شام ساۋىعى، كىتاپ كورمەسى، قىستاق ساۋىق كەشى
شينجياڭ جاڭا جىلدى قارسى الۋدىڭ كوپ ءتۇرلى مادەنيەت قيمىلدارىن وتكىزەدى
2022.12.13 16:43 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ءابيبا 12 - ايدىڭ 11 - كۇنى ۇرىمجىدەن حابارلايدى. 12 - ايدىڭ 11 - كۇنى اۆتونوميالى رايوندىق مادەنيەت جانە ساياحات مەڭگەرمەسى اشقان مادەنيەت - ساياحات سالاسىنىڭ جۇمىستى، ءوندىرىستى قالپىنا كەلتىرۋ جانە قار - مۇز ساياحاتىنىڭ جوعارى ساپالى دامۋى جونىندەگى اقپارات مەديالارىن حابارلاندىرۋ ماجىلىسىنەن ۇعىسۋىمىزشا، جىل سوڭىندا، ەسكى جىلدى ۇزاتىپ، جاڭا جىلدى قارسى الۋ بايلانىسىمەن رايونىمىز ءبىر قىدىرۋ مادەنيەت قيمىلدارىن وتكىزىپ، ءار ۇلت بۇقاراسىنىڭ مادەنيەت جىلىنان بارىنشا ءلاززاتتانۋىنا مۇمكىندىك جاسايدى ەكەن.
اۆتونوميالى رايوندىق مادەنيەت جانە ساياحات مەڭگەرمەسى الەۋمەتتىك قىزمەت وتەۋ باسقارماسىنىڭ باستىعى پۋ حۋايمين بىلاي دەپ تانىستىردى: 2023 - جىلى 1 - ايدىڭ 14 - كۇنىنەن 2 - ايدىڭ 5 - كۇنىنە دەيىن بۇكىل شينجياڭ ”شىراق نۇرىنا بولەنگەن جۇڭحۋا، ىرىستى شينجياڭدى“ نەگىزگى تاقىرىپ ەتكەن كوكتەم مەرەكەسىن قارسى الۋ جەلىلەس قيمىلدارىن ۇيىمداستىرىپ ورىستەتىپ، ءار دارەجەلى، ءار تۇردەگى مادەنيەت الاڭى، باقشا، تەاتر زالى، ەرەكشەلىككە يە كوشە سياقتى الاڭى كەڭ، قاتىناسى قولايلى، ادامدار شوعىرلانعان ورىنداردان پايدالانىپ شىراق كورمەسى، شام ساۋىعى جانە شىراق جۇمباعىن شەشۋ سياقتى قيمىلداردى وتكىزىپ، مەرەكە ويىندارىن قويۋ، بەيزاتتىق مادەنيەت مۇرالارىن كورمەلەۋ، ەرەكشەلىككە يە ءدامدى تاعامدار كورمەسى، ادەبيەت - كوركەمونەر كونسەرتىن جانە باسقا دا ارناۋلى تاقىرىپتىق كورمەلەردى وتكىزىپ، بۇقارانىڭ اشەكەي شامداردى تاماشالاۋ، بۇتحانا جارمەڭكەسىن ارالاۋ، ويىن - ساۋىق كورۋ، سالت - سانانى تاماشالاۋ، ءدامدى تاعامداردىڭ ءدامىن تاتۋ بارىسىندا قويۋ مەرەكە رايىن جان - جاقتى، ەلىتە سەزىنۋىنە مۇمكىندىك جاسايدى. 1 - ايدىڭ 14 - كۇنى ”جاڭا جورىققا اتتانۋ· باقىتتى جۇڭگو جىلىن“ نەگىزگى تاقىرىپ ەتكەن 2023 - جىلعى شينجياڭ اۋىل - قىستاقتارىنىڭ قىستاق ساۋىق كەشى باستالادى.
”بيىل 12 - ايدان كەلەر جىلى 2 - ايعا دەيىن شينجياڭ كىتاپحاناسى، شينجياڭ مادەنيەت سارايى ايماقتاردىڭ، وبلىستاردىڭ، قالالاردىڭ الەۋمەتتىك كىتاپحانالارىمەن، مادەنيەت سارايلارىمەن بىرلەسىپ، ينتەرنەت جەلىسىندە +ينتەرنەت جەلىسىنەن تىسقارى سياقتى تاسىلدەر ارقىلى ’جىرنامادان قىزىل ساراي تۇسىنە دەيىن، سوناۋ جىلدارى ءبىز وقىعان كلاسسيك شىعارمالار‘ ەرەكشە ساقتاما حۇجاتتار كىتاپ كورمەسى، ’حانزۋ ءارىبىنىڭ توركىنى‘ جونىندە زەرتتەۋ - ۇيرەنۋ قيمىلى، شارۋالار سۋرەت تۋىندىلارىن جيناۋ جارىسى سياقتى جەلىلەس نەگىزگى تاقىرىپتىق قيمىلدار وتكىزىپ، بۇقارانىڭ ’مادەنيەت جىلىنان‘ بارىنشا ءلاززاتتانۋىنا مۇمكىندىك جاسايدى“، - دەدى پۋ حۋايمين.
12 - ايدىڭ 10 - كۇنىنە دەيىن بۇكىل رايوندا 95 الەۋمەتتىك كىتاپحانا، 98 مادەنيەت سارايى، 969 اۋىل - قالاشىق مادەنيەت پۋنكتى سىرتقا اشىق ۇستالدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
