فرانسيا تاعى دا شەشۋشى جارىسقا قاتىناساتىن بولدى! مباپپە مەن مەسسي كەزدەسەدى
فرانسيا كومانداسى ءۇرتىس ەكى رەتكى الەم چەمپيوناتىندا شەشۋشى جارىسقا قاتىناسادى
2022.12.15 14:44 كەلۋ قاينارى : حالىق تورابى
 |
سۋرەتتە: 12 – ايدىڭ 14 – كۇنى، فرانسيا كومانداسىنىڭ فۋتبولشىلارى جارىستان سوڭ جەڭىستەرىن قۇتتىقتاۋدا. شينحۋا اگەنتتىگىنىڭ ءتىلشىسى ساۋ سان فوتوسى
|
شابۋىلى دارىمدى، ءۇرتىس ەكى رەت اعا جۇلدەگەر بولۋدان ۇمىتكەر فرانسيا كومانداسى 12 – ايدىڭ 14 – كۇنى كەشتە 0:2 ۇپايمەن «كىل مىقتىلاردى وماقاستىرعان» ماروككو كومانداسىن قاتاردان قالدىرىپ، كاتار الەم چەمپيوناتىنىڭ شەشۋشى جارىسىنا جولداما الدى.
جارىس باستالعان سوڭ، كوپ وتپەي – اق تەاۋ جەردەن بيىكتەۋ كوتەرىلگەن دوپتى نايزاعايداي تەزدىكپەن قارسى جاقتىڭ قاقپاسىنا توعىتتى، كولو مۋاني قارسى جاقتىڭ قاقپاسىنا جاقىن ارالىقتان ۇپايعا يە بولدى، ءبىر مەزگىل قارسى جاقتىڭ شابۋىلىنان قاقىراي جازداعان «گاۋل اتەشى» وتكەلەكتەن ءوتتى، بۇل ولاردىڭ 2018 – جىلعى الەم چەمپيوناتىنان سوڭ، تاعى ءبىر رەت الەم چەمپيوناتىنىڭ شەشۋشى جارىسىنا قاتىناسۋى.
تانىمالى باپكەر دەشام جاتتىقتىراتىن فرانسيا كومانداسى مەن مەسسي باستاعان ارگەنتينا كومانداسى دوحاداعى شەشۋشى جارىستىڭ «كورىگىن قىزدىرادى». فرانسيا كومانداسى 1962 – جىلعى برازيليادان كەيىن الەم چەمپيوناتىندا جالعاستى ەكى رەت اعا جۇلدەگەر بولۋدان ۇمىتكەر.
وسىنىڭ الدىندا، ماروككو كومانداسى بەلگيا، يسپانيا جانە پورتۋگاليا قاتارلى ازۋلى كوماندالاردى «تىزە بۇكتىرىپ»، الەم چەمپيوناتى تاريحىنداعى ءتورت مىقتىنىڭ قاتارىنا كىرگەن تۇڭعىش افريكالىق كوماندا بولعان. «توسىن جەڭىمپازدىڭ» ۇكىلەگەن ءۇمىتىن سوڭىنا دەيىن جەتكىزە الماعانىمەن، سولتۇستىك افريكادان كەلگەن بۇل بەلدى كوماندانىڭ ءۇزىلىسسىز شابۋىلعا ءمان بەرەتىن ەرەكشەلىگى الەمدىك فۋتبول ساحناسىندا قۇرمەتكە يە بولدى.
سول كۇنى كەشتەگى شىعاناق فۋتبول الاڭىندا، جارىس باستالعان سوڭ 5 مينۋت وتپەي جاتىپ، فرانسيا كومانداسىنىڭ ورتاڭعى الاڭ ويىنشىسى گرەزمان شابۋىلعا كوشىپ، شەكتەۋلى رايوندا كولدەنەڭدەي پاس بەردى. مباپپەنىڭ قاقپاعا تەپكەن دوبى بوگەتكە ۇشىراعانىمەن، شەتكى قورعانىسشى تەاۋ سول اياعىمەن جەردەن كوتەرىلە تەپكەن دوپ قاقپاعا ەنىپ، توقىراۋلى كۇيدى اياقتاتتى. بۇل ماروككو كومانداسىنىڭ قاقپاسىنا وسى رەتكى الەم چەمپيوناتىندا كىرگەن «وقىس دوپتان» سىرت، قارسى جاق فۋتبولشىسىنىڭ تۇڭعىش رەت دوپ كىرگىزۋى.
ۇپاي ەسەبىندە ارتتا قالعان ماروككو كومانداسى الدىمەن قورعانىس جاساپ، ونان سوڭ شابۋىلعا ءوتۋ تاكتيكاسىن جالعاستىرۋعا امالسىز قالىپ، ىرىقتىلىقپەن شابۋىلعا وتۋگە ءماجبۇر بولدى. ال، فرانسيا كومانداسى جەدەل قارسى شابۋىلعا ءوتۋ تاكتيكاسىنا كوشتى، ەڭسەگەي بويلى ورتاڭعى شابۋىلشى گيرۋ قارسى جاقتىڭ اۋەلەپ كەلگەن دوپقا تالاسقاندا جىبەرگەن اعاتتىعىنان پايدالانىپ، دوپتى بار كۇشىمەن قاقپاعا قاراتىپ تەپتى، دوپ قاقپانىڭ جاقتاۋىنا ءتيدى.
ماروككو كومانداسى 21 - مينۋتتا تاعى ءبىر رەت سوققىعا ۇشىرادى. كوماندا كاپيتانى ءارى قورعانىس شەبىندەگى مىقتى سپورتشى سايس جارالانعاندىقتان، جالعاستى دوپ تەبۋگە شاراسىز قالىپ، باسقا فۋتبولشىمەن اۋىستىرىلىپ، الاڭنان ءتۇستى. وسىنىڭ سالدارىنان ولار 3 ورتاڭعى شابۋىلشى قويۋ ءتاسىلىن توقتاتۋعا ءماجبۇر بولىپ، شەپ فورماسىن 433 فورماسىنا اۋىستىرىپ، كۇش سالا شابۋىلعا ءوتتى.
جارىستىڭ الدىڭعى جارىمى اياقتالار الدىندا، ماروككو كومانداسىنىڭ قورعانىسشىسى ياميك بۇرىشتان بەرىلگەن ورايدى مىقتى يگەرىپ، قاقپاعا شالقالاي دوپ تەۋىپ، تارتىمدى ونەر كورسەتتى، دوپ قاقپانىڭ جاقتاۋىنا ءتيدى.
ەكى جاق ورىن اۋىستىرىپ، جارىستى قايتا باستادى، قورعانىسشى اشىراف پەن شەتكى شابۋىلشى زيەح ەكەۋىنىڭ وڭ جاق شەتتەگى شابۋىلى فرانسيا كومانداسىنىڭ قاقپاسىنا قايتا – قايتا قاتەر ءتوندىردى. فرانسيا كومانداسى بولسا، وزدەرىنىڭ ەڭ ايگىلى جۇلدىزى مباپپە ورنالاسقان سول جاق بۇرىشتان شابۋىلىن ۇدەتىپ، ۇزدىكسىز قارىمتا شابۋىلعا ءوتتى.
جارىستىڭ 79 – مينۋتىندا، مباپپە شەكتەۋلى رايوننىڭ ورتاسىندا ماروككو كومانداسىنىڭ ءتورت فۋتبولشىسىن قاداعالاي قورعانۋعا باۋراعان سوڭ، دوپتى قاقپاعا تەپكەندەي بەينە جاساپ، دەرەۋ پاس بەردى، الاڭعا اۋىسىپ شىققانىنان ءبىر مينۋت قانا بولعان كولو مۋاني قاقپانىڭ ارعى جاقتاۋىنىڭ جانىنان كورىنە كەتىپ، ۇپاي پارقىن وپ – وڭاي ۇلعايتتى.
ەكى ۇپاي ارتتا قالعانىمەن، ماروككو كومانداسى دا تالاي ورايلاردى جاراتتى، الايدا، ەڭ سوڭعى ۇپايعا بولاتىن ساتتە ولقىلىق تانىتتى، سوڭىندا 0 : 2 ۇپايمەن جارتىلاي شەشۋشى جارىستا ۇتىلىپ قالدى.
كەلۋ قاينارى: حالىق تورابى
 |
سۋرەتتە: 12 – ايدىڭ 14 – كۇنى، فرانسيا كومانداسىنىڭ باپكەرى دەشام (جوعارىدا) جارىستان سوڭ باپكەرلەر گرۋپپاسىنىڭ قۇرامىنداعىلارىمەن بىرگە جەڭىستەرىن قۇتتىقتاۋدا. شينحۋا اگەنتتىگىنىڭ ءتىلشىسى ۋاڭ ليلي فوتوسى
|
 |
سۋرەتتە: 12 – ايدىڭ 14 – كۇنى، فرانسيا كومانداسىنىڭ فۋتبولشىسى تەاۋ (سولدا) جارىستا قاقپاعا دوپ ۇرىپ، ۇپايعا يە بولدى. شينحۋا اگەنتتىگىنىڭ ءتىلشىسى ۋاڭ ليلي فوتوسى
|
 |
سۋرەتتە: 12 – ايدىڭ 14 – كۇنى، ماروككو كومانداسىنىڭ فۋتبولشىسى ياميك (وڭنان الدىڭعى) جارىستا قاقپاعا شالقالاي دوپ تەبۋدە. شينحۋا اگەنتتىگىنىڭ ءتىلشىسى پان يۇيلۇڭ فوتوسى
|
 |
سۋرەتتە: 12 – ايدىڭ 14 – كۇنى، فرانسيا فۋتبولشىسى كولو مۋاني (سولدا) جارىستا دوپ كىرگىزگەنىن قۇتتىقتاۋدا. شينحۋا اگەنتتىگىنىڭ ءتىلشىسى ديڭ شۇي فوتوسى
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
