شي جينپيڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىندە جۇڭگو - اراب ەلدەرى ناقتى ىستەر سەلبەستىگىنىڭ ”8 ۇلكەن ورتاق ارەكەتىن“ العا قويدى
2022.12.12 16:18 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى. جەرگىلىكتى ۋاقىت 12 - ايدىڭ 9 - كۇنى، مەملەكەت ءتوراعاسى شي جينپيڭ ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلگەن تۇڭعىش كەزەكتى جۇڭگو - اراب ەلدەرى باسشىلار ماجىلىسىندە جۇڭگو - اراب ەلدەرى ناقتى ىستەر سەلبەستىگىنىڭ ”8 ۇلكەن ورتاق ارەكەتىن“ العا قويدى، ناقتى مازمۇنى تومەندەگىدەي:
ءبىرىنشى، دامۋدى قولداۋ ورتاق ارەكەتى. جۇڭگو جاق اراب ەلدەرى جاقپەن بىرگە جالپى سوماسى 5 ميلليارد يۋان حالىق اقشاسىندىق دامۋ سەلبەستىگى كومەك نىسانىن اتقارۋدى كەڭەسىپ، شارت ازىرلەگەن 30 اراب ەلدەرى نىسانىن الەمدىك دامۋ باستاماسى نىسان قامباسىنا ەنگىزەدى؛ اراب ەلدەرى جاقتىڭ ءوندىرىس قۋاتى، نەگىزدىك قۇرىلعىلار، ەنەرگيا، جاسىل فينانس سياقتى سالالارداعى نىساندارعا قارجى قۇراۋ قاجەتىمەن ۇشتاستىرىپ، اراب ەلدەرى جاققا سەنىمدى قارىز جانە سەنىم ارتۋ قولداۋىن ازىرلەپ، ازيا نەگىزدىك قۇرىلعىلارعا قارجى قوسۋ بانكەسىنىڭ اراب ەلدەرى جاققا نەگىزدىك قۇرىلعىلار جاعىندا اناعۇرلىم كوپ جوعارى ساپالى، وزىندىك قۇنى تومەن، باياندى قارجى قوسۋىن ازىرلەۋىن قولدايدى؛ حۇجات اۋىستىرۋ اياق الىسى بويىنشا، اراب ەلدەرى جاقتاعى ەڭ دامىماعان ەلدەرگە ％98تىك باجى سالاسى ونىمدەرىنەن كەدەن باجىسىن الماۋ مامىلەسىن جاسايدى؛ پالەستين، يەمەن، ليۆان، سيريا سياقتى ەلدەرگە ادامگەرشىلىك جانە قايتا قۇرۋ كومەگىن ازىرلەيدى؛ 2027 - جىلى جۇڭگو - اراب ەلدەرى ساۋدا سوماسىن 430 ميلليارد دوللارعا جەتكىزۋگە كۇش سالادى.
ەكىنشى، استىق حاۋىپسىزدىگى ورتاق ارەكەتى. جۇڭگو جاق اراب ەلدەرى جاقتىڭ استىق حاۋىپسىزدىگى ورەسىن كۇشەيتىپ، اۋىل شارۋاشىلىعى جالپىلىق ءوندىرىس قۋاتىن جوعارىلاتۋىنا كومەكتەسۋدى قالايدى؛ اراب ەلدەرى جاقپەن بىرگە 5 وسى زامانعى اۋىل شارۋاشىلىعى بىرلەسكەن تاجىريبەحاناسىن قۇرىپ، اۋىل شارۋاشىلىق تەحنيكاسى سەلبەستىگىنەن ۇلگى كورسەتەتىن 50 نىسان ورىستەتىپ، اراب ەلدەرى جاققا 500 اۋىل شارۋاشىلىق تەحنيكاسى مامانىن جىبەرىپ، اراب ەلدەرى جاقتىڭ استىق ءتۇسىمىن ارتتىرۋىنا، ساتىپ الىپ ساقتاۋ شىعىنىن ازايتۋ قۋاتىن جوعارىلاتۋىنا، اۋىل شارۋاشىلىعى ءوندىرىسىنىڭ ونىمدىلىگىن جوعارىلاتۋىنا كومەكتەسەدى؛ اراب ەلدەرى جاقتىڭ ساپالى اۋىل شارۋاشىلىق ازىق - تۇلىك ونىمدەرىن جۇڭگوعا ەنگىزۋگە رۇقسات ەتەتىن ”جاسىل ارنا“ قۇرادى.
ءۇشىنشى، دەنساۋلىق ساقتاۋ - سالاماتتىق ورتاق ارەكەتى. جۇڭگو جاق اراب ەلدەرى جاقپەن بىرگە الەۋمەتتىك دەنساۋلىق ساقتاۋ عىلىم - تەحنيكا سەلبەستىگى ورتالىعى جانە ۆاكسينا بويىنشا جاڭالىق اشۋ جانە زەرتتەۋ - اشۋ سەلبەستىگى بىرلەستىگىن قۇرىپ، اراب ەلدەرىندە 5 جۇڭي شيپاگەرلىگى - دارىگەرلىگى سەلبەستىك نىسانىن اتقارىپ، ۇزدىكسىز تۇردە جۇڭگو ەمدەۋ اترەتىن اراب ەلدەرىنە بارىپ قىزمەت ىستەۋگە جىبەرىپ، 2000 شەل اۋرۋىن تەگىن ەمدەۋ وپەراتسياسىن جۇرگىزىپ، اراب ەلدەرى حالىقتارىنا الىستان ەمدەۋ بويىنشا سالاماتتىق قىزمەت وتەۋدى قالايدى.
ءتورتىنشى، جاسىل، جاڭالىق اشۋ ورتاق ارەكەتى. جۇڭگو جاق اراب ەلدەرى جاقپەن بىرگە جۇڭگو - اراب ەلدەرى قۋاڭشىلىق، قۇمايتتانۋ جانە جەردىڭ قۇنارسىزدانۋى حالىقارالىق زەرتتەۋ ورتالىعىن قۇرىپ، كليمات وزگەرىسىنە توتەپ بەرۋدىڭ وڭتۇستىك - وڭتۇستىك سەلبەستىگى بويىنشا 5 نىساندى اتقارۋدى قالايدى؛ جۇڭگونىڭ فىڭيۇن اۋا رايى جاساندى سەرىگىنەن جانە بەيجيڭ دۇنيە جۇزىلىك اۋا رايى ورتالىعىنان پايدالانىپ، اراب ەلدەرى جاقتىڭ اپاتتان ساقتانۋىن، اپات زيانىن ازايتۋىن قولدايدى؛ اراب ەلدەرى جاقپەن بىرگە جۇڭگو - اراب ەلدەرى بەيدوۋ قولدانىلمالى كاسىپ سالالارىن جەبەۋ ورتالىعىن قۇرىپ، اراب ەلدەرىنە قاتىناس - تاسىمال، دالمە - ءدال اۋىل شارۋاشىلىعى، ىزدەۋ جانە قۇتقارۋ - كومەكتەسۋ سياقتى سالالاردا ساپالى قىزمەت وتەۋدى قالايدى؛ اراب ەلدەرى جاقپەن بىرگە ءومىر سالاماتتىعى، جاساندى زەردە، جاسىل دا تومەن كومىر قىشقىل گازدى بولۋ، ينفورماتسيا جانە حابارلاسۋ، كەڭىستىك ينفورماتسياسى سياقتى سالالاردا ءبىر توپ بىرلەسكەن تاجىريبەحانا نەمەسە زەرتتەۋ - اشۋ سەلبەستىك ورتالىعىن بىرگە قۇرىپ، اراب ەلدەرى جاققا 300 ءتۇرلى وزىق تا ۇيلەسىمدى تەحنيكا ازىرلەيدى.
بەسىنشى، ەنەرگيا حاۋىپسىزدىگى ورتاق ارەكەتى. جۇڭگو جاق اراب ەلدەرى جاقپەن بىرگە جۇڭگو - اراب ەلدەرى تازا ەنەرگيا سەلبەستىك ورتالىعىن قۇرىپ، جۇڭگونىڭ ەنەرگيا كاسىپورىندارى مەن فينانس قۇرىلىمدارىنىڭ اراب ەلدەرىندە جالپى اگراگاتتار سيىمدىلىعى 5 ميلليون كيلوۆاتتان اساتىن قايتا تۋىندايتىن بايلىق نىسانىنا ات سالىسۋىنا قولداۋ كورسەتىپ، اراب ەلدەرى جاقپەن ەنەرگيا عىلىم - تەحنيكاسى زەرتتەۋ - اشۋ سەلبەستىگىن ورىستەتىپ، ەنەرگيا ساياساتىنىڭ سايكەسۋىن كۇشەيتىپ، ءادىل، تۋراشىل، تەڭگەرىمدى، بىركەلكى دە جالپىعا ءتيىمدى بولعان الەمدىك ەنەرگيا باسقارۋ جۇيەسىن قۇرۋدى ىلگەرىلەتەدى.
التىنشى، وركەنيەتتەر تىلدەسۋى ورتاق ارەكەتى. جۇڭگو جاق اراب ەلدەرى جاقتىڭ ساياسي پارتيا، پارلامەنت، مەديا، اقىلماندار قويماسى سياقتىلارداعى 1000 قايراتكەرىن جۇڭگوعا كەلىپ اۋىس - كۇيىس جاساۋعا ۇسىنىس ەتەدى؛ جۇڭگو مەن اراب ەلدەرىنىڭ 500 مادەنيەت جانە ساياحات كاسىپورىنىنىڭ سەلبەستىك ورىستەتۋىن ىلگەرىلەتىپ، اراب ەلدەرىنە 1000 مادەنيەت جانە ساياحات دارىندىسىن تاربيەلەپ بەرەدى؛ اراب ەلدەرى جاقپەن بىرگە 100 كلاسسيكالىق شىعارمانى ءوزارا اۋدارۋ ينجەنەرياسىن جانە 50 كورۋ - تىڭداۋ باعدارلاماسى سەلبەستىك ينجەنەرياسىن اتقارادى؛ جۇڭگو - اراب ەلدەرى رەفورما مەن دامۋدى زەرتتەۋ ورتالىعىن ۇزدىكسىز كۇشەيتىپ، وركەنيەتتەر تىلدەسۋىن جانە ەل باسقارۋ بويىنشا تاجىريبە اۋىسۋدى كۇشەيتەدى.
جەتىنشى، جاستاردىڭ جەتىلۋى ورتاق ارەكەتى. جۇڭگو جاق جۇڭگو - اراب ەلدەرى جاستار دامۋ تالقى مىنبەرىن وتكىزىپ، ”جۇڭگو - اراب ەلدەرى جوعارى مەكتەپتەرى 10 + 10 سەلبەستىك جوسپارىن“ ىسكە قوسادى؛ اراب ەلدەرى جاقتان 100 جاس عالىمدى جۇڭگوعا كەلىپ عىلمي زەرتتەۋ اۋىس - كۇيىسىن ورىستەتۋگە ۇسىنىس ەتەدى، 3000 جاس پەن جاس ءوسپىرىمدى جۇڭگو - اراب ەلدەرى مادەنيەت اۋىس - كۇيىسىنە ات سالىسۋعا ۇسىنىس ەتەدى، 10 مىڭ اراب دارىندىسىن كەدەيلەردى سۇيەمەلدەۋ جانە كەدەيلىكتى ازايتۋ، دەنساۋلىق ساقتاۋ - سالاماتتىق، جاسىل دامۋ سياقتى سالالارداعى ماماندىق باۋلۋعا قاتىناسۋعا ۇسىنىس ەتەدى؛ اراب ەلدەرىندە اناعۇرلىم كوپ لۋبان شەبەرحاناسىن قۇرۋدى ىلگەرىلەتەدى.
سەگىزىنشى، حاۋىپسىزدىك، ورنىقتىلىق ورتاق ارەكەتى. جۇڭگو جاق اراب ەلدەرى جاقپەن قورعانىس تاراۋلارى جانە ارميا اراسىنداعى ستراتەگيالىق تىلدەسۋدى، ارميا، اسكەر ءتۇرى بويىنشا اۋىس - كۇيىس جاساۋدى، جوعارى مەكتەپتەر اۋىس - كۇيىسىن كۇشەيتىپ، تەڭىزدەگى حاۋىپسىزدىك، حالىقارالىق بەيبىتشىلىكتى قورعاۋ، ماماندىق تەحنيكا سياقتى سالالارداعى سەلبەستىكتى تەرەڭدەتىپ، بىرلەسكەن مانەۆردى، بىرلەسكەن جاتتىعۋدى جانە قىزمەتكەرلەردى باۋلۋدى كەڭەيتەدى؛ اراب ەلدەرىنىڭ زەردەلى ساقشى ىستەرى قۇرىلىسى، ينتەرنەت حاۋىپسىزدىگى بويىنشا زاڭ اتقارۋ سياقتى سالالارىنا 1500 دارىندى تاربيەلەپ بەرەدى؛ «جۇڭگو - اراب ەلدەرى ساندى مالىمەت حاۋىپسىزدىگى سەلبەستىك باستاماسىن» بىرگە تياناقتاندىرىپ، جۇڭگو - اراب ەلدەرى ينتەرنەت ينفورماتسياسى اۋىس - كۇيىس مەحانيزمىن ورناتىپ، ساندى مالىمەت ارقىلى باسقارۋ، ينتەرنەت حاۋىپسىزدىگى سياقتى سالالارداعى اۋىس - كۇيىستى، تىلدەسۋدى كۇشەيتەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
