دۇنيە جۇزىلىك دەنساۋلىق ساقتاۋ ۇيىمى:
كەلەر جىلى جاڭا تيپتى ايدارشا ۆيرۋس وكپە قابىنۋ ىندەتى وسىدان بىلاي دۇنيە جۇزىلىك دەنساۋلىق ساقتاۋ سالاسىنداعى شۇعىل ماسەلە ەسەپتەلمەيدى دەپ جاريالاۋدان ءۇمىت زور
2022.12.16 14:31 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ليۋ چۇي 12 – ايدىڭ 14 – كۇنى جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمىنىڭ ءتوراعاسى تەدروستىڭ 12 – ايدىڭ 14 – كۇنى ايتۋىنشا، كەلەر جىلى ءمالىم ۋاقىتتا جاڭا تيپتى ايدارشا ۆيرۋس وكپە قابىنۋ ىندەتى مۇنان بىلاي دۇنيە جۇزىلىك دەنساۋلىق ساقتاۋ سالاسىنداعى شۇعىل ماسەلە ەسەپتەلمەيدى دەپ جاريالاۋدان ءۇمىت زور.
تەدروستىڭ سول كۇنگى اقپار جاريالاۋ ماجىلىسىندە ايتۋىنشا، 2023 – جىلى 1 – ايدا دۇنيە جۇزىلىك دەنساۋلىق ساقتاۋ ۇيىمىنىڭ شۇعىل ماسەلەلەر كوميتەتى ءماجىلىس اشىپ، جاڭا تيپتى ايدارشا ۆيرۋس وكپە قابىنۋ اۋرۋىن مۇنان بىلاي شۇعىل ماسەلە دەپ قاراماۋدى تۇجىرىمداۋدىڭ ولشەمىن تالقىلايدى.
2020 – جىلى 1 – ايدىڭ 30 – كۇنىنەن باستاپ، دۇنيە جۇزىلىك دەنساۋلىق ساقتاۋ ۇيىمى جاڭا تيپتى ايدارشا ۆيرۋس وكپە قابىنۋ ىندەتى «الەۋمەتتىك دەنساۋلىق ساقتاۋ سالاسىندا شۇعىل تۋىلعان حالىقارا نازار اۋدارىپ وتىرعان ماسەلە» قالىپتاستىردى دەپ جاريالاعان، بۇل دۇنيە جۇزىلىك دەنساۋلىق ساقتاۋ ۇيىمى «حالىقارالىق دەنساۋلىق ساقتاۋ ەرەجەسىنە» ساي جاريالاعان ەڭ جوعارى دارەجەدەگى ساقتىق دابىلى سانالادى.
سونىمەن بىرگە، تەدروس مىنانى ءبىلدىردى: جاڭا تيپتى ايدارشا ۆيرۋس تۇبەگەيلى ۇزىلىپ كەتپەيدى. جاڭا تيپتى ايدارشا ۆيرۋس بولاشاقتا ۇزدىكسىز ءومىر سۇرەدى، بارلىق مەملەكەتتەر ونى جۇقپالى تۇماۋ جانە تىنىس جولى سينسيپي ۆيرۋسى تۋىنداتقان اۋرۋلار قاتارلى باسقا دا تىنىس جولى اۋرۋلارىمەن بىرگە باسقارۋدى ۇيرەنۋى كەرەك، بۇل اۋرۋلار قازىر كوپتەگەن مەملەكەتتەردە ءجيى تارالۋدا.
تەدروس مىنانى باسا دارىپتەدى: جاڭا تيپتى ايدارشا ۆيرۋستىڭ جاپپاي تارالۋىنىڭ ادامدارعا بەرگەن ەڭ ماڭىزدى ەسكەرتۋىنىڭ ءبىرى — بارلىق مەملەكەت تۇگەلدەي الەۋمەتتىك دەنساۋلىق ساقتاۋ جۇيەسىن كۇشەيتۋى كەرەك. مۇنان سىرت، ءار ەل اراسىنداعى سەلبەستىكتى بارىنشا كۇشەيتۋ كەرەك.
دۇنيە جۇزىلىك دەنساۋلىق ساقتاۋ ۇيىمىنىڭ شۇعىل نىسانداردى اتقارۋعا جاۋاپتى مەڭگەرۋشىسى مايكەل ريان مىنانى ەسكەرتتى: قازىر جاڭا تيپتى ايدارشا ۆيرۋستىڭ بارلىق بەلگىلەرى ءالى تولىق ايقىندالعان جوق، بولاشاقتا قالاي وزگەرەتىنى دە بەلگىسىز، ال، مۇنداي تۇراقسىزدىق اناعۇرلىم كوپ حاۋىپ تۋدىرادى. ول جاڭا تيپتى ايدارشا ۆيرۋسپەن جۇعىمدالۋ ءالى دە دۇنيە جۇزىلىك سيپات الاتىن جاعداي بولۋى مۇمكىن، جۇعىمدالۋشىلار سانى ماۋسىمنىڭ وزگەرىسى، جاعراپيالىق ورىن، جان سانىنىڭ كوشۋى قاتارلى سەبەپتەرگە بايلانىستى بىردە كوبەيىپ، بىردە ازايىپ وتىرادى. ونىڭ ايتۋىنشا، دۇنيە جۇزىلىك دەنساۋلىق ساقتاۋ ۇيىمىنىڭ ءتوراعاسى جاڭا تيپتى ايدارشا ۆيرۋس وكپە قابىنۋ ىندەتى بۇدان بىلاي «الەۋمەتتىك دەنساۋلىق ساقتاۋ سالاسىندا شۇعىل تۋىلعان حالىقارا نازار اۋدارىپ وتىرعان ماسەلە» ەسەپتەلمەيدى دەپ جاريالاۋدان بۇرىن ءالى دە ءتۇرلى فاكتورلاردى تولىق ويلاستىرۋدى قاجەت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
