«جۇڭگونىڭ تاۋ - سۋ ينجەنەرياسى» بىرلەسكەن مەملەكەتتەر ۇيىمىنىڭ تۇڭعىش توپتاعى 10 ءىرى «دۇنيە ءجۇزى ەكولوگياسىن قالپىنا كەلتىرۋدەگى باستاماشى نىسانىنا» ەنگىزىلدى
2022.12.15 16:30 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 13 – كۇنى، كانادانىڭ مونترەال قالاسى (تىلشىلەر گو شۋاڭ، لين شياۋچۇن). بىرلەسكەن مەملەكەتتەر ۇيىمى 12 - ايدىڭ 13 - كۇنى كانادانىڭ مونترەال قالاسىندا وتكىزگەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ (COP15) 2 - كەزەڭدىك ءماجىلىسى كەزىندە بىلاي دەپ جاريالاندى: جۇڭگونىڭ تاۋ، سۋ، ورمان، اتىز، كول، جايىلىم تىرشىلىك ورتاق تۇلعاسى ۇستانىمىن امالياتتا ايگىلەگەن «جۇڭگونىڭ تاۋ - سۋ ينجەنەرياسى» بىرلەسكەن مەملەكەتتەر ۇيىمىنىڭ تۇڭعىش توپتاعى 10 ءىرى «دۇنيە ءجۇزى ەكولوگياسىن قالپىنا كەلتىرۋدەگى باستاماشى نىسانىنا» ەنگىزىلدى.
«دۇنيە ءجۇزى ەكولوگياسىن قالپىنا كەلتىرۋدىڭ باستاماشى نىسانىن» بىرلەسكەن مەملەكەتتەر ۇيىمىنىڭ قورشاعان ورتانى جوبالاۋ مەكەمەسى مەن بىرلەسكەن مەملەكەتتەر ۇيىمىنىڭ استىق جانە اۋىل شارۋاشىلىق ۇيىمى كوپتەگەن حالىقارالىق ۇيىممەن بىرگە باعالاپ، «بىرلەسكەن مەملەكەتتەر ۇيىمىنىڭ ەكولوگيالىق جۇيەسىن قالپىنا كەلتىرۋدىڭ 10 جىلدىعىن» اتقارۋ كوميتەتى ەڭ سوڭعى قاراپ بەكىتۋدەن وتكىزدى. تۇڭعىش توپتا تاڭدالعان 10 باستاماشى نىسان جالپى كولەمى 68 ميلليون گەكتاردان اساتىن وڭىرلەردى قالپىنا كەلتىرۋگە كۇش سالدى ءارى 15 ميلليونعا جۋىق كاسىپتەنۋ ورايىن جاراتتى. تاڭدالعاننان كەيىن، بۇل نىساندار بىرلەسكەن مەملەكەتتەر ۇيىمىنىڭ ۇگىتتەپ جالپىلاستىرۋ، ۇسىنىس بەرۋ جانە قارجىلاي كومەك الۋ تولىمدىلىعىنا يە بولادى.
جۇڭگو جاراتىلىستىق بايلىق مينيسترلىگى مەملەكەت جەر بايلىعى كەڭىستىگى ەكولوگياسىن قالپىنا كەلتىرۋ تارماق مەكەمەسىنىڭ باستىعى جوۋ يۋانبو سول كۇنى تىلشىلەردىڭ سۇحپاتىن قابىلداعاندا بىلاي دەدى: «جۇڭگونىڭ تاۋ – سۋ ينجەنەرياسى» ــ تاۋ، سۋ، ورمان، اتىز، كول، جايىلىم سىندى تىرشىلىك ورتاق تۇلعاسى تانىمىن امالياتتا ايگىلەۋدىڭ بوگەنايلىق ينجەنەرياسى. «13 – بەسجىلدىقتان» بەرى، بۇل نىسان «3 رايون، 4 بەلدەۋ» ماڭىزدى ەكولوگيالىق قالتقى وڭىرىنە 44 تاۋ - وزەن ينجەنەرياسى نىسانىن ورنالاستىرىپ، اتقارىپ، ەكولوگيانى قورعاۋ، قالپىنا كەلتىرۋ كولەمىن 3 ميلليون 500 مىڭ گەكتاردان اسىردى، وندا 2030 - جىلى 10 ميلليون گەكتار تابيعي ەكولوگيانى قالپىنا كەلتىرۋ نىسانا ەتىلگەن. بۇل نىساننىڭ «دۇنيە ءجۇزى ەكولوگياسىن قالپىنا كەلتىرۋدەگى باستاماشى نىسانعا» ەنگىزىلۋى جۇڭگونىڭ دۇنيە جۇزىندەگى ورگانيزمدەردىڭ الۋان تۇرلىلىگىن قورعاۋعا جوبا جانە اقىل – پاراسات ازىرلەپ بەرگەنىن اڭعارتتى.
بىرلەسكەن مەملەكەتتەر ۇيىمىنىڭ العاشقى توپتاعى 10 ءىرى «دۇنيە ءجۇزى ەكولوگياسىن قالپىنا كەلتىرۋدەگى باستاماشى نىسانى» تاعى مىنالاردى قامتيدى: برازىليا، پاراگۋاي جانە ارگينتينانىڭ ورمان ەكولوگياسىن كومكەرگەن «اتلانت مۇحيتى ورمانى ءۇش ەل كەلىسىمى»؛ شامامەن 7 مىڭ 500 گەكتەر تەڭىز جاعالاۋى ەكولوگياسى قالپىنا كەلگەن «ابۋدابي تەڭىز – مۇحيتتى قالپىنا كەلتىرۋ جوسپارى»؛ ءۇندىستان ۇكىمەتى 4 ميليارد 250 ميلليون دوللار قارجى قوسقان «گانگ وزەنىن قايتا گۇلدەندىرۋ» نىسانى؛ افىريكا وداعى 2007 - جىلى باستاعان «جاسىل ۇلى قورعاندى قالپىنا كەلتىرۋ جانە بەيبىتشىلىك جوسپارى»؛ سيربيا، قىرعىزستان، ۋگاندا جانە رۋاندا تاۋلارىنىڭ ەكولوگيا جۇيەسىن قالپىنا كەلتىرۋدى ماقسات ەتكەن « كوپ مەملەكەت تاۋلى رايونى باستاماسى»؛ باستىسى ۋانۋاتۋ، سان لۋسيا جانە كومورونىڭ وزگەشە ەكولوگيا جۇيەسىنە نازار اۋدارىلعان «شاعىن ارالدارداعى وركەندەپ كەلە جاتقان ەلدەر نىسانى»؛ 2030 - جىلى 100 مىڭ گەكتار جەردى قالپىنا كەلتىرۋدى جانە 5 مىڭ ماڭگىلىك قىزمەت ورنىن جاراتۋدى باستى ماقسات ەكەن «ورتا امەريكا قۇرلىعىنداعى قۋاڭشىلىق ءدالىزى جوسپارى» نىسانى؛ ورتا ازيا وڭىرىندەگى كەڭ ساحارانىڭ قۇلدىراۋ جاعدايىن وڭاۋ ءۇشىن قۇرىلعان «ارتەندالا جايلاۋىن قورعاۋ باستاماسى»؛ مانگرا ورمانىنىڭ تابيعي گۇلدەنۋىنە شارت - جاعداي جاراتۋدى باستى ماقسات ەتكەن «يندونەزيانىڭ تابيعي قۇرىلىس نىسانى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
