ءبىر ميلليارد 370 ميلليون يۋانعا قول قويدى! جۇڭگو شينجياڭ — قازاقستان ەكونوميكا - ساۋدا قارجى قوسۋ سەلبەستىگىن تانىستىرۋ ءماجىلىسى استانادا وتكىزىلدى
2022.12.16 14:24 كەلۋ قاينارى : حالىق تورابى
انار بۇلت – شينجياڭ گازەتىنىڭ حابارى. (ءتىلشى ليۋ شياڭ، گو ليڭ). 12 - ايدىڭ 15 - كۇنى تۇستەن كەيىن، جۇڭگو شينجياڭ — قازاقستان ەكونوميكا - ساۋدا قارجى قوسۋ سەلبەستىگىن تانىستىرۋ ءماجىلىسى قازاقستاننىڭ استانا قالاسىندا ءساتتى وتكىزىلدى. ەكى جاقتىڭ قاتىستى كاسىپورىندارىنىڭ قارجى قوسۋ سەلبەستىك كەلىسىمىنە قول قويعان سالاسى حيميا ونەركاسىبى، نەگىزدىك قۇرىلعى قۇرىلىسى، ەمدەۋ، دەنساۋلىق ساقتاۋ سياقتى ەرەكشە باسىمدىققا يە سالالارعا سايادى، نىساننىڭ جالپى سوماسى ءبىر ميلليارد 370 ميلليون يۋان حالىق اقشاسى بولدى.
تانىستىرۋ ماجىلىسىندە شينجياڭ ۇيعۇر اۆتونوميالى رايوندىق ساۋدا مەڭگەرمەسى، دامۋ جانە رەفورما كوميتەتى، قىزىلسۋ وبلىسى، ىلە وبلىسى، بۇراتالا وبلىسى سياقتى جەرلەردىڭ قاتىستى جاۋاپتى جولداستارى ەكونوميكا - ساۋدا، قارجى قوسۋ سەلبەستىگىن تانىستىردى. قازاقستان استانا قالالىق ۇكىمەتى، اتامەكەن مەملەكەتتىك كاسىپكەرلەر قوعامى، قازاقستان قارجى قوسۋ مەملەكەتتىك سەرىكتەستىگى جانە ەكى جاقتىڭ ساۋدا قوعامى، كاسىپورىن ۋاكىلدەرى ماجىلىسكە قاتىناستى ءارى نىسان جونىندە كەڭەس وتكىزدى.
«جۇڭگو مەن قازاقستان جاقسى كورشى، جاقسى دوس، اسىرەسە، جاڭا تيپتى ايدارشا ۆيرۋس وكپە قابىنۋ ىندەتى الەمدىك ەكونوميكانى اۋىر دارەجەدە ويرانداعان جاعدايدا، شينجياڭ مەن قازاقستاننىڭ ساۋداسى ءالى دە قۇدىرەتتى توزىمدىلىك پەن ومىرشەڭدىك كۇشىن ايگىلەدى.» شينجياڭ ۇيعۇر اۆتونوميالى رايونىنىڭ ورىنباسار ءتوراعاسى سۇن حۇڭمەي بىلاي دەدى: جۇڭگونىڭ شينجياڭى جىبەك جولى ەكونوميكالىق بەلدەۋىنىڭ وزەكتى رايونىن جەدەل قۇرۋدا، قازاقستانمەن «ءبىر بەلدەۋ، ءبىر جولدى» بىرگە قۇرۋ بارىسىندا كەڭ سەلبەستىك بولاشاعىنا يە. ەكى جاق نازاردى توقىماشىلىق، كيىم - كەشەك، جاڭاشا قۇرىلىس ماتەريالدارى، ماشينا جابدىقتارى، جاساندى زەردە، ءىرى ساندى مالىمەت، جاسىل ەنەرگيا سياقتى ەكونوميكا - ساۋدا سەلبەستىگىن تەرەڭدەتۋگە شوعىرلاندىرىپ، اۋىل شارۋاشىلىعى، وقۋ - اعارتۋ، عىلىم - تەحنيكا، مادەنيەت - ساياحات، دەنساۋلىق ساقتاۋ، سالاماتتىق سياقتى سالالارداعى اۋىس - كۇيىستى، سەلبەستىكتى كۇشەيتۋ كەرەك.
«‹ءبىر بەلدەۋ، ءبىر جولدى› جوعارى ساپامەن بىرگە قۇرىپ، شينجياڭدى ازيا - ەۆروپا ەكونوميكا - ساۋدا بارىس - كەلىسىنىڭ تورابىنا اينالدىرۋ كەرەك.» جۇڭگونىڭ قازاقستاندا تۇراتىن كىشى ەلشى دارەجەلى ەكونوميكا، ساۋدا ىستەرى اقىلشىسى سۋ يۇي بىلاي دەدى: جۇڭگو - قازاقستان كاسىپورىنشىلارىنىڭ وسى رەتكى تانىستىرۋ ءماجىلىسىنىڭ ماڭىزدى تۇعىرىنان تولىق پايدالانىپ، ناقتى سەلبەستىكتى تەرەڭدەتىپ، ەكى جاقتى ەكونوميكا - ساۋدا قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
