جۇعىمدالۋشى جازىلعاننان كەيىن، وتباسىن قالاي ديزەنفەكسيالاۋ كەرەك؟ ماماندار استە بىلاي ىستەمەۋدى ەسكەرتەدى
2022.12.19 14:07 كەلۋ قاينارى : حالىق تورابى
جاڭا تيپتى ايدارشا ۆيرۋسپەن جۇعىمدالىپ، وتباسىندا اۋاشالانىپ جازىلعان سوڭ، ءۇيدى قالاي ديزەنفەكسيالاۋ، تازالاۋ كەرەك؟ قايتكەندە ديزەنفەكسيالاۋ ونىمدىلىگى ەڭ جاقسى بولادى؟
12 – ايدىڭ 16 – كۇنى، استانا مەديتسينا داشۋەسىنىڭ قاراماعىنداعى بەيجيڭ يوۋ – ان ەمحاناسىنىڭ جۇعىمدالۋ اۋرۋلارى ۋنيۆەرسال ءبولىمىنىڭ مەڭگەرۋشى شيپاگەرى لي دۇڭزىڭ مىنانى ءبىلدىردى: ديزەنفەكسيالاۋدى شەگىنەن اسىرىپ جىبەرمەۋ كەرەك، تەرەزەنى اشىپ، اۋا الماستىرۋ ەڭ ۇتىمدى ءادىس سانالادى، ۆيرۋس جىلى بولمەدە ادەتتە ۇزاق ۋاقىت ءومىر سۇرە المايدى، ديزەنفەكسيالاۋ سۇيىقتىعىن كوپ مولشەردە، كەڭ كولەمدە بۇركۋدەن ساقتانۋ كەرەك.
جاڭا تيپتى ايدارشا ۆيرۋس، ءسوزسىز، پارازيت يەسىنىڭ كلەتكاسىندا عانا كوبەيە الادى، ادام دەنەسىنەن ايرىلسا بولعانى، جىلى بولمە شارت – جاعدايىندا 2 – 3 ساعاتتان سوڭ ولەدى. ارينە، ەگەر تازالىق بولمەسى، اس ءۇيى قاتارلىلاردىڭ اۋانىڭ الماسۋى ويداعىداي بولماعان بۇرىشتارىندا ءبىرشاما ۇزاق ۋاقىت جان ساقتاۋى مۇمكىن. لي دۇڭزىڭنىڭ ايتۋىنشا، ءۇيدى ديزەنفەكسيالاۋدىڭ ەڭ ۇتىمدى ءتاسىلى — تەرەزەنى اشىپ، اۋا الماستىرۋ، ءار كۇنى 2 – 3 رەت، ءار رەتتە جارىم ساعات اينالاسىندا وسىلاي ىستەگەندە، اۋاداعى ۆيرۋستىڭ سانىن ەڭ زور مولشەردە ازايتۋعا بولادى.
تازالىق بولمەسى، اس ءۇيى قاتارلى ءبىرشاما دىمقىل، تۇيىق بولمەلەردى ديزەنفەكسيالاعان كەزدە، حلورلى ديزەنفەكسيالاۋ سۇيىقتىعىمەن نەمەسە %75 تىك سپيرتپەن ءسۇرتۋ ءتاسىلىن قولدانۋعا بولادى. لي دۇڭزىڭ مىنانى ەسكەرتتى: بۇركۋ ءتاسىلىن مۇمكىندىگىنشە قولدانباعان ءجون، شاعىن كولەمدە ءسۇرتۋ ارقىلى ديزەنفەكسيالاۋ ونىمدىلىگىنە قول جەتكىزۋگە بولادى، وتە – موتە، كەڭ كولەمدە سپيرت بۇركۋ ءتاسىلىن قولدانباۋ كەرەك، الدا – جالدا وتقا تيسە حاۋىپتى جاعداي وڭاي تۋىلادى، ءسوزسىز، ۇيلەسىمدى پايدالانۋ كەرەك. حلورلى ديزەنفەكسيالاۋ سۇيىقتىعىمەن ءسۇرتىپ، جارىم ساعات وتكەن سوڭ، تازا سۋمەن ءسۇرتۋدى، دەنەدەگى تەرىگە كەسىرى تيۋىنەن ساقتانۋدى ەستە ساقتاعان ءجون.
جۇعىمدالۋشى پايدالانعان ىدىس – اياق، ستاكان قاتارلىلاردى جوعارى تەمپەراتۋرادا بۋعا قايناتۋ ارقىلى ديزەنفەكسيالاۋعا بولادى، كيىم – كەشەكتى قالىپتى جۋىپ، جايىپ كەپتىرسە بولعانى. لي دۇڭزىڭ مىنانى ءبىلدىردى: وتباسىندا ۆيرۋس قالدىقتارىنىڭ قالىپ قالۋىنان اسا الاڭداپ كەتۋدىڭ قاجەتى جوق. «ادام دەنەسىنىڭ يممۋنيتەتتىك ەستە ساقتاۋ قۋاتى بولادى، وسىنداي ۆيرۋسپەن جۋىقتا عانا شايقاسقان سوڭ، ادەتتە 3 ايدان جارىم جىلعا دەيىنگى ۋاقىت ارالىعىندا، ۇقساس ۆيرۋسپەن قايتادان جۇعىمدالمايدى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
