ج ك پ ورتالىق كوميتەتى، مەملەكەتتىك كەڭەس نانجيڭدە نانجيڭ زور قىرعىنىندا قازا بولعاندارعا ارنالعان 2022 - جىلعى مەملەكەتتىك ازا ءبىلدىرۋ سالتىن وتكىزدى
ساي چي سالتقا قاتىناستى ءارى ءسوز سويلەدى
2022.12.14 19:20 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 13 – كۇنى، نانجيڭ. ج ك پ ورتالىق كوميتەتى، مەملەكەتتىك كەڭەس 12 - ايدىڭ 13 - كۇنى تۇستەن بۇرىن نانجيڭدە نانجيڭ زور قىرعىنىندا قازا بولعاندارعا ارنالعان 2022 - جىلعى مەملەكەتتىك ازا ءبىلدىرۋ سالتىن ايبىندى وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي سالتقا قاتىناستى ءارى ءسوز سويلەدى.
ازا ءبىلدىرۋ سالتى جۇڭگوعا شاپقىنشىلىق جاساعان جاپون ارمياسىنىڭ نانجيڭدە جۇرگىزگەن زور قىرعىنىندا قازا بولعان باۋىرلاستارعا ارنالعان ەسكەرتكىش سارايىنىڭ جينالىس الاڭىندا وتكىزىلدى. ايبىندى دا جىم - جىرت الاڭدا مەملەكەت تۋى جارتىلاي ءتۇسىرىلدى. 3 مىڭعا جۋىق استام ءار سالادان كەلگەن ۋاكىل كەۋدەلەرىنە اق گۇل قاداپ، ىززەتپەن ءۇنسىز تۇردى. ءدال ساعات 10 دا ازا ءبىلدىرۋ سالتى باستالىپ، «جۇڭحۋا حالىق رەسپۋبليكاسىنىڭ مەملەكەت ءانى» ورىندالدى. مەملەكەت ءانى ورىندالىپ بولعان سوڭ، بۇكىل الاڭداعىلار نانجيڭ زور قىرعىنىندا قازا بولعاندارعا ءۇنسىز ازا ءبىلدىردى. ءبىر ۋاقىتتا نانجيڭ قالاسىنىڭ جالپى قالا اۋماعىندا اۋە شابۋىلىنان قورعانۋ دابىلى قاعىلىپ، اۆتوموبيلدەر توقتاپ گۋدوك شالىپ، جۇرگىنشىلەر تۇرا قالىپ ءۇنسىز ازا ءبىلدىردى. ازا ءبىلدىرۋ اياقتاعان سوڭ «مەملەكەتتىك ازا بىلدىرۋگە ارناۋ مۋزىكا» اۋەنىندە ازاتتىق ارميا قۇرمەت قاراۋىلى ۇلكەن اترەتىنىڭ 16 قۇرمەت قاراۋىلى 8 گۇل شەڭبەردى ازا ءبىلدىرۋ تەكشەسىنە قۇرمەتپەن قويدى.
وسىدان كەيىن ساي چي ءسوز سويلەدى. ول مىنالاردى ءبىلدىردى: بۇگىن ءبىز وسى ارادا نانجيڭ زور قىرعىنىندا قازا بولعاندارعا ايبىندى مەملەكەتتىك سالت وتكىزىپ، تەرەڭ ساعىنىشپەن نانجيڭ زور قىرعىنىندا جازىقسىز قازا بولعانداردى ەسكە الىپ، جاپون شاپقىنشىلارىنىڭ اياۋسىز قىرعىنىنا ۇشىراپ قازا بولعان بارشا باۋىرلاستاردى ەسكە الىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن ومىرلەرىن ارناعان توڭكەرىستىك قۇرباندار مەن ۇلت قاھارماندارىن ەسكە الىپ، جۇڭگو حالقىمەن قول ۇستاسا وتىرىپ جاپون شاپقىنشىلارىنا قارسى تۇرۋدا ومىرلەرىن ارناعان حالىقارالىق جاۋىنگەرلەر مەن حالىقارالىق دوستاردى ەسكە الىپ، جۇڭگو حالقىنىڭ بەيبىت دامۋ جولىمەن بۇلجىماي ءجۇرۋ وسكەلەڭ تىلەگىن ءبىلدىرىپ، جۇڭگو حالقىنىڭ تاريحتى ەستەن شىعارمايتىن، وتكەندى ۇمىتپايتىن، بەيبىتشىلىكتى قاستەرلەيتىن جانە سۇيەتىن، بولاشاققا جول اشاتىن بەرىك مايدانىن جاريالاپ وتىرمىز.
ساي چي بىلاي دەپ اتاپ كورسەتتى: قازا بولعان باۋىرلاستار مەن قۇرباندارعا جۇبانىش بولاتىنى، ۇرپاقتان - ۇرپاققا جالعاسقان كۇرەس ارقىلى مەملەكەتىمىزدە وراسان زور وزگەرىستەر تۋىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، حالىق جاپپاي دوڭگەلەك داۋلەتتى تۇرمىسقا قادام تاستادى، جۇڭحۋا ۇلتى دۇنيە جۇزىندەگى ۇلتتار قاتارىندا ەڭسە كوتەردى.
ساي چي مىنالاردى دارىپتەدى: تاريحتىڭ ازابىن ەستەن شىعارماۋىمىز، العا باسۋدىڭ قادامىن ماڭگى توقتاتپاۋىمىز كەرەك. العا باسۋ جولىندا، ءبىز جۇڭگو كوممۋنيستىك پارتياسىنىڭ باسشىلىعىندا بۇلجىماي تاباندى بولىپ، جۇڭگو ۇلگىسىندەگى وسىزامانداندىرۋدى بۇلجىماي ىلگەرىلەتىپ، كۇرەس رۋحىن بۇلجىماي ساۋلەلەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى بۇلجىماي ىلگەرىلەتۋىمىز كەرەك.
ساي چي بىلاي دەپ اتاپ كورسەتتى: جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات ەتىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە كۇش سالۋدا، جاۋاپكەرلىگى اۋىر، بورىشى داڭقتى. جاڭا ءداۋىر، جاڭا جورىقتا بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تاريحتى اينا ەتىپ، بولاشاققا جول اشىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك. جۇڭگو حالقى دۇنيە ءجۇزى حالقىمەن قول ۇستاسا وتىرىپ ادامزاتتىڭ اناعۇرلىم كوركەم بولاشاعىن اشۋدى قالايدى.
ساي چيددىڭ سوزىنەن كەيىن نانجيڭ قالاسىنداعى جاستار مەن ورەندەردىڭ 85ۋاكىلى «بەيبىتشىلىك جارناماسىن» وقىدى، قوعامنىڭ ءار سالاسىنان كەلگەن 6 ۋاكىل «بەيبىتشىلىك ۇلكەن قوڭىراۋىن» سوقتى. 3 رەت ۇرىلعان قوڭىراۋدىڭ سالماقتى داۋىسىنا ىلەسە 3 مىڭ بەيبىتشىلىك كوگارشىنى قازا بولعاندارعا دەگەن شەكسىز قايعىلى ساعىنىشتىڭ جانە دۇنيە ءجۇزىنىڭ بەيبىتشىلىگىنە دەگەن اڭساۋ مەن بۇلجىماس تاباندىلىقتىڭ اماناتىن الىپ قانات سەرمەپ، كوككە سامعادى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى چىن ۋىنچيڭ ازا ءبىلدىرۋ سالتىن باسقاردى. مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى چىن جۋ، مەملەكەتتىك كەڭەستىڭ مۇشەسى ۋاڭ يۇڭ، مەملەكەتتىك ساياسي كەڭەس ءتوراعاسىنىڭ ورىنباسارى لۋ جانگۇڭ جانە ورتالىق اسكەري ىستەر كوميتەتىنىڭ مۇشەسى، اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا سالتقا قاتىناستى.
جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ، قارت جولداستاردىڭ ۋاكىلدەرى، ورتالىقتاعى پارتيا، ۇكىمەت، ارميا، بۇقارالىق ورىنداردىڭ قاتىستى تاراۋلارىنداعى جانە شىعىس بولىك سوعىستىق رايونىنداعى، جياڭسۋ ولكەسىندەگى، نانجيڭ قالاسىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، نانجيڭ زور قىرعىنىندا امان قالعانداردىڭ، سونداي - اق قازا بولعان باۋىرلاستاردىڭ تۋىس - تۋعاندارىنىڭ ۋاكىلدەرى، ەل ىشىندەگى قاتىستى نەگىزگى تاقىرىپتىق ەسكەرتكىش سارايلارىنىڭ (مۇراجاي)، قاتىستى جوعارى مەكتەپتەردىڭ جانە اقىل - پاراسات قويماسى ماماندارىنىڭ، ءدىن سالاسىنىڭ ۋاكىلدەرى، نانجيڭدە تۇراتىن اسكەري ءبولىم كوماندير - جاۋىنگەرلەرىنىڭ ۋاكىلدەرى، جياڭسۋ ولكەسىندەگى ءار سالا جۇرتشىلىعىنىڭ ۋاكىلدەرى قاتارلىلار ازا ءبىلدىرۋ سالتىنا قاتىناستى.
2014 - جىلى 2 - ايدىڭ 27 - كۇنى مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 7 - رەتكى ماجىلىسىندە قارار ماقۇلدانىپ، زاڭ شىعارۋ تاسىلىمەن 12 - ايدىڭ 13 - كۇنى نانجيڭ زور قىرعىنىندا قازا بولعاندارعا ارنالعان مەملەكەتتىك ازا ءبىلدىرۋ كۇنى ەتىپ بەلگىلەنگەن بولاتىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
