شينجياڭنىڭ ومىرشەڭدىك كۇشى ۇزدىكسىز تاسقىندادى
□ انار بۇلت \ شينجياڭ گازەتىنىڭ ءتىلشىسى يۇي جياڭيان
2022.12.13 16:42 كەلۋ قاينارى : شينجياڭ گازەتى
جۇمىستى، ءوندىرىستى قالپىنا كەلتىرۋدىڭ ءتارتىپتى ىلگەرىلەۋىنە ىلەسە، بازار كومەسكى كۇشى ۇزدىكسىز قاۋلاپ، قاتىناس، زات تاسىمالى بىرتىندەپ ىركىلىسسىزدەنىپ، 3 - كاسىپ، قىزمەت وتەۋ كاسىبى جاندانىپ، مادەنيەت، دەنە تاربيە، ساياحات بازارى قايتا كوتەرىلىپ، شينجياڭ ومىرشەڭدىك كۇشىن جانە تارتىمدىلىعىن ۇزدىكسىز جارىققا شىعاردى.
تيانشان الابىندا ىركىلىسسىز قاتىنادى
”تيانشان الابىنىڭ ءبارى سىزدەردىكى“! 12 - ايدىڭ 8 - كۇنى ءبىر قىسقا بەينەجازبادا شينجياڭدىق قاتىناس ساقشىسىنىڭ اۋىلىنا قايتقان شوفەرگە قايتارعان وسى جاۋابى ينتەرنەت جەلىسىندەگى جانە ينتەرنەت جەلىسىنەن تىسقارى ادامداردى تەبىرەنتتى. وسى قىسقا دا ۇتىمدى جاۋاپ شينجياڭنىڭ ءىس جۇزىندىك ارەكەت ارقىلى جۇمىستى، ءوندىرىستى قالپىنا كەلتىرۋدى جاپپاي ىلگەرىلەتىپ، دامۋ قوزعاۋشى كۇشىن قاۋلاتقاندىعىن ءبىر قىرىنان بەينەلەدى.
شيەچىڭ رەسمي سايتىندا كورسەتىلۋىنشە، 12 - ايدىڭ 12 - كۇنى ۇرىمجىدەن چىڭدۋعا ۇشاتىن كەزەكشى ۇشاقتىڭ 24 كەزەگىنە بەلەت تاپسىرىس ەتۋگە بولادى ەكەن، وڭتۇستىك اۆياتسياسى، سىچۋان اۆياتسياسى، جۇڭگو اۆياتسياسى، شىعىس اۆياتسياسى سياقتى 10نان استام اۆياتسيا سەرىكتەستىگى ۇرىمجىدەن چىڭدۋعا باراتىن اۋە جولىن اشقان جانە قالپىنا كەلتىرگەن.
”قازىر ۇشاق بەلەتىن ساتىپ الۋ وڭايلاستى، جاڭا عانا چىڭدۋدان قايتىپ كەلدىم، سىچۋاننان ءبىراز جاڭا ۇلگىدەگى اشەكەي شام ەنگىزىپ، شينجياڭداعى بىرنەشە اۋدان، قالامەن سەلبەسىپ اشەكەي شام كورمەسىن وتكىزۋدى جوسپارلاپ وتىرمىن“، - دەدى 12 - ايدىڭ 11 - كۇنى ءۇرىمجى ديۋوپۋ حالىقارالىق اۋەجايىنان ۇشاق اۋىستىرىپ قاشقار قالاسىنا ۇشقالى تۇرعان جولاۋشى يوۋ يۇڭ.
جۇمىستى، ءوندىرىستى قالپىنا كەلتىرۋدىڭ ۇزدىكسىز ىلگەرىلەتىلۋىنە ىلەسە، جۋىقتا تەك ۇرىمجىدەن چىڭدۋعا ۇشاتىن اۋە جولى ىركىلىسسىزدەنىپ قانا قويماي، جىڭجوۋ، ۋحان، نانجيڭ، بەيجيڭ، جينان، چاڭشا، حاڭجوۋ قاتارلىلاردى قامتىعان بۇكىل مەملەكەتتەگى نەگىزگى قالالارعا باراتىن اۋە جولىنىڭ كەزەكشى ۇشاقتارى تۇگەلدەي ىركەس - تىركەس قالىپتى جۇمىسقا ءتۇستى. سونىمەن بىرگە ۇرىمجىدەن اقسۋ، شاۋەشەك، التاي، قاشقار سياقتى جەرلەرگە ۇشاتىن شينجياڭنىڭ ىشىندەگى اۋە جولدارى دا تارتىپپەن قالپىنا كەلدى.
جۇڭگو تەمىر جولى 12306 سايتىندا كورسەتىلۋىنشە، 12 - ايدىڭ 12 - كۇنى ۇرىمجىدەن لانجوۋ، شي - ان سياقتى جەرلەرگە باراتىن كوپ كەزەكتى پويەزعا الدىن الا بەلەت تاپسىرىسىن بەرۋگە بولاتىن بولىپتى. تەمىر جولدا شينجياڭنىڭ سىرتىنداعى كەزەكشى پويەزداردىڭ قاتىناۋىن قالپىنا كەلتىرۋمەن بىرگە، شينجياڭنىڭ ىشىندە ۇرىمجىدەن جەر - جەرگە قاتىنايتىن كەزەكشى پويەزدار دا قالپىنا كەلتىرىلدى. بۇدان سىرت، قاشقار ايماعىنىڭ ساياحات كاسىبىن قايتا جانداندىرۋدى ىلگەرىلەتۋ ءۇشىن، ”قاشقار ءنومىرلى“ توتە قاتىنايتىن ەرەكشە تەز پويەز دە 12 - ايدىڭ 9 - كۇنى قالپىنا كەلتىرىلدى.
قاتىناس، زات اينالىمى − قوعامدىق اينالىمنىڭ نەگىزگى بىرلىگى. قازىر مول تۇتىنىلاتىن زاتتاردى جەتكىزەتىن تاسىمالدان بۇقارانىڭ تۇرمىسىن ”توڭىرەكتەگەن“ پوچتا تەز جولداماسى دا اشىق جۇرە باستادى.
الدىڭعى 11 ايدا شينجياڭ تەمىر جولى مول تۇتىنىلاتىن زاتتاردى تاسىمالداۋ باسىمدىعىن ساۋلەلەندىرىپ، شينجياڭ كومىرىنەن 48 ميلليون 461 مىڭ تونناسىن سىرتقا تاسىمالداپ، سايكەس مەزگىلدەگىدەن ％46.1 ارتتى. 12 - ايعا قادام باسقاننان بەرى، شينجياڭ تەمىر جولى كومىر تاسىمال قۋاتىن ۇزدىكسىز ارتتىرىپ، شينجياڭنىڭ سىرتىنداعى ەلەكتر ستانسيالارىنىڭ قاۋىرت مەزگىلدى قارسى الىپ، قىستان ءوتۋىن بەلسەنە قامتاماسىز ەتتى.
شينجياڭ شۇنفىڭ تەز تاسىمالداۋ شەكتى سەرىكتەستىگى جۇمىستى، ءوندىرىستى قالپىنا كەلتىرگەننەن كەيىن، بۇكىل شينجياڭدا 5000نان استام جەدەل جولداما جەتكىزۋشى جىگىتتەر بار كۇشىن سالىپ، الدىڭعى مەرزىمدە باسىلىپ قالعان جەدەل جولدامالاردى جەتكىزدى. ”12 - ايدىڭ 10 - كۇنىنە دەيىن الدىڭعى مەرزىمدە باسىلىپ قالعان جەدەل جولدامالار نەگىزىنەن جەتكىزىلىپ بولدى“، - دەدى شينجياڭ شۇنفىڭ تەز تاسىمالداۋ شەكتى سەرىكتەستىگى الەۋمەتتىك ىستەر ءبولىمىنىڭ جاۋاپتىسى لي شوۋگو.
جۇمىستى، ءوندىرىستى بار كۇشپەن قالپىنا كەلتىردى
ءىرى كاسىپورىندار، ءىرى توپتار كاسىپ سالاسىن دامىتۋداعى تىرەكتىك كۇش. ”تابيعي گازدىڭ كۇندىك ءونىم مولشەرى 100 ميلليون تەكشەمەتردەن استى“. 12 - ايدىڭ 10 - كۇنى دامۋ سەنىمىن سەرپىلتەتىن بۇل حابار تارىم مۇناي الابىنان كەلدى. ورتالىقتىڭ كاسىپورىندارىنان، اۆتونوميالى رايونعا قاراستى مەملەكەت مەنشىگىندەگى كاسىپورىنداردان تارتىپ ءارقايسى حالىقتىق كاسىپورىندارعا، بىرلەسىپ قارجى قوسىلعان كاسىپورىندارعا دەيىن بارلىعى دا ءوندىرىستى جەدەلدەتىپ، شينجياڭنىڭ ەكونوميكالىق، قوعامدىق دامۋىنا ۇلەس قوسۋعا بار كۇشتەرىن سالدى.
ىندەتتەن ساقتانۋ - تىزگىندەۋ مەن ەكونوميكانىڭ، قوعامنىڭ دامۋىن ءبىر تۇتاس جوسپارلاۋ ءۇشىن، ءارقايسى ايماق، وبلىس، قالالار دا قادامدارىن جەدەلدەتىپ، سايكەستى شارالاردى دايىنداپ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە كومەكتەستى. ماسەلەن، كورلا ەكونوميكالىق - تەحنيكالىق اشۋ رايونى جاساعان «اشۋ رايونىنداعى كاسىپورىنداردىڭ جۇمىستى، ءوندىرىستى قالپىنا كەلتىرۋ جوباسى» شينجياڭ مەيكى حيميا ونەركاسىپ جارنا شەكتى سەرىكتەستىگى، شينجياڭ بايىنعولين حۇڭتۇڭ جانار گاز شەكتى سەرىكتەستىگى، شينجياڭ جۇڭتاي شيڭۋي بيولوگيالىق عىلىم - تەحنيكا شەكتى سەرىكتەستىگى سياقتى ءتۇيىندى كاسىپورىنداردىڭ قالىپتى ءوندىرىستى، اينالىمدى قالپىنا كەلتىرۋىن پارمەندى ىلگەرىلەتتى.
قىستا تىنىعىپ، كوكتەمدە تۇلەجىپ، مەزگىلدەر رەتىمەن وتەدى. قازىر ءدال ماقتا ساتىپ الاتىن قاۋىرت مەزگىل، جۋىقتا كۇشار قالاسىنداعى ماقتا ءشيتىن ايىراتىن 32 زاۆود تۇگەلدەي ءوندىرىستى، تيجاراتتى قالپىنا كەلتىردى. 12 - ايدىڭ 11 - كۇنى شينجياڭ تىڭفىڭ ماقتا كاسىپ سالاسى شەكتى سەرىكتەستىگى كۇشار ءدوڭقوتان ماقتا وڭدەۋ زاۆودىندا اپپاق ماقتا تاۋ توبە بولىپ ءۇيىلدى، زاۆود ورتا ەسەپپەن كۇنىنە 1000 توننادان استام ماقتا ساتىپ الادى ەكەن.
قازىر تيانشان الابىندا جۇمىستى، ءوندىرىستى، ساۋدانى، بازاردى قالپىنا كەلتىرۋ اياق الىسى جەدەل ىلگەرىلەتىلۋدە، ءتۇرلى كاسىپورىندار دا اناعۇرلىم كوپ جۇمىسشى ىستەتۋ قاجەتىن جارىققا شىعارىپ، مەجەنى اناعۇرلىم ورنىقتىرىپ، سەنىمدى سەرپىلتىپ، بازار تۇلعالارىنىڭ ومىرشەڭدىك كۇشىن قاۋلاتتى.
12 - ايدىڭ 11 - كۇنى ءۇرىمجى قىزمەتكەر قابىلداۋ سايتى ۋيشين الەۋمەتتىك ءنومىرىنىڭ كورسەتۋىنشە، شينجياڭ جۇڭتيان يۇيشياڭ قورا - جاي اشۋ شەكتى سەرىكتەستىگى، ءۇرىمجى يۇيشياڭلا پوپو اس - سۋ قىزمەت وتەۋ شەكتى سەرىكتەستىگى، شينجياڭ مەيحۋا امينو قىشقىلى شەكتى جاۋاپكەرشىلىك سەرىكتەستىگى، ءۇرىمجى لىفۋ قالا تۇرمىسى ساۋدا باسقارۋ شەكتى سەرىكتەستىگى سياقتى نەشە ونداعان كاسىپورىن ينفورماتسيا جاريالاعان، شۇعىل قابىلداۋعا ءتيىستى ادام سانى 1000نان اسقان.
”ءار جىلى جاڭا جىل، كوكتەم مەرەكەلەرى اس - سۋ تۇتىنۋىنىڭ قاۋىرت مەزگىلى ەسەپتەلەدى. جۇمىستى، ءوندىرىستى قالپىنا كەلتىرگەننەن كەيىن، قىزمەت وتەۋشىلەر شۇعىل قاجەت بولدى، ءبىر ءبولىم اس - سۋ دۇكەندەرىندەگى قىزمەت وتەۋشىلەردىڭ تاپشىلىعى ％40 − 30كە جەتتى“، - دەدى شينجياڭ اس - سۋ قوعامىنىڭ باستىعى ۋاڭ روبيڭ.
جۇمىستانۋ − حالىق تۇرمىسىنىڭ نەگىزى. تاياۋدا رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى ءبىر - بىرلەپ تەكسەرۋ ارقىلى 236 كاسىپورىن، ءىسورىننان 2361 پراكتيكا جۇمىس ورنىن جيناپ، قوعامعا تانىستىردى. بيىل شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى ”ينتەرنەت جەلىسىندە + ينتەرنەت جەلىسىنەن تىسقارى“ ءوزارا ۇشتاستىرۋ ءتاسىلى ارقىلى 4105 ادامدى جۇمىستاندىردى، مۇنىڭ ىشىندە جوعارى مەكتەپ بىتىرگەندەردەن 2716 ادام بار.
بازاردىڭ ومىرشەڭدىك كۇشى تاسقىندادى
تۇتىنۋ بازارىنىڭ ومىرشەڭدىك كۇشى تاسقىندادى. 12 - ايدىڭ 11 - كۇنى ءۇرىمجى قالاسى شۇيموگوۋ رايونى كونە حۋاليڭ بازارىندا ءارقايسى ساۋدا اۋماعىنىڭ ەسىك الدىنا اۆتوكولىك ءيىن تىرەسە توقتاپ، الارماندار عيماراتتاردى ارالاپ، ءۇي جيھازدارى، تۇرمىستىق بۇيىمدار، كەپتىرىلگەن جەمىس - جيدەك، شاي سياقتىلاردى تاڭداپ ساتىپ الدى.
شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى شينجياڭداعى ۋاكىلدىك سيپاتقا يە ساۋدا كاسىپورىندارىنىڭ ءبىرى، بۇكىل شينجياڭدا 5 بازارى، شامامەن 28 مىڭنان استام ساۋدا دۇكەنى بار. ”قازىر ساۋدا دۇكەندەرىنىڭ ％90ى جۇمىستى، ءوندىرىستى قالپىنا كەلتىردى، بازاردىڭ بۇرىنعى دۋماندى ساۋدا جاعدايى قايتا قالپىنا كەلە باستادى“. شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى پارتكومىنىڭ شۋجيى گو شياڭياڭ بىلاي دەدى: اسىرەسە، وسى اپتانىڭ سوڭىندا كوپتەگەن قالا تۇرعىنى اۆتوكولىكپەن زات ساتىپ الۋعا كەلىپ، اۆتوكولىكتىڭ كىرىپ - شىعۋى بىلتىرعى سايكەس مەزگىلدەگى دەڭگەيگە جەتتى.
سايرام كولى كورىنىس وڭىرىندەگى اسحانادان گۇما اۋدان قالاشىعىنداعى ەرەكشە جەڭىل تاعامدار دۇكەنىنە دەيىن ۇرىمجىدەگى جۇلدىزدى قوناق ۇيدەن تاشقورعانداعى تاجىك حالىقتىق تۇسەلحاناسىنا دەيىن ساۋدا قاۋىرت جاندانا ءتۇستى. ”اسحاناداعى ادامنىڭ كوپ - ازدىعى − بازاردىڭ قايتا جاندانۋىنىڭ بەلگىسى“. ۋاڭ روبيڭ مىنالاردى ءبىلدىردى: اس - سۋ قالپىنا كەلۋمەن بىرگە، ۇلكەن ساۋدا سارايلارىنىڭ، ەرەن بازارلاردىڭ قوس دەمالىس كۇندەرىندەگى قاريدار مولشەرى قاۋىرت ارتىپ، كوپتەگەن كاسسانىڭ الدىندا ۇزىن - سونار قاتار تۇزەدى، بۇل ساۋداگەرلەردىڭ دامۋ سەنىمىن بەكەمدەي ءتۇستى.
شينجياڭ جىبەك جولى حالىقارالىق دەمالىس اۋماعىنىڭ قار شاڭعى الاڭى − شينجياڭنىڭ ۋاكىلدىك سيپاتقا يە قار شاڭعى الاڭدارىنىڭ ءبىرى. 12 - ايدىڭ 5 - كۇنى وسى قار شاڭعى الاڭى ”قار - مۇزدا كەزدەسۋ ۋادەسى“ العاشقى سىرعاناۋ قيمىلىن باستاپ، شينجياڭنىڭ قار - مۇز ساياحاتىنىڭ ”جينالۋ دابىلىن“ قاقتى.
مادەنيەت ساياحاتىنىڭ جۇمىستى، ءوندىرىستى قالپىنا كەلتىرۋىنە، سونداي - اق قار - مۇز ساياحاتىنىڭ جوعارى ساپالى دامۋىنا دەم بەرگەن اۆتونوميالى رايوندىق مادەنيەت جانە ساياحات مەڭگەرمەسى ”شينجياڭدى ساياحاتتاۋدا ءبىر كودپەن ساياحاتتاۋ“ ارقىلى شينجياڭنىڭ ءىشى - سىرتىنداعى ساياحاتشىلارعا جانە شاڭعى اۋەسكەرلەرىنە 50 مىڭنان استام تۇتىنۋ بەلەتىن تاراتىپ، بازارعا دەگەن ىنتا - ىقىلاستى ارتتىردى. ءۇرىمجى قالاسى، ىلە قازاق اۆتونوميالى وبلىسى، التاي ايماعى، سانجى حۇيزۋ اۆتونوميالى وبلىسى سياقتى جەرلەردەگى ءىرى قار شاڭعى الاڭدارىندا ساياحاتشىلار ءيىن تىرەستى.
”شاڭعى تەبۋ، ءان شىرقاۋ، ءدامدى تاعامدار جەۋ، كوشە ارالاۋ... وزىمە تانىس سەنبىلىك تۇرمىس شەڭبەرىمە قايتا ورالدىم“. 12 - ايدىڭ 11 - كۇنى كينوحانادان شىققان ءۇرىمجى قالاسىنىڭ تۇرعىنى ساۋ زىشين بىلاي دەدى: مادەنيەت ورىندارى، سپورت سارايلارى، ساياحات كورىنىس وڭىرلەرى تۇگەل تيجاراتتى قالپىنا كەلتىرىپ، شينجياڭنىڭ ومىرشەڭدىگى مەن تارتىمدىلىعىن بىردەن جارىققا شىعاردى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
