ءۇرىمجى اۋدانى:
شاڭعى الاڭدارى ساياحاتشى قابىلداۋدىڭ شاعىن ورلەۋىن قارسى الدى
2022.12.13 16:44 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ 12 - ايدىڭ 11 - كۇنى ۇرىمجىدەن حابارلايدى. 12 - ايدىڭ 11 - كۇنى ءۇرىمجىنىڭ نانسانىندا قار توقتاپ، كۇن اشىلدى. شينجياڭ جىبەك جولى حالىقارالىق دەمالىس اۋماعىنا بارا قالعان ادامداردىڭ نازارى بىردەن 1 - ءنومىرلى اسپالى كۇيمەدەگى شاڭعىشىلارعا اۋدى، كوك زەڭگىر اسپان، كۇلگىن ءتۇستى شاڭعى كيىمى، جىلتىر جاسىل شاڭعى اسپالى كۇيمە بولات ارقانىنىڭ بەس سىزىعىنداعى نوتا تاڭباسىنداي بولىپ، قىس ماۋسىمىنىڭ كۇيىن ”ورىنداپ“ بارا جاتقانداي ەدى.
”كەل، شاڭعى اۋىستىر، جارايدى“! جاتتىقتىرۋشىنىڭ ساڭقىلداعان داۋىسىنا ىلەسە، ءۇرىمجى قالالىق 13 - باستاۋىش مەكتەپ 3 - جىلدىعىنىڭ وقۋشىسى جاڭ شياۋرۇي ومىرىندە العاش رەت جالعىز تاقتايلى شاڭعىمەن سىرعاناپ كوردى. 12 - ايدىڭ باسىندا ۇرىمجىدەگى شاڭعى الاڭدارى ىركەس - تىركەس اشىلعاننان بەرى، شەشەسى جاڭ شياۋرۇيدى ەرتىپ بارىپ نانسانعا تۇرىپ قالعان ەدى، ينتەرنەتتىك ساباق اياقتاعان سوڭ، جاتتىعۋشىمەن كەلىسىپ، شاڭعى الاڭىنا بارىپ سىڭار تاقتايلى شاڭعى ۇيرەندى. ”بىلتىر ونى قوس تاقتايلى شاڭعى قىستىق لاگەرىنە تىزىمدەتىپ ەدىم، نەگىزى بار، بيىل سىڭار تاقتايلى شاڭعىنى تەز ۇيرەنىپ الدى. بۇگىن ۇيرەنگەنىنە 5 كۇن بولدى، سىرعاناي الاتىن بولدى“. شەشەسى لي ليتيڭ بىلاي دەدى: بيىل شاڭعى الاڭى بەلەت ساتىپ الۋ، شاڭعى بۇيىمدارىن الۋ ءتارتىبىن وڭتايلاندىرىپتى، شاڭعى بۇيىمدارى زالىنان شاڭعى جولىنا دەيىن بالانى ەرتىپ بارۋعا ۇزاعاندا 20 مينۋت قانا كەتتى، قولايلى دا جىلدام بولىپتى.
”شاڭعى الاڭىنداعى شاتتىق اڭعارى اشىلىپتى، قۋانىشىم قايتا ورالدى“. ءۇرىمجى قالاسىنان كەلگەن شاڭعى اۋەسكەرى گاۋ جيە جونىنەن العاندا، عاسىرلىق شىرشالاردىڭ اراسىنان ءوتىپ، الۋان ءتۇرلى جەر بەدەرىندە سەكىرۋ قىسقى شاتتىق ەسەپتەلەدى. شينجياڭ جىبەك جولى حالىقارالىق دەمالىس اۋماعىنداعى ەڭ ”قىزىقتى“، ەڭ تارتىمدى بولعان ينتەرنەتتە تانىمالى شاڭعى جولى شاتتىق اڭعارى، اشىلا سالا ول اسىعا جەتىپتى، ”دوستار شەڭبەرىمە شىعارا سالىسىممەن سىرت جەردەگى 10 نەشە شاڭعى اۋەسكەرى لەبىز قالدىرىپ، شاڭعى الاڭىنىڭ احۋالىن سۇراستىرىپتى، ولار تەز ارادا شينجياڭعا كەلىپ بىزبەن بىرگە شاڭعى تەبەتىن كورىنەدى“! - دەدى ول.
شينجياڭ جىبەك جولى حالىقارالىق دەمالىس اۋماعىنىڭ شاڭعى الاڭىنان 8 كيلومەتردەي جەردەگى باييۇن حالىقارالىق شاڭعى الاڭىندا، جاتتىقتىرۋشى قاينار مۇقامەتقان جاڭا عانا گانسۋدەن كەلگەن شاڭعى اۋەسكەرى ”شياۋتۇنگە“ شاڭعى تەبۋدى ۇيرەتىپ بولىپتى. ”مەن شينجياڭدا شاڭعى تەبۋگە لانجوۋدان ارنايى ۇشىپ كەلدىم، سىڭار تاقتايلى شاڭعىمەن سىرعاناي الامىن، ءبىراق قوس تاقتايلى شاڭعىمەن سىرعاناۋدى بىلمەيمىن، سوندىقتان جاتتىقتىرۋشى قايناردى ۇسىنىس ەتتىم“. ول بىلاي دەيدى: شاڭعى الاڭىنىڭ قىزمەت كورسەتۋى جاقسى ەكەن، بەلەت ساتىپ العاننان كەيىن، جاتتىقتىرۋشى قاينار قاسىمدا ءجۇرىپ شاڭعى بۇيىمدارىن الىپ بەرىپ، اياعىما شاڭعى بايلاپ، مەنى باستاپ شاڭعى الاڭىنا اپاردى. ءبىر ساعاتتان كەيىن، مەن قوس تاقتايلى شاڭعىنىڭ شەبەرلىكتەرىن نەگىزىنەن يگەرىپ الدىم، سەيسەنبى كۇنى التايعا بارام، شاڭعى اۋەسكەرلەرىمەن جياڭجۇنشان جانە كوكتوعاي شاڭعى الاڭدارىندا كەزدەسەمىن.
شاڭعى ورلەۋى توڭىرەكتەگى حالىقتىق تۇسەلحانالاردىڭ ساۋداسىن دا شالقىتتى. اپتا سوڭىندا، ءۇرىمجى اۋدانىنىڭ شيانزاي تۇڭچۇي حالىقتىق تۇسەلحاناسىنىڭ 10 نەشە قوناق بولمەسى تولىق تاپسىرىس قابىلدادى. ”قازىر بالالارىن ەرتىپ نانسانعا كەلىپ شاڭعى تەبەتىن ساياحاتشىلار وتە كوپ، ءبىز نەگىزىنەن بالالارىمەن كەلگەن اتا - انالارعا ارنالعان حالىقتىق تۇسەلحانا ساۋداسىمەن شۇعىلدانامىز، سوندىقتان تاپسىرىس احۋالى جامان ەمەس“. وسى حالىقتىق تۇسەلحانانىڭ جاۋاپتىسى مياۋ يۇيدىڭ ايتۋىنشا، بيىل ولار حالىقتىق تۇسەلحانانىڭ بوس جەرىنە شاعىن شاڭعى جولىن جاساپ، بالالاردىڭ تەگىن سىرعاناۋىنا بەرگەن، كەيىن تاعى قار ءۇيىن دە جاساماقشى كورىنەدى.
ءۇرىمجى اۋدانىنىڭ كولەمدى شاڭعى الاڭدارى اشىلعاننان كەيىن، ءۇرىمجى اۋدانى ساياحاتتىڭ شاعىن ورلەۋىن قارسى الدى، تەك 12 - ايدىڭ 11 - كۇنى شينجياڭ جىبەك جولى حالىقارالىق دەمالىس اۋماعى مەن باييۇن حالىقارالىق شاڭعى الاڭىنداعى ساياحاتشىلاردىڭ سانى 4000 ادام - رەتكە تايادى. ”بيىل ءبىز دەنە تاربيە مەن ساياحاتتى تەرەڭ توعىستىرىپ، جۇرتشىلىقتىڭ تاۋ شاڭعى جارىسى، اق مارافون جارىسى، ەرەكشە بەلگىلەنگەن شاڭعى جارىسى سياقتى قار - مۇز جارىستارى ارقىلى بۇكىل ەلدىڭ جەر - جەرىندەگى ساياحاتشىلاردى ءۇرىمجى اۋدانىنا كەلىپ قار - مۇزدىڭ كەرەمەتىن سەزىنۋگە باۋرايمىز“، - دەدى ءۇرىمجى اۋدانى مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ قاتىستى جاۋاپتىسى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
