شينجياڭ ۇيعۇر اۆتونوميالى رايونى ورتا، شاعىن كاسىپورىنداردىڭ الاشاعىن جانە شارۋا جۇمىسكەرلەردىڭ ەڭبەكاقىسىن بەرمەي كەشىكتىرۋ ماسەلەسىن اداقتاۋ بويىنشا ورنالاستىرۋ ءماجىلىسىن اشىپ مىنالاردى تالاپ ەتتى
ناقتى شارا، قاتاڭ شارا قولدانىپ، بەرمەي كەشىكتىرگەن الاشاقتى اداقتاۋ قىزمەتىن بار كۇشپەن ويداعىداي ىستەۋ كەرەك
2022.12.13 16:39 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 10 - كۇنى ۇرىمجىدەن حابارلايدى. 12 - ايدىڭ 9 - كۇنى تۇستەن كەيىن اۆتونوميالى رايون ورتا، شاعىن كاسىپورىنداردىڭ الاشاعىن جانە شارۋا جۇمىسكەرلەردىڭ ەڭبەكاقىسىن بەرمەي كەشىكتىرۋ ماسەلەسىن اداقتاۋ بويىنشا ورنالاستىرۋ ءماجىلىسىن اشتى. ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ەرەكشە شارا قولدانىپ، شىنايى دا جارامدى ناقتى شارا، قاتاڭ شارا قولدانىپ، بەرمەي كەشىكتىرگەن الاشاقتى اداقتاۋ قىزمەتىنىڭ سەرپىنىن اناعۇرلىم ارتتىرىپ، ورتا، شاعىن كاسىپورىنداردىڭ، شارۋا جۇمىسكەرلەر قاۋىمىنىڭ ناقتى تابىس سەزىمىنە يە بولۋىنا شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: بەرمەي كەشىكتىرگەن الاشاقتى اداقتاۋ قىزمەتىن ويداعىداي ىستەۋ بازار نەگىزگى تۇلعالارىنىڭ ورنىقتىلىعىنا سايادى، شارۋا جۇمىسكەرلەر وتباسىنىڭ نەگىزگى حالىق تۇرمىسىنا سايادى، كەلەر جىلعى قىزمەتتىڭ جاقسى باستالۋىنا، جاقسى قادام تاستاۋىنا سايادى، قوعامدىق جالپى جاعدايدىڭ ورنىقتىلىعىنا سايادى. جەر - جەر، تاراۋلار ساياسي دەڭگەيدى جوعارىلاتىپ، تۇلعالىق جاۋاپكەرشىلىك پەن باقىلاۋ - باسقارۋ جاۋاپكەرشىلىگىن باتىل تياناقتاندىرىپ، بەرمەي كەشىكتىرگەن الاشاقتى اداقتاۋ قىزمەتىن بار كۇشپەن ويداعىداي ىستەپ، ورتا، شاعىن كاسىپورىندار مەن شارۋا جۇمىسكەرلەردىڭ زاڭدى ۇقىق - مۇددەسىن شىنايى قورعاپ، شارۋاشىلىق - ساۋدا ورتاسىن اناعۇرلىم ساپالىلاندىرىپ، جوعارى ساپالى دامۋدى ىلگەرىلەتۋى كەرەك.
ءماجىلىس مىنالاردى باسا دارىپتەدى: شارۋا جۇمىسكەرلەردىڭ ەڭبەكاقىسىن بەرمەي كەشىكتىرۋ ماسەلەسىن وڭاۋ تەبىنىن ارتتىرۋ كەرەك. جەر - جەر اۆتونوميالى رايوننىڭ شارۋا جۇمىسكەرلەردىڭ ەڭبەكاقىسىن بەرمەي كەشىكتىرۋدى تۇبىرىنەن وڭاۋ جونىندەگى ”10 تارماقتى شاراسى“ مەن جۇمىس ورنىن ورنىقتىرىپ، جۇمىس ورنىن ساقتاۋداعى ءتۇرلى تالاپتارىن ويداعىداي تياناقتاندىرىپ، باسشىلاردىڭ ارىز - ارمان ىستەرىن ۇستىنە الىپ ىستەۋ تەبىنىن ارتتىرىپ، تىزىمدىك جاساپ، سوڭىنا دەيىن يگەرىپ، تەكسەرىپ انىقتالعان ەڭبەكاقىعا قارىزدار بولۋ دەلولارىن تۇگەلدەي ۋاعىندا ءبىر جاقتى ەتىپ بىتىرۋگە شىنايى كەپىلدىك ەتۋ كەرەك. ادام كۇشى بايلىعى جانە قوعامدىق قامتاماسىزداندىرۋ، تۇرعىن ءۇي جانە قالا، اۋىل قۇرىلىسى، قاتىناس سياقتى تاراۋلار شوعىرلى رەتتەۋ - وڭاۋدىڭ قىسقى قامال الۋ ارەكەتىن ويداعىداي ورىستەتىپ، ۇكىمەتتىڭ قارجى قوسۋ نىساندارىنىڭ، مەملەكەت مەنشىگىندەگى كاسىپورىنداردىڭ نىسان ينجەنەريالارىنىڭ قارجىسىن تولەۋىنە قاراتا جان - جاقتى، جالپى بارىستىق باقىلاۋ - باسقارۋدى كۇشەيتۋى كەرەك. قوعام حاۋىپسىزدىگى ورگاندارى ەڭبەكاقىعا قارىزدار بولۋعا قاتىستى زاڭعا قايشى قىلمىستىق ارەكەتتەرگە سوققى بەرۋدىڭ تەگەۋرىندى كۇيىن ساقتاپ، ەڭبەكشىلەردىڭ زاڭدى ۇقىق - مۇددەسىن بار كۇشپەن قورعاۋى كەرەك.
ءماجىلىس مىنالاردى تالاپ ەتتى: ورتا، شاعىن كاسىپورىنداردىڭ قارىز اقشاسىن رەتتەۋ - وڭاۋدى كۇشەيتۋ كەرەك. جەر - جەر نەگىزگى تۇلعالىق جاۋاپكەرشىلىكتى كۇشەيتىپ، قىزمەت ءتۇيىنىن كورنەكتىلەندىرىپ، ىركىندى قارىزدى شوعىرلى شەشىپ، بەرمەي كەشىكتىرگەن الاشاقتى اداقتاۋ قىزمەتىن سايكەستى ىلگەرىلەتىپ، الاشاقتى بەرمەي كەشىكتىرۋ جايتىنىڭ تىڭنان قوسىلۋىنان تۋ باستان قاتاڭ ساقتانۋى كەرەك. ونەركاسىپ جانە ينفورماتسيالاندىرۋ تاراۋلارى ءبىر تۇتاس جوسپارلاپ سايكەستىرۋدى كۇشەيتۋى، تۇرعىن ءۇي جانە قالا، اۋىل قۇرىلىسى، قوعام حاۋىپسىزدىگى، وقۋ - اعارتۋ، قاتىناس، سۋ يگىلىگى سياقتى تاراۋلار جەر - جەردى ءوز سالاسىندا ورتا، شاعىن كاسىپورىنداردىڭ الاشاعىن بەرمەي كەشىكتىرۋدەن ساقتانۋ جانە ونى جويۋ قىزمەت تەبىنىن ارتتىرۋعا قۋزاۋى جانە جەتەكشىلىك ەتۋى، قازىنالىق باقىلاۋ تاراۋلارى ورتا، شاعىن كاسىپورىنداردىڭ الاشاعىن بەرمەي كەشىكتىرۋ ماسەلەسىن قازىنالىق باقىلاۋدىڭ ماڭىزدى تۇيىنىنە ەنگىزۋى، سوت مەكەمەسى ”جاسىل ارنا“ اشىپ، قارىز اقشانىڭ اداقتاۋعا بولاتىندارىنىڭ تۇگەلدەي اداقتالۋىنا، اداقتاۋعا تيىستىلەرىنىڭ تۇگەلدەي اداقتالۋىنا شىنايى كەپىلدىك ەتۋى كەرەك.
ءماجىلىس مىنالاردى تالاپ ەتتى: جاۋاپكەرشىلىكتى قاتايتىپ، قۋزاۋ - جەتەكشىلىك ەتۋدى كۇشەيتىپ، قوعام نازار اۋدارىپ وتىرعان ماسەلەلەرگە ىرىقتىلىقپەن جاۋاپ قايتارىپ، ءتۇرلى ءادىس - امالدارمەن كورنەكتى ماسەلەلەردى شەشىپ، بەرمەي كەشىكتىرگەن الاشاقتى اداقتاۋ بويىنشا جونگە سالۋدىڭ ءىس جۇزىندىك ونىمدىلىگى ارقىلى حالىق تۇرمىسىن قامتاماسىز ەتۋدى كۇشەيتىپ، قوعامنىڭ ءۇمىتى مەن سەنىمىن سەرپىلتۋ كەرەك.
ءماجىلىس تاياۋ مەزگىلدەگى ءتۇيىندى قىزمەتتەردى ويداعىداي ىستەۋ جونىندە ورنالاستىرۋ جاساپ، ىندەتتەن ساقتانۋ - تىزگىندەۋدى عىلمي، دالمە - ءدال ويداعىداي يگەرىپ، قوعامدىق كەلەلى جاعدايدىڭ ورنىقتىلىعىن باتىل قورعاپ، نىسان قۇرىلىسىن كورنەكتى تۇردە ويداعىداي يگەرىپ، ءوندىرىس حاۋىپسىزدىگى سياقتى قىزمەتتەردى مىقتاپ، ناقتى يگەرىپ، بيىلعى قىزمەتتەردىڭ تابىسپەن اياقتالۋىنا شىنايى كەپىلدىك ەتۋدى تالاپ ەتتى.
چىن ۋيجۇن، ءيۇسۇپجان مامەت، ماڭلىك سەيىت، ليۋ سۋشى قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
