىقارالىق جانە وڭىرلىك جاعدايدا تەرەڭ دە كۇردەلى وزگەرىستەر تۋىلۋدا، جۇڭگو - ساۋد ارابياسى قاتىناسىنىڭ ستراتەگيالىق جانە جالپى جاعدايلىق سيپاتى اناعۇرلىم كورنەكتىلەنۋدە. جۇڭگو جاق ساۋد ارابياسىمەن قارىم - قاتىناستى دامىتۋدى ديپلوماتيالىق جالپى جاعدايدىڭ، اسىرەسە، ورتا شىعىس ديپلوماتياسىنىڭ الدىمەن ەسكەرىلەتىن بەتالىسىنا قويادى، ساۋد ارابياسىمەن ۇلتتىڭ گۇلدەنۋىن جۇزەگە اسىرۋ جولىندا قول ۇستاسا العا ىلگەرىلەپ، دامۋ ستراتەگيالارىن ۇشتاستىرۋدى كۇشەيتىپ، ءار سالاداعى ناقتى ىستەر سەلبەستىگىن تەرەڭدەتىپ، حالىقارالىق جانە وڭىرلىك ىستەردەگى بايلانىستى، سايكەسۋدى كۇشەيتىپ، جۇڭگو مەن ساۋد ارابياسىنىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋىن ىلگەرىلەتۋدى قالايدى.

  شي جينپيڭ مىنالاردى دارىپتەدى: جۇڭگو جاق ساۋد ارابياسى جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن باتىل قولدايدى، ساۋد ارابياسىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ۇزدىكسىز ءجۇرۋىن قولدايدى. جۇڭگو جاق ساۋد ارابياسى جاقتىڭ «2030 - جىلعا دەيىنگى بولاشاق»، «جاسىل ورتا شىعىس» سياقتى ءبىرقىدىرۋ كەلەلى دامۋ باستاماسىن قولدايدى، ساۋد ارابياسىنىڭ ونەركاسىپتەنۋ اياق الىسىنا بەلسەنە ات سالىسىپ، ساۋد ارابياسى ەكونوميكاسىنىڭ كوپ نەگىزدى دامۋىنا دەم بەرۋدى قالايدى. ەكى جاق «ءبىر بەلدەۋ، ءبىر جولدى» بىرگە قۇرۋ باستاماسى مەن ساۋد ارابياسىنىڭ «2030 - جىلعا دەيىنگى بولاشاق» جوباسىن ۇشتاستىرۋدى ويداعىداي تياناقتاندىرىپ، ەكى ەلدىڭ ءار سالاداعى سەلبەستىگىندە اناعۇرلىم كوپ جەتىستىككە قول جەتكىزۋدى ىلگەرىلەتۋى كەرەك. جۇڭگو جاق ساۋد ارابياسى جاقپەن ەنەرگيا ساياساتى جونىندە تىلدەسۋدى، سايكەسۋدى كۇشەيتىپ، مۇناي ساۋداسىنىڭ كولەمىن كەڭەيتىپ، بارلاۋ، اشۋ سياقتى سەلبەستىكتەردى كۇشەيتىپ، فۋجيان گۋلەي ەتيلەن سياقتى ءىرى ەنەرگيا سەلبەستىك نىساندارىن ويداعىداي اتقارۋدى قالايدى. جۇڭگو جاق ساۋد ارابياسى جاقپەن ءوندىرىس قۋاتى جانە نەگىزدىك قۇرىلعى قۇرىلىسى سەلبەستىگىن تەرەڭدەتىپ، جۇڭگو - ساۋد ارابياسى كاسىپ سالاسى شوعىرلانعان ءوڭىر جانە كەلەلى نەگىزدىك قۇرىلعى نىساندارى قۇرىلىسىن ىلگەرىلەتىپ، ساۋدا، قارجى قوسۋ، فينانس سەلبەستىگى دەڭگەيىن جوعارىلاتىپ، ەلەكتروندىق ساۋدا، سيفرلى ەكونوميكا، تازا ەنەرگيا، جوعارى تەحنيكا، عارىشتى زەرتتەۋ - اشۋ سياقتى سالالارداعى سەلبەستىكتى كەڭەيتىپ، زاڭ اتقارۋ حاۋىپسىزدىگى، لاڭكەستىككە قارسى تۇرۋ جانە ۇشقارىلىقتى الاستاۋ سەلبەستىگىن كۇشەيتۋدى قالايدى. تاياۋدا ساۋد ارابياسىنداعى حانزۋ ءتىلىن ۇيرەنۋشىلەردەن 100 دەن استام ادام ماعان حانزۋ تىلىندە حات جازىپ، وزدەرىنىڭ حانزۋ تىلىنە دەگەن قىزۋ سۇيىسپەنشىلىگىن ءبىلدىردى، مەن قاتتى قۋاندىم. جۇڭگو جاق ساۋد ارابياسى جاقپەن بىرگە ەكى ەلدىڭ حانزۋ ءتىلى وقىتۋى سەلبەستىگىنىڭ اناعۇرلىم كوپ ناتيجەگە قول جەتكىزۋىن ىلگەرىلەتۋدى قالايدى. جۇڭگو جاق ساۋد ارابياسىن جۇڭگو ازاماتتارىنىڭ ۇيىرمە ۇيىمداستىرىپ شەكارادان شىعىپ ساياحاتتاۋداعى نىسانالى ەل ەتىپ، ەكى جاقتىڭ ادامدارىنىڭ بارىس - كەلىسى مەن گۋمانيتارلىق اۋىس - كۇيىسىن كەڭەيتۋگە ماقۇل بولدى.

  شي جينپيڭ بىلاي دەپ اتاپ كورسەتتى: جۇڭگو جاق ساۋد ارابياسى جاقتىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، ساۋد ارابياسى جاقپەن بىرلەسكەن مەملەكەتتەر ۇيىمى، 20 ەل توبى سياقتى كوپ جاقتى تۇعىرلاردا بايلانىستى، سايكەستىكتى كۇشەيتۋدى قالايدى. قازىرگى جاعدايدا جۇڭگو - اراب ەلدەرى باسشىلارىنىڭ تۇڭعىش كەزەكتى باسشىلار ءماجىلىسىن جانە جۇڭگو - شىعاناقتاعى اراب ەلدەرى سەلبەستىك كوميتەتىنىڭ باسشىلار ءماجىلىسىن اشۋ ەرەكشە ماڭىزدى مانگە يە، الداعى ءبىر مەزگىلدەگى جۇڭگو - اراب ەلدەرى قارىم - قاتىناسى مەن جۇڭگو –شىعاناقتاعى اراب ەلدەرى قارىم - قاتىناسىندا ستراتەگيالىق جەتەكشىلىك رول اتقارادى. جۇڭگو جاق ساۋد ارابياسى جاقپەن جانە اراب ەلدەرىمەن بىرگە قۇلشىنىپ، 2 رەتكى باسشىلار ءماجىلىسىن جۇڭگو - اراب ەلدەرى قارىم - قاتىناسىنىڭ جانە جۇڭگو –شىعاناقتاعى اراب ەلدەرى قارىم - قاتىناسىنىڭ دامۋ تاريحىنداعى بەلەستىك مانگە يە سالتاناتتى ىسكە اينالدىرىپ، جۇڭگو - اراب ەلدەرى قارىم - قاتىناسىن جانە جۇڭگو –شىعاناقتاعى اراب ەلدەرى قارىم - قاتىناسىن تىڭ ساتىعا كوتەرۋدى كۇتەدى.

  مۇحاممەد مىنانى ءبىلدىردى: ساۋد ارابياسى مەن جۇڭگونىڭ قارىم - قاتىناسى توتەنشە تىعىز، دوسجار، ساۋد ارابياسى − جۇڭگونىڭ ورتا شىعىس وڭىرىندەگى جان - جاقتى ستراتەگيالىق سەلبەستىك سەرىگى. جۇڭگٶنىڭ ەكونوميكاسى قارىشتاپ دامىپ وتىر، ساۋد ارابياسى دا «2030 - جىلعا دەيىنگى بولاشاق» جوباسىن ىسكە اسىرۋعا قۇلشىنۋدا، ساۋد ارابياسى جاق جۇڭگو جاقپەن ءوزارا قولداۋدى كۇشەيتىپ، ساۋد ارابياسى مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋگە بىرگە كۇش سالۋدى ءۇمىت ەتەدى، شي جينپيڭ ءتوراعانىڭ وسى رەتكى ساپارىنىڭ، ءسوز جوق، ساۋد ارابياسى - جۇڭگو قارىم - قاتىناسى تاريحىنداعى ماڭىزدى بەلەسكە اينالاتىنىنا، ساۋد ارابياسى مەن جۇڭگونىڭ ءار سالاداعى سەلبەستىگىنىڭ اناعۇرلىم كوپ جەتىستىككە قول جەتكىزۋىن ىلگەرىلەتىپ، ساۋد ارابياسى مەن جۇڭگو ەكى ەل حالىقتارىن اناعۇرلىم جاقسى باقىتقا كەنەلتەتىنىنە، ەكى ەلدىڭ بىرگە دامۋى مەن گۇلدەنۋىن اناعۇرلىم ويداعىداي جۇزەگە اسىراتىنىنا سەنەمىن. ساۋد ارابياسى جاق ءبىر جۇڭگو پرينسيبىن باتىل قولدايدى، جۇڭگو جاقتىڭ ءوزىنىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن قورعاۋىن باتىل قولدايدى، جۇڭگو جاقتىڭ ۇشقارىلىقتى الاستاۋ ءۇشىن قولدانعان شارالارى مەن قۇلشىنىستارىن باتىل قولدايدى، ءارقانداي سىرتقى كۇشتىڭ ادامدىق ۇقىق سياقتى اتپەن جۇڭگونىڭ ىشكى ىسىنە كيلىگۋىنە باتىل قارسى تۇرادى. ساۋد ارابياسى جاق جۇڭگو جاقپەن «ءبىر بەلدەۋ، ءبىر جولدى» ۇزدىكسىز بەلسەنە بىرگە قۇرىپ، ساۋدا جانە ءوزارا قارجى قوسۋدى كەڭەيتۋدى قالايدى، اناعۇرلىم كوپ جۇڭگو كاسىپورنىنىڭ ساۋد ارابياسىنىڭ ونەركاسىپتەنۋ اياق الىسىنا بەلسەنە ات سالىسۋىن، ساۋد ارابياسىنىڭ كەلەلى نەگىزدىك قۇرىلعى قۇرىلىستارى مەن ەنەرگيا نىساندارى سەلبەستىگىنە قاتىناسۋىن، اۆتوكولىك، عىلىم - تەحنيكا، حيميا ونەركاسىبى، كەن كاسىبى سياقتى سالالارداعى سەلبەستىكتى كۇشەيتۋىن قارسى الادى. جۇڭگو جاقتىڭ ساۋد ارابياسىنىڭ «جاسىل ورتا شىعىس» باستاماسىنا قولداۋ كورسەتكەنىنە العىس ايتامىن، ساۋد ارابياسى جاق جۇڭگو جاقپەن تازا ەنەرگيا، جاسىل دامۋ سياقتى سالالارداعى سەلبەستىكتى كۇشەيتۋدى، ادامداردىڭ بارىس - كەلىسىن جانە مادەنيەت اۋىس - كۇيىسىن كەڭەيتۋدى قالايدى، جۇڭگو جاقتىڭ ساۋد ارابياسى جاقتىڭ حانزۋ ءتىلى وقىتۋى قۋاتىن كۇشەيتۋىن ۇزدىكسىز قولداۋىن ءۇمىت ەتەمىن. جۇڭگو جاقتىڭ ساۋد ارابياسىنىڭ شاڭحاي سەلبەستىك ۇيىمىنىڭ تىلدەسۋشى سەرىگىنە اينالۋىن قولداعانىنا العىس ايتامىن، جۇڭگو جاقپەن 20 ەل توبى، بريكس ەلدەرى سياقتى كوپ جاقتى جۇلگەدەگى تىلدەسۋدى، سايكەسۋدى كۇشەيتىپ، ەنەرگيا حاۋىپسىزدىگى، استىق حاۋىپسىزدىگى جانە كليمات وزگەرىسى سياقتى سىن - سايىسقا سەلبەسە توتەپ بەرۋدى قالايمىز، سونداي - اق كەلەلى، قولامتالى وڭىرلىك ماسەلەلەر جونىندە ءجيى كەڭەسىپ، سەلبەسىپ، ءوڭىردىڭ بەيبىتشىلىگىن، حاۋىپسىزدىگىن جانە ورنىقتىلىعىن قورعاۋعا، ءوڭىردىڭ ورتاق حاۋىپسىزدىگىن جۇزەگە اسىرۋعا ۇلەس قوسامىز. ساۋد ارابياسى جاق اراب بىرىككەن امىرلىگى - جۇڭگو قارىم - قاتىناسىن، شىعاناقتاعى اراب ەلدەرى - جۇڭگو قارىم - قاتىناسىن اناعۇرلىم دامىتۋدا بەلسەندى رول اتقارۋدى قالايدى. مەن ساۋد ارابياسى - جۇڭگو قارىم - قاتىناسىنىڭ بولاشاعىنا كامىل سەنەمىن.

  ەكى جاق جۇڭگو - ساۋد ارابياسى جوعارى دارەجەلى بىرلەسكەن كوميتەتىنىڭ باستاماشىلىق دارەجەسىن زۇڭلي دارەجەسىنە كوتەرۋگە ماقۇل بولدى.

  ەكى ەل باسشىلارى «ءبىر بەلدەۋ، ءبىر جولدى» بىرگە قۇرۋ، ءادىليا، وقۋ - اعارتۋ، سۋتەگى ەنەرگياسى، قارجى قوسۋ، تۇرعىن ءۇي سياقتى سالالارداعى سەلبەستىك قۇجاتتارىنىڭ ءماتىنىن اۋىستىرۋ سالتىنا بىرگە قاتىناستى.

  ەكى جاق «جۇڭحۋا حالىق رەسپۋبليكاسى مەن ساۋد ارابياسسى پاتشالىعىنىڭ بىرلەسكەن مالىمدەمەسىن» جاريالادى.

  كەڭەستەن كەيىن شي جينپيڭ مۇحاممەد پاتشا سالماننىڭ اتىنان وتكىزگەن قارسى الۋ قوناعاسىنا قاتىناستى.

  ديڭ شۋەشياڭ، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار