مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى: ەمدەۋ قۇرىلىمدارىنىڭ ينتەرنەت ارقىلى جاڭا تيپتى ايدارشا ۆيرۋسقا قاتىستى رەتسەپتەردى جازۋىنا بولادى
2022.12.13 13:55 كەلۋ قاينارى : حالىق تورابى
جۋىردا، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋدە ينتەرنەت ارقىلى قىزمەت وتەۋگە قاتىستى قىزمەتتەردى ويداعىداي ىستەۋ جونىندە ۇقتىرۋ شىعاردى:
. ەمدەۋ قۇرىلىمدارىنىڭ (ينتەرنەتتىك ەمحانانى، ينتەرنەت ارقىلى ەمدەۋ جاعىندا قىزمەت وتەيتىن ەمدەۋ قۇرىلىمدارىن قامتيدى) ينتەرنەت ارقىلى دياگنوز قويۋ، ەمدەۋ تەكشەلەرىنە سۇيەنىپ، جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋدەگى ەڭ جاڭا نۇسقاداعى جوباداعى قاتىستى تالاپتارعا ساي، جاڭا تيپتى ايدارشا ۆيرۋس وكپە قابىنۋىنا ساياتىن اۋرۋ بەلگىلەرى بايقالعان ناۋقاستار «جاڭا تيپتى ايدارشا ۆيرۋسپەن جۇعىمدالعانداردى وتباسىندا ەمدەۋ باعدارناماسى» بويىنشا وتباسىندا ەمدەلۋگە ۇيلەسەتىن بولسا، جاڭا تيپتى ايدارشا ۆيرۋس وكپە قابىنۋىنا ساياتىن اۋرۋ بەلگىلەرىن ەمدەيتىن رەتسەپتەردى ينتەرنەت ارقىلى جازۋىنا بولادى ءارى شارتقا ۇيلەسەتىن ءۇشىنشى جاققا اماناتتاۋ ارقىلى ءدارى – دارمەكتەردى ناۋقاستىڭ وتباسىنا جەتكىزىپ بەرۋگە شابىتتاندىرىلادى.
. ەمدەۋ قۇرىلىمدارى ينتەرنەت ارقىلى ەمدەۋ قىزمەتىن ورىستەتكەن كەزدە، ەگەر ناۋقاستاردىڭ اۋرۋ جاعدايىندا وزگەرىس تۋىلعانىن نەمەسە ينتەرنەت ارقىلى ەمدەۋگە ۇيلەسپەيتىن باسقا دا جاعدايلاردى بايقاسا، ەمدەۋشى ادام ناۋقاسقا ەمدەۋ قۇرىلىمىنا بارىپ ەمدەلۋ جونىندە جول كورسەتۋى كەرەك.
. حالىق بۇقاراسىنىڭ دەنساۋلىققا قاتىستى كەڭەس سۇراۋى، ەمدەلۋگە قاتىستى ءجون سۇراۋى، ەمدەلۋگە الدىن الا كەلىسۋى قاتارلىلارعا قولايلىلىق جاراتۋ، ايقاسپالى جۇعىمدالۋ حاۋپىن ازايتۋ ءۇشىن، ەمدەۋ قۇرىلىمدارى 24 ساعات بويى ينتەرنەت ارقىلى كەڭەس بەرۋ قىزمەتىن ورىستەتۋگە، بالالاردى، جۇكتى ايەلدەر مەن بوسانعان ايەلدەردى، قارتتاردى، دەنەدەگى ۋىتتى سورعىزىپ جاتقان ناۋقاستاردى جانە نەگىزدىك اۋرۋى قوسانجارلاعان ناۋقاستاردى ەمدەۋ، ولارعا پسيحيكالىق كەڭەس بەرۋ، ءدارى ىشۋىنە جەتەكشىلىك ەتۋ قاتارلى جاقتاردا قىزمەت وتەۋگە، سونىمەن بىرگە، مەرزىمگە ءبولىپ، ەمدەۋ ۋاقىتىنا دالمە – ءدال كەلىسۋ قىزمەتىن بەلسەندى ورىستەتىپ، ناۋقاستاردىڭ ەمحاناعا بارعان سوڭ، وشىرەتكە تۇراتىن ۋاقىتىن قىسقارتۋعا شابىتتاندىرىلادى.
. مەديتسينالىق بىرلەسكەن تۇلعالاردىڭ كولەمىندەگى جوعارى دارەجەلى ەمحانالار الىستان دياگنوز قويۋ، الىستان ەمدەۋ، الىستان كۋرس وتكىزۋ قاتارلى تاسىلدەر ارقىلى نەگىزگى ساتىداعى ەمدەۋ قۇرىلىمدارىنىڭ ىندەتكە ساياتىن حاۋپى جوعارى ادامداردى پارىقتاۋ، ولارعا دياگنوز قويۋ جانە ءبىر جاقتى ەتۋ قۋاتىن جوعارىلاتۋعا شابىتتاندىرىلادى.
. اۋدان دارەجەلىدەن جوعارى جەرگىلىكتى دەنساۋلىق ساقتاۋ – سالاماتتىق ىستەرىن اكىمشىلىك جاقتان باسقارۋ تاراۋلارى ينتەرنەت ارقىلى ەمدەۋ قىزمەتىن باقىلاۋ – باسقارۋدى كۇشەيتۋى، ەمدەۋ قۇرىلىمدارى ينتەرنەت ارقىلى ەمدەۋ بارىسىنداعى ەمدەۋ ساپاسىنا، ەمدەۋ حاۋىپسىزدىگىنە جاۋاپكەرشىلىك ەتۋدى تياناقتاندىرۋى، ينتەرنەت ارقىلى جانە ينتەرنەتتەن تىس ەمدەۋدى ءبىرتۇلعالاندىرۋعا، ەمدەۋ ساپاسىنىڭ، ەمدەۋ حاۋىپسىزدىگىنىڭ بىردەي بولۋىنا كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
