شي جينپيڭ تۋنيستىڭ زۇڭتۇڭىمەن، ماۆريتانيانىڭ زۇڭتۇڭىمەن، جيبۋتيدىڭ زۇڭتۇڭىمەن، كاتاردىڭ امىرىمەن، كومورونىڭ زۇڭتۇڭىمەن، سوماليدىڭ زۇڭتۇڭىمەن، باحرەيننىڭ پاتشاسىمەن، يەمەن زۇڭتۇڭى باسشىلىق كوميتەتىنىڭ توراعاسىمەن، يراقتىڭ زۇڭليىمەن، ليۆاننىڭ زۇڭليىمەن، الجيريانىڭ زۇڭليىمەن، ومان ىشكى كابينەتىنىڭ ورىنباسار باس ۋازىرىمەن جەكە - جەكە كەزدەستى
2022.12.12 16:19 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر ليۋ حۋا، سۇن حاۋ). جەرگىلىكتى ۋاقىت 12 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ ريادتا تۋنيستىڭ زۇڭتۇڭى سايىدپەن كەزدەستى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن تۋنيستىڭ ناقتى ىستەر سەلبەستىگى كەرەعار اۋقىمعا قارسى ورگە ۇمتىلدى. جۇڭگو جاق جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن جەڭىپ، تۋنيستا دەنساۋلىق ساقتاۋ، دەنە تاربيە، ادام كۇشى بايلىعىن باۋلۋ سياقتى ءبىر توپ نىساندى سالىپ، اتقارىپ، تۋنيستىڭ ەكونوميكالىق، قوعامدىق دامۋىنا دەم بەردى. جۇڭگو جاق تۋنيس جاقپەن ەمدەۋ - دەنساۋلىق ساقتاۋ، نەگىزدىك قۇرىلعى قۇرىلىسى، جوعارى، جاڭا تەحنيكا سياقتى سالالارداعى سەلبەستىكتى ۇزدىكسىز، ورنىقتى ىلگەرىلەتىپ، ادام كۇشى بايلىعى، جەرگىلىكتى ورىندار مەن حالىقتار ارا اۋىس - كۇيىستى كەڭەيتىپ، قۋاتتى جۇڭگو كاسىپورىندارىن تۋنيسكە بارىپ قارجى قوسىپ، كاسىپ گۇلدەندىرۋگە شابىتتاندىرۋدى قالايدى، تۋنيس جاقتىڭ جۇڭگودا ساتۋعا لايىقتى، بازارلى ەرەكشە ونىمدەرىن ۇزدىكسىز تانىستىرۋىن قارسى الادى.
شي جينپيڭ بىلاي دەپ باسا دارىپتەدى: جۇڭگو جاق تۋنيس جاقتىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، سىرتقى كۇشتەردىڭ تۋنيستىڭ ىشكى ىسىنە كيلىگۋىنە قارسى تۇرادى، تۋنيس جاقتىڭ مەملەكەتتىڭ ورنىقتىلىعى مەن دامۋىن قورعاۋعا اقىل - پاراساتىنىڭ، قابىلەتىنىڭ جەتەتىندىگىنە سەنەدى. جۇڭگو جاق تۋنيس جاقتىڭ جۇڭگونىڭ اراب ەلدەرىمەن توپتىق سەلبەستىگىنە ايرىقشا ءمان بەرگەندىگىن، جۇڭگو - افريكا توپتىق سەلبەستىگىن بەلسەنە قولداعاندىعىن القايدى، تۋنيس جاقپەن بىرگە جۇڭگو - تۋنيس دوستىق سەلبەستىك قارىم - قاتىناسىن بەكەمدەپ جانە تەرەڭدەتىپ، جۇڭگو - اراب ەلدەرى، جۇڭگو - افريكا ەلدەرى توپتىق سەلبەستىگىنىڭ اناعۇرلىم زور دامۋدى جۇزەگە اسىرۋىن ىلگەرىلەتۋدى قالايدى.
سايىد مىنالاردى ءبىلدىردى: جۇڭگو كوممۋنيستىك پارتياسى 20 - قۇرىلتايىنىڭ ءساتتى اشىلعاندىعىن شىن جۇرەكتەن قۇتتىقتايمىن. مەن ءتوراعا شي جينپيڭنىڭ ماڭىزدى تۇجىرىمىن ايرىقشا قۇپتايمىن. قازىرگى حالىقارالىق جاعدايدا ءارقانداي ەل جەكە - دارا دامي المايدى، ءار ەل ءوزارا قۇرمەت ەتىپ، ءوزارا سەلبەسەتىن، ءوزارا پايدا جەتكىزىپ، تەڭ يگىلىككە كەنەلەتىن جاڭا جولمەن ءجۇرىپ، تىعىز سەلبەستىك ارقىلى قازىرگى دۇنيە ءجۇزى ءدوپ كەلىپ وتىرعان ورتاق ماسەلەلەردى شەشۋى كەرەك. جۇڭگو جاق قاشاندا حالىقارالىق ادىلدىك پەن تۋراشىلدىق جاعىندا تۇرىپ كەلەدى، ءسىز العا قويعان الەمدىك دامۋ باستاماسى گۋمانيتارلىق قامقورلىققا جانە وزىق ۇستانىمعا تولى، وركەندەپ كەلە جاتقان ەلدەردىڭ قابىلەتىن جوعارىلاتۋدا، ءار ەلدىڭ بىرگە دامۋىن، العا باسۋىن جۇزەگە اسىرۋدا ماڭىزدى مانگە يە. تۋنيس پەن جۇڭگو دوستىق قارىم - قاتىناستا، سەلبەستىك كومەسكى كۇشى زور. جۇڭگو جاق ۇزاق ۋاقىتتان بەرى تۋنيستىڭ ەكونوميكالىق، قوعامدىق دامۋىنا، سونداي - اق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋىنە قىمباتتى كومەك كورسەتتى، تۋنيس جاق مۇنى ۇمىتپايدى. تۋنيستە جۇڭگو ءتىلىن ۇيرەنە باستاعان جاستاردىڭ قاتارى بارعان سايىن مولايىپ كەلەدى، ولار جۇڭگونىڭ حالىقارادا اناعۇرلىم ماڭىزدى رول اتقاراتىندىعىنا سەنەدى. تۋنيس جاق ءار سالاداعى سەلبەستىكتى كەڭەيتۋگە، تەرەڭدەتۋگە كۇش سالادى، جۇڭگو جاقپەن بىرگە تۋنيس - جۇڭگو قارىم - قاتىناسىن تىڭ دا اناعۇرلىم جوعارى دەڭگەيگە كوتەرۋدى قالايدى. تۇڭعىش كەزەكتى اراب ەلدەرى - جۇڭگو باسشىلار ءماجىلىسى تاريحي مانگە يە، تۋنيس جاق اراب ەلدەرى مەن جۇڭگونىڭ قارىم - قاتىناسىنىڭ ونان ارى دامۋىن بەلسەنە جەبەيدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر حاۋ ۋيۋي، ۋاڭ حايجوۋ). جەرگىلىكتى ۋاقىت 12 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ ريادتا ماۆريتانيانىڭ زۇڭتۇڭى عازوۋانيمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن ماۆريتانيانىڭ ءداستۇرلى دوستىعى تەرەڭ. تاياۋ جىلداردان بەرى جۇڭگو - ماۆريتانيا قارىم - قاتىناسى اقاۋسىز، ورنىقتى دامىدى، ەكى جاقتىڭ ساياسي ءوزارا سەنىمىدىلىگى بەكەمدەلىپ، ناقتى ىستەر سەلبەستىگى تەرەڭدەپ، گۋمانيتارلىق اۋىس - كۇيىسى جيىلەدى. جۇڭگو جاق ماۆريتانيا جاقتىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، سىرتقى كۇشتەردىڭ ماۆريتانيانىڭ ىشكى ىسىنە كيلىگۋىنە قارسى تۇرادى، ماۆريتانيا جاقتىڭ تايۋانعا ساياتىن، شياڭگاڭعا ساياتىن، شينجياڭعا ساياتىن، ادامدىق ۇقىق سياقتى ماسەلەلەردە تۋى ايقىن تۇردە جۇڭگونى قولداعاندىعىن القايدى. جۇڭگو جاق ماۆريتانيا جاقپەن بىرگە قۇلشىنىپ، جۇڭگو - ماۆريتانيا دوستىق سەلبەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: تالاي جىلدان بەرى جۇڭگو جاق ماۆريتانيا جاقتىڭ جول، كوپىر، شيپاحانا سياقتى حالىق تۇرمىسىنا تيىمدىلىك جەتكىزەتىن ءىرى نىسانداردى اتقارۋىنا كومەكتەستى. جۇڭگو جاق جۇڭگو كاسىپورىندارىن ماۆريتانيا جاقتىڭ ەنەرگيا، بالىقشىلىق، كەن، نەگىزدىك قۇرىلعى سياقتى سالالارداعى قۇرىلىسىنا بەلسەنە ات سالىسىپ، ماۆريتانيا حالقىن باقىتقا كەنەلتۋگە ۇزدىكسىز ىنتالاندىرادى. جۇڭگو جاق اراب ەلدەرى سياقتى وركەندەپ كەلە جاتقان ەلدەر جونىندەگى اۋەلگى ماقساتىن وزگەرتپەي ساقتاپ كەلەدى، ماۆريتانيانى قامتىعان اراب ەلدەرىمەن بىرگە جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن كۇش سالا قۇرىپ، جۇڭگو - اراب ەلدەرى قارىم - قاتىناسى دامۋىنىڭ جاڭا بولاشاعىن قول ۇستاسا اشۋدى قالايدى. ماۆريتانيا جاق تا جۇڭگو - افريكا توپتىق سەلبەستىگىنىڭ ماڭىزدى كۋاگەرى، ات سالىسۋشىسى، ۇلەس قوسۋشىسى سانالادى، جۇڭگو جاق ماۆريتانيا جاقپەن بىرگە جاڭا داۋىردەگى جۇڭگو - افريكا تاعدىرلاس ورتاق تۇلعاسىن بىرگە قۇرۋدى قالايدى.
عازوۋاني مىنالاردى ءبىلدىردى: ماۆريتانيا - جۇڭگو قارىم - قاتىناسى جاقسى دامىپ، ءار سالاداعى سەلبەستىكتە بەلسەندى جەتىستىكتەرگە قول جەتتى. ماۆريتانيا جاق ءبىر جۇڭگو ساياساتىن باستان - اياق باتىل اتقارادى، ءبىر جۇڭگو پرينسيبى − ماۆريتانيا جاق تاباندى بولاتىن ماڭىزدى قىزىل سىزىق، وعان تيتتەي دە اۋىتقىماي ۇزدىكسىز بەرىك ساقتايدى. ماۆريتانيا جاق جۇڭگو جاقتىڭ ادامدىق ۇقىق ماسەلەسىندەگى تۇرعىسىن دا ۇزدىكسىز باتىل قولدايدى، ءارقانداي كۇشتىڭ ادامدىق ۇقىقتى جەلەۋ ەتىپ جۇڭگونىڭ ىشكى ىسىنە كيلىگۋىنە باتىل قارسى تۇرادى. جۇڭگو جاقتىڭ ۇزاق ۋاقىتتان بەرى ماۆريتانيا جاققا ءتۇرلى قالتقىسىز كومەك كورسەتكەنىنە العىس ايتامىن، ماۆريتانياعا كومەككە كەلگەن ەمدەۋ اترەتىن قامتىعان جۇڭگو جاق كومەكتەسكەن كوپتەگەن ماڭىزدى قۇرىلعىلار مەن نىساندار حالىق تۇرمىسىنا تيىمدىلىك جەتكىزىپ، جەرگىلىكتى ورىننىڭ ەكونوميكالىق، قوعامدىق دامۋىنا دەم بەردى. ماۆريتانيا جاق جۇڭگو جاقپەن جوعارى جىكتەگىلەردىڭ بارىس - كەلىسىن ساقتاپ، جۇڭگو جاقتىڭ ەل باسقارۋداعى تابىستى تاجىريبەلەرىنەن ۇيرەنىپ، ۇلگى الىپ، ءار سالاداعى سەلبەستىكتى ۇزدىكسىز كەڭەيتۋدى، تەرەڭدەتۋدى ءۇمىت ەتەدى. جۇڭگو − تۇتاس اراب دۇنيەسىنىڭ دوسى جانە سەرىكتەسى، تۇڭعىش كەزەكتى اراب ەلدەرى - جۇڭگو باسشىلار ءماجىلىسى دەر شاعىندا اشىلدى، ول، ءسوز جوق، اراب دۇنيەسى مەن بۇكىل دۇنيە جۇزىنە ماڭىزدى، بەلسەندى ىقپال جاسايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر لي لياڭيۇڭ، تيان يە). جەرگىلىكتى ۋاقىت 12 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ ريادتا جيبۋتيدىڭ زۇڭتۇڭى گەللەمەن كەزدەستى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن جيبۋتيدىڭ ستراتەگيالىق ءوزارا سەنىمدىلىگى ۇزدىكسىز تەرەڭدەپ، ءار سالاداعى سەلبەستىگى ايتارلىقتاي ناتيجەلى بولىپ، ەكى ەلدىڭ دوستىعى جۇرت جۇرەگىنە تەرەڭ ۇيالادى. جيبۋتي جاقتىڭ تايۋانعا ساياتىن، شياڭگاڭعا ساياتىن، شينجياڭعا ساياتىن قاتارلى ماسەلەلەردە جۇڭگو جاققا قىمباتتى قولداۋ كورسەتكەنىنە العىس ايتامىن، جۇڭگو جاق جيبۋتي جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىنا ۇزدىكسىز قولداۋ كورسەتەدى، جيبۋتيدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن قولدايدى. جۇڭگو جاق جيبۋتي جاقپەن بىرگە قۇلشىنىپ، جۇڭگو مەن جيبۋتيدىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق جيبۋتي جاقپەن ۇكىمەت، زاڭ شىعارۋ قۇرىلىمى، ساياسي پارتيا، ارميا، جەرگىلىكتى ورىن سياقتى سالالارداعى بارىس - كەلىستى، سەلبەستىكتى كەڭەيتىپ، ەل باسقارۋ جانە دامۋ تاجىريبەلەرى جونىندە اۋىس - كۇيىس جاساۋدى، ءوزارا ۇلگى الۋدى كۇشەيتىپ، دامۋ ستراتەگيالارىن ۇشتاستىرۋدى كۇشەيتۋدى قالايدى. جۇڭگو جاق جيبۋتي جاقتىڭ ”2035 - جىل ارمانى“ قۇرىلىسىن ىلگەرىلەتۋىنە قولداۋ كورسەتىپ، پورت، قارجى قوسۋ سياقتى سالالارداعى سەلبەستىكتى تەرەڭدەتىپ، ادديس ابەبا − جيبۋتي تەمىر جولى سياقتى جالاۋگەر سەلبەستىك نىساندارىن بىرگە قورعاپ جانە ويداعىداي جۇرگىزىپ، جيبۋتي جاقتىڭ وڭىرلىك زات اينالىمى تورابىن قۇرۋىنا دەم بەرەدى. جۇڭگو جاق جيبۋتي جاقتىڭ حالىق تۇرمىسىن جاقسارتۋىنا ۇزدىكسىز كومەكتەسىپ، ەرەكشە سۇركەيلى كليماتقا سەلبەسىپ توتەپ بەرىپ، استىق حاۋىپسىزدىگىن قامتاماسىز ەتۋدى قالايدى. جۇڭگو جاق جيبۋتي جاقپەن تىعىز سەلبەسىپ، وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىكتى، تۋراشىلدىقتى ويداعىداي قورعاپ، ءوڭىردىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە ۇلەس قوسۋدى قالايدى.
گەللە مىنالاردى ءبىلدىردى: تۇڭعىش كەزەكتى اراب ەلدەرى - جۇڭگو باسشىلار ءماجىلىسى كەزىندە ءتوراعا شي جينپيڭمەن كەزدەسكەنىمە ەرەكشە قۋانىشتىمىن، مەن ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ قايتا سايلانعاندىعىن قۇتتىقتايمىن. جيبۋتي مەن جۇڭگو دوس جانە اعايىن، سەلبەسىپ تەڭ يگىلىككە كەنەلۋدى جۇزەگە اسىرۋعا كۇش سالاتىن ستراتەگيالىق سەرىكتەس. جيبۋتي جاق جۇڭگو جاقتىڭ جيبۋتيدىڭ ەكونوميكالىق، قوعامدىق دامۋىنا قىمباتتى كومەك كورسەتكەندىگىنە العىس ايتادى، جۇڭگو جاقپەن بىرگە جيبۋتي مەن جۇڭگونىڭ ستراتەگيالىق سەرىكتەستىك قارىم - قاتىناسىن ونان ارى بەكەمدەپ، ماڭىزدى نەگىزدىك قۇرىلعى نىساندارى قۇرىلىسىن ۇزدىكسىز ىلگەرىلەتۋدى قالايدى. جيبۋتي جاق جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگو جاقتىڭ ورىندى تۇرعىسىن ۇزدىكسىز قولدايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر ليۋ حۋا، حاۋ ۋيۋي). جەرگىلىكتى ۋاقىت 12 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ ريادتا كاتاردىڭ ءامىرى تاميممەن كەزدەستى.
شي جينپيڭ الدىمەن كاتاردىڭ فۋتبولدان الەم كۋبوگىن تولىق تابىسپەن وتكىزۋىن تىلەپ، بىلاي دەپ اتاپ كورسەتتى: كاتاردىڭ فۋتبولدان الەم كۋبوگىن ءساتتى وتكىزۋى كاتاردىڭ قابىلەتىن ايگىلەپ، بۇگىنگى ايقىنسىزدىققا تولى دۇنيە جۇزىنە جاڭا، بەلسەندى ەنەرگيا ۇستەدى. كەلەر جىلى جۇڭگو مەن كاتاردىڭ ديپلوماتيالىق قارىم - قاتىناس ورناتقاندىعىنا 35 جىل تولادى. جۇڭگو جاق كاتار جاقپەن وسىنى وراي ەتىپ، جۇڭگو مەن كاتاردىڭ ستراتەگيالىق سەرىكتەستىك قارىم - قاتىناسىنىڭ مازمۇنىن بايىتىپ، جۇڭگو - كاتار ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي اتاپ كورسەتتى: جۇڭگو جاق كاتار جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن باتىل قولدايدى، كاتار جاقتىڭ جۇڭگونىڭ وزەكتى مۇددەسىنە ساياتىن ماسەلەلەردە جۇڭگو جاققا قىمباتتى قولداۋ كورسەتكەندىگىن القايدى. جۇڭگو جاق كاتار جاقتىڭ ”2030 مەملەكەت ارمانى“ قۇرىلىسىن ىلگەرىلەتۋىن قولدايدى، كاتار جاقپەن تابيعي گاز سياقتى ءداستۇرلى ەنەرگيا سالاسىنداعى سەلبەستىكتەردى كەڭەيتۋدى، فوتوۆولت، جەل ەنەرگياسى سياقتى قايتا تۋىندامالى ەنەرگيا سالاسىنداعى سەلبەستىكتەردى كەڭەيتىپ، ەكى ەلدىڭ فينانس، قارجى قوسۋ سالاسىنداعى سەلبەستىك دەڭگەيىن جوعارىلاتۋدى قالايدى، كاتار جاقتىڭ جۇڭگوعا قارجى قوسۋدى ارتتىرۋىن قارسى الادى، ەكى جاقتاعى ادامداردىڭ بارىس - كەلىسىن بەلسەنە جەبەۋدى قالايدى. اراب دۇنيەسى − قازىرگى كوپ ۇيەكتى دۇنيەدەگى ماڭىزدى دەربەس كۇش. جۇڭگو جاق كاتار جاقتىڭ جۇڭگو - اراب ەلدەرى جانە جۇڭگو − شىعاناقتاعى اراب ەلدەرى سەلبەستىك كوميتەتىنە مۇشە ەلدەر توپتىق سەلبەستىگىن باستان - اياق دايەكتى قولداپ جانە جەبەپ كەلە جاتقاندىعىن القايدى، كاتار جاقپەن بىرگە جۇڭگو − اراب ەلدەرى جانە جۇڭگو − شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. كاتار جاقتىڭ شاڭحاي سەلبەستىك ۇيىمىنىڭ تىلدەسۋ سەرىكتەسىنە اينالۋىن قارسى الامىز، كاتار جاقپەن حالىقارالىق، وڭىرلىك ماسەلەلەر جونىندە تىعىز بايلانىستى ساقتاۋدى قالايمىز.
تاميم مىنالاردى ءبىلدىردى: ءتوراعا شي جينپيڭنىڭ كاتاردىڭ فۋتبولدان الەم كۋبوگىن وتكىزۋىنە دەگەن ىزگى تىلەگىنە العىس ايتامىن. قازىرگى دۇنيە كاتار الەم كۋبوگىن قاجەت ەتەدى، بۇل اراب دۇنيەسىنىڭ قابىلەتى مەن بەت - بەينەسىن كورسەتەدى. جۇڭگو كاسىپورىندارى كاتار الەم كۋبوگىنىڭ نەگىزگى سارايلارىن سالۋ جۇمىسىن مىندەتىنە الدى، ەكى ۇلكەن مىسىق ايۋ كاتارعا كەلىپ الەم كۋبوگىنىڭ مەرەيىن اسىرىپ، كاتار مەن جۇڭگو دوستىعىنىڭ جاڭا تانىسقىسىنا اينالدى. كاتار - جۇڭگو قارىم - قاتىناسى وتە جاقسى دامىپ، ساياسي، ەكونوميكا، مادەنيەت، دەنە تاربيە سياقتى سالالاردا بەلسەندى تابىستارعا قول جەتكىزدى. كاتار جاق ءبىر جۇڭگو ساياساتىن باتىل اتقارادى، سىرتتىڭ جۇڭگونىڭ ىشكى ىسىنە كيلىگۋىنە قارسى تۇرادى، بۇل − كاتار جاقتىڭ بۇلجىماس تۇرعىسى. كاتار جاق كاتار - جۇڭگو سەلبەستىگىن تەرەڭدەتۋگە شەك قويمايدى، جۇڭگوعا قارجى قوسۋدى ارتتىرادى، كاتار - جۇڭگو قارىم - قاتىناسىنىڭ، ءسوز جوق، اناعۇرلىم زور دامۋعا قول جەتكىزەتىندىگىنە سەنەدى. كاتار جاق جۇڭگو جاقتىڭ ۇزاق ۋاقىتتان بەرى پالەستين قاتارلى ماسەلەلەردە ءادىل تۇرعى ۇستانىپ كەلگەندىگىن القايدى. بۇگىن تۇستەن كەيىن اشىلاتىن تۇڭعىش كەزەكتى اراب ەلدەرى - جۇڭگو باسشىلار ءماجىلىسى مەن شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگو باسشىلار ءماجىلىسىنىڭ، ءسوز جوق، تابىستى بولاتىندىعىنا سەنەمىن.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر ليۋ حۋا، لي لياڭيۇڭ). جەرگىلىكتى ۋاقىت 12 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ ريادتا كومورونىڭ زۇڭتۇڭى ازاليمەن كەزدەستى.
شي جينپيڭ بىلاي دەپ باسا دارىپتەدى: جۇڭگو جاق جۇڭگو - كومورو قارىم - قاتىناسىنىڭ دامۋىنا ايرىقشا ءمان بەرەدى، مەملەكەتتىڭ دامۋىنا، گۇلدەنۋىنە قادام تاستاۋ جولىندا كومورومەن ءوزارا سەنىمدى جاقسى دوس، جاقسى سەرىكتەس بولۋدى قالايدى. جۇڭگو جاق كومورو جاقتىڭ ۇزاق ۋاقىتتان بەرى جۇڭگونىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە باتىل قولداۋ كورسەتكەندىگىن القايدى، كومورو جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن، ەكونوميكالىق، قوعامدىق دامۋدى جانە حالىق تۇرمىسىن جاقسارتۋدى جۇزەگە اسىرۋىن ۇزدىكسىز قولدايدى. جۇڭگو جاق كومورو جاقتىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، كومورو جاقپەن تىعىز ىنتىماقتاسىپ، سەلبەسىپ، باتىل تۇردە ءوزارا قولداۋ كورسەتىپ، وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىكتى، تۋراشىلدىقتى ويداعىداي قورعاۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق كومورو جاقپەن ءار سالاداعى، ءار جىكتەگى دوستىق بارىس - كەلىستى جيىلەتىپ، جۇڭگو - اراب ەلدەرى سەلبەستىك تالقى مىنبەرىنىڭ، جۇڭگو − افريكا سەلبەستىك تالقى مىنبەرىنىڭ جەتىستىكتەرىن تياناقتاندىرۋدى كومورو جاقتىڭ ”2030 جاڭادان گۇلدەنگەن مەملەكەت“ ستراتەگياسىمەن ىشكەرىلەي ۇشتاستىرۋدى ىلگەرىلەتىپ، نەگىزدىك قۇرىلعى، ەمدەۋ - دەنساۋلىق ساقتاۋ، تەڭىز - مۇحيت ەكونوميكاسى سياقتى سالالارداعى سەلبەستىكتى كۇشەيتۋدى قالايدى. جۇڭگو جاق قۋاتتى جۇڭگو كاسىپورىندارىن كوموروعا بارىپ قارجى قوسۋعا ىنتالاندىرادى، كومورو جاقتىڭ جۇڭگو حالىقارالىق يمپورت كورمەسى، جۇڭگو - افريكا ەكونوميكا - ساۋدا كورمەسى سياقتى تۇعىرلاردان ويداعىداي پايدالانىپ، اناعۇرلىم كوپ كومورو ونىمدەرىنىڭ جۇڭگو بازارىنا كىرۋىن ىلگەرىلەتۋىن ءۇمىت ەتەدى.
ازالي مىنالاردى ءبىلدىردى: كومورو مەن جۇڭگو ەكى ەلدىڭ اراسىندا ءداستۇرلى دوستىق قارىم - قاتىناس بار. كومورو تاۋەلسىزدىك العان كۇننەن باستاپ، جۇڭگو كومورومەن باستان - اياق يىق سۇيەسە بىرگە تۇردى، كومورو جاقتىڭ جاعدايى ەڭ قيىن كۇندەردە قالتقىسىز كومەك كورسەتتى. جۇڭگو كومەكتەسىپ سالعان ماڭىزدى نەگىزدىك قۇرىلعى نىساندارى مەن بەرگەن ىندەتكە قارسى زاتتىق ماتەريالدار جانە ۆاكسينا كومورو حالقىنا بارىنشا تيىمدىلىك جەتكىزدى. جۇڭگو بولاشاقتا مەيلى قانداي سايىسقا ءدوپ كەلسە دە، كومورو جاق جۇڭگومەن ۇزدىكسىز تاباندىلىقپەن بىرگە بولادى. كومورو جاق جۇڭگونىڭ بۇكىلدەي بىرلىككە كەلۋىن قولدايدى، جۇڭگو جاقتىڭ دۇنيە ءجۇزىنىڭ بەيبىتشىلىگى مەن دامۋىن قورعاۋ ءۇشىن العا قويعان بارلىق جوبالارىن قولدايدى، جۇڭگو جاقپەن بىرگە كوپ جاقتىلىقتى قولداۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر سۇن حاۋ، ياڭ يران). جەرگىلىكتى ۋاقىت 12 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ريادتا سوماليدىڭ زۇڭتۇڭى موحامۇدپەن كەزدەستى.
شي جينپيڭ بىلاي دەپ اتاپ كورسەتتى: جۇڭگو جاق سومالي جاقتىڭ يەلىك ۇقىقتى، ار - نامىستى جانە تەرريتوريا تۇتاستىعىن قورعاۋىن باستان - اياق قولداپ كەلەدى، افريكا وداعىنىڭ سوماليدا تۇراتىن ارنايى ۋاكىلدەر ۇيىرمەسىنە ۇزاق ۋاقىت قولداۋ كورسەتىپ، حالىقارالىق قوعامنىڭ سوماليعا قولداۋ كورسەتۋىن جانە كومەكتەسۋىن بەلسەنە ىلگەرىلەتىپ كەلەدى. جۇڭگو جاق سومالي جاقپەن ساياسي ءوزارا سەنىمدىلىكتى قورعاپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا ءتۇسىنىسىپ، ءوزارا قولداۋ كورسەتىپ، جۇڭگو - سومالي قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، وركەندەپ كەلە جاتقان ەلدەردىڭ ورىندى ۇقىق - مۇددەسىن بىرگە قورعاۋدى قالايدى. جۇڭگو جاق سوماليدىڭ قايتا قۇرۋ جانە ەكونوميكالىق، قوعامدىق دامۋىنا قولىنان كەلگەنشە كومەك بەرىپ، ەكى مەملەكەت كاسىپورىندارىن اۋىل شارۋاشىلىعى، بالىقشىلىق، دەنساۋلىق ساقتاۋ سياقتى سالالارداعى سەلبەستىكتەر جايىن تالقىلاۋعا ىنتالاندىرادى. جۇڭگو جاق سومالي ۇكىمەتىنىڭ ورنىقتىلىقتى قورعاۋ، لاڭكەستىككە سوققى بەرۋ قابىلەتىن جوعارىلاتۋىن قولدايدى.
موحامۇد مىنالاردى ءبىلدىردى: ءتوراعا شي جينپيڭنىڭ ۋاقىت شىعارىپ كەزدەسكەنىنە العىس ايتامىن. سومالي − جۇڭگو قارىم - قاتىناسى ارىدان جالعاسقان، 1960 - جىلى ديپلوماتيالىق قارىم - قاتىناس ورناتقاننان بەرى سومالي - جۇڭگو قارىم - قاتىناسى باستان - اياق ءوزارا ءتۇسىنۋدى، ءوزارا قۇرمەت ەتۋدى نەگىز ەتىپ كەلدى. جۇڭگو جاق سوماليدا ەڭ ۇزىن جوعارى جىلدامدىقتى تاس جول جانە شيپاحانا قاتارلى ماڭىزدى حالىق تۇرمىسى قۇرىلعىلارىن كومەكتەسىپ سالىپ بەردى، مەملەكەتتىڭ حاۋىپسىزدىگىن قورعاۋ، مەملەكەت ەكونوميكاسىن قايتا قۇرۋ جاعىندا ۇزدىكسىز جۇڭگو جاقتىڭ قولداۋىنا يە بولۋدى ءۇمىت ەتەمىن. سومالي جاق ءبىر جۇڭگو ساياساتىن باتىل اتقارادى، باستان - اياق جۇڭگونىڭ ماڭىزدى ستراتەگيالىق سەرىكتەسى بولادى، جۇڭگومەن ۇزدىكسىز تاباندىلىقپەن بىرگە بولىپ، جۇڭگو جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن قولدايدى. سومالي جاق جۇڭگو جاقپەن سومالي − جۇڭگو قارىم - قاتىناسىنىڭ العا دامۋىن ۇزدىكسىز ىلگەرىلەتۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر جياڭ گوپىڭ، يۇي فۋچيڭ). جەرگىلىكتى ۋاقىت 12 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ريادتا باحرەيننىڭ پاتشاسى حامادپەن كەزدەستى.
شي جينپيڭ بىلاي دەپ اتاپ كورسەتتى: جۇڭگو جاق باحرەين جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قولدايدى، باحرەين جاقتىڭ جۇڭگونىڭ وزەكتى مۇددەسىنە قاتىستى ماسەلەلەردە ۇزاق ۋاقىت جۇڭگو جاقتى باتىل قولداعاندىعىنا العىس ايتادى.
جۇڭگو جاق ەكى ەلدىڭ دامۋ ستراتەگياسىنىڭ ۇشتاسۋىن كۇشەيتىپ، باحرەين جاقتىڭ ەكونوميكالىق دامۋ نىساندارىنا بەلسەنە ات سالىسىپ، دەنساۋلىق ساقتاۋ، سالاماتتىق سەلبەستىگىن كۇشەيتىپ، جۇڭگو ءتىلى وقۋىن ىلگەرىلەتۋدى قالايدى. جۇڭگو جاق باحرەين جاقتىڭ جۇڭگونىڭ اراب ەلدەرىمەن جانە شىعاناقتاعى اراب ەلدەرى سەلبەستىك كوميتەتىمەن سەلبەستىگىن جەبەۋدەگى قۇلشىنىستارىن القايدى، باحرەين جاقپەن بىرگە جۇڭگو - اراب ەلدەرى، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ اناعۇرلىم زور دامۋعا يە بولۋىن ىلگەرىلەتۋدى قالايدى. جۇڭگو جاق باحرەيننىڭ شاڭحاي سەلبەستىك ۇيىمىنىڭ تىلدەسۋ سەرىكتەسى بولعاندىعىن قۇتتىقتايدى، باحرەين جاقپەن كوپ جاقتى تۇعىردا بايلانىستى، ىستەستىكتى كۇشەيتۋدى قالايدى.
حاماد مىنالاردى ءبىلدىردى: باحرەين مەن جۇڭگو توتەنشە جاقسى دوستىق قارىم - قاتىناستا، باحرەين جاق جۇڭگونى ماڭىزدى ستراتەگيالىق سەرىكتەسى سانايدى. باحرەين جاستارى جۇڭگونى ۇناتادى، جۇڭگوعا تالپىنادى، جۇڭگونى بولاشاق دەپ سەنەدى. باحرەيىن جاقتىڭ جۇڭگو جاقپەن سەلبەستىك ورىستەتۋىنىڭ جوعارعى شەگى جوق، جۇڭگو جاقپەن ەكونوميكا - ساۋدا، نەگىزدىك قۇرىلعىلار، دەنساۋلىق ساقتاۋ سياقتى سالالاردا اناعۇرلىم كوپ سەلبەستىك ورىستەتىپ، اناعۇرلىم كوپ جەتىستىككە قول جەتكىزۋدى شىن جۇرەكتەن ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر سۇن حاۋ، حۋ گۋان). جەرگىلىكتى ۋاقىت 12 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ريادتا يەمەن زۇڭتۇڭ باسشىلىق كوميتەتىنىڭ ءتوراعاسى اليميمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو جاق يەمەننىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن قولدايدى، يەمەندەگى ءارقايسى جاقتىڭ يەمەن ماسەلەسىن ساياسي جولمەن شەشۋىن قولدايدى، ۇزدىكسىز يەمەننىڭ قايتا قۇرۋى ءۇشىن قولدان كەلگەنشە كومەك كورسەتىپ، جۇڭگو مەن يەمەننىڭ ءداستۇرلى دوستىق قارىم - قاتىناسىنىڭ ۇزدىكسىز بەكەمدەلۋى مەن تەرەڭدەۋىن ىلگەرىلەتۋدى قالايدى. جۇڭگو جاق يەمەن جاقپەن بىرگە جۇڭگو - اراب ەلدەرى توپتىق سەلبەستىگىن تەرەڭدەتىپ، جۇڭگو − اراب ەلدەرى قارىم - قاتىناسى دامۋىنىڭ جاڭا بولاشاعىن اشۋدى دا قالايدى.
اليمي مىنالاردى ءبىلدىردى: يەمەننىڭ جۇڭگومەن دوستىق بارىس - كەلىسىنىڭ تاريحى ۇزاق. ۇزاق ۋاقىتتان بەرى جۇڭگو يەمەنگە قىرۋار كومەك جانە قولداۋ كورسەتتى، يەمەن حالقى مۇنى ەستەرىندە بەرىك ساقتاپ، جۇڭگو حالقىنا دوستىق سۇيىسپەنشىلىكتە بولدى. جۇڭگو جاقتىڭ حالىقارالىق ورىنداردا يەمەن ءۇشىن ادىلدىكتى سويلەگەندىگىنە العىس ايتامىن. يەمەن جۇڭگو جاقپەن ءارقايسى سالاداعى دوستىق بارىس - كەلىستى جانە سەلبەستىكتى كۇشەيتۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر حۋ گۋان، جياڭ گوپىڭ). جەرگىلىكتى ۋاقىت 12 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ ريادتا يراقتىڭ زۇڭليى سۋدانيمەن كەزدەستى.
شي جينپيڭ بىلاي دەپ اتاپ كورسەتتى: يراق جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان اراب ەلدەرىنىڭ ءبىرى. 2015 - جىلى ەكى ەل ستراتەگيالىق سەرىكتەستىك قارىم - قاتىناسىن ورناتقاننان بەرى جۇڭگو مەن يراقتىڭ قارىم - قاتىناسى اقاۋسىز دا ورنىقتى دامىپ، ءارقايسى سالاداعى سەلبەستىگى ورنىقتى ىلگەرىلەدى. جۇڭگو جاق يراق جاقتىڭ جۇڭگونىڭ وزەكتى مۇددەسىنە ساياتىن ماسەلەلەردە باستان - اياق جۇڭگو جاقتى باتىل قولداعاندىعىن القايدى، يراق جاقتىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن ۇزدىكسىز باتىل قولدايدى، يراقتاعى ءارقايسى توپتاردىڭ ىنتىماقتاسا سەلبەسۋدى كۇشەيتۋىن قولدايدى. جۇڭگو جاق يراق جاقپەن قول ۇستاسا قۇلشىنىپ، جۇڭگو - يراق ستراتەگيالىق سەرىكتەستىك قارىم - قاتىناسىن ۇزدىكسىز تەرەڭدەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق يراق جاقتىڭ ەكونوميكانى قايتا قۇرۋ ورىستەتۋىن ۇزدىكسىز قولدايدى، يراق جاقتىڭ ونەركاسىپتى قالپىنا كەلتىرۋىنە، حالىق تۇرمىسىن جاقسارتۋىنا، باياندى دامۋدى جۇزەگە اسىرۋىنا كومەكتەسەدى. يراق جاقتىڭ جۇڭگو قىزمەتكەرلەرىنىڭ، قۇرىلىمدارىنىڭ جانە نىساندارىنىڭ حاۋىپسىزدىگىن ۇزدىكسىز قامتاماسىزداندىراتىندىعىنا سەنەدى. جۇڭگو جاق يراق جاقتىڭ الەمدىك دامۋ باستاماسىن بەلسەنە قولداعاندىعىن القايدى، يراق جاقتىڭ الەمدىك حاۋىپسىزدىك باستاماسىنا قوسىلۋىن قارسى الادى. جۇڭگو جاق يراق جاقتىڭ جۇڭگو - اراب ەلدەرى توپتىق سەلبەستىگىن قولداعاندىعىن، جەبەگەندىگىن القايدى، يراق جاقپەن بىرگە تۇڭعىش كەزەكتى جۇڭگو − اراب ەلدەرى باسشىلارى ءماجىلىسىنىڭ ءتۇرلى جەتىستىكتەرىن ويداعىداي تياناقتاندىرىپ، جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىنىڭ اناعۇرلىم جوعارى ورەگە قادام تاستاۋىن ىلگەرىلەتۋدى قالايدى.
سۋداني مىنالاردى ءبىلدىردى: يراق - جۇڭگو ەكى ءىرى وركەنيەت بارىس - كەلىسىنىڭ مىڭداعان جىلدىق تاريحى بار، جۇڭگو - يراقتىڭ ەرەكشە دوسى، ەكى ەلدىڭ قارىم - قاتىناسى بەرەكەلى، بەكەم. جۇڭگو − وركەندەپ كەلە جاتقان ەلدەردىڭ ۇلگىسى جانە ونەگەسى. جۇڭگو بىرگە دامۋدى باستاماشىلدىقپەن دارىپتەپ جانە امالياتتا ايگىلەپ، وتارشىلدىقتىڭ تالان - تارجىسىنا قارسى تۇردى، كوپ ۇيەكتەنگەن دۇنيە ءجۇزىنىڭ ماڭىزدى ءبىر ۇيەگى بولدى. يراق جاق جۇڭگونىڭ كەدەيلىكتى ازايتۋ سياقتى سالالاردا قول جەتكىزگەن ۇلى تابىستارىنا ايرىقشا سۇيىنەدى، جۇڭگو جاقتىڭ تابىستى تاجىريبەلەرىن ۇيرەنۋدى، ۇلگى الۋدى قالايدى. يراق جۇڭگونىڭ ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋدەگى ماڭىزدى سەرىكتەسى، جۇڭگو جاقتىڭ يراقتىڭ ماڭىزدى نەگىزدىك قۇرىلعىلار، ەنەرگيا نىسانى قۇرىلىسىنا ۇزدىكسىز بەلسەنە ات سالىسىپ، يراقتىڭ حيميا ونەركاسىبى، ەلەكتر قۋاتى سياقتى سالالارىنا قارجى قوسۋدى كۇشەيتۋىن قارسى الادى، لاڭكەستىككە قارسى تۇرۋ جانە ۇشقارىلىقتى الاستاۋ بويىنشا جۇڭگو جاقپەن اۋىس - كۇيىستى، سەلبەستىكتى كۇشەيتۋدى قالايدى. مەن بۇگىن تۇستەن كەيىن اشىلاتىن تۇڭعىش كەزەكتى اراب ەلدەرى − جۇڭگو باسشىلار ءماجىلىسىنىڭ، ءسوزسىز، تولىق تابىستى بولاتىندىعىنا سەنەمىن.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر جياڭ گوپىڭ، حۋ گۋان). جەرگىلىكتى ۋاقىت 12 - ايدىڭ 9 - كۇنى كەشتە مەملەكەت ءتوراعاسى شي جينپيڭ ريادتا ليۆاننىڭ زۇڭليى ميكاتيمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن ليۆان ءداستۇرلى دوستىق بايلانىستا، ەجەلدەن ءبىرىن - ءبىرى قولداپ كەلەدى. بىلتىر ەكى جاق جۇڭگو مەن ليۆان ديپلوماتيالىق قارىم - قاتىناس ورناتقاندىعىنىڭ 50 جىلدىعىن بىرگە قۇتتىقتادى. جۇڭگو جاق ليۆان جاقپەن بىرگە قۇلشىنىپ، جۇڭگو - ليۆان دوستىق، سەلبەستىك قارىم - قاتىناسىنىڭ تەرەڭدەي دامۋىن ىلگەرىلەتۋدى قالايدى. جۇڭگو جاق ليۆان جاقتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن باتىل قولدايدى، ليۆان جاقتىڭ مەملەكەتتىڭ حاۋىپسىزدىگىن، ورنىقتىلىعىن قورعاۋىن قولدايدى، سىرتقى كۇشتەردىڭ ليۆاننىڭ ىشكى ىسىنە ارالاسۋىنا قارسى تۇرادى، حالىقارالىق كوپ جاقتى ورىنداردا ليۆان ءۇشىن ۇزدىكسىز ادىلدىكتى سويلەدى. جۇڭگو جاق ليۆان جاقپەن بىرگە ”ءبىر بەلدەۋ، ءبىر جولدى“ بىرگە قۇرۋ سەلبەستىگىن تەرەڭدەتىپ، قۋاتتى جۇڭگو كاسىپورىندارىن ليۆاننىڭ ەكونوميكالىق، قوعامدىق قۇرىلىسىنا ات سالسۋعا ىنتالاندىرۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق بەيبىتشىلىكتى قورعاۋ بورىشىن ۇزدىكسىز ادالدىقپەن اتقارىپ، ليۆاننىڭ بەيبىتشىلىكتى قورعاۋىنا جۇڭگو كۇشىن ارنايدى. جۇڭگو جاق ليۆان جاقپەن حالىقارالىق كوپ جاقتى ورىندارداعى سايكەسۋدى، ۇيلەسۋدى كۇشەيتىپ، حالىقارالىق ادىلدىكتى، تۋراشىلدىقتى قورعاۋدى قالايدى. جۇڭگو جاق ليۆان جاقتىڭ جۇڭگونىڭ اراب ەلدەرىمەن توپتىق سەلبەستىگىن بەلسەنە جەبەگەندىگىن القايدى، ليۆان جاقپەن بىرگە تۇڭعىش كەزەكتى جۇڭگو - اراب ەلدەرى باسشىلار ءماجىلىسىن تىڭ باستاما ەتىپ، جۇڭگو مەن اراب ەلدەرىنىڭ ءارقايسى سالالارداعى سەلبەستىگىن ىلگەرىلەتىپ، جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرۋدى قالايدى.
ميكاتي مىنالاردى ءبىلدىردى: ءتوراعا شي جينپيڭ − قازىرگى دۇنيە جۇزىندەگى ۇلى باسشى، جۇڭگوعا باسشىلىق ەتىپ، جالت قاراتارلىق تابىستارعا قول جەتكىزدى. ليۆان مەملەكەتى ش−اعىن بولعانىمەن، جۇڭگومەن قارىم - قاتىناستى دامىتۋ تىلەگى كۇشتى. ليۆان جاق جۇڭگو جاقتىڭ ليۆاننىڭ مەملەكەتتىڭ بەيبىتشىلىگى مەن حاۋىپسىزدىگىن قورعاۋىنا كومەك كورسەتكەندىگىنە العىس ايتادى. ليۆان جاق باستان - اياق ءبىر جۇڭگو پرينسيبىنەن جازبايدى. جۇڭگو جاقپەن كۇن ەنەرگياسى، ەلەكتر قۋاتى سياقتى سالالاردا اناعۇرلىم كوپ سەلبەستىك ورىستەتۋدى ءۇمىت ەتەدى، جۇڭگو كاسىپورىندارىنىڭ ليۆانعا كەلىپ قارجى قوسىپ، كاسىپ كوركەيتۋىن قارسى الامىز.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر لي لياڭيۇڭ، ۋاڭ حايجوۋ). جەرگىلىكتى ۋاقىت 12 - ايدىڭ 9 - كۇنى كەشتە مەملەكەت ءتوراعاسى شي جينپيڭ ريادتا الجيريانىڭ زۇڭليى ابدۇراحمانمەن كەزدەستى.
شي جينپيڭ بىلاي دەپ باسا دارىپتەدى: جۇڭگو مەن الجيريا ءداستۇرلى دوستىق بايلانىستا، ەكى ەلدىڭ ناقتى ىستەر سەلبەستىگىنىڭ جەتىستىگى مول. جۇڭگو جاق الجيريا جاقتىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن باتىل قولدايدى، الجيريا جاقتىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، سىرتقى كۇشتەردىڭ الجيريانىڭ ىشكى ىسىنە كيلىگۋىنە قارسى تۇرادى. الجيريا جاقتىڭ جۇڭگونىڭ وزەكتى مۇددەسىنە ساياتىن ماسەلەلەردە تۋى ايقىن تۇردە جۇڭگو جاقتى قولداعاندىعىنا العىس ايتادى. جۇڭگو جاق الجيريا جاقپەن قول ۇستاسا قۇلشىنىپ، ەكى ەلدىڭ ءداستۇرلى دوستىعىن جالعاستىرىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىندا تىڭ دامۋشىلىقتارعا قول جەتكىزۋىن ىلگەرىلەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو - الجيريا ناقتى ىستەر سەلبەستىگىنىڭ نەگىزى مىعىم، كومەسكى كۇشى زور. جۇڭگو جاق الجيريا جاقپەن بىرگە، ”ءبىر بەلدەۋ، ءبىر جولدى“ بىرگە قۇرۋ جۇلگەسىندە نەگىزدىك قۇرىلعىلار، ەنەرگيا جانە كەن بايلىعى، اۆياتسيا سياقتى سالالارداعى سەلبەستىكتى ۇزدىكسىز تەرەڭدەتىپ، ءتىپتى دە كوپ جۇڭگو كاسىپورىندارىن الجيريانىڭ ءىرى نىسان قۇرىلىسىنا ات سالىسۋعا ىنتالاندىرۋدى قالايدى. الجيريا ۇزاق ۋاقىتتان بەرى دەربەس، ءوز - وزىنە قوجايىن بولۋعا تاباندى بولىپ، وركەندەپ كەلە جاتقان ەلدەردىڭ زاڭدى ۇقىق - مۇددەسىن قورعاۋدا ماڭىزى ىقپالىن ساۋلەلەندىردى. جۇڭگو جاق الجيريا جاقپەن ىنتىماقتاسۋدى، ىستەستىكتى كۇشەيتىپ، ناعىز كوپ جاقتىلىقتى بىرگە امالياتتا ايگىلەۋدى قالايدى. الجيريانىڭ اراب ەلدەرى وداعىنىڭ كەزەكتى ءتوراعا ەلى بولعاندىعىن قۇتتىقتايدى. جۇڭگو جاق الجيريا جاقپەن بىرگە جۇڭگو - الجيريا قارىم - قاتىناسىنىڭ جاڭا بولاشاعىن قول ۇستاسا اشۋدى، سونىمەن بىرگە جۇڭگو - افريكا سەلبەستىك تالقى مىنبەرى جۇلگەسىندە سەلبەستىكتى كۇشەيتۋدى قالايدى.
ابدۇراحمان مىنالاردى ءبىلدىردى: ءتوراعا شي جينپيڭ جۇڭگو حالقىنىڭ بارىنشا قادىرلەۋىنە يە بولىپ، جۇڭگوعا باسشىلىق ەتىپ، جۇڭگونى دامىتۋدىڭ تابىستى جولىمەن ءجۇرىپ، جالت قاراتارلىق دامۋ تابىستارىنا قول جەتكىزدى. الجيريا جاق مۇنى قىزۋ قۇتتىقتايدى. جۇڭگو جاقتىڭ ۇزاق ۋاقىتتان بەرى الجيرياعا جاڭا تيپتى ايدارشا ۆيرۋس ۆاكسيناسىن بەرۋ، ۆاكسينانى جەرگىلىكتى ورىندا ءوندىرۋدى جۇزەگە اسىرۋ سياقتىلاردى قامتىعان قىمباتتى قولداۋ كورسەتكەندىگىنە العىس ايتادى، الجيريا جاق مۇنى ءارقاشان ەسىنەن شىعارمايدى. الجيريا مەن جۇڭگو كوپتەگەن حالىقارالىق ماسەلەلەردە ورتاق تانىمعا يە، الجيريا جاق ءبىر جۇڭگو پرينسيبىنە ۇزدىكسىز تاباندى بولادى، وزگە ەلدىڭ ىشكى ىسىنە كيلىكپەۋ پرينسيبىن قورعاپ، بۇكىل ادامزاتتىڭ ورتاق قۇندىلىعىن باستاماشىلدىقپەن دارىپتەيدى. الجيريا جاق جۇڭگو جاقپەن بىرگە نەگىزدىك قۇرىلعىلار سياقتى سالالارداعى سەلبەستىكتى ونان ارى كۇشەيتىپ، اراب ەلدەرى - جۇڭگو، افريكا ەلدەرى - جۇڭگو قارىم - قاتىناسىنىڭ تىڭ ىلگەرىلەۋشىلىكتەرگە قول جەتكىزۋىن ىلگەرىلەتۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر حاۋ ۋيۋي، ۋاڭ حايجوۋ). جەرگىلىكتى ۋاقىت 12 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ريادتا ومان ىشكى كابينەتىنىڭ ورىنباسار باس ءۋازىرى فاحد حانزادامەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن وماننىڭ دوستىعىنىڭ تاريحى ۇزاق، سوناۋ جىلدارى تەڭىز جىبەك جولى ەكى ەلدى تۇتاستىرعان ەدى. جاڭا جاعدايدا جۇڭگو جاق ومان جاقپەن بىرگە ءوزارا سەنىمدىلىكتى بەكەمەپ، دوستاستىق سەلبەستىكتى تەرەڭدەتىپ، جۇڭگو - ومان ستراتەگيالىق سەرىكتەستىك قارىم - قاتىناسىنىڭ تىڭ ىلگەرىلەۋشىلىككە قول جەتكىزۋىن ىلگەرىلەتۋدى قالايدى. وماننىڭ جۇڭگو - اراب ەلدەرى توپتىق سەلبەستىگىنە ۇزدىكسىز بەلسەنە ات سالىسۋىن ءۇمىت ەتەدى. وماننىڭ كەلەسى كەزەكتى شىعاناقتاعى اراب ەلدەرى سەلبەستىك كوميتەتىنىڭ كەزەكتى ءتوراعا ەلى بولاتىندىعىن قۇتتىقتايدى، ومان جاقپەن بىرگە جۇڭگو − اراب ەلدەرى جانە جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ تىڭ ىلگەرىلەۋشىلىككە قول جەتكىزۋىن ىلگەرىلەتۋدى قالايدى.
فاحد مىنالاردى ءبىلدىردى: وماننىڭ جۇڭگومەن دوستىعى ارىدان جالعاسقان، جۇڭگو حالقى − بەرەكەلى، ىزگى نيەتتى حالىق، جۇڭگو - بەيبىتشىلىكتى قىزۋ سۇيەتىن، بەيبىتشىلىكتى قورعايتىن مەملەكەت. ومان جاق ومان - جۇڭگو قارىم - قاتىناسىن ونان ارى كۇشەيتۋدى كۇتەدى. بۇگىن اشىلعان تۇڭعىش كەزەكتى شىعاناقتاعى اراب ەلدەرى سەلبەستىك كوميتەتى - جۇڭگو باسشىلار ءماجىلىسىنىڭ، اراب ەلدەرى - جۇڭگو باسشىلار ءماجىلىسىنىڭ ماڭىزدى تاريحي ءمانى بار، ومان جاق جۇڭگو جاقپەن بىرگە شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگو، اراب ەلدەرى - جۇڭگو قارىم - قاتىناسىنىڭ اناعۇرلىم زور دامۋعا قول جەتكىزۋىن جەبەۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
