اۆتونوميالى رايوندىق حالىق ۇكىمەتىنىڭ ەكونوميكا - ساۋدا ۋاكىلدەر ۇيىرمەسى ورتا ازيا ەلدەرىنە ساپارلاي باردى
سىرتپەن ەكونوميكا - ساۋدا سەلبەستىگىنىڭ ساپارىن باستادى
2022.12.14 16:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى ليۋ شياڭ، گو ليڭ 12 - ايدىڭ 12 - كۇنى ۇرىمجىدەن حابارلايدى. 12 - ايدىڭ 12 - كۇنى كەشتە اۆتونوميالى رايوندىق حالىق ۇكىمەتى ۇيىمداستىرعان ەكونوميكا - ساۋدا ۋاكىلدەر ۇيىرمەسىندەگىلەر جانە ساۋدا - ساتتىق سەلبەستىگى قىزمەت گرۋپپاسىنداعىلار ۇشاققا وتىرىپ، ءۇرىمجى ديۋوپۋ حالىقارالىق اۋەجايىنان ۇشىپ، ورتا ازيا مەملەكەتتەرىندەگى 10 كۇندىك ساپارىن باستادى. وسى بارىستا قازاقستاندا، تاجىكستاندا، قىرعىزستاندا، وزبەكستاندا ساپاردا بولىپ، ءبىرسىپىرا ەكونوميكا - ساۋدا سەلبەستىگى قيمىلدارىن جۇرگىزەدى.
وسى رەتكى ساپاردى جەبەۋ ءۇشىن، اۆتونوميالى رايوندىق پارتكوم مەن ۇكىمەت ىندەتتىڭ ىقپالىن بەلسەنە جەڭىپ، 11 - ايدىڭ باسىندا ورنالاستىرۋ جاساعان بولاتىن. ۋاكىلدەر ۇيىرمەسى اۆتونوميالى رايوننىڭ قاتىستى تاراۋلارى مەن ءتۇيىندى كاسىپورىندارىنان ۇيىمداسقان، ىندەت جاعدايىنان بەرگى شينجياڭنان تۇڭعىش رەت شەتەلگە ساپارعا شىققان ۇكىمەتتىك ەكونوميكا - ساۋدا ۇيىرمەسى، قاتىستى مەملەكەتتەردىڭ ۇكىمەت تاراۋلارىمەن جانە وڭىرلەرىمەن، كاسىپورىندارىمەن سويلەسىپ، اۋىس - كۇيىس جاساۋدى بەلسەنە ورىستەتىپ، سەلبەسۋ كومەسكى كۇشىن بارىنشا اشۋدى كوزدەيدى.
”شينجياڭ ورتا ازياداعى 5 ەلمەن شەكارالاس، ءوزارا ماڭىزدى، ءداستۇرلى ەكونوميكالىق - ساۋدا سەلبەستىك سەرىكتەسى بولىپ، ءبىر - بىرىنە پايدا جەتكىزەتىن سەلبەستىگى وزگەشە وڭىرلىك باسىمدىققا يە، كومەسكى كۇشى زور، كەڭىستىگى كەڭ“. اۆتونوميالى رايوندىق ساۋدا ىستەرى مەڭگەرمەسى وڭىرلىك سەلبەستىك باسقارماسىنىڭ باستىعى ليۋ بو بىلاي دەدى: ”ۋاكىلدەر ۇيىرمەسى شەتەلگە ساپارلاۋ، اۋىس - كۇيىس جاساۋ ورايىنان تولىق پايدالانىپ، حالىقارالىق زات اينالىمى ارناسىن ىركىلىسسىزدەندىرۋ، نەگىزدىك قۇرىلعىلاردى ۇلاستىرۋ - تۇتاستىرۋ، كاسىپ سالاسىندىق قارجى قوسۋ، ءوندىرىس قۋاتى سەلبەستىگى، ساۋدانى جەبەۋ، گۋمانيتارلىق اۋىس - كۇيىس، دوس قالالاردىڭ سەلبەستىگى سياقتى كوپ ءتۇرلى سالالاردا شەتەلدەرمەن ناقتى اۋىس - كۇيىس جاساسىپ، ءداستۇرلى سەلبەستىك باسىمدىعىن بەكەمدەپ، جاڭا كاسىپ كۇيىن جەتىلدىرىپ، جاڭا كاسىپ سالالارى سەلبەستىگىن ارتتىرادى“.
ۇكىمەتتىڭ جەتەكشى بولىپ الدىمەن ”سىرتقا شىعارۋى“ رايونىمىزدىڭ جوعارى دەڭگەيدە سىرتقا ەسىك اشۋدى ىلگەرىلەتۋگە تاباندى بولۋىنىڭ ناقتى بەينەلەنۋى بولىپ عانا قالماستان، بازاردى اشۋدىڭ بەلسەندى سيگنالىن تاراتا تۇسكەندىگىن دە بەينەلەپ، شينجياڭداعى كاسىپورىنداردىڭ دامۋ سەنىمىن بارىنشا جەبەپ، دامۋ مەجەسىن ارتتىرىپ، كاسىپورىنداردىڭ جاڭا ءبىر جىلدا اناعۇرلىم كوپ حالىقارالىق ارىپتەستەرىمەن باسەكەلەسۋ، سەلبەسۋ ورايىنا يە بولۋىنا كومەكتەسەدى.
”جۇڭتاي توبىنىڭ ورتا ازيا كاسىپورىندارىمەن نىسان قۇرىلىسى، سىرتقى ساۋدا ىستەرى سياقتى جاقتاردان ءماسىليحاتتاسۋ، سەلبەسۋ بولاشاعى كەڭ، كومەسكى كۇشى شەكسىز“. شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى پارحات ءمامتىمىن بىلاي دەدى: توبىمىز وسى رەتكى شەتەلگە شىعىپ ەكونوميكا - ساۋدا قيمىلدارىن ورىستەتۋدى وراي ەتىپ، دۇنيە جۇزىلىك 500 قۋاتتى كاسىپورىننىڭ قاتارىنا ەنۋدەن كەلگەن دامۋ ورايى مەن دامۋ تۇعىرىن تولىق ساۋلەلەندىرىپ، حالىقارالىق، ەل ىشىندەگى ەكى بازاردى، ەكى ءتۇرلى بايلىقتى اناعۇرلىم ويداعىداي پايدالانىپ، شەتەلگە ەسىك اشۋدىڭ ساتىسى مەن دەڭگەيىن جالپى بەتتىك جوعارىلاتىپ، اۆتونوميالى رايوننىڭ مەملەكەت قارجىلاندىرعان، مەملەكەت مەنشىگىندەگى كاسىپورىنداردىڭ سىرتقا ەسىك اشىپ دامۋىنداعى باستاماشى بولۋعا قۇلشىنىپ، شينجياڭنىڭ ورىن باسىمدىعىن ەسىك اشۋ باسىمدىعىنا، بايلىق باسىمدىعىن كاسىپ سالاسى باسىمدىعىنا، ماركا باسىمدىعىن ەكونوميكالىق باسىمدىققا اينالدىرۋدى ويداعىداي ىستەپ، شينجياڭدى وتانىمىزدىڭ سىرتقا ەسىك اشۋداعى الدىڭعى شەبى ەتىپ قۇرىپ شىعۋعا تالماي قۇلشىنامىز.
وسى جولعى شەتەلگە ساپاردا ۋاكىلدەر ۇيىرمەسى تاعى قازاقستاندا ”جۇڭگو شينجياڭ - قازاقستان ەكونوميكا - ساۋدا قارجى قوسۋ سەلبەستىگى تانىستىرۋ ءماجىلىسىن“ وتكىزىپ، ەكى جاقتىڭ قارجى قوسۋ ورتاسىن، قارجى قوسقان نىسان جوباسىن جانە ءتيىمدى ساياساتتاردى تانىستىرىپ، ەكى جاقتىڭ كاسىپورىندار سەلبەستىگى اۋىس - كۇيىسىنە تۇعىر ورناتىپ، سەلبەسۋ نىساندارىنا قول قويىلۋىن جەبەيدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
