قۋات توپتاپ، كۇش جيناپ، قۇلشىنا العا ىلگەرىلەدى
− 2022 - جىلى شينجياڭنىڭ ءىرى نىساندار قۇرىلىسىن بار كۇشپەن ىلگەرىلەتۋىنە نازار
انار بۇلت \ شينجياڭ گازەتىنىڭ ءتىلشىسى ليۋ شياڭ
2022.12.13 16:38 كەلۋ قاينارى : شينجياڭ گازەتى
جىل سوڭىنا تاياعاندا، شينجياڭنىڭ بايتاق دالاسىندا جوعارى ساپالى دامۋدىڭ قوزعاۋشى قۋاتى السىرەمەي، سەرپىمدىلىگى اناعۇرلىم كۇشەيدى. تۇس - تۇستاعى قاربالاستىققا تۇسكەن نىسان قۇرىلىس الاڭدارىندا دامۋدى جەدەلدەتۋدىڭ قۋاتتى ءۇنى كوتەرىلدى.
ءىرى نىساندار ەكونوميكالىق دامۋدىڭ − تىرەگى، بۇيداسى.
بيىل جىل باسىنان بەرى شينجياڭ ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابىن جاپپاي تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى جوعارى ونىمدىلىكپەن ءبىر تۇتاس جوسپارلاپ، ءىرى نىسانداردىڭ جەتەكتەۋ، جەبەۋ رولىن تولىق ساۋلەلەندىرىپ، ناقتى ىسكەرلىكتى سيا ەتە وتىرىپ، كۇرەسپەن قالام تەربەپ، قيىن ماسەلەلەردى ۇزدىكسىز شەشىپ، قيىن وتكەلدەردەن ءوتىپ، نىسانداردىڭ ەرتەرەك تياناقتانۋىن، ەرتەرەك سالىنىپ ءبىتۋىن، ەرتەرەك ونىمدىلىك كورسەتۋىن ىلگەرىلەتىپ، بۇكىل رايون ەكونوميكاسىنىڭ جوعارى ساپالى دامۋىنا پارمەندى تىرەك ازىرلەدى.
”ەكىنى ءبىر تۇتاس جوسپارلاۋ“ىلگەرىلەتىلىپ، ءىرى نىساندار جارىسا جەلكەن كوتەردى
حوتان - چارقىلىق تەمىر جولى، G315 جەلىسى يىتىمبۇلاق - چارقىلىق جوعارى قارقىندى تاس جولى، قىزىلسۋ وزەنىندەگى شاتى سۋ ەلەكتر ستانسياسى سياقتى ءبىر توپ ءىرى نىساندار سالىنىپ بولىپ ىسكە قوسىلدى؛ بايىنبۇلاق اۋەجايى، جۇڭگو مۇناي حيميا توبى كۇشار جاسىل سۋتەك ۇلگى كورسەتۋ نىسانى، ”شينجياڭنىڭ ەلەكترىن سىرتقا جەتكىزۋ“ 3 - ارناسىنىڭ سايكەستى ەلەكتر قاينارى نىسانى سياقتى ءبىر توپ ءىرى نىساندار قۇرىلىس باستادى... 2022 - جىلى كوپتەگەن ءىرى نىساندار، يگى نىساندار تيانشان الابىندا تياناقتانىپ، گۇل اشىپ، رايونىمىزدىڭ ”ەكىنى ءبىر تۇتاس جوسپارلاۋدى“ تياناق ەتىپ، ەكونوميكانىڭ جوعارى ساپالى دامۋىن جەدەلدەتكەن جاندى كارتيناسىن قالىپتاستىردى.
نىسان قۇرىلىسىنداعى ماڭىزدى بۋىنداردى ويداعىداي يگەرىلىپ، شينجياڭنىڭ ەكپىندەي ىلگەرىلەگەن ءىزى ءتورت ماۋسىمعا ءسىڭىرىلدى.
باستاما جالپى جاعدايعا سايادى، باستاپقى ارىن جەڭىستى بەلگىلەيدى − 3 - ايدىڭ 17 - كۇنى 2022 - جىلعى ءبىرىنشى ماۋسىمداعى اۆتونوميالى رايوننىڭ ءىرى نىساندارىنىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتى جانە بۇكىل رايوننىڭ ءىرى نىسانداردى ورنالاستىرۋ ءماجىلىسى وتكىزىلىپ، بۇكىل رايونعا ”نىسانداردى قاۋىرت يگەرۋ، ءىرى نىسانداردى يگەرۋ“ جونىندە اتتانىسقا كەلتىرۋ بۇيرىعىن ءتۇسىردى.
قۇرىلىستىڭ التىن مەزگىلىن مىقتى يگەرىپ، ءىرى نىسانداردى ىلگەرىلەتۋ سەرپىنىن تومەندەتپەدى − 6 - ايدىڭ 16 - كۇنى حوتان - چارقىلىق تەمىر جولىندا پويەز قاتىناۋ قيمىلى جانە 2022 - جىلعى 2 - رەتكى بۇكىل رايوننىڭ ءىرى نىساندارىن ورنالاستىرۋ ءماجىلىسى وتكىزىلدى، ەكىنشى ماۋسىمدا بۇكىل شينجياڭ بويىنشا 2739 نىسان جاڭادان قۇرىلىس باستاپ، جالپى 600 ميلليارد يۋاننان استام قارجى قوسىلدى؛ 9 - ايدىڭ 28 - كۇنى ”شينجياڭ ەلەكترىن چۇڭچيڭگە جەتكىزۋدىڭ سايكەستى ەلەكتر قاينارى“، ”تابيعي گازدى باتىستان شىعىسقا جەتكىزۋ 4 - جەلىسى“ سىندى ءىرى نىسانداردىڭ قۇرىلىس باستاۋ سالتى جانە بۇكىل رايوننىڭ ءىرى نىساندارىن ورنالاستىرۋ ءماجىلىسى وتكىزىلىپ، نەگىزدىك قۇرىلعى قۇرىلىسى، ەنەرگيا، وسى زامانعى اۋىل شارۋاشىلىعى سياقتى كوپ ءتۇردى قامتىدى.
ىندەت اكەلگەن ءتيىمسىز ىقپالعا بەلسەنە توتەپ بەرىپ، ءتورتىنشى ماۋسىمدا ەكپىندەي العا ۇمتىلىپ، اياقتاتۋ شايقاسىن ويداعىداي جۇرگىزدى − جۋىقتا لانجوۋ - شينجياڭ تەمىر جولىنىڭ جىڭنان الاتاۋ ساعاسىنا دەيىنگى قوسىپ سالىناتىن 2 - جەلىسىندە جۇمىس باستاۋ جانە ءتورتىنشى ماۋسىمداعى بۇكىل رايوننىڭ ءىرى نىساندارىن ورنالاستىرۋ ءماجىلىسى ۇرىمجىدە بەينە ەكران ءماجىلىسى تاسىلىندە وتكىزىلدى، سونداي - اق G219 جەلىسىنىڭ موڭعۇلكۇرەدەن ونسۋعا دەيىنگى تاس جول نىسانى سياقتى 6 ءىرى تاس جول نىسانىندا قۇرىلىس باستالىپ، بيىل قىس پەن كەلەر جىلى كوكتەمدە نىسانداردى يگەرۋدىڭ، قارجى قوسۋدى جەبەۋدىڭ، ارتۋدى ورنىقتىرۋدىڭ دابىلى قاعىلدى.
”اۆتونوميالى رايوندىق پارتكومنىڭ پارمەندى باسشىلىعىندا، جەر - جەر ءىرى نىسان قۇرىلىستارىن ۇزدىكسىز ىلگەرىلەتىپ، ءونىمدى قارجى قوسۋدىڭ قامداۋ قۇرىلىمىن ساپالىلاندىرۋداعى شەشۋشى رولىن ۇزدىكسىز كۇشەيتتى“. اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى ۋاڭ كۇيران بىلاي دەدى: قازىرگە دەيىن تۇتاس جىلدا شينجياڭدا 100 ميلليون يۋاننان اساتىن 3433 ءىرى نىسان جاڭادان قۇرىلىس باستاپ، جالپى 2 تريلليون 900 ميلليارد يۋان قارجى قوسىلىپ، ماكرو ەكونوميكالىق نەگىزگى اۋقىمدى ورنىقتىرۋعا بەرىك نەگىز قالاندى.
قۇرىلىس نەگىزىن بەكەمدەپ، شەشۋشى فاكتورلاردى قامتاماسىز ەتۋدى ويداعىداي يگەردى
نىسان قۇرىلىسىن ىلگەرىلەتۋ جەر، قارجى، سايكەستى قۇرىلعىلار سياقتى فاكتورلاردىڭ قامتاماسىز ەتۋىنەن قول ۇزە المايدى.
جەر − ”ارتۋدى ورنىقتىرۋدىڭ“، ”قارجى قوسۋدى ورنىقتىرۋدىڭ“ جانە نىسانداردى تياناقتاندىرۋدىڭ نەگىزى جانە كەپىلى. اۆتونوميالى رايوندىق جاراتىلىستىق بايلىق مەڭگەرمەسى جەر فاكتورىن نىسانعا ىلەستىرىپ جۇرگىزۋگە تاباندى بولىپ، اكىمشىلىك تەكسەرىپ بەكىتۋ ءتۇزىمى رەفورماسىن ۇزدىكسىز تەرەڭدەتىپ، تەكسەرىپ بەكىتۋ ءتۇزىمى مەن ءتارتىبىن ساپالىلاندىرىپ، تەكسەرىپ بەكىتۋ، قىزمەت وتەۋ ونىمدىلىگىن جوعارىلاتىپ، ءىرى نىساندارعا پايدالانىلاتىن جەردى بار كۇشپەن قامتاماسىز ەتتى.
ورتالىقتىڭ مەجە ەسەبى ىشىندە قارجى قوسۋ، جەرگىلىكتى ۇكىمەتتەردىڭ ارناۋلى زايومى، ساياساتتىق اشۋ سيپاتتى فينانس قۇرالدارى سياقتى مەملەكەت قولداۋ كورسەتەتىن سالالاردى ارقاۋ ەتىپ، شينجياڭ قارجى قوسۋ باعىتىنا ۇيلەسەتىن ءبىر توپ ءىرى نىسانداردى جوعارى ساپامەن جوبالاپ، اتقارىپ، مەملەكەتتىڭ قولداۋىنا ەڭ زور سەرپىنمەن قول جەتكىزدى.
بيىل اۆتونوميالى رايوندىق قازىنا مەڭگەرمەسى جەرگىلىكتى ۇكىمەتتەردىڭ زايومىن زاپاسقا دايىنداۋ، تاراتۋ، پايدالانۋ جۇمىسىن تۇتاس پەريوتتىق باسقارۋدى كۇشەيتىپ، جەرگىلىكتى ۇكىمەتتەردىڭ زايوم قارجىسىن قوسۋ باعىتىندا، نازاردى شەشۋشى سالالار مەن ءالسىز بۋىندارعا شوعىرلاندىرىپ، مەملەكەت پەن اۆتونوميالى رايوننىڭ كەلەلى ستراتەگيالارىنىڭ، ءىرى ورنالاستىرۋلارىنىڭ تياناقتانىپ اتقارىلۋىن الدىمەن قامتاماسىز ەتىپ، زايوم قارجىسىنىڭ ونىمدىلىگىن مۇمكىندىكتىڭ بارىنشا ساۋلەلەندىردى.
”جەرگىلىكتى ۇكىمەت زايومىن ويداعىداي تاراتۋ، ويداعىداي پايدالانۋ ارقىلى بۇكىل شينجياڭداعى 2300دەن استام ءىرى نىسان قۇرىلىسىنا دالمە - ءدال، جۇيەلى قولداۋ كورسەتىپ، جوعارى ساپالى دامۋعا اناعۇرلىم بەرىك نەگىز قالاپ، دامۋدىڭ سەرپىمدىلىگىن ارتتىردى“، - دەدى اۆتونوميالى رايوندىق قازىنا مەڭگەرمەسى مەجە ەسەپ باسقارماسىنىڭ باستىعى ليۋ حاييان.
ساياساتتىق، اشۋ سيپاتتى فينانس قۇرالدارىنان پايدالانىپ، ءىرى نىساندار قۇرىلىسىن قولداۋ پارتيا ورتالىق كوميتەتىنىڭ، مەملەكەتتىك كەڭەستىڭ ءونىمدى قارجى قوسۋدى دالمە - ءدال كەڭەيتىپ، جۇمىستانۋدى جەبەپ، ىشكى سۇرانىستى سەرپىلتىپ، ەكونوميكانىڭ نەگىزگى اۋقىمىن ونان ارى ورنىقتىرۋ ءۇشىن جاساعان ماڭىزدى شەشىمى، ورنالاستىرۋى.
ساياساتتىق، اشۋ سيپاتتى فينانس قۇرالدارىنىڭ تىڭىلىقتى تياناقتانۋىن ىلگەرىلەتۋ ءۇشىن، اۆتونوميالى رايوندىق حالىق ۇكىمەتى ءونىمدى قارجى قوسۋ ماڭىزدى نىساندارىن جەدەلدەتۋدى سايكەستىرۋ مەحانيزمىن ورناتتى، اۆتونوميالى رايوندىق دامۋ جانە رەفورما كوميتەتى باستاماشى بولىپ قىزمەت ارناۋلى ءبانىن قۇرىپ، اۆتونوميالى رايوندىق كاسىپتىك مەڭگەرمە - مەكەمەلەرمەن جانە مەملەكەتتىك وركەندەتۋ بانكەسى شينجياڭ بولىمشە بانكەسىمەن، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىمەن، يمپورت - ەكسپورت بانكەسى شينجياڭ بولىمشە بانكەسىمەن بىرلەسىپ، قىزمەتتى جەدەل سايكەستىرىپ ىلگەرىلەتىپ، بەلسەندى ونىمدىلىككە قول جەتكىزدى.
قازىرگە دەيىن شينجياڭ جەل ەلەكترى، فوتوۆولت، قاتىناس، سۋ يگىلىگى، باقشا رايونى قالا شارۋاشىلىعىنا ءتان نەگىزدىك قۇرىلعىلارى، قامتاماسىز ەتۋ سيپاتىنداعى بەيقۇت ءۇي ينجەنەرياسى سياقتى جاقتارعا ساياتىن 137 ساياساتتىق، اشۋ سيپاتتى فينانس قۇرالى (قور) نىسانى تۇگەلدەي قۇرىلىس باستاپ، قوردان جالپى 28 ميلليارد يۋانعا جۋىق قارجى سالىپ، 287 ميلليارد يۋان قارجى قوسۋعا قوزعاۋ سالىپ، مەملەكەتتىڭ نىسانا - مىندەتتەرىن تولىق تابىسپەن ورىندادى.
ىرىقتىلىقپەن الدىدا تۇرىپ قىزمەت وتەپ، پارمەندى، جۇيەلى ىلگەرىلەتۋگە شىنايى كەپىلدىك ەتتى
12 - ايدىڭ 6 - كۇنى مەملەكەتتىك تاس جول 579 - جەلىسى جوعارى دارەجەلى تاس جولىنىڭ (2 - مەرزىمدىك) بەسىنشى توقتام بولىگىنىڭ جۇمىس باسىندا ماشينالار گۇرىلدەپ، جۇمىسشىلار قاربالاس اسفالت توسەپ، قۇرىلىس ءتارتىپتى جۇرگىزىلىپ جاتتى. مەجەمەن 2023 - جىلى 6 - ايدا تۇتاس جەلىدە اۆتوكولىك قاتىناپ، باي اۋدانىنا جوعارى دارەجەلى تاس جول تۇتاسپاۋ تاريحىن اياقتاتادى.
ءونىمدى قارجى قوسۋدىڭ ەكونوميكانىڭ جوعارى ساپالى دامۋىنداعى ”قوزعالتقىشتىق“ رولىن تولىق ساۋلەلەندىرۋ ءۇشىن، اقسۋ ايماعى ”راسمياتى تولىق بولسا تاباندا ءبىتىرۋ، ماتەريالدارىن تولىقتاسا جەدەل ءبىتىرۋ، شارت - جاعداي جاراتىپ، ءادىس - امال تاۋىپ ءبىتىرۋ“ پرينسيبى بويىنشا نىسانداردىڭ الدىڭعى مەرزىمدىك قىزمەتىن، شەشۋشى بۋىندارىن مىقتى يگەرىپ، نىسان قۇرىلىسىنىڭ ءتارتىپتى ىلگەرىلەۋىنە بار كۇشپەن شىنايى كەپىلدىك ەتتى.
سۋ مولايسا بالىق توپتالادى، اعاش جايقالسا قۇس جينالادى. بيىل جىل باسىنان بەرى جەر - جەر، تاراۋلار نىسان قۇرىلىسىنا قىزمەت وتەۋدى شارۋاشىلىق - ساۋدا ورتاسىن ساپالىلاندىرۋدىڭ ماڭىزدى سىناعىشى ەتىپ، ساپالى قىزمەت وتەۋ ارقىلى نىسان قۇرىلىسىن قولداپ - قۋاتتادى.
ىلە قازاق اۆتونوميالى وبلىسى، ءۇرىمجى قالاسى، قۇمىل قالاسى، بايىنعولين موڭعۇل اۆتونوميالى وبلىسى، قاشقار ايماعى... تاياۋدا اۆتونوميالى رايون جەتەكشىلىك ەتۋ، قىزمەت وتەۋ ارناۋلى قىزمەت گرۋپپاسىن جىبەرىپ، ايماق، وبلىس، قالالارعا بارىپ، قارجى قوسۋ نىساندارى قۇرىلىسىن ىلگەرىلەتۋ جانە ساناق قىزمەتىن كۇشەيتۋگە جەتەكشىلىك ەتىپ، قىزمەت وتەپ، تاعى دا قۇلشىنا يگەرىپ، اتويلاي ءتۇسىپ، جەر - جەردىڭ، ورىنداردىڭ شەكتى قۇرىلىس جۇرگىزۋ ۋاقىتىن مىقتى يگەرۋىن جەبەپ، اناعۇرلىم كوپ دالمە - ءدال، ءونىمدى قارجى قوسۋ قالىپتاستىرىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋدا ەڭ جاقسى ناتيجەگە قول جەتكىزۋگە كۇش سالدى.
حۋاديان ءۇرىمجى ءبىر ميلليون كيلوۆاتتىق جەل، كۇن ەلەكتر نىسانى قۇرىلىسىنىڭ جۇمىس باسىندا، اۆتونوميالى رايوننىڭ ءۇرىمجى قالاسىنا جەتەكشىلىك ەتۋ، قىزمەت وتەۋ ارناۋلى قىزمەت گرۋپپاسى، ءۇرىمجى قالالىق جانە دابانچىڭ رايوندىق ۇكىمەت 3 دارەجەلى ورىن بىرلەسە قيمىلداپ، جۇمىس باسىندا جۇمىس جۇرگىزىپ، قىزمەت ءتارتىبىن اناعۇرلىم ساپالىلاندىردى ءارى قۇرىلىس بارىسىندا جولىققان ناقتى ماسەلەلەردىڭ شەشىلۋىن ىلگەرىلەتتى.
”ارناۋلى قىزمەت گرۋپپاسىنىڭ كەلۋى ءبىزدىڭ جىلدىق نىسانا - مىندەتتەردى ورىنداۋ سەنىمىمىز بەن بەكىمىمىزدى ونان ارى بەكەمدەدى“. حۋاديان شينجياڭ ەلەكتر شەكتى سەرىكتەستىگىنىڭ ورىنباسار باس ديرەكتورى چاڭ جياشيڭ بىلاي دەدى: كۇش - قايراتتى تاسقىنداتىپ، نىسانداردىڭ قارقىنىن تەزدەتىپ، ونىمدىلىگىن ارتتىرۋدى جەدەل ىلگەرىلەتەمىز.
1 - ايدان 10 - ايعا دەيىن شينجياڭداعى ءتۇيىندى نىساندارعا ناقتى زاتتىق قىزمەت مولشەرى بويىنشا جالپى 248 ميلليارد 300 ميلليون يۋان قارجى قوسىلىپ، بىلتىرعى سول تۇستاعىدان 26 ميلليارد 100 ميلليون يۋان ارتىپ، جىلدىق قارجى قوسۋ جوسپارىنىڭ ％92ى ورىندالدى.
ۋاڭ كۇيران مىنالاردى ءبىلدىردى: اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋلارىن باتىل دايەكتىلەندىرىپ، تياناقتاندىرىپ، ءىرى نىسانداردىڭ ”ساپاسىن جوعارىلاتىپ، ونىمدىلىگىن ارتتىرۋ ارەكەتىن“ ورىستەتىپ، ءتۇرلى ساياساتتاردى جۇيەلى جيناقتاپ، كۇشتى شوعىرلاندىرىپ، ماڭىزدى تۇيىننەن قامال الىپ، ”8 ءىرى كاسىپ سالاسى شوعىرىن“ جانە ”6 ءىرى نەگىزدىك قۇرىلعى جۇيەسىن“ جەدەل قۇرۋدى ارقاۋ ەتىپ، ءىرى نىساندار قۇرىلىسىنىڭ جاڭا ورلەۋىن ۇزدىكسىز كوتەرىپ، كەزەكتەگى ەكونوميكانىڭ نەگىزگى اۋقىمىن ورنىقتىرۋعا، كەلەر جىلعى دامۋ نەگىزىن بەكەمدەۋگە بەلسەندى ۇلەس قوسامىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
