شينجياڭ ۇيعۇر اۆتونوميالى رايوندىق 1 - كەزەكتى قىسقى سپورت جارىسى اي سوڭىندا باستالادى
2022.12.13 11:46 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق دەنە تاربيە مەكەمەسىنەن ۇعىسۋىنشا، شينجياڭ ۇيعۇر اۆتونوميالى رايوندىق 1 - كەزەكتى قىسقى سپورت جارىسى 2022 - جىلى 12 - ايدىڭ 31 - كۇنىنەن 2023 - جىلى 2 - ايدىڭ 20 - كۇنىنە دەيىن وتكىزىلەدى. اشىلۋ سالتى التاي قالاسى گەنارال تاۋى قار شاڭعى الاڭىندا وتكىزىلەدى، جابىلۋ سالتى شينجياڭ دەنە تاربيە ورتالىعىنىڭ دەنە تاربيە سارايىندا وتكىزىلەدى.
وسى كەزەكتى سپورت جارىسىندا تەز سىرعاناۋ، قىسقا ارالىققا تەز سىرعاناۋ، مانەرلەپ سىرعاناۋ، مۇز دوپ، دالالىق شاڭعى، تاۋ شاڭعى، ءبىر تاقتايلى شاڭعى، شاڭعىمەن تاۋعا شىعۋ، دوڭگەلەكتى كونكيمەن تەز سىرعاناۋ، دالالىق دوڭگەلەكتى كونكي سياقتى 10 باسەكەلىك سپورت ءتۇرى ورنالاستىرىلدى، مۇندا ءار ءتۇرى بويىنشا جاس شاماسىنا قاراي A گرۋپپا، B گرۋپپا بولىپ، ءبولىنىپ، جيىنى 117 شاعىن ءتۇر ورنالاستىرىلدى.
جارىس التاي ايماعىندا، اۆتونوميالى رايوندىق دەنە تاربيە مەكەمەسىنىڭ قىسقى دەنە تاربيەنى باسقارۋ ورتالىعىندا جانە شينجياڭ دەنە تاربيە ورتالىعىندا وتكىزىلەدى. مۇنىڭ ىشىندە مانەرلەپ سىرعاناۋ، قىسقا ارالىققا تەز سىرعاناۋ جانە دوڭگەلەكتى كونكيمەن تەز سىرعاناۋ سىندى 3 نىسان ءۇرىمجى جارىس رايونىندا وتكىزىلەدى، قالعان 7 نىسان تۇگەلدەي التاي جارىس رايونىندا وتكىزىلەدى.
شينجياڭ ۇيعۇر اۆتونوميالى رايوندىق دەنە تاربيە مەكەمەسى باسەكەلىك دەنە تاربيە باسقارماسىنىڭ قاتىستى جاۋاپتىسىنىڭ تانىستىرۋىنشا، وسى كەزەكتى سپورت جارىسىن ورنالاستىرۋدا تەز سىرعاناۋ، قىسقا ارالىقتا تەز سىرعاناۋ، دالالىق شاڭعى جانە تاۋ شاڭعى سىندى 4 ءتۇر رايونىمىزدىڭ ءداستۇرلى باسىمدىققا يە قىسقى سپورت ءتۇرى بولعان. شاڭعىمەن تاۋعا شىعۋ 2026 - جىلعى قىسقى وليمپيادانىڭ جاڭا ءتۇرى، شينجياڭ 2021 - جىلى كاسىپتىك قۇراما ۇيىمداستىرعان. جوعارىداعى تۇرلەر وسى كەزەكتى سپورت جارىسىندا ءارقايسى جاتتىعۋ اترەتتەرىنىڭ جاتتىعۋ ناتيجەسىن تەكسەرىپ، مەملەكەتتىك قىسقى سپورت جارىسى مەن 2026 - جىلعى قىسقى وليمپيادا سپورت جارىسىنا دايىندالۋ ءۇشىن زاپاس دارىندىلاردى تاڭداپ، ازىرلەيدى. مانەرلەپ سىرعاناۋ، مۇز دوپ سياقتى نىساندار، سونداي - اق 2 تۇردەگى وليمپياداعا جاتپايتىن نىسان بولعان دوڭگەلەكتى كونكيمەن تەز سىرعاناۋ جانە دالالىق دوڭگەلەكتى كونكي تۇگەلدەي شينجياڭدا جالپىلاستىرىلعان نىساندار.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
