شينجياڭداعىءىرى شاڭعى الاڭدارى ىركەس - تىركەس جۇمىس باستادى
2022.12.14 16:34 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ شياۋمي حابارلايدى. بۇكىل شينجياڭداعىءىرى شاڭعى الاڭدارى اشىلعاننان كەيىنگى العاشقى اپتانىڭ سوڭىندا، ساياحاتشىلار لەگى جىلدام كوبەيىپ، جاڭا قاردا سىرعاناۋ ماۋسىمىنىڭ ءساتتى باستاماسىن قارسى الدى.
قازىر بۇكىل رايوندا جيىنى 84 شاڭعى الاڭى بار، مۇنىڭ ىشىندە S دارەجەلى 36 شاڭعى الاڭى بار، ولار 5S دارەجەلى 5 الاڭدى، 4S دارەجەلى 6 الاڭدى قامتيدى. 5S دارەجەلى شاڭعى الاڭدارىنان تيانشان بوعدا كولى حالىقارالىق شاڭعى الاڭى تيجاراتقا دايىندالىپ جاتقاننان تىس، باسقا 4 الاڭ تۇگەل اشىلىپ، ساياحاتشى قابىلداي باستادى، 4S دارەجەلى شاڭعى الاڭدارى دا ىركەس - تىركەس ”جۇمىسقا كىرىسىپ“ كەتتى.
بۇكىل شينجياڭ بويىنشا ەڭ ەرتە جۇمىس باستاعان شاڭعى الاڭى رەتىندە، كوكتوعاي حالىقارالىق قاردا سىرعاناۋ دەمالىس رايونى 12 - ايدىڭ 9 - كۇنىنەن باستاپ شي - ان، چۇڭچيڭ سياقتى جەرلەردەن كەلىپ ءوز كولىكتەرىمەن ساياحاتتاپ جۇرگەن 100گە جۋىق شاڭعى اۋەسكەرىن قارسى الدى. ”شينجياڭنىڭ سىرتىنان كەلگەن شاڭعى اۋەسكەرلەرى بارعان سايىن كوبەيىپ، شاڭعى تەبەتىن ساياحاتشىلار جالپى سانىنىڭ ％80تەن استامىن يەلەدى“. كوكتوعاي اۋدانى كوكتوعاي تاييۇن ساياحاتقا قارجى قوسۋ، دامىتۋ شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى فىڭ كايدىڭ ايتۋىنشا، ول تۇرعان كوكتوعايدىڭ شينجياڭ سىرتىنداعى شاڭعى اۋەسكەرلەرىنىڭ 13 توبىندا بەيجيڭ، شاڭحاي، گۋاڭدۇڭ سياقتى جەرلەردەگى شاڭعى اۋەسكەرلەرى ۇيىرمە قۇراپ كەلۋگە دايىندالىپ جاتقان كورىنەدى، قازىردىڭ وزىندە 4 كلۋب بىرنەشە 100 ادامدىق شاڭعى اۋەسكەرلەرى ۇيىرمەسىن قۇرىپتى، جاقىندا ىركەس - تىركەس جولعا شىعادى ەكەن.
موڭعۇلكۇرە اۋدانىنىڭ شاڭعى الاڭى ىلە قازاق اۆتونوميالى وبلىسىندا ەڭ الدىمەن جۇمىس باستاعان قار شاڭعى الاڭى بولدى، شاڭعى جولى، دوڭگەلەكپەن سىرعاناۋ جولى جانە قار - مۇز كوڭىل اشۋ قۇرىلعىلارى جاپپاي اشىلدى. ”وسى اپتانىڭ سوڭىندا توڭىرەكتەگى اۋدان - قالالاردان كەلەتىن ساياحاتشىلار كورنەكتى كوبەيىپ قالدى“. موڭعۇلكۇرە اۋدانى مۋگى مادەنيەت - ساياحاتتى دامىتۋعا قارجى قوسۋ توبى شەكتى سەرىكتەستىگىنىڭ القا باستىعى حوۋ جۇنگۋاڭ بىلاي دەدى: 12 - ايدىڭ 11 - كۇنى ساعات 14 بولماي جاتىپ، شاڭعى الاڭىنىڭ كولىك توقتاتۋ الاڭى كولىككە تولدى، موڭعۇلكۇرە اۋدانىنان تىس، كورشى تەكەس اۋدانىنىڭ شاڭعى اۋەسكەرلەرى دە ارنايى كەلىپتى، سول كۇنگى شاڭعى تەبۋشىلەر سانى 1200 ادامنان استى.
ءۇرىمجى اۋدانىنا ورنالاسقان باييۇن حالىقارالىق شاڭعى الاڭىندا وسى اپتانىڭ سوڭىندا تومەن، ورتا دارەجەلى شاڭعى جولدارى جانە دوڭگەلەكپەن سىرعاناۋ جولدارى تۇگەلدەي اشىلدى، 12 - ايدىڭ 11 - كۇنى شاڭعى الاڭى جيىنى 1700دەن استام شاڭعى اۋەسكەرىن قابىلدادى. ”جۇمىس باستاعان ءبىر اپتادان بەرى، شاڭعى اۋەسكەرلەرى سانىنىڭ ۇزدىكسىز ارتىپ كەلە جاتقانى كورنەكتى بولدى“. وسى شاڭعى الاڭىنىڭ باس ديرەكتورى چىن ليانشىڭنىڭ ايتۋىنشا، سول كۇنى شاڭعى الاڭىندا جاتتىقتىرۋشى جەتىسپەيتىن جاعداي جارىققا شىققان كورىنەدى. ”ءتۇس بولعاندا، جاتتىقتىرۋشىلارىمىز جەتىسپەي قالدى!“ شاڭعى جاتتىقتىرۋشىلار اترەتىنىڭ باستىعى چىڭ يۇيچاۋ بىلاي دەدى: شاڭعى الاڭىندا جيىنى 210 شاڭعى جاتتىقتىرۋشىسى بار، ساعات 13 اينالاسىندا جاتتىقتىرۋشىلاردىڭ دەمالىس بولمەسىندە ادام قالمادى.
12 - ايدىڭ 10 - كۇنى قارامايلى قالاسى لۇڭشان شاڭعى الاڭى، ۋىنسۋ اۋدانى تيانشان توفىڭ شاڭعى الاڭى ىركەس - تىركەس جۇمىس باستادى. لۇڭشان شاڭعى الاڭى اشىلعان 2 كۇننەن بەرى ساياحاتشىلار ءار كۇنى تۇگەلدەي 600 ادام اينالاسىندا بولدى، قازىر تومەن دارەجەلى شاڭعى جولى مەن دوڭگەلەكپەن سىرعاناۋ جولى اشىلدى، جوعارى دارەجەلى شاڭعى جولى مەجەمەن 12 - ايدىڭ 20 - كۇنىنىڭ الدى - ارتىندا اشىلادى. وسى شاڭعى الاڭىنىڭ القا باستىعى جۋ رۇيفىڭ بىلاي دەدى: ”شاڭعى الاڭىنىڭ ءارقايسى قۇرىلعىلارىنىڭ جاپپاي اشىلۋىنا ىلەسە، اناعۇرلىم كوپ ساياحاتشىلاردى قارسى الاتىندىعىمىزعا سەنەمىز“.
تيانشان توفىڭ شاڭعى الاڭى جۇمىس باستاعان العاشقى كۇنى ۇسىنعان تەگىن شاڭعى تەبۋ قيمىلى 700دەن استام شاڭعى اۋەسكەرىن باۋرادى. وسى شاڭعى الاڭىنىڭ باس ديرەكتورى جاڭ يان بىلاي دەدى: ”اشىلعان العاشقى كۇنى - اق ساياحاتشىلاردىڭ ەڭ قاۋىرت كەزىنىڭ جارتىسىنا جەتتى، جاقسى باستاما بولدى دەۋگە بولادى. ءبىز تاعى حالىقتىق تۇسەلحاناعا جاتقاندارعا تەگىن شاڭعى تەپكىزۋ، شاڭعى تەبۋگە كەلگەندەردەن كورىنىس اۋماعىنىڭ ەسىك بەلەتىن الماۋ سياقتى تيىمدىلىك شارالارىن ۇسىنىپ، ساياحاتشىلارعا قىزمەت وتەۋ جۇمىستارىن بار كۇشپەن ويداعىداي ىستەيمىز“.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
