تايۋاندىق باۋىرلاستاردىڭ مەملەكەتتىك 11 - رەتكى ۋاكىلدەر ءماجىلىسى بەيجيڭدە اشىلدى
ۋاڭ حۋنيڭ ماجىلىسكە قاتىناستى ءارى ءسوز سويلەدى
2022.12.14 19:19 كەلۋ قاينارى : حالىق تورابى
«حالىق گازەتى»، 12 - ايدىڭ 13 - كۇنى، بەيجيڭ. تايۋاندىق باۋىرلاستاردىڭ مەملەكەتتىك 11 - رەتكى ۋاكىلدەر ءماجىلىسى 12 - ايدىڭ 13 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ ماجىلىسكە قاتىناستى ءارى ءسوز سويلەدى.
ۋاڭ حۋنيڭ مىنانى ءبىلدىردى: وتكەن 5 جىلدا جانە جاڭا داۋىردەن بەرگى 10 جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتتى. وسى تاريحي اياق الىستا پارتيامىز جاڭا داۋىردە تايۋان ماسەلەسىن شەشۋدىڭ جالپى تۇلعالىق جوباسىن العا قويىپ، ەكى جاعالاۋدىڭ اۋىس - كۇيىسىن، سەلبەستىگىن جەبەپ، «تايۋاندى دەربەستەندىرۋ» بولشەكتەۋشىلىك ارەكەتىنە باتىل قارسى تۇرىپ، سىرتقى كۇشتەردىڭ كيلىگۋىنە باتىل قارسى تۇرىپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتاپ يگەرىپ، وتاندى بىرلىككە كەلتىرۋ ۇلى ءىسىن تاباندىلىقپەن ىلگەرىلەتتى. 5 جىلدان بەرى ءار دارەجەلى تايۋاندىق باۋىرلاستار دوستىق بىرلەستىك ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن جانە جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ تايۋانعا قاراتىلعان قىزمەت جونىندەگى كەلەلى باعىت - ساياساتتارىن جانە شەشىمدەرىن، ورنالاستىرۋلارىن باتىل تياناقتاندىرىپ، تايۋان حالقىنىڭ تىلەگىنە قول جەتكىزىپ، ەكى جاعالاۋداعى باۋىرلاستاردىڭ كوڭىلىنىڭ توعىسۋىن جەبەۋ مىندەتى مەن بورىشىن ارقاۋ ەتىپ، قالىڭ تايۋاندىق باۋىرلاستاردى ىنتىماقتاستىرىپ، اقىل - پاراساتى مەن كۇش - قۋاتىن بەلسەنە ارناپ، پارتيا مەن مەملەكەت قىزمەتىنىڭ جالپى جاعدايىنا قىزمەت وتەۋدە، ەكى جاعالاۋ قاتىناسىنىڭ بەيبىت دامۋىن ىلگەرىلەتۋدە، ەكى جاعالاۋدىڭ ءار سالاسىنىڭ توعىسپالى دامۋىن تەرەڭدەتۋدە ماڭىزدى رول اتقاردى.
ۋاڭ حۋنيڭ مىنانى ءبىلدىردى: پارتيا 20 - قۇرىلتايىنىڭ بايانداماسىندا جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋ، وتاننىڭ تولىق بىرلىككە كەلۋىن جۇزەگە اسىرۋ جونىندەگى ساياساتتىق قۋاتتاماسى جۇيەلى بايىمدالىپ، جاڭا جورىقتا وتاننىڭ بەيبىت جولمەن بىرلىككە كەلۋ اياق الىسىن ىلگەرىلەتۋدىڭ نىسانالىق تالابى ورتاعا قويىلدى. ءار دارەجەلى تايۋاندىق باۋىرلاستار دوستىق بىرلەستىك ۇيىمدارى پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، وتاندى بىرلىككە كەلتىرۋ ۇلى ءىسىن بۇلجىماي ىلگەرىلەتۋى؛ ەكى جاعالاۋدىڭ حالىقتىق اۋىس - كۇيىسىن بەلسەنە جەبەپ، ەكى جاعالاۋدىڭ ءار سالاداعى توعىسا دامۋىن تەرەڭدەتۋى؛ وزىندىك قۇرىلىستى كۇش سالا كۇشەيتىپ، تايۋاندىق باۋىرلاستار دوستىق بىرلەستىك قوعامى قىزمەتىنىڭ ساپالى دامۋىن ۇزدىكسىز ىلگەرىلەتۋى كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي تايۋان دەموكراتيالىق اۆتونوميا وداعى ورتالىق كوميتەتى اتىنان قۇتتىقتاۋ ءسوزىن جولدادى، جۇڭگو مۇھاجىرلار بىرلەستىگىنىڭ ءتوراعاسى ۋان ليجۇن حالىقتىق ۇيىمدار اتىنان قۇتتىقتاۋ ءسوزىن سويلەدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ اشىلۋ سالتىنا قاتىناستى. اشىلۋ سالتىن مەملەكەتتىك تايۋاندىق باۋىرلاستار ۇيىمىنىڭ باستىعى حۋاڭ جىشيان باسقاردى.
بۇل رەتكى ءماجىلىس 2 كۇنگە جالعاسادى، ولكە، اۆتونوميالى رايون، توتە قاراستى قالالاردان جانە قاتىستى ورىنداردان كەلگەن تايۋاندىق باۋىرلاستاردىڭ ۋاكىلدەرىنەن جيىنى 300 دەن استام ادام ماجىلىسكە قاتىناستى. ءماجىلىس مەملەكەتتىك تايۋاندىق باۋىرلاستار بىرلەستىگى 10 - كەزەكتى القالار كەڭەسىنىڭ قىزمەت بايانداماسىن، مەملەكەتتىك تايۋاندىق باۋىرلاستار بىرلەستىگى ۋستاۆىنا وزگەرىس ەنگىزۋ جوباسىن قاراپ ماقۇلداپ، مەملەكەتتىك تايۋاندىق باۋىرلاستار بىرلەستىگى 11 - كەزەكتى القالار كەڭەسىن جانە ونىڭ باسشىلىق القاسىن سايلايدى، مەملەكەتتىك تايۋاندىق باۋىرلاستار بىرلەستىگى جۇيەسىندەگى وزات كوللەكتيۆتەر مەن وزات قىزمەتكەرلەردى ماداقتايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
