جاڭا داۋىردەگى جۇڭگونىڭ نەگىزگى زاڭ امالياتىنىڭ جاڭا تاراۋىن جازايىق
− قازىر اتقارىلىپ وتىرعان نەگىزگى زاڭنىڭ جاريالانىپ اتقارىلعانىنىڭ 40 جىلدىعىن ەسكە ءتۇسىرۋ بايلانىسىمەن
شي جينپيڭ
2022.12.20 16:50 كەلۋ قاينارى : حالىق تورابى
بيىل − ەلىمىزدە قازىر پايدالانىلىپ وتىرعان نەگىزگى زاڭنىڭ جاريالانىپ اتقارىلعانىنىڭ 40 جىلدىعى. 40 جىلدان بەرى قازىر پايدالانىلىپ وتىرعان نەگىزگى زاڭ سوتسياليستىك زاڭمەن باسقارۋ قۇرىلىسىن پارمەندى ىلگەرىلەتتى جانە كۇشەيتتى، پارتيا مەن مەملەكەت ىستەرىنىڭ دامۋىن پارمەندى ىلگەرىلەتتى جانە قامتاماسىز ەتتى. ءبىز قازىر پايدالانىلىپ وتىرعان نەگىزگى زاڭنىڭ جاريالانىپ اتقارىلعانىنىڭ 40 جىلدىعىن ەسكە الۋدى وراي ەتىپ، پارتيا 20 - قۇرىلتايىنىڭ رۋحىن دايەكتىلەندىرىپ، نەگىزگى زاڭ تانىمىن كۇشەيتىپ، نەگىزگى زاڭ رۋحىن اسقاقتاتىپ، نەگىزگى زاڭنىڭ اتقارىلۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە بەرىك كەپىلدىك ازىرلەۋىمىز كەرەك.
نەگىزگى زاڭدى جاساۋ جانە اتقارۋ − ادامزات وركەنيەتىنىڭ العا باسۋىنىڭ بەلگىسى، ادامزات قوعامىنىڭ وسىزاماندانۋعا بەت الۋىنىڭ ماڭىزدى تىرەگى. تاياۋ زاماننان بەرى جۇڭگو حالقى جۇڭحۋا ۇلتىنىڭ بولاشاعى مەن تاعدىرىن وزگەرتەتىن جولدى جاپا - ماشاقاتپەن قاراستىردى. كەيبىر ساياسي كۇشتەر باتىستىڭ ساياسي ءتۇزىم ۇلگىسى بويىنشا ەلىمىزدىڭ فەودالدىق دارا بيلەۋشىلىك ءتۇزىمىن جاڭعىرتۋعا ۇرىنىپ، تۇگەلدەي جەڭىلىسكە ۇشىرادى. جۇڭگو كوممۋنيستىك پارتياسى جۇڭگونىڭ تاريحي ساحناسىنا شىققاننان كەيىن جاپالى ىزدەنىس جانە اماليات ارقىلى جۇڭحۋانىڭ بايتاق دالاسىندا ايقىن سوتسياليستىك سيپاتقا يە نەگىزگى زاڭدى، شىن مانىندەگى حالىق نەگىزگى زاڭىن ءساتتى جاسادى جانە اتقاردى، بۇل ەلىمىزدىڭ نەگىزگى زاڭىنىڭ دامۋ تاريحىندا، ءتىپتى دۇنيە ءجۇزىنىڭ نەگىزگى زاڭ ءتۇزىمى تاريحىندا تىڭ مانگە يە بولىپ، ادامزاتتىڭ زاڭمەن باسقارۋ وركەنيەتىنىڭ العا باسۋىنا جۇڭگونىڭ اقىل - پاراساتىن، جۇڭگو جوباسىن ارنادى.
پارتيامىز حالىققا باسشىلىق ەتىپ جاساعان نەگىزگى زاڭدا حالىقتىڭ اقىل - پاراساتى شوعىرلاندىرىلىپ، جالپى حالىقتىڭ ورتاق ەركى ايگىلەنىپ، پارتيانىڭ قۋاتتاماسى مەن حالىق ەركىنىڭ وسكەلەڭ بىرلىگى جۇزەگە اسىرىلىپ، بارلىق كونە نەگىزگى زاڭدا از ساندى ادامداردىڭ ەركىنە عانا ۋاكىلدىك ەتەتىن، از ساندى ادامداردىڭ مۇددەسى ءۇشىن قىزمەت ەتەتىن كىناراتتار جويىلىپ، ەڭ قالىڭ حالىقتىڭ قولداۋىنا جانە بويسۇنۋىنا قول جەتكىزىپ، كورنەكتى ابزالدىققا، بەرىك نەگىزگە، قۇدىرەتتى ومىرشەڭدىك كۇشكە يە بولدى.
1982 - جىلى ەلىمىزدە قازىر پايدالانىلىپ وتىرعان نەگىزگى زاڭ جاريالانىپ اتقارىلعاننان كەيىن، پارتيا ورتالىق كوميتەتىنىڭ باسشىلىعىندا، مەملەكەتتىك حالىق قۇرىلتايى وسى نەگىزگى زاڭنىڭ ءىشىنارا تارماقتارى مەن ءىشىنارا مازمۇندارىنا ىلگەرىندى - كەيىندى 5 رەت قاجەتتى ءارى توتەنشە ماڭىزدى وزگەرىس ەنگىزدى. بۇل وزگەرىستەر ەلىمىزدىڭ نەگىزگى زاڭىن كەمەلدەندىرۋ، دامىتۋ، سوتسياليستىك زاڭمەن باسقارۋ قۇرىلىسىن ىلگەرىلەتۋ، پارتيانىڭ مەملەكەتتى زاڭمەن باسقارۋ قۋاتىن جوعارىلاتۋ جونىنەن ماڭىزدى رول اتقاردى.
پارتيانىڭ 18 - قۇرىلتايىنان بەرى پارتيامىز مەملەكەتتى جاپپاي زاڭمەن باسقارۋعا ايرىقشا ءمان بەرىپ، پارتيا مەن مەملەكەتتىڭ باياندى تىنىشتىعىنا ساياتىن ستراتەگيالىق بيىك تۇرعىدان زاڭمەن باسقارۋدى تۇراقتاندىرىپ، زاڭمەن باسقارۋدى ورنالاستىرىپ، زاڭمەن باسقارۋدى قاتاڭ اتقارىپ، مەملەكەتتى جاپپاي زاڭمەن باسقارۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ جوبالاپ، ىلگەرىلەتىپ، ەلىمىزدىڭ نەگىزگى زاڭ ءتۇزىمى قۇرىلىسىن جانە نەگىزگى زاڭنىڭ اتقارىلۋىن ىلگەرىلەتۋدە تاريحي تابىسقا قول جەتكىزدى. ءبىز مەملەكەتتى جاپپاي زاڭمەن باسقارۋ، نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ سياقتىلار جونىندە ىلگەرىندى - كەيىندى كەلەلى شەشىم جاساپ، ورتالىقتىڭ مەملەكەتتى جاپپاي زاڭمەن باسقارۋ كوميتەتىن قۇرىپ، پارتيانىڭ زاڭ شىعارۋعا باسشىلىق ەتۋى، زاڭنىڭ اتقارىلۋىنا كەپىلدىك ەتۋى، ءادىليانى قولداۋى، زاڭعا باستاماشىلدىقپەن بويسۇنۋى سياقتى تۇزىمدىك ورنالاستىرۋلاردى كەمەلدەندىرىپ، پارتيانىڭ مەملەكەتتى جاپپاي زاڭمەن باسقارۋعا جانە نەگىزگى زاڭدى اتقارۋعا باسشىلىق ەتۋىن جاپپاي كۇشەيتتىك. پارتيا باسشىلىعىن تۇزىمدەندىرۋدى، زاڭمەن باسقارۋدى بەلسەنە ىلگەرىلەتىپ، نەگىزگى زاڭعا وزگەرىس ەنگىزۋ جوباسىندا جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ساياسيى مەن قوعامدىق ومىرىندەگى جەتەكشىلىك ورنىن تۇراقتاندىرىپ، جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى دەگەندى ايقىندادىق، پارتيا باسشىلىعىنىڭ نەگىزگى زاڭدىق قامتاماسىزداندىرۋى اناعۇرلىم كەمەلدەندى. نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن كۇش سالا كەمەلدەندىرىپ، نەگىزگى زاڭعا قاتىستى زاڭ - تۇزىمدەر مەن مەحانيزمدەردى اقاۋسىزداندىردىق، نەگىزگى زاڭنىڭ اتقارىلۋى اناعۇرلىم ءونىمدى بولدى. نەگىزگى زاڭدى باقىلاۋ ءتۇزىمىن كەمەلدەندىرىپ، نەگىزگى زاڭعا ۇيلەسىمدىلىگىن تەكسەرۋ، ەستەلىككە الىپ تەكسەرۋ ءتۇزىمى مەن قۋاتى قۇرىلىسىن كۇشەيتىپ، نەگىزگى زاڭدىق باقىلاۋ دەڭگەيىن ورنىقتى جوعارىلاتتىق. مەملەكەتتىڭ نەگىزگى زاڭ كۇنىن بەلگىلەپ، نەگىزگى زاڭ الدىندا سەرت بەرۋ ءتۇزىمىن ورناتىپ، نەگىزگى زاڭ جونىندەگى ۇگىت - تاربيەنى كەڭىنەن ورىستەتىپ، بۇكىل قوعامنىڭ نەگىزگى زاڭ جونىندەگى تانىمى مەن زاڭمەن باسقارۋ كوزقاراسىن كورنەكتى كۇشەيتتىك. نەگىزگى زاڭ مەن ءتۇبىرلى زاڭ بويىنشا ەرەكشە اكىمشىلىك رايوندى جاپپاي باسقارۋ ۇقىعىن ءونىمدى اتقارىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن جاسادىق، اتقاردىق، «ءبىر ەل، ەكى ءتۇزىم» امالياتىنىڭ زاڭمەن باسقارۋ قامتاماسىزدىعى اناعۇرلىم پارمەندى بولدى.
اماليات مىنانى دالەلدەدى: جاڭا داۋىردەگى 10 جىلدا ەلىمىزدىڭ نەگىزگى زاڭ ءتۇزىمى قۇرىلىسىندا جانە نەگىزگى زاڭنىڭ اتقارىلۋىن باقىلاۋدا كەلەلى ونىمدىلىككە قول جەتىپ، بۇكىل پارتيانىڭ، بۇكىل قوعامنىڭ نەگىزگى زاڭ تانىمى كورنەكتى جوعارىلاپ، سوتسياليستىك زاڭمەن باسقارۋ قۇرىلىسىندا سۇبەلى تابىستارعا قول جەتتى.
جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ بارىسىندا پارتيامىز تاريحي تاجىريبەلەردى قورىتىندىلاپ جانە قولدانىپ، نەگىزگى زاڭدى جاپپاي دايەكتى اتقارىپ، نەگىزگى زاڭ نازارياسى مەن نەگىزگى زاڭ امالياتىندا جاڭالىق جاراتۋدى باتىلدىقپەن ىلگەرىلەتىپ، كوپتەگەن جاڭا تاجىريبەلەر توپتاپ، ەلىمىزدىڭ نەگىزگى زاڭ ءتۇزىمى قۇرىلىسى جونىندەگى زاڭدىلىق تانىمىن تەرەڭدەتتى.
ءبىرىنشى، ءسوز جوق، جۇڭگو كوممۋنيستىك پارتياسىنىڭ باسشىلىعىندا تاباندى بولۋ كەرەك. ەلىمىزدىڭ نەگىزگى زاڭى جۇڭگو كوممۋنيستىك پارتياسىنىڭ باسشىلىق ورنىن تۇراقتاندىردى، بۇل − ەلىمىز نەگىزگى زاڭىنىڭ ەڭ كورنەكتى ەرەكشەلىگى ءارى ەلىمىز نەگىزگى زاڭىنىڭ جاپپاي دايەكتى اتقارىلۋىنىڭ ءتۇبىرلى كەپىلى. جۇڭگو كوممۋنيستىك پارتياسى عانا جالپى ءۇشىن پارتيا قۇرۋدا، حالىق ءۇشىن بيلىك جۇرگىزۋدە تاباندى بولىپ، دەموكراتيانى تولىق ساۋلەلەندىرىپ، حالىققا باسشىلىق ەتىپ، حالىقتىڭ ەركىن ايگىلەيتىن نەگىزگى زاڭ جاساپ، حالىققا باسشىلىق ەتىپ، نەگىزگى زاڭدى اتقارىپ، ەلىمىزدىڭ نەگىزگى زاڭى دامۋىنىڭ دۇرىس ساياسي بەتالىسىنا كەپىلدىك ەتە الادى.
ەكىنشى، ءسوز جوق، حالىقتىڭ قوجايىن بولۋىندا تاباندى بولۋ كەرەك. پارتيانىڭ حالىققا باسشىلىق ەتىپ نەگىزگى زاڭدى جاساۋداعى جانە اتقارۋداعى ەڭ ءتۇبىرلى ماقساتى − حالىقتىڭ مۇددەسىن قورعاۋ، حالىقتىڭ ەركىن بەينەلەۋ، حالىقتىڭ ۇقىق - مۇددەسىن قامتاماسىز ەتۋ، حالىقتىڭ ىرىس - قۇتىن ارتتىرۋ. پارتيانىڭ باسشىلىعىن، حالىقتىڭ وزىنە - ءوزى قوجايىن بولۋىن، مەملەكەتتى زاڭمەن باسقارۋدى ورگانيكالى ۇشتاستىرۋدا تاباندى بولىپ، جالپى بارىستىق حالىق دەموكراتياسىن دامىتىپ، حالىقتى وزەك ەتكەن دامۋ يدەياسىن زاڭ شىعارۋ، زاڭ اتقارۋ، ءادىليا، زاڭعا بويسۇنۋ بۋىندارىنا ءسىڭىرىپ، ۇقىق، وراي، ەرەجە تەڭدىگىن ايگىلەيتىن زاڭ - ءتۇزىمدى جەدەل كەمەلدەندىرىپ، ازاماتتاردىڭ كىسىلىك ۇقىعىن، مال - مۇلىك ۇقىعىن، ار - نامىس ۇقىعىن جانە نەگىزگى ساياسي ۇقىعىنا قول سۇعىلماۋىن قامتاماسىز ەتىپ، ازاماتتاردىڭ ەكونوميكا، مادەنيەت، قوعام سياقتى جاقتارداعى ۇقىعىنىڭ تياناقتاندىرىلۋىن قامتاماسىز ەتكەندە عانا، زاڭ الدىندا بارلىق ادامنىڭ تەرەزەسى تەڭ بولۋىنا شىنايى كەپىلدىك ەتۋگە بولادى.
ءۇشىنشى، مەملەكەتتى نەگىزگى زاڭمەن باسقارۋدا، بيلىكتى نەگىزگى زاڭ بويىنشا جۇرگىزۋدە تاباندى بولۋ كەرەك. ەلىمىزدىڭ نەگىزگى زاڭى − پارتيامىزدىڭ ۇزاق ۋاقىت بيلىك جۇرگىزۋىنىڭ ءتۇبىرلى زاڭدىق نەگىزى. مەملەكەتتى نەگىزگى زاڭمەن باسقارۋدا، بيلىكتى نەگىزگى زاڭ بويىنشا جۇرگىزۋدە تاباندى بولىپ، پارتيانىڭ جالپى جاعدايدى مەڭگەرۋىن، ءار جاقتى سايكەستىرۋىن حالىق قۇرىلتايى، ۇكىمەت، ساياسي كەڭەس، باقىلاۋ - تەكسەرۋ ورگانى، سوت جۇرگىزۋ ورگانى، پروكۋراتۋرا ورگانىنىڭ زاڭ بويىنشا، ۋستاۆ بويىنشا قىزمەت جۇرگىزۋىمەن، قىزمەت ورىستەتۋىمەن بىرلىككە كەلتىرىپ، پارتيانىڭ حالىققا باسشىلىق ەتىپ نەگىزگى زاڭدى، زاڭداردى جاساۋىن جانە اتقارۋىن پارتيانىڭ نەگىزگى زاڭ مەن زاڭدار كولەمىندە قيمىل جاساۋىندا تاباندى بولۋىمەن بىرلىككە كەلتىرگەندە عانا پارتيانىڭ حالىققا باسشىلىق ەتىپ، مەملەكەتتى زاڭ بويىنشا ۇتىمدى باسقارۋىنا كەپىلدىك ەتۋگە بولادى.
ءتورتىنشى، نەگىزگى زاڭنىڭ مەملەكەتتىڭ ءتۇبىرلى زاڭى بولۋ ورنىندا تاباندى بولۋ كەرەك. نەگىزگى زاڭ پارتيا مەن حالىقتىڭ ءبىر تۇتاس ەركى مەن ورتاق تىلەگىن شوعىرلى بەينەلەيدى، ول − مەملەكەت ەركىنىڭ ەڭ جوعارى بەينەلەنۋ فورماسى، ول تۇبىرلىلىك، جالپى جاعدايلىق، ورنىقتىلىق، ۇزاق ۋاقىتتىق سيپاتقا يە. نەگىزگى زاڭدا مەملەكەتتىڭ كەلەلى ءتۇزىمى مەن كەلەلى ىستەرى بەلگىلەنگەن، مەملەكەت جانە قوعام ومىرىندە جالپىلىق، پرينسيپتىك، باعدارلامالىق، باعىتتامالىق سيپات الادى. نەگىزگى زاڭ − مەملەكەتتىڭ بارلىق زاڭدارىنىڭ، زاڭدىق ەرەجەلەرىنىڭ جالپى نەگىزى، جالپى قاينارى، ەڭ جوعارى زاڭدىق ورىنعا، زاڭدىق بەدەلگە، زاڭدىق كۇشكە يە. نەگىزگى زاڭنىڭ مەملەكەتتىڭ ءتۇبىرلى زاڭى بولۋ ورنىندا تاباندى بولىپ، نەگىزگى زاڭداعى بەلگىلەمەلەردى، پرينسيپتەردى، رۋحتاردى باتىل قورعاعاندا جانە دايەكتىلەندىرگەندە عانا مەملەكەتتىڭ، زاڭ - ءتۇزىمنىڭ، اكىمشىلىك جارلىقتىڭ بىرلىگىنە كەپىلدىك ەتۋگە بولادى.
بەسىنشى، نەگىزگى زاڭدى اتقارۋ مەن باقىلاۋدى تۇزىمدەندىرۋدە، زاڭ - ەرەجەلەندىرۋدە، ءسوز جوق، تاباندى بولۋ كەرەك. نەگىزگى زاڭنىڭ جانى اتقارۋدا، نەگىزگى زاڭنىڭ بەدەلى دە اتقارۋدا. ءسوز جوق، عىلمي، ءونىمدى، جۇيەلى، كەمەلدى ءتۇزىم، زاڭ - ەرەجە جۇيەسى ارقىلى نەگىزگى زاڭنىڭ اتقارىلۋىنا كەپىلدىك ەتىپ، كەمەلدى زاڭدىق ولشەم جۇيەسىن، جوعارى ءونىمدى زاڭمەن باسقارۋدى اتقارۋ جۇيەسىن، زاڭمەن باسقارۋدىڭ قاتاڭ باقىلاۋ جۇيەسىن، پارمەندى زاڭمەن باسقارۋدى قامتاماسىز ەتۋ جۇيەسىن قالىپتاستىرىپ، پارتيا ىشىندەگى كەمەلدى زاڭ - ەرەجە جۇيەسىن قالىپتاستىرىپ، نەگىزگى زاڭدىق باقىلاۋدى كۇشەيتىپ، زاڭمەن باسقارۋ ارناسىندا مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋدى ىلگەرىلەتۋگە، سوتسياليستىك وسىزاماندانعان مەملەكەت قۇرۋعا شىنايى كەپىلدىك ەتۋ كەرەك.
التىنشى، ءسوز جوق، نەگىزگى زاڭنىڭ بەدەلى مەن ابىرويىن قورعاۋدا تاباندى بولۋ كەرەك. نەگىزگى زاڭنىڭ بەدەلىن قورعاعاندىق − پارتيا مەن حالىقتىڭ ورتاق ەركىنىڭ بەدەلىن قورعاعاندىق؛ نەگىزگى زاڭنىڭ ابىرويىن قورعاعاندىق − پارتيا مەن حالىقتىڭ ورتاق ەركىنىڭ ابىرويىن قورعاعاندىق؛ نەگىزگى زاڭنىڭ اتقارىلۋىنا كەپىلدىك ەتكەندىك − حالىقتىڭ ءتۇبىرلى مۇددەسىنىڭ جۇزەگە اسۋىنا كەپىلدىك ەتكەندىك. بۇكىل ەلدەگى ءار ۇلت حالقى، بارلىق مەملەكەت ورگاندارى جانە قارۋلى كۇشتەر، ساياسي پارتيالار جانە قوعامدىق ۇيىمدار، كاسىپورىن، ءىسورىن ۇيىمدارى نەگىزگى زاڭدى، ءسوز جوق، ءتۇبىرلى قيمىل ولشەمى ەتۋى كەرەك ءارى نەگىزگى زاڭنىڭ بەدەلىن قورعاۋعا، نەگىزگى زاڭنىڭ اتقارىلۋىنا كەپىلدىك ەتۋگە مىندەتتى. ءارقانداي ۇيىم مەن جەكەنىڭ نەگىزگى زاڭ مەن زاڭداردان اسىپ تۇسەتىن ەرەكشە ۇقىققا يە بولۋىنا بولمايدى، نەگىزگى زاڭ مەن زاڭدارعا قايشى بارلىق ارەكەتتى، ءسوز جوق، قۋزاۋ كەرەك.
جەتىنشى، ءسوز جوق، داۋىرمەن بىرگە العا باسا وتىرىپ نەگىزگى زاڭدى كەمەلدەندىرۋدە جانە ونى دامىتۋدا تاباندى بولۋ كەرەك. نەگىزگى زاڭ قوندىرما رەتىندە، ءسوز جوق، بازيستىڭ وزگەرىسىنە ۇيلەسىپ، پارتيا مەن حالىق ىستەرىنىڭ تاريحي العا باسۋىن ايگىلەپ، پارتيانىڭ حالىققا باسشىلىق ەتىپ، جۇڭگوشا سوتسياليزم قۇرۋ امالياتىنىڭ دامۋىنا ىلەسە ۇزدىكسىز كەمەلدەنىپ، دامىپ وتىرۋى كەرەك. ءداۋىردىڭ تالابى مەن حالىقتىڭ تىلەگىنە تىعىز ىلەسىپ، زاڭمەن باسقارۋ زاڭدىلىعىنا بويسۇنىپ، نەگىزگى زاڭنىڭ ۇلاسپالىلىعىن، ورنىقتىلىعىن، بەدەلىن ساقتاۋ العى شارتىندا، نەگىزگى زاڭنىڭ جاڭا جاعدايعا ۇزدىكسىز ۇيلەسۋىن، جاڭا تاجىريبەلەردى قابىلداۋىن، جاڭا جەتىستىكتەردى تانۋىن، جاڭا ولشەمدەر شىعارۋىن ىلگەرىلەتكەندە عانا نەگىزگى زاڭنىڭ جالىندى ومىرشەڭدىك كۇشىن ماڭگى ساقتاۋعا بولادى.
پارتيانىڭ 20 - قۇرىلتايى جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرىنىڭ دامۋى جونىندە جان - جاقتى ورنالاستىرۋ جاساپ، مىنانى دارىپتەدى: نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ سىندى قامتاماسىزداندىرۋ رولىن اناعۇرلىم ويداعىداي ساۋلەلەندىرىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك. ءبىز پارتيا 20 - قۇرىلتايىنىڭ رۋحىن دايەكتى تياناقتاندىرىپ، زاڭمەن باسقارۋدىڭ جۇڭگوشا سوتسياليستىك جولىنان اۋىتقىماي، نەگىزگى زاڭ سانالىلىعىن كۇشەيتىپ، نەگىزگى زاڭنىڭ اتقارىلۋىن كۇشەيتىپ، نەگىزگى زاڭ بورىشىن وتەپ، جاڭا داۋىردەگى جۇڭگونىڭ نەگىزگى زاڭ امالياتىنىڭ تىڭ داستانىن جازۋىمىز كەرەك.
ءبىرىنشى، پارتيانىڭ نەگىزگى زاڭ قىزمەتىنە جاپپاي باسشىلىق ەتۋىندە تاباندى بولىپ جانە ونى كۇشەيتىپ، ەلىمىزدىڭ نەگىزگى زاڭ ءتۇزىمىنىڭ كورنەكتى ابزالدىعى مەن ماڭىزدى رولىن اناعۇرلىم ويداعىداي ساۋلەلەندىرۋ كەرەك. ەلىمىزدىڭ نەگىزگى زاڭى − پارتيامىزدىڭ حالىققا باسشىلىق ەتىپ ۇزاق ۋاقىت كۇرەس جۇرگىزۋ تاريحي لوگيكاسىنىڭ، نازاريالىق لوگيكاسىنىڭ، امالياتتىق لوگيكاسىنىڭ تابيعي ناتيجەسى. جۇڭگو كوممۋنيستىك پارتياسىنىڭ باسشىلىعى بولماسا، ەلىمىزدىڭ نەگىزگى زاڭىنىڭ جاپپاي دايەكتىلەنۋىنە جانە ءونىمدى اتقارىلۋىنا كەپىلدىك ەتۋگە بولمايدى.
پارتيانىڭ نەگىزگى زاڭ قىزمەتىنە جاپپاي باسشىلىق ەتۋىندە تاباندى بولىپ جانە ونى كۇشەيتىپ، ەلىمىز نەگىزگى زاڭى دامۋىنىڭ دۇرىس ساياسي بەتالىسىنا شىنايى كەپىلدىك ەتىپ، ەلىمىز نەگىزگى زاڭىنىڭ جاپپاي دايەكتىلەندىرىلۋىنە جانە ءونىمدى اتقارىلۋىنا شىنايى كەپىلدىك ەتىپ، نەگىزگى زاڭنىڭ جۇڭگو كوممۋنيستىك پارتياسىنىڭ باسشىلىعىندا تاباندى بولۋ، حالىقتىڭ قوجايىن بولۋىن قامتاماسىز ەتۋ، رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن جەبەۋ، سوتسياليستىك زاڭمەن باسقارىلاتىن مەملەكەت قۇرىلىسىنىڭ اياق الىسىن ىلگەرىلەتۋ، ادامدىق ۇقىق ىستەرىنىڭ جاپپاي دامۋىن جەبەۋ، مەملەكەتتىڭ تۇتاستىعىن، ۇلتتاردىڭ ىنتىماعىن، قوعامنىڭ جاراسىمدىلىعى مەن ورنىقتىلىعىن قورعاۋ سياقتى جاقتارداعى ماڭىزدى رولىن ويداعىداي ساۋلەلەندىرۋ كەرەك. ساياسي ءتۇزىم سەنىمىن بەكەمدەپ، جۇڭگوشا سوتسياليستىك ساياسي دامۋ جولىنان اۋىتقىماي، جۇڭگوشا سوتسياليستىك تۇزىمدە تاباندى بولىپ جانە ونى كەمەلدەندىرىپ، نەگىزگى زاڭدا بەلگىلەنگەن جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋدا، نەگىزگى زاڭدا بەلگىلەنگەن حالىق دەموكراتياسى ديكتاتۋراسىندىق مەملەكەت قۇرىلىمى مەن حالىق قۇرىلتايى ءتۇزىمىنىڭ بيلىك قۇرىلىمىنان اۋىتقىماۋدا تاباندى بولۋ كەرەك، باسقا ەلدىڭ ۇلگىسى مەن ءادىسىن قاز - قالپىندا كوشىرىپ قولدانۋعا استە بولمايدى.
ەكىنشى، نەگىزگى زاڭنىڭ اتقارىلۋىن مەملەكەتتى باسقارۋ، اكىمشىلىكتى جونگە سالۋدىڭ ءارقايسى جاعىنىڭ تۇتاس بارىسىنا ءسىڭىرىپ، پارتيانىڭ مەملەكەتتى نەگىزگى زاڭمەن باسقارۋ، نەگىزگى زاڭ بويىنشا بيلىك جۇرگىزۋ قۋاتىن ۇزدىكسىز جوعارىلاتۋ كەرەك. نەگىزگى زاڭ − مەملەكەتتى باسقارىپ، ەلدى الاڭسىز ەتۋدىڭ باس ۋستاۆى، پارتيامىزدىڭ مەملەكەتتى باسقارىپ، بيلىك جۇرگىزۋىنىڭ ءتۇبىرلى زاڭدىق نەگىزى، مەملەكەتتىڭ ساياسي جانە قوعامدىق ءومىرىنىڭ ەڭ جوعارى زاڭدىق ولشەمى. پارتيانىڭ مەملەكەتتى نەگىزگى زاڭمەن باسقارۋ، نەگىزگى زاڭ بويىنشا بيلىك جۇرگىزۋ قۋاتىن جوعارىلاتۋدا، ءسوز جوق، نەگىزگى زاڭدى اتقارۋدى «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدىڭ بارلىق امالياتىندا دايەكتىلەندىرىپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسىنىڭ، پارتيانى، مەملەكەتتى، ارميانى باسقارۋدىڭ ءارقايسى سالاسىندا، ءارقايسى جاعىندا دايەكتىلەندىرىپ، مەملەكەتتىڭ ءار جاقتاعى قىزمەتىنىڭ زاڭمەن جونگە سالىنۋىن جاپپاي ىلگەرىلەتۋ كەرەك.
پارتيا حالىققا باسشىلىق ەتىپ نەگىزگى زاڭ مەن زاڭداردى جاساعاندا، ەڭ اۋەلى، نەگىزگى زاڭدى باستاماشىلدىقپەن قاستەرلەۋى جانە اتقارۋى كەرەك. پارتيانىڭ دارىپتەمەسىن زاڭدا بەلگىلەنگەن ءتارتىپ ارقىلى مەملەكەتتىڭ ەركىنە اينالدىرۋعا، پارتيا ۇيىمى كورسەتكەن كانديداتتاردى زاڭدا بەلگىلەنگەن ءتارتىپ ارقىلى مەملەكەتتىڭ اكىميات ورگاندارىنىڭ باسشىلارى ەتىپ جەتىلدىرۋگە، مەملەكەتتىڭ اكىميات ورگاندارى ارقىلى پارتيانىڭ مەملەكەتكە جانە قوعامعا باسشىلىعىن جولعا قويۋدا شەبەر بولۋ كەرەك، مەملەكەتتىڭ بيلىك ورگاندارىنىڭ، اكىمشىلىك ورگاندارىنىڭ، باقىلاۋ - تەكسەرۋ ورگاندارىنىڭ، سوت ورگاندارىنىڭ، پروكۋراتۋرا ورگاندارىنىڭ نەگىزگى زاڭ مەن زاڭدار بويىنشا قىزمەتتى دەربەس جاۋاپتى بولىپ، سايكەسىپ بىركەلكى ورىستەتۋىن قولداۋ كەرەك. نەگىزگى زاڭ مەن زاڭداردى دايەكتىلەندىرۋدى ءار دارەجەلى پارتكومداردىڭ شەشىم جاساۋىنىڭ، شارا قولدانۋىنىڭ تۇتاس بارىسىندا تياناقتاندىرىپ، زاڭ بويىنشا شەشىم جاساۋدا، زاڭ بويىنشا شارا قولدانۋدا تاباندى بولىپ، نەگىزگى زاڭ مەن زاڭدارعا قايشى كەلمەۋدىڭ تومەنگى شەگىن ساقتاپ، شەشىم جاساۋدىڭ، شارا قولدانۋدىڭ تاريح پەن حالىقتىڭ سىنىنان وتۋىنە شىنايى كەپىلدىك ەتۋ كەرەك.
ءۇشىنشى، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن كەمەلدەندىرۋدى جەدەلدەتىپ، زاڭدىق ولشەم جۇيەسىنىڭ جان - جاقتىلىعىن، جۇيەلىلىگىن، سايكەسىمدىلىگىن ۇزدىكسىز كۇشەيتۋ كەرەك. زاڭ بويىنشا زاڭ شىعارۋدا تاباندى بولۋدا، ەڭ ءتۇبىرلىسى، نەگىزگى زاڭ بويىنشا زاڭ شىعارۋدا تاباندى بولىپ، نەگىزگى زاڭداعى بەلگىلەمەلەردى، نەگىزگى زاڭداعى پرينسيپتەردى، نەگىزگى زاڭنىڭ رۋحىن زاڭ شىعارۋ بارىسىندا باتىل دايەكتىلەندىرىپ، ءتۇرلى زاڭداردا، زاڭدىق ەرەجەلەردە ايگىلەۋ كەرەك. بارلىق زاڭداردىڭ، اكىمشىلىك زاڭ - ەرەجەلەردىڭ جانە جەرگىلىكتى زاڭ - ەرەجەلەردىڭ نەگىزگى زاڭعا قايشى كەلۋىنە بولمايدى، نەگىزگى زاڭداعى بەلگىلەمەلەرگە، پرينسيپتەرگە، رۋحقا قايشى كەلەتىن بارلىق زاڭ - بەلگىلەمەلەردى، ءسوز جوق، تۇزەتۋ كەرەك.
زاڭ شىعارۋ ءتۇزىلىسى مەن مەحانيزمىن كەمەلدەندىرىپ، عىلمي زاڭ شىعارۋدى، دەموكراتيالى زاڭ شىعارۋدى، زاڭ بويىنشا زاڭ شىعارۋدى ىلگەرىلەتىپ، زاڭ شىعارۋ، وزگەرىس ەنگىزۋ، كۇشىنەن قالدىرۋ، قۇراستىرۋ جۇمىستارىن ءبىر تۇتاس جوسپارلاپ، زاڭ شىعارۋدىڭ جۇيەلىلىگىن، تۇتاستىعىن، سايكەسىمدىلىگىن، ونىمدىلىگىن كۇشەيتۋ كەرەك. نەگىزگى زاڭنىڭ زاڭ شىعارۋداعى ۇيىتقىلىق رولىن جاپپاي ساۋلەلەندىرىپ، ءاربىر زاڭ شىعارۋ بۋىنىنىڭ نەگىزگى زاڭ وتكەلىن مىقتى يگەرىپ، ءاربىر زاڭ شىعارۋ بۋىنىنىڭ نەگىزگى زاڭنىڭ رۋحىنا ۇيلەسۋىنە، نەگىزگى زاڭنىڭ بەدەلىن ايگىلەۋىنە، نەگىزگى زاڭنىڭ اتقارىلۋىنا كەپىلدىك ەتۋگە قۇلشىنۋ كەرەك. نەگىزگى زاڭنىڭ حالىق قۇرىلتايىنا جانە ونىڭ تۇراقتى كوميتەتىنە جۇكتەگەن مىندەتىن تياناقتاندىرىپ، ونىڭ زاڭ شىعارۋ قىزمەتىندەگى جەتەكشىلىك رولىن ساۋلەلەندىرىپ، حالىقتىڭ زاڭ شىعارۋعا تارتىپپەن قاتىناسۋ ارناسىن كەڭەيتۋ كەرەك. ءتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ شىعارۋدى كۇشەيتىپ، مەملەكەتتى باسقارۋ شۇعىل قاجەت ەتكەن، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىراتىن، مەملەكەت حاۋىپسىزدىگىن قورعاۋ جاعىنان شۇعىل قاجەت بولىپ وتىرعان زاڭ - تۇزىمدەردى اقاۋسىزداندىرىپ، ەلىمىز زاڭىنىڭ شەتەلدەردە قولدانىلۋىنداعى زاڭ جۇيەسى قۇرىلىسىن جەدەلدەتۋ كەرەك. جۇيە كوزقاراسىندا تاباندى بولىپ، زاڭداردى، اكىمشىلىك زاڭ - ەرەجەلەردى، اسكەري زاڭ - ەرەجەلەردى، باقىلاۋ - تەكسەرۋ زاڭ - ەرەجەلەرىن، جەرگىلىكتى زاڭ - ەرەجەلەر جۇيەسىن جاپپاي كەمەلدەندىرىپ، زاڭ جۇيەسىنىڭ اناعۇرلىم عىلمي، كەمەلدى، ءبىر تۇتاس بەدەلدى بولۋىنا مۇمكىندىك جاساپ، مەملەكەتتى زاڭمەن باسقارۋدىڭ بىرلىگىن قورعاۋ كەرەك.
ءتورتىنشى، نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىم جۇيەسىن اقاۋسىزداندىرىپ، نەگىزگى زاڭنىڭ اتقارىلۋ جانە باقىلاۋ دەڭگەيىن ۇزدىكسىز جوعارىلاتۋ كەرەك. نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىم جۇيەسىن اقاۋسىزداندىرۋدا، ءسوز جوق، نەگىزگى زاڭ بەلگىلەمەلەرىن، نەگىزگى زاڭ پرينسيبىن، نەگىزگى زاڭ رۋحىن جاپپاي دايەكتىلەندىرۋدە تاباندى بولىپ، نەگىزگى زاڭدى اتقارۋدى، نەگىزگى زاڭدى ءتۇسىندىرۋدى، نەگىزگى زاڭدىق باقىلاۋدى جۇيەلى ىلگەرىلەتۋدە تاباندى بولىپ، زاڭداردى ارناعا ءتۇسىرۋ جۇيەسىن، زاڭمەن باسقارۋدى اتقارۋ جۇيەسىن، زاڭمەن باسقارۋدى باقىلاۋ جۇيەسىن، زاڭدىق قامتاماسىز ەتۋ جۇيەسىن جانە پارتيا ىشىندەگى زاڭ - ەرەجە جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، نەگىزگى زاڭنىڭ تولىق، دۇرىس، جان - جاقتى دايەكتىلەندىرىلۋىنە شىنايى كەپىلدىك ەتۋ كەرەك. نەگىزگى زاڭنىڭ قاتىستى بەلگىلەمەلەرىن تىكەلەي اتقارۋ قىزمەت مەحانيزمىن كەمەلدەندىرىپ، نەگىزگى زاڭنىڭ ەلەۋلى حاۋىپ - قاتەر مەن سىن - سايىسقا توتەپ بەرۋدەگى، «ءبىر ەل، ەكى ءتۇزىم» باعىتىن دايەكتىلەندىرۋدەگى، وتاننىڭ بىرلىككە كەلۋ اياق الىسىن ىلگەرىلەتۋدەگى، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋداعى ماڭىزدى رولىن تولىق ساۋلەلەندىرۋ كەرەك. نەگىزگى زاڭدىق باقىلاۋ ءتۇزىمىن كەمەلدەندىرىپ، نەگىزگى زاڭدىق باقىلاۋدى جۇيەلىلەندىرۋ، تارتىپتەندىرۋ قۇرىلىسىن ىلگەرىلەتىپ، نەگىزگى زاڭعا ۇيلەسىمدىلىگىن تەكسەرۋ، ەستەلىككە الىپ تەكسەرۋ قۋاتى مەن ساپاسىن جوعارىلاتىپ، نەگىزگى زاڭعا ۇيلەسىمدىلىگىن تەكسەرۋ قىزمەتىن ىلگەرىلەتىپ، نەگىزگى زاڭدى ءتۇسىندىرۋ ءتارتىبى مەحانيزمىن تياناقتاندىرىپ، قوعامداعى ءارقايسى جاق باسا نازار اۋدارعان نەگىزگى زاڭعا ساياتىن ماسەلەلەرگە بەلسەنە جاۋاپ قايتارۋ كەرەك.
بەسىنشى، نەگىزگى زاڭ جونىندەگى نازاريالىق زەرتتەۋدى جانە ۇگىت - تاربيەنى كۇشەيتىپ، جۇڭگونىڭ نەگىزگى زاڭىنىڭ نازاريالىق جانە امالياتتىق يلاندىرۋ قۋاتىن، ىقپالىن ۇزدىكسىز جوعارىلاتۋ كەرەك. نەگىزگى زاڭنىڭ ءتۇپ نەگىزى حالىقتىڭ شىنايى قولداۋىندا، نەگىزگى زاڭنىڭ كۇش - قۋاتى حالىقتىڭ شىنايى سەنىمىنەن تۋىنداعان. ۇگىتتى، تاربيەنى، زەرتتەۋدى بىرگە ىلگەرىلەتۋدە، ءبىلىمدى جالپىلاستىرۋدا، نازاريانى تۇسىندىرۋدە، كوزقاراسقا جەتەكشىلىك ەتەۋدە تاباندى بولىپ، نەگىزگى زاڭنىڭ جۇرت جۇرەگىنە تەرەڭ ۇيالاۋىن، حالىق بۇقاراسىمەن ەتەنە بولۋىن ىلگەرىلەتۋ، نەگىزگى زاڭنىڭ اتقارىلۋىنىڭ جالپى حالىقتىڭ سانالى ارەكەتىنە اينالۋىن ىلگەرىلەتۋ كەرەك.
نەگىزگى زاڭ جونىندەگى ۇگىت - تاربيە قىزمەتىنىڭ جۇلگەسىن كەمەلدەندىرىپ، نەگىزگى زاڭ الدىندا سەرت بەرۋ، نەگىزگى زاڭدى ەسكە ءتۇسىرۋ، مەملەكەتتىڭ سيمۆولى جانە بەلگىسى سياقتى تۇزىمدەردىڭ تاربيەلىك فۋنكتسياسىن تەرەڭدەتىپ، نەگىزگى زاڭ جونىندەگى ۇگىت - تاربيەنىڭ ۇدايىلانۋىن، ۇزاق ۋاقىت ءونىم بەرۋىن ىلگەرىلەتۋ كەرەك. باسشى كادرلار سىندى وسى شەشۋشى ازشىلىقتى، جاستار مەن ورەندەر، توراپكەرلەر سياقتى ءتۇيىندى قاۋىمدى يگەرىپ، نەگىزگى زاڭدى ەسكە ءتۇسىرۋ، نەگىزگى زاڭعا سەرت بەرۋ، نەگىزگى زاڭ وقۋلىعى قۇرىلىسى سياقتى ءتۇيىندى دانەكەرلەردى يگەرىپ، مەكتەپ، الەۋمەتتىك اۋماق، اقپارات قۇرالدارى سياقتى ءتۇيىندى شەپتەردى يگەرىپ، نەگىزگى زاڭ جونىندەگى ۇگىت - تاربيەنى ۇزدىكسىز ىشكەرىلەي ورىستەتۋ كەرەك. زامانىمىزداعى جۇڭگونىڭ نەگىزگى زاڭ تۇزىمىمەن جانە نەگىزگى زاڭ امالياتىمەن ۇشتاستىرىپ، جۇڭگونىڭ نەگىزگى زاڭى نازارياسىن زەرتتەۋدى كۇشەيتىپ، بوگەنايلىق ۇعىم، جاسامپازدىق سيپاتتى كوزقاراستى سۇرىپتاپ، جۇڭگونىڭ نەگىزگى زاڭىنىڭ ءپان جۇيەسى، عىلىم جۇيەسى، ءسوز جۇيەسى قۇرىلىسىن كۇشەيتىپ، جۇڭگونىڭ نەگىزگى زاڭى نازارياسىنىڭ ەلىمىزدىڭ زاڭمەن باسقارۋ تاربيەسىندەگى جەتەكشى ورنىن بەكەمدەۋ كەرەك. جۇڭگونىڭ نەگىزگى زاڭى جونىندەگى حيكايالاردى ويداعىداي بايانداپ، جۇڭگونىڭ نەگىزگى زاڭ ءتۇزىمىنىڭ، نەگىزگى زاڭ نازارياسىنىڭ كورنەكتى ابزالدىعى مەن قۇدىرەتتى ومىرشەڭدىك كۇشىن سەنىمدى، جالىندى تۇردە ۇگىتتەپ، جۇڭگونىڭ نەگىزگى زاڭىن بۇرمالايتىن، قارالايتىن، وعان شابۋىل جاسايتىن بارلىق قاتە ءسوز - ارەكەتتەرمەن ايانباي كۇرەس جۇرگىزۋ كەرەك.
ماۋ زىدۇڭ جولداس جاڭا جۇڭگونىڭ تۇڭعىش نەگىزگى زاڭىن جاساۋعا باسشىلىق ەتكەن كەزدە: «ءبىز قازىر بۇكىل ەل حالقىمەن ىنتىماقتاسىپ، ىنتىماقتاسۋعا بولاتىن جانە ىنتىماقتاسۋعا ءتيىستى بارلىق كۇشتەرمەن ىنتىماقتاسىپ، ۇلى سوتسياليستىك مەملەكەت قۇرۋ جولىندا كۇرەس جۇرگىزۋىمىز كەرەك. بۇل نەگىزگى زاڭ وسى ماقسات ءۇشىن جازىلعان» دەگەن بولاتىن. ءبىز نەگىزگى زاڭدى جاپپاي دايەكتى اتقارىپ، مەملەكەتتى جاپپاي زاڭمەن باسقارۋدى ىلگەرىلەتىپ، زاڭمەن باسقارىلاتىن جۇڭگو قۇرىلىسىن ىلگەرىلەتىپ، جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك!
(شينحۋا اگەنتتىگى، 12 - ايدىڭ 19 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
