«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيانىڭ تاڭداۋلى توڭكەرىستىك ءداستۇرى مەن ستيلىنە مۇراگەرلىك ەتىپ جانە ونى ساۋلەلەندىرىپ، يان - ان رۋحىن اسقاقتاتايىق
2022.12.16 15:24 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 15 - كۇنى، بەيجيڭ. 12 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 24 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ تاڭداۋلى توڭكەرىستىك ءداستۇرى مەن ستيلىنە مۇراگەرلىك ەتىپ جانە ونى ساۋلەلەندىرىپ، يان - ان رۋحىن اسقاقتاتايىق» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: پارتيانىڭ 7 - قۇرىلتايى پارتيا تاريحىندا ماڭىزدى بەلەستىك مانگە يە بولىپ، پارتيامىزدىڭ ساياسي جاقتا، يدەيالىق جاقتا، ۇيىمدىق جاقتا تولىسۋعا بەت العانىن كورسەتەدى، پارتيانىڭ كەيىن كەلە جەڭىستەن - جەڭىسكە جەتۋىنە دۇرىس بەتالىس كورسەتىپ، دۇرىس جول اشتى. يان - ان توڭكەرىستىك بايىرعى جۇرتى پارتيامىزدىڭ يان - انداعى مەزگىلدە جۇڭگو توڭكەرىسىنە باسشىلىق ەتكەن، ماركسيزمنىڭ جۇڭگوشالانۋىنا، زامانالانۋىنا ىزدەنىس جاساعان شۇعىلالى بارىسىنا كۋا بولدى، ول − ماڭگى وقىپ بىتىرۋگە بولمايتىن كىتاپ. ناقتى جاعدايمەن ۇشتاستىرىپ، ياڭجياليڭ حيكاياسىن، پارتيانىڭ 7 - قۇرىلتايىنىڭ حيكاياسىن ويداعىداي ايتۋ كەرەك.
ماقالادا مىنالار اتاپ كورسەتىلدى: يان - ان − جۇڭگو توڭكەرىسىنىڭ قاسيەتتى جەرى، جاڭا جۇڭگونىڭ بەسىگى. 1935 - جىلدان 1948 - جىلعا دەيىن پارتيا ورتالىق كوميتەتى مەن ماۋ زىدۇڭ قاتارلى اعا بۋىن توڭكەرىسشىلەر يان - اندا 13 جىل تۇرمىس كەشىرىپ جانە شايقاس جاساپ، جۇڭگونىڭ توڭكەرىس ىستەرىنىڭ قۇلدىراۋدان شارىقتاۋعا بەت الۋىنا باسشىلىق ەتىپ، تاريحي سيپاتتى بۇرىلىستى جۇزەگە اسىرىپ، جۇڭگونىڭ بولاشاق تاعدىرىن وزگەرتتى. بۇل جولى ورتالىق كوميتەت ساياسي بيۋروسىنىڭ تۇراقتى مۇشەلەرىمەن بىرگە كەلۋىمىز جاڭا كەزەكتى ورتالىق كوميتەت باسشىلىق كوللەكتيۆىنىڭ يان - ان داۋىرىندەگى پارتيا قالىپتاستىرعان تاڭداۋلى توڭكەرىستىك ءداستۇر مەن ستيلگە مۇراگەرلىك ەتىپ جانە ونى ساۋلەلەندىرىپ، يان - ان رۋحىن ساۋلەلەندىرەتىنىن جاريالاۋ ءۇشىن بولىپ تابىلادى.
ماقالادا مىنالار اتاپ كورسەتىلدى: ان - ان مەزگىلىندە قالىپتاسقان جانە ساۋلەلەندىرگەن داڭقتى ءداستۇر مەن تاڭداۋلى ستيل، جەتىلدىرىپ قالىپتاستىرعان بۇلجىماس ءارى دۇرىس ساياسي بەتالىستى، يدەيانى ازات ەتىپ، شىندىقتى ءىس جۇزىنەن ىزدەيتىن يدەيالىق لۋشياندى، بۇكىل ىنتا - پەيىلىمەن حالىق ءۇشىن قىزمەت ىستەيتىن تۇپكى ماقساتتى، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزەتىن يگىلىك جاراتۋ رۋحىن باستى مازمۇن ەتكەن يان - ان رۋحى − پارتيانىڭ قاستەرلى رۋحاني بايلىعى، ونى ۇرپاقتان - ۇرپاققا جالعاستىرۋ كەرەك.
ماقالادا مىنالار اتاپ كورسەتىلدى: دۇرىس ساياسي بەتالىستى بەكەمدەۋ − يان - ان رۋحىنىڭ جاۋھارى. بۇكىل پارتياداعى جولداستار دۇرىس ساياسي بەتالىستا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، اعا بۋىن توڭكەرىسشىلەر اشقان ۇلى ىستەردى ۇزدىكسىز العا ىلگەرىلەتۋى كەرەك. حالىقتىق تۇرعىدا بەرىك تۇرىپ، پارتيانىڭ نەگىزگى ماقساتىن امالياتتا ايگىلەپ، پارتيانىڭ بۇقارالىق لۋشيانىن دايەكتىلەندىرىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، حالىقتى وزەك ەتكەن دامۋ يدەياسىن سانالى تۇردە ءتۇرلى قىزمەتتەرمەن ساباقتاستىرىپ، بىرگە بايۋدى تىڭعىلىقتى ىلگەرىلەتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك. ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن بارىنشا ساۋلەلەندىرۋ كەرەك، كەلەشەكتە زاتتىق تۇرمىسىمىز قانشاما باي بولسا دا، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن، ءسوز جوق، جوعالتپاۋىمىز، تىڭعىلىقتى، شوگەل بولىپ، ناقتى ىستەۋىمىز، ءوز ءىسىمىزدى زەيىن - زەردەنى شوعىرلاندىرا وتىرىپ جاقسى ىستەۋىمىز، مەملەكەت پەن ۇلتتىڭ دامۋىن ءوز كۇشىمىزدىڭ نەگىزىنە قويۋىمىز كەرەك. اعا بۋىن توڭكەرىسشىلەر مەن كوممۋنيستەر قالدىرعان داڭقتى ءداستۇر مەن تاڭداۋلى ستيلدى ويداعىداي جالعاستىرىپ، ويداعىداي ساۋلەلەندىرىپ، پارتيانىڭ وزىنە توڭكەرىس جاساۋىن باتىلدىقپەن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ العاباسارلىعى مەن كىرشىكسىزدىگىن باستان - اياق ساقتاپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولۋىنا شىنايى كەپىلدىك ەتۋ كەرەك. كۇرەس رۋحىن ساۋلەلەندىرىپ، كۇرەس قابىلەتىن جوعارىلاتىپ، العا باسۋ جولىنداعى ءتۇرلى قيىنشىلىقتار مەن سىن - سايىستى باتىل جەڭىپ، قايسارلىقپەن كۇرەس جۇرگىزۋ ارقىلى ىستەردىڭ دامۋىنا جاڭا ءورىس اشۋ كەرەك.
ماقالادا مىنالار دارىپتەلدى: پارتيانىڭ 20 - قۇرىلتايى قازىرگى جانە بۇدان بىلايعى ءبىر مەزگىلدەگى پارتيا مەن مەملەكەتتىڭ كەلەلى باعىت - ساياساتىن بەلگىلەپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ۇلى جوباسىن جاسادى. جاڭا ساپارعا اتتانىپ، جاڭا كۇرەس نىساناسىنا قاراي اتتانايىق!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
