جۇڭگو دەموكراتيانى ىلگەرىلەتۋ قوعامىنىڭ مەملەكەتتىك 13 ـ قۇرىلتايى اشىلدى
جاۋ لىجي ج ك پ ورتالىق كوميتەتى اتىنان قۇتتىقتاۋ ءسوزىن سويلەدى
2022.12.19 15:23 كەلۋ قاينارى : حالىق تورابى
«حالىق گازەتى»، 12 – ايدىڭ 18 – كۇنى، بەيجيڭ. جۇڭگو دەموكراتيانى ىلگەرىلەتۋ قوعامىنىڭ 13 - رەتكى مەملەكەتتىك قۇرىلتايى 12 – ايدىڭ 18 – كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى جاۋ لىجي اشىلۋ سالتىنا قاتىناستى ءارى ج ك پ ورتالىق كوميتەتى اتىنان قۇتتىقتاۋ ءسوزىن سويلەدى. (قۇتتىقتاۋ ءسوزىنىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
قۇتتىقتاۋ سوزىندە بىلاي دەپ اتاپ كورسەتىلدى: وتكەن 5 جىل وتە ەرەكشە، توتەنشە وزگەشە 5 جىل بولدى. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە دۇنيە ءجۇزىن جالت قاراتقان كەلەلى تابىستارعا قول جەتتى، بىرلىكساپ پەن كوپ پارتيا سەلبەستىگى ىستەرىندە قارىشتاپ دامىعان تاماشا جاعداي جارىققا شىقتى. 5 جىلدان بەرى جۇڭگو دەموكراتيانى ىلگەرىلەتۋ قوعامى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جۇڭگوشا سوتسياليستىك ساياسي پارتيا قۇرىلىسىنىڭ نىسانالارىنا، تالاپتارىنا ساي، ۋاكىل قايراتكەرلەر قوسىنى قۇرىلىسىن تىڭعىلىقتى ىلگەرىلەتىپ، نازاريامەن قارۋلانۋدى كۇشەيتىپ، ءتۇزىم قۇرىلىسىن نىعايتتى؛ اۋىل - قىستاقتى كوركەيتۋ ستراتەگياسى، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋ، ساپالى دامۋ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ سياقتىلار جونىندە ىشكەرىلەي تەكسەرۋ - زەرتتەۋ جۇرگىزۋدى ارقاۋ ەتىپ، دۇرىس تانىمداردى العا قويدى؛ حۋناننىڭ كەدەيلىكتەن ارىتلۋدان قامال الۋىنا باعىتتالعان دەموكراتيالىق باقىلاۋ مەن جياڭشيدىڭ چاڭجياڭ وزەنىنىڭ ەكولوگيالىق ورتاسىن قورعاۋى جونىندەگى دەموكراتيالىق باقىلاۋدى تىڭعىلىقتى، ويداعىداي ىستەپ، تايۋان، شياڭگاڭ، اۋمىندارمەن بىرلەسكەن دوستىق اۋىس - كۇيىستى بەلسەنە ورىستەتىپ، مىندەتتى اتقارىپ، جاۋاپكەرلىكتى ادا ەتۋدە بەلسەندى ونىمدىلىككە قول جەتكىزدى. اسىرەسە، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو دەموكراتيانى ىلگەرىلەتۋ قوعامى جۇڭگو كوممۋنيستىك پارتياسىمەن ءبىر جاعادان باس، ءبىر جەڭنەن قول شىعارىپ، قول ۇستاسا ىندەتكە قارسى اتتانىپ، جۇڭگوشا سوتسياليستىك ۇكىمەت ىسىنە قاتىناسۋشى ساياسي پارتيانىڭ جاۋاپكەرلىگى مەن قالتقىسىز سۇيىسپەنشىلىگىن ايگىلەدى.
قۇتتىقتاۋ سوزىندە مىنالار دارىپتەلدى: جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − ۇلى دا جاپالى ءىس، ول بارلىق بەلسەندى فاكتورلاردى تولىق جۇمىلدىرىپ، ءار جاقتىڭ اقىل ـ پاراساتى مەن كۇش ـ قۋاتىن مۇمكىندىكتىڭ بارىنشا ۇيىستىرۋدى قاجەت ەتەدى. جۇڭگو كوممۋنيستىك پارتياسى پارتيا 20 - قۇرىلتايىنىڭ رۋحى بويىنشا جالپى بارىستىق حالىق دەموكراتياسىن بۇلجىماستان دامىتىپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي ءماسىليحات كەڭەسى تۇزىمىندە تاباندى بولىپ جانە ونى كەمەلدەندىرىپ، پارتيا باسشىلىعىن، بىرلىكساپتى، كەڭەس دەموكراتياسىن ورگانيكالى ۇشتاستىرۋدا تاباندى بولىپ، ۇزاق ۋاقىت بىرگە ءومىر ءسۇرۋ، ءوزارا باقىلاۋ، ءبىر - بىرىنە شىن ادال بولۋ، جاقسى مەن جاماندى بىرگە كورۋ باعىتىن دايەكتىلەندىرىپ، دەموكراتيالىق پارتيا - توپتاردىڭ وزىندىك قۇرىلىستى كۇشەيتىپ، فۋنكتسياسىن ءتىپتى دە جاقسى وتەۋىنە دەم بەرىپ، كوپ پارتيا سەلبەستىگى ىستەرىن ءۇرتىس ىلگەرىلەتىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، ۇلتتىڭ گۇلدەنۋىنە ورتاق كۇش شىعارۋدىڭ قۇدىرەتتى كۇشىن توپتاۋدى.
قۇتتىقتاۋ سوزىندە مىنالار اتاپ كورسەتىلدى: جۇڭگو دەموكراتيانى ىلگەرىلەتۋ قوعامىنىڭ ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن جاقسى ىستەۋ جونىندەگى ماڭىزدى يدەياسىن مۇقيات دايەكتىلەندىرىپ، قالىڭ مۇشەلەردى «ەكىنى تۇراقتاندىرۋدىڭ» شەشۋشى ماڭىزىن تەرەڭ تۇسىنۋگە ىنتىماقتاستىرىپ جانە جەتەكتەپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگو كوممۋنيستىك پارتياسىمەن ىنتىماقتاسا كۇرەس جاسايتىن ورتاق يدەيالىق - ساياسي نەگىزدى ونان ارى بەكەمدەۋىن؛ ەرەكشەلىك پەن ابزالدىقتى ساۋلەلەندىرىپ، وي جەلىسى مەن شارالاردا جاڭالىق اشىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسى، مەملەكەتتى دارىندىلارمەن قۇدىرەتتەندىرۋ ستراتەگياسى، دامۋعا جاڭالىق اشۋ ارقىلى دەم بەرۋ ستراتەگياسى سياقتى كەلەلى ماسەلەلەردى توڭىرەكتەي وتىرىپ ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرۋىن؛ وزىندىك قۇرىلىستى جاپپاي كۇشەيتىپ، ساياسيدا تاباندى، ۇيىمى بەرىك، مىندەتىن اتقارۋى پارمەندى، ستيلى تاڭداۋلى، ءتۇزىمى اقاۋسىز جۇڭگوشا سوتسياليستىك ۇكىمەت ىسىنە قاتىناسۋشى ساياسي پارتيا قۇرىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اناعۇرلىم كوپ اقىل ـ پاراسات جانە كۇش - قۋات قوسۋىن ءۇمىت ەتەمىن.
مەملەكەتتىك ساياسي كەڭەس ءتوراعاسىنىڭ ورىنباسارى، جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى اتىنان قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەلىندى: جۇڭگو دەموكراتيانى ىلگەرىلەتۋ قوعامى 12 - قۇرىلتايىندان بەرى جۇڭگوشا سوتسياليزم ۇلى تۋىن بيىك ۇستاپ، جۇڭگو كوممۋنيستىك پارتياسىنىڭ باسشىلىعىندا تاباندى بولىپ، يدەياداعى، تانىمداعى تىڭ جوعارىلاۋ ارقىلى مىندەت اتقارىپ، جاۋاپكەرلىكتى ادا ەتۋگە جەتەكشىلىك ەتىپ، ءبىر نيەتپەن جۇڭگو ارمانىن بىرگە سومداپ، جاڭا داۋىرگە قول ۇستاسا ۇمتىلۋ ساپارىنا تاعى دا تىڭ ۇلەستەر قوستى. ءارقايسى دەموكراتيالىق پارتيا - توپتار جانە ساۋدا - ونەركاسىپشىلەر بىرلەستىگى شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، سەلبەسۋ اۋەلگى ماقساتىنان اينىماي، «مەملەكەتتىڭ ءىرى ىستەرىن» كوكەيدە ساقتاپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ دا اناعۇرلىم زور ۇلەس قوسادى!
ءماجىلىس ءتوراعالار القاسىنىڭ تۇراقتى ءتوراعاسى ساي دافىڭ جۇڭگو دەموكراتيانى ىلگەرىلەتۋ قوعامى 14 - كەزەكتى ورتالىق كوميتەتى اتىنان بايانداما جاسادى. باياندامادا جۇڭگو دەموكراتيانى ىلگەرىلەتۋ قوعامىنىڭ 5 جىلدان بەرگى باستى قىزمەتتەرى مەن نەگىزگى تاجىريبەلەرىنە شولۋ جانە قورىتىندى جاسالعاننان كەيىن مىنالار العا قويىلدى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جۇڭگو دەموكراتيانى ىلگەرىلەتۋ قوعامى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، تۇرعى مەن سەنىمدى بەكەمدەپ، بورىش پەن جاۋاپكەرلىكتى ەستە بەرىك ساقتاپ، يدەيالىق - ساياسي قۇرىلىس قۋاتىن كۇش سالا جوعارىلاتىپ، ۇيىمدىق قۇرىلىستى تىڭعىلىقتى ىلگەرىلەتىپ، تاماشا ستيلدى قۇلشىنا امالياتتا ايگىلەپ، ءتۇزىم قۇرىلىسىنىڭ ونىمدىلىگىن كۇشەيتىپ، جالپى جاعدايعا قىزمەت وتەۋ بارىسىندا ەڭبەك ءسىڭىرىپ، ۇلەس قوسىپ، حالىقتى العا باستىرۋ مەن دامىتۋدىڭ تىڭ داستانىن جازىپ، جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى بولۋ سىندى كەلەلى جاۋاپكەرلىگىن شىنايى ارقالاپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ ۇلەس قوسۋى كەرەك.
شى تايفىڭ، جي بيڭشۋان، شياۋ جيە، جاڭ چيڭلي اشىلۋ سالتىنا قاتىناستى.
بۇل رەتكى ماجىلىستە جۇڭگو دەموكراتيانى ىلگەرىلەتۋ قوعامى 14 - كەزەكتى ورتالىق كوميتەتىنىڭ بايانداماسى تىڭدالادى جانە قارالادى، «جۇڭگو دەموكراتيانى ىلگەرىلەتۋ قوعامىنىڭ ۋستاۆى (وزگەرىس ەنگىزىلگەن نۇسقاسى)» قاراپ ماقۇلدانادى، جۇڭگو دەموكراتيانى ىلگەرىلەتۋ قوعامى 15-كەزەكتى ورتالىق كوميتەتى سايلانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
