بەيجيڭ بالالار ەمحاناسىنىڭ مەڭگەرۋشى شيپاگەرى: ءتۇرلى جاستاعى بالالارعا قىزۋدى قايتاراتىن ءدارىنى بىلاي تاڭداۋ كەرەك
2022.12.14 14:38 كەلۋ قاينارى : حالىق تورابى
12 – ايدىڭ 13 – كۇنى، مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە، بەيجيڭ بالالار ەمحاناسىنىڭ مەڭگەرۋشى شيپاگەرى چيان سۋيۇن بىلاي دەپ تانىستىردى: بالالى وتباسىلار شۇعىل جاعدايدا بالاعا ىشكىزەتىن ءدارى – دارمەكتەردى ۇيلەسىمدى مولشەردە دايىنداپ قويعانى ءجون، الايدا، ءدارى – دارمەكتى وتە كوپ ساقتاپ الماعان وڭ، ويتكەنى، ءدارى – دارمەكتەردى ساقتاۋ ۇيلەسىمدى بولماعان جاعدايدا، بالا ءدارىنى قاتە ءىشىپ قويۋى مۇمكىن.
ول مىنانى ءبىلدىردى: ساقتاپ قويۋعا بولاتىن دارىلەردىڭ ءبىرىنشى ءتۇرى — قىزۋدى قايتاراتىن دارىلەر. 6 ايدان اسقان بالاعا ەڭ جاقسىسى يبۋپروفەن (布洛芬) جانە اسەتامينوفەندى (对乙酰氨基酚) تاڭداۋعا بولادى، ەكەۋىنىڭ ءبىرىن تاڭداسا بولعانى؛ 2 ايدان اسقان 6 ايعا تولماعان ارالىقتاعى بالالارعا يبۋپروفەندى ىشكىزۋگە ۇيلەسپەيدى، اسەتامينوفەندى بەرۋگە بولادى؛ 2 ايعا تولماعان بالاعا جاي قىزۋ قايتارۋ ءدارىسىن ىشكىزبەگەن وڭ، تەمپەراتۋرانى فيزيكالىق جولمەن ءتۇسىرۋ قاتارلى شارالاردى قولدانۋ ءارى دەر كەزىندە ەمدەتۋ كەرەك.
تىنىس جولى جۇعىمدالۋ سىندى اۋرۋ بەلگىلەرىنە باعىتتاي وتىرىپ، اتا – انالاردىڭ ىستىقتى قايتارىپ، قاقىرىقتى تۇسىرەتىن دارىلەردى ساقتاۋىنا بولادى. ول مىنانى ءبىلدىردى: جوتەل تىنىس جولىنداعى بولىنگەن زاتتاردى ىعىستىرىپ شىعارۋعا پايدالى، بالانىڭ جوتەلى قاتتى بولماسا، ۇنەمى قولدانىلاتىن ءدارى – دارمەكتەردى ىشكىزبەگەن ءجون، ەگەر مۇرنى ءبىتۋ، قاتتى جوتەلۋ قاتارلى جاعدايلار بايقالسا، ءدارى بۇركۋ، مۇرنىن جۋۋ ادىستەرىن قولدانۋعا بولادى، ىلعالدىلىقتى ارتتىراتىن اسپاپ ارقىلى اۋانىڭ ىلعالدىلىعىن ارتتىرىپ، بالانىڭ جايلى سەزىنۋىنە شارت – جاعداي جاراتۋعا بولادى. بالانىڭ جوتەلى ۇدەسە، بالانىڭ جاس شاماسىنا نەگىزدەلە وتىرىپ، سول جاستاعى بالاعا ۇيلەسەتىن ءدارىنى تاڭداۋعا بولادى.
ول مىنانى ەرەكشە ەسكەرتتى: ەكى ءتۇرلى ءدارىنى ءبىر ۋاقىتتا ىشكىزبەگەن ءجون، ەكەۋىن الما – كەزەك ىشكىزۋدىڭ دە قاجەتى جوق. اتا – انالار ءدارىنىڭ تۇسىندىرمەسى بويىنشا ۇيلەسەتىن جاس شاماسى جانە ەسكەرتىلگەن مولشەرى بويىنشا، ياكي، شيپاگەردىڭ كەڭەسى بويىنشا ءدارى ىشكىزۋى كەرەك، سونىمەن بىرگە، ءدارىنى ەكى رەت ىشكىزۋ بارىسىندا ارالىق ۋاقىت قالدىرۋى كەرەك. بالانىڭ دەنە مۇشەلەرى تولىق جەتىلمەگەندىكتەن، ءدارى ىشكىزگەندە اناعۇرلىم جۇيەلى ىشكىزۋ، بارىنشا ابايلاۋ كەرەك. اتا – انالار بالاعا ءدارى ىشكىزگەندە ەڭ جاقسىسى ءوزىنىڭ تاجىريبەسىنە نەمەسە مەجەلەۋىنە نەگىزدەلمەگەنى ءجون، دۇرىس – بۇرىستىعىنا كوزى جەتپەگەن جاعدايدا، اتا – انالاردىڭ الىس ارالىقتى ەمدەلۋ ءتاسىلى ارقىلى كاسىپتىك ادامداردان بالاعا قانداي ءدارى ىشكىزۋ جونىندە كەڭەس سۇراعانى ابزال.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
