قادىرلى جياڭ زىمين جولداس ماڭگى جاسايدى
جياڭ زىمين جولداستىڭ سۇيەك كۇلى تەڭىزگە شاشىلدى
پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىستى
2022.12.12 16:42 كەلۋ قاينارى : حالىق تورابى
 |
12 - ايدىڭ 11 - كۇنى، جياڭ زىمين جولداستىڭ جانە ونىڭ تۋىس - تۋعانىنىڭ تىلەگى بويىنشا، قادىرلى جياڭ زىمين جولداستىڭ سۇيەك كۇلى چاڭجياڭ وزەنىنىڭ تەڭىزگە قۇيار ساعاسىندا تەڭىزگە شاشىلدى. پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىستى. سۋرەتتە: جياڭ زىمين جولداستىڭ تۋىس - تۋعاندارى جياڭ زىمين جولداستىڭ سۋرەتىن، سۇيەك كۇلى قالبىرىن جانە گۇل شەڭبەردى كوتەرىپ، جۇڭنانحايدىڭ لايفۋ زالىنان باياۋ شىعىپ كەلەدى.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
شينحۋا اگەنتتىگى، 12 - ايدىڭ 11 - كۇنى، بەيجيڭ. جياڭ زىمين جولداستىڭ جانە ونىڭ تۋىس - تۋعانىنىڭ تىلەگى بويىنشا، قادىرلى جياڭ زىمين جولداستىڭ سۇيەك كۇلى 12 - ايدىڭ 11 - كۇنى چاڭجياڭ وزەنىنىڭ تەڭىزگە قۇيار ساعاسىندا تەڭىزگە شاشىلدى.
پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىسىپ، ەڭ قۇرمەتتى، ەڭ ايبىندى تاسىلمەن پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيىتقىسى، «ۇشكە ۋاكىلدىك ەتۋ» ماڭىزدى يدەياسىنىڭ باستى جاراتۋشىسى جياڭ زىمين جولداسقا دەگەن قايعىلى كوڭىل كۇيلەرى مەن شەكسىز ساعىنىشتارىن بەينەلەدى.
جياڭ زىمين جولداس − مىزعىماس ماتەرياليست. ول كوزى تىرىسىندە ءوزىنىڭ سۇيەك كۇلىن چاڭجياڭ وزەنىنە جانە تەڭىزگە شاشۋ جونىندە تىلەك بىلدىرگەن. جياڭ زىمين جولداس ءومىرىن وتان مەن حالىققا قالتقىسىز ارنادى.
بۇگىن تۇستەن بۇرىن جياڭ زىمين جولداس كوزى تىرىسىندە ۇزاق ۋاقىت قىزمەت ىستەگەن جۇڭنانحايدا تۋ جارتىلاي ءتۇسىرىلىپ، ازا ءبىلدىرىلدى. لايفۋ زالىنداعى اق ءتۇستى پەردەگە جياڭ زىمين جولداستىڭ رەڭدى سۋرەتى ىلىنگەن. سۋرەتتىڭ استىڭعى جاعىنا جياڭ زىمين جولداستىڭ سۇيەك كۇلى قوبديشاسى قويىلعان، ونىڭ ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان. جياڭ زىمين جولداستىڭ حانىمى ۋاڭ يەپيڭ وتباسىنداعىلارمەن بىرگە ۇسىنعان گۇل شارباق جياڭ زىمين جولداستىڭ سۇيەك كۇلى قوبديشاسىنىڭ الدىنا قويىلىپ، ەكى جاعىنا تۋىس - تۋعانى مەن قاتىستى جاقتار ۇسىنعان گۇل شەڭبەرلەر قويىلعان.
تۇستەن بۇرىن ساعات 8 دەن 10 مينۋت وتكەندە ساي چي جانە جەرلەۋ القاسى كەڭسەسىندەگى باسشى جولداستار جياڭ زىمين جولداستىڭ تۋىس - تۋعانىمەن بىرگە وسى اراعا كەلىپ ءۇنسىز تۇرىپ، توتەنشە قايعىلى كوڭىل كۇيمەن جانە تەرەڭ ساعىنىشپەن جياڭ زىمين جولداستىڭ سۋرەتىنە ءۇش رەت تاعىزىم ەتتى. وسىدان كەيىن جياڭ زىمين جولداستىڭ تۋىس - تۋعانى جياڭ زىمين جولداستىڭ سۋرەتىن، سۇيەك كۇلى قوبديشاسىن جانە گۇل شەڭبەردى كوتەرىپ لايفۋ زالىنان باياۋ شىقتى.
تابىت ماشيناسى جۇڭنانحايدان باياۋ قوزعالدى، جۇڭنانحايدا قىزمەت ىستەيتىن كادرلار مەن جۇمىسشى - قىزمەتكەرلەر جولدىڭ ەكى جاعىنا جابال جينالىپ، كەۋدەلەرىنە اق گۇل تاعىپ، قايعىلى بەينەدە جياڭ زىمين جولداستى اقتىق ساپارعا اتتاندىردى.
تابىت ماشيناسى باتىس قالا ماڭى اۋەجايىنا باياۋ كىردى. قاراعايلار تىم - تىرىس بوي تۇزەگەن، الىستاعى تاۋلار ءۇنسىز مۇلگىپ تۇر. اۋە ارمياسىنىڭ كوماندير - جاۋىنگەرلەرى ساپقا تۇرىپ، جياڭ زىمين جولداستىڭ سۇيەك كۇلىن جەتكىزەتىن ارناۋلى ۇشاق ۇشقانعا دەيىن ۇزاق قاراپ تۇردى. ارناۋلى ۇشاق قالىقتاي ۇشىپ، استانا بەيجيڭنىڭ اۋە كەڭىستىگىن ءبىر اينالىپ، جياڭ زىمين جولداس پارتيا مەن مەملەكەت ىستەرى ءۇشىن جۇرەك قانىن سارقا جۇمساعان وسى مەكەنگە قوش ايتتى.
تۇستەن بۇرىن ساعات 11 دەن 5 مينۋت وتكەندە جياڭ زىمين جولداستىڭ سۇيەك كۇلىن جەتكىزەتىن ارناۋلى ۇشاق شاڭحاي حۇڭچياۋ اۋەجايىنا جەتتى. وسىدان كەيىن سۇيەك كۇلى تابىت ماشيناسىمەن ۋ - سۇڭ اسكەري پورتى كەمەجايىنا جەتكىزىلدى.
ۋ - سۇڭ اسكەري پورتى كەمەجايىندا مەملەكەت تۋى جارتىلاي ءتۇسىرىلىپ، قايعىلى بەينەگە ەندى. قارا ءتۇستى كەرمە تۋعا اق ءتۇستى جازۋمەن «جياڭ زىمين جولداس ماڭگى جاسايدى»، «جياڭ زىمين جولداس ءبىزدىڭ جۇرەگىمىزدە ماڭگى جاسايدى» دەپ جازىلعان. تەڭىز ارمياسىنىڭ كوماندير - جاۋىنگەرلەرى رەتتى ساپ تۇزەپ، باس كيىمدەرىن الىپ قۇرمەت ءبىلدىردى. جياڭ زىمين جولداستىڭ تۋىس - تۋعانى سۇيەك كۇلىن تابىت ماشيناسىنان ىزەتپەن الىپ ءتۇسىپ، ازا ۇستەلىنە قويدى. قايعىلى مۋزىكا ءۇنى ىشىندە قوشتاسۋشىلار قايعىعا شومىپ، ءۇنسىز قاتارعا تۇرىپ، ءيىلىپ تاعىزىم ەتىپ، جياڭ زىمين جولداسپەن اقتىق رەت قوشتاستى.
جۇڭگو حالىق ازاتتىق ارمياسى تەڭىز ارمياسىنىڭ ياڭجوۋ كەمەسى جىم - جىرت تۇر، كەمەدەگى كوماندير - جاۋىنگەرلەر بولىمشە اۋماقتا ساپ تۇزەپ، ءۇنسىز تۇردى. ياڭجوۋ − جياڭ زىمين جولداستىڭ اتا مەكەنى. ياڭجوۋدىڭ اتىمەن اتالعان وسى اسكەري كەمە بۇگىن ەڭ جوعارى قۇرمەت سالتى بويىنشا پارتيا مەن حالىق ءۇشىن وشپەس ەڭبەك سىڭىرگەن ۇزدىك باسشىنى اتتاندىرىپ سالدى. جياڭ زىمين جولداستىڭ تۋىس - تۋعانى سۇيەك كۇلىن الىپ ياڭجوۋ كەمەسىنە شىقتى. تەڭىز ارمياسىنىڭ گۋدوگى شالىندى، قۇرمەت قاراۋىلى مىلتىقتارىن سەرت ۇستاپ ءۇنسىز تۇرىپ، قۇرمەتپەن قاراپ تۇردى. ياڭجوۋ كەمەسى جولعا شىققاندا كەمەجايداعى بارلىق كەمە گۋدوك شالىپ، اسپان اياسىن جاڭعىرتتى.
ياڭجوۋ كەمەسى بۋىرقانعان چاڭجياڭ وزەنىنە كىرىپ، تەلەگەي تەڭىزگە قاراي ءجۇزدى. اسكەري كەمە باياۋ جىلجىپ، جياڭ زىمين جولداس جاستىق كوكتەمىن وتكىزگەن، ۇزاق ۋاقىت قىزمەت ىستەگەن، كۇرەس جۇرگىزگەن، ۇلەس قوسقان شاڭحاي توپىراعىمەن قوشتاستى.
تۇسكى ساعات 12 دەن 35 مينۋت وتكەندە ياڭجوۋ كەمەسى چاڭجياڭ وزەنىنىڭ تەڭىزگە قۇيار ساعاسىنداعى سۋ ايدىنىنا جەتتى. اسكەري كەمەنىڭ الاڭقىسىندا اتتاندىرىپ شىعارۋشىلار ءۇنسىز ازا ءبىلدىردى. تەڭىز بەن اسپان ءۇندىس مۇلگىپ، تولقىن جوڭكىلدى. ساي چي جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى كوزدەرىنە ىستىق جاس الىپ، قايعى - قاسىرەتپەن جياڭ زىمين جولداستىڭ سۇيەك كۇلىن جانە الۋان ءتۇستى گۇل شەشەكتەرىن شەتسىز دە شەكسىز تەڭىزگە باياۋ شاشتى.
چاڭجياڭ وزەنى شىعىسقا جوڭكىلىپ، شالقار تەڭىزگە قۇيىلۋدا. جۇڭحۋانىڭ بايتاق دالاسى مەن تاۋ - وزەنى ۇلى تۇلعانىڭ شۇعىلالى، جاۋىنگەرلىك عاسىرلىق ومىرىنە كۋا بولدى، تاڭداۋلى باسشىنىڭ اقتىق دەمىنە دەيىن كۇرەس جاساعان قاھارماندىق رۋحى ماڭگى ەستە ساقتالادى.
چاڭجياڭ وزەنى شىعىسقا جوڭكىلىپ، شالقار تەڭىزگە قۇيىلۋدا. بۇگىنگى تاڭدا دۇنيە ءجۇزىنىڭ شىعىسىندا ەڭسە كوتەرىپ تۇرعان سوتسياليستىك جۇڭگو گۇلدەنىپ - كوركەيىپ، ۇلى وزگەرىستەر جارىققا شىعۋدا، جۇڭحۋا ۇلتىنىڭ ۇلى گۇلدەنۋىنىڭ تاريحي بارىسى ايبىندى دا دابىرالى جۇرىلۋدە، اعا بۋىندار بۇعان ءدان ريزا.
چاڭجياڭ وزەنى شىعىسقا جوڭكىلىپ، شالقار تەڭىزگە قۇيىلۋدا. قادىرلى جياڭ زىمين جولداسپەن ماڭگى قوشتاستىق! جياڭ زىمين جولداستىڭ ۇلاعاتتى ەسىمى، وشپەس ەڭبەگى، يدەياسى، ونەگەسى تاريحقا ماڭگى جازىلادى، ول حالىقتىڭ جۇرەگىندە ۇرپاقتان - ۇرپاققا ماڭگى ساقتالادى.
كەلۋ قاينارى: حالىق تورابى
 |
12 - ايدىڭ 11 - كۇنى، جياڭ زىمين جولداستىڭ جانە ونىڭ تۋىس - تۋعانىنىڭ تىلەگى بويىنشا، قادىرلى جياڭ زىمين جولداستىڭ سۇيەك كۇلى چاڭجياڭ وزەنىنىڭ تەڭىزگە قۇيار ساعاسىندا تەڭىزگە شاشىلدى. پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىستى. سۋرەتتە: بەيجيڭ باتىس قالا ماڭى اۋەجايىندا جياڭ زىمين جولداستىڭ تۋىس - تۋعاندارى جياڭ زىمين جولداستىڭ سۋرەتىن، سۇيەك كۇلى قالبىرىن جانە گۇل شەڭبەردى كوتەرىپ، ارناۋلى ۇشاققا قاراي باياۋ ءجۇرىپ بارادى.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
 |
12 - ايدىڭ 11 - كۇنى، جياڭ زىمين جولداستىڭ جانە ونىڭ تۋىس - تۋعانىنىڭ تىلەگى بويىنشا، قادىرلى جياڭ زىمين جولداستىڭ سۇيەك كۇلى چاڭجياڭ وزەنىنىڭ تەڭىزگە قۇيار ساعاسىندا تەڭىزگە شاشىلدى. پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىستى.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
|
 |
12 - ايدىڭ 11 - كۇنى، جياڭ زىمين جولداستىڭ جانە ونىڭ تۋىس - تۋعانىنىڭ تىلەگى بويىنشا، قادىرلى جياڭ زىمين جولداستىڭ سۇيەك كۇلى چاڭجياڭ وزەنىنىڭ تەڭىزگە قۇيار ساعاسىندا تەڭىزگە شاشىلدى. پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىستى.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
|
 |
12 - ايدىڭ 11 - كۇنى، جياڭ زىمين جولداستىڭ جانە ونىڭ تۋىس - تۋعانىنىڭ تىلەگى بويىنشا، قادىرلى جياڭ زىمين جولداستىڭ سۇيەك كۇلى چاڭجياڭ وزەنىنىڭ تەڭىزگە قۇيار ساعاسىندا تەڭىزگە شاشىلدى. پارتيا ورتالىق كوميتەتىنىڭ تاپسىرۋىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قاتارلى باسشى جولداستار جانە جياڭ زىمين جولداستىڭ حانىمى ۋاڭ يەپيڭ قاتارلى تۋىس - تۋعانى سۇيەك كۇلىن تەڭىزگە شاشۋعا جەتكىزىستى.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
|
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
