ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى
شي جينپيڭ، لي كىچياڭ، لي چياڭ ماڭىزدى ءسوز سويلەدى جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي ماجىلىسكە قاتىناستى
2022.12.19 08:35 كەلۋ قاينارى : شينجياڭ گازەتى
12 - ايدىڭ 15 - كۇنىنەن 16 - كۇنىنە دەيىن ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپ-ى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساۋدى، ەسىك اشۋدى جاپپاي تەرەڭدەتىپ، بازار سەنىمىن بار كۇشپەن سەرپىلتىپ، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ارتۋدى ورنىقتىرۋ، جۇمىستاندىرۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە جاقسى ىستەپ، ەلەۋلى حاۋىپ - قاتەرلەردەن ءونىمدى ساقتانىپ جانە ونى جويىپ، ەكونوميكالىق اينالىمنىڭ تۇتاس تۇلعالىق جاقسارۋىن ىلگەرىلەتىپ، ساپانىڭ ءونىمدى جوعارىلاۋى مەن سانىنىڭ ۇيلەسىمدى ارتۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك.
شينحۋا اگەنتتىگىنىڭ 12 - ايدىڭ 16 - كۇنى بەيجيڭنەن بەرگەن حابارى. ورتالىقتىڭ ەكونوميكالىق قىزمەت ءماجىلىسى 12 - ايدىڭ 15 - كۇنىنەن 16 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. لي كىچياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ ماڭىزدى سوزىندە 2022 - جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2023 - جىلعى ەكونوميكالىق قىزمەتتى ورنالاستىردى. لي كىچياڭ كەلەر جىلعى ەكونوميكالىق قىزمەت جونىندە ورنالاستىرۋ جاسادى. لي چياڭ قورىتىندى ءسوز سويلەدى.
ءماجىلىس بىلاي دەپ قارادى: بيىل پارتيا مەن مەملەكەت تاريحىنداعى ايرىقشا ماڭىزدى ءبىر جىل بولدى. ءبىز پارتيانىڭ 20 - قۇرىلتايىن جەڭىسپەن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن كەسكىندەدىك. اساۋ تولقىندى حالىقارالىق ورتا جانە جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ءار ۇلت حالقى قيىندىققا قارسى اتتانىپ، قايراتتانا العا ىلگەرىلەپ، ەل ءىشى - حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق رەتتەۋ - مەڭگەرۋ تەبىنىن ارتتىرىپ، مەجەدەن اسىپ كەتكەن فاكتورلاردىڭ سوققىسىنا توتەپ بەردى، دامۋ ساپاسى ورنىقتى جوعارىلاپ، عىلىم - تەحنيكادا جاڭالىق اشۋ جەتىستىگى قوماقتى بولىپ، رەفورما جاساۋ، ەسىك اشۋ جاپپاي تەرەڭدەپ، جۇمىستانۋ، زات باعاسى نەگىزىنەن تۇراقتى بولىپ، استىق حاۋىپسىزدىگى، ەنەرگيا حاۋىپسىزدىگى جانە حالىق تۇرمىسى ءونىمدى قامتاماسىز ەتىلىپ، ەكونوميكالىق، قوعامدىق كەلەلى جاعداي ورنىقتىلىقتى ساقتادى. بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن ءساتتى وتكىزدىك. ناتيجە وڭاي - وسپاق كەلمەدى، بارىنشا قاستەرلەۋگە تاتيدى.
ءماجىلىس مىنالاردى اتاپ كورسەتتى: كەزەكتە ەلىمىز ەكونوميكاسىنىڭ قالپىنا كەلۋ نەگىزى ءالى دە بەكەم ەمەس، سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىم ءالى دە ءبىرشاما زور، سىرتقى ورتا اۋمالى - توكپەلى بولىپ، ەلىمىزدىڭ ەكونوميكاسىنا جەتكىزگەن ىقپالى تەرەڭدەدى. الايدا، ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى ەكەندىگىن، ءتۇرلى ساياساتتاردىڭ ونىمدىلىگى ءۇرتىس كورنەكتى بولعاندىعىن، كەلەر جىلعى ەكونوميكالىق اينالىمنىڭ جالپى تۇلعالىق جاقتان قايتا ورلەۋىنەن ءۇمىت بار ەكەندىگىن كورە ءبىلۋ كەرەك. ەكونوميكالىق قىزمەتتى ويداعىداي ىستەۋ سەنىمىن بەكەمدەۋ كەرەك.
ءماجىلىس بىلاي دەپ قارادى: وتكەن 5 جىل − اسا وزگەشە، وتە ەرەكشە 5 جىل بولدى، ءبىز دۇنيە ءجۇزى وزگەرىس جاعدايىنىڭ جەدەل قۇبىلۋى، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى، ەل ءىشى ەكونوميكاسىنىڭ تومەندەۋى سياقتى كوپتەگەن سىناقتاردان سۇرىنبەي ءوتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعادىق، ەلىمىزدىڭ ەكونوميكا كەمەسى تولقىن جارىپ العا تارتتى. جاڭا داۋىردەگى 10 جىل − ەلىمىز ەكونوميكالىق، قوعامدىق دامۋدا تاريحي ناتيجەگە قول جەتكىزگەن، تاريحي وزگەرىس تۋىلعان، جوعارى ساپالى دامۋعا بۇرىلىس جاساعان 10 جىل بولدى. ءبىز مۇلدەم كەدەيلىك ماسەلەسىن تاريحي سيپاتتى شەشتىك، ءدال ۋاعىندا جاپپاي دوڭگەلەك داۋلەتتى قوعام ورناتتىق، ەلىمىزدىڭ دامۋى جاڭا دا اناعۇرلىم بيىك تاريحي باستاماعا تابان تىرەدى.
ءماجىلىس مىنالاردى اتاپ كورسەتتى: ەكونوميكالىق قىزمەتتى ويداعىداي ىستەۋدە، ءسوز جوق، پارتيانىڭ جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ؛ دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى، دامۋ، ءسوز جوق، جوعارى ساپالى دامۋ بولۋى كەرەك دەگەنگە تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ؛ ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، شىندىقتى ءىس جۇزىنەن ىزدەۋگە، زاڭدىلىققا قۇرمەت ەتۋگە، جۇيە كوزقاراسىنا، تومەنگى شەكتە ويلاۋعا تاباندى بولىپ، امالياتتى ءتۇرلى ساياسات پەن قىزمەت ونىمدىلىگىن سىننان وتكىزەتىن ولشەم ەتۋ؛ سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، سوتسياليستىك بازار شارۋاشىلىعى رەفورماسى بەتالىسىنا تاباندى بولىپ، ”ەكىدەن تيتتەي دە اۋىقتىماۋعا“ تاباندى بولۋ؛ جوعارى دەڭگەيدە سىرتقا ەسىك اشۋدى ىلگەرىلەتۋگە تاباندى بولىپ، ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتۋ؛ ەكونوميكالىق دامۋدىڭ زاڭمەن باسقارۋ ارناسىندا جۇرگىزىلۋىن ىلگەرىلەتۋگە تاباندى بولىپ، مۇلىك ۇقىعى مەن ءبىلىم مەنشىك ۇقىعىن زاڭ بويىنشا قورعاپ، شارت رۋحىنا بويسۇنىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن قالىپتاستىرۋ كەرەك.
ءماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساۋدى، ەسىك اشۋدى جاپپاي تەرەڭدەتىپ، بازار سەنىمىن بار كۇشپەن سەرپىلتىپ، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ارتۋدى ورنىقتىرۋ، جۇمىستاندىرۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە جاقسى ىستەپ، ەلەۋلى حاۋىپ - قاتەرلەردەن ءونىمدى ساقتانىپ جانە ونى جويىپ، ەكونوميكالىق اينالىمنىڭ تۇتاس تۇلعالىق جاقسارۋىن ىلگەرىلەتىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك.
ءماجىلىس مىنالاردى تالاپ ەتتى: كەلەر جىلى ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ماكرولىق ساياساتتى رەتتەۋ - مەڭگەرۋ تەبىنىن ارتتىرىپ، ءتۇرلى ساياساتتاردىڭ سايكەسۋىن، ۇيلەسۋىن كۇشەيتىپ، جوعارى ساپالى دامۋدى بىرگە جەبەيتىن بىرىككەن كۇش قالىپتاستىرۋ كەرەك.
بەلسەندى قازىنا ساياساتىندا كۇش ۇستەپ، ونىمدىلىكتى جوعارىلاتۋ كەرەك. قاجەتتى قازىنالىق شىعىستىڭ كۇشەمەلىلىگىن ساقتاپ، قىزىل سيفر، ارناۋلى قارىز، ءوسىمىن كوتەرۋ سياقتى قۇرالداردى ساپالىلاندىرىپ، بىرىكتىرىپ، جوعارى ساپالى دامۋدى ءونىمدى قولداۋ بارىسىندا قازىنانىڭ باياندى بولۋىنا جانە جەرگىلىكتى ۇكىمەتتەردىڭ قارىز حاۋىپ - قاتەرىن مەڭگەرۋگە كەپىلدىك ەتۋ كەرەك. ورتالىقتىڭ جەرگىلىكتى ورىندارعا قاراتقان وتكەرمەلەپ تولەۋ تەبىنىن ارتتىرىپ، قازىنا كۇشىن تومەنگە ءتۇسىرۋدى ىلگەرىلەتىپ، نەگىزگى ساتىنىڭ ”ءۇشتى قامتاماسىز ەتۋ“ قىزمەتىن ويداعىداي ىستەۋ كەرەك.
ورنىقتى، اقاۋسىز اقشا ساياساتى دالمە - ءدال، پارمەندى بولۋى كەرەك. اينالىمنىڭ ۇيلەسىمدى، جەتكىلىكتى بولۋىن ساقتاپ، كەڭ ماعىناداعى اقشامەن قامداۋ مولشەرىن جانە قوعامدىق قارجى قۇراۋ كولەمىنىڭ ارتۋ قارقىنىن اتامالى ەكونوميكانىڭ ارتۋ قارقىنىمەن، نەگىزىنەن، سايكەسىمدى بولۋىن ساقتاپ، فينانس قۇرىلىمدارىن شاعىن، ۇساق كاسىپورىندار، عىلىم - تەحنيكادا جاڭالىق اشۋ، جاسىل دامۋ سياقتى سالالارعا قاراتىلعان قولداۋ تەبىنىن ارتتىرۋعا جەتەكتەۋ كەرەك. حالىق اقشاسى سىندىرىلىمىنىڭ ۇيلەسىمدى، بىركەلكى دەڭگەيدەگى نەگىزگى ورنىقتىلىعىن ساقتاپ، فينانستىڭ ورنىقتىلىعىن قامتاماسىز ەتۋ جۇيەسىن كۇشەيتۋ كەرەك.
كاسىپ سالاسى ساياساتىندا دامۋ مەن حاۋىپسىزدىكتى قاتار جۇرگىزۋ كەرەك. كاسىپ سالاسى ساياساتىن اتقارۋ ءتاسىلىن ساپالىلاندىرىپ، ءداستۇرلى كاسىپ سالاسىن جاڭالاپ، دارەجەسىن جوعارىلاتۋدى جانە ستراتەگيالىق جاڭادان گۇلدەنگەن كاسىپ سالاسىن جەتىلدىرۋدى، زورايتۋدى مىقتاپ يگەرىپ، كاسىپ سالاسى تىزبەگىنىڭ ءالسىز بۋىندارىن كۇش سالا تولىقتاپ، كۇشەيتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىسانا - مىندەتتەرىن تياناقتاندىرۋ بارىسىندا جاڭا كاسىپ سالاسىنىڭ باسەكە باسىمدىعىن تۇلعالاۋ كەرەك. ”عىلىم - تەحنيكا − كاسىپ سالاسى − فينانستىڭ“ ۇتىمدى اينالىمىن ىلگەرىلەتۋ كەرەك.
عىلىم - تەحنيكا ساياساتىندا نازاردى ءوز كۇشىنە سۇيەنۋگە، ءوزىن الۋەتتەندىرۋگە شوعىرلاندىرۋ كەرەك. وقۋ - اعارتۋ، عىلىم - تەحنيكا، دارىندىلار قىزمەتىن پارمەندى تۇردە ءبىر تۇتاس جوسپارلاۋ كەرەك. ءبىر توپ مەملەكەتتىك كەلەلى عىلىم - تەحنيكا نىساندارىن ورنالاستىرىپ، اتقارىپ، بۇكىل مەملەكەت بويىنشا جۇمىلاتىن جاڭاشا ءتۇزىلىستى اقاۋسىزداندىرىپ، ۇكىمەتتىڭ شەشۋشى، وزەكتى تەحنيكالاردان قامال الۋ بارىسىنداعى ۇيىمداستىرۋ رولىن ويداعىداي ساۋلەلەندىرىپ، كاسىپورىنداردىڭ عىلىم - تەحنيكادا جاڭالىق اشاتىن نەگىزگى تۇلعالىق ورنىن كورنەكتىلەندىرۋ كەرەك. دارىندىلاردى دەربەس جەتىلدىرۋ ساپاسى مەن قابىلەتىن جوعارىلاتىپ، جوعارى دەڭگەيلى دارىندىلاردى جەدەل ەنگىزۋ كەرەك.
قوعامدىق ساياساتتا حالىق تۇرمىسىنىڭ تومەنگى شەگىن مىقتاپ ساقتاۋ كەرەك. جۇمىستاندىرۋدى الدىمەن ويلاسۋ ساياساتىن ناقتى، ەگجەي - تەگجەيلى تياناقتاندىرىپ، جاستاردى، اسىرەسە، جوعارى مەكتەپ بىتىرگەن وقۋشىلاردى جۇمىستاندىرۋ قىزمەتىن جەبەۋدى اناعۇرلىم كورنەكتى ورىنعا قويۋ كەرەك. قۇرىلىمدىق زات باعاسى جوعارىلاۋىنىڭ ءىشىنارا قيىنشىلىعى بار بۇقاراعا اكەلگەن ىقپالىن دەر كەزىندە ءونىمدى باسەيتۋ كەرەك. تىڭنان جۇمىستانعان كۇيدەگى ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتىپ، زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ورنىقتى ىلگەرىلەتۋ كەرەك. ساپالى ەمدەۋ بايلىعىنىڭ اياسىن كەڭەيتىپ، تومەنگە ءتۇسىرۋدى جانە وڭىرلەردە بىركەلكى ورنالاستىرۋدى ىلگەرىلەتۋ كەرەك. تۋىتتى قولداۋ ساياسات جۇيەسىن كەمەلدەندىرىپ، زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ ساياساتىن اۋقىمعا ساي اتقارىپ، جان سانىنىڭ قارتتانۋىنا، بالالى بولۋدىڭ ازايۋىنا بەلسەنە توتەپ بەرۋ كەرەك.
ءماجىلىس مىنالاردى باسا دارىپتەدى: كەلەر جىلى ەكونوميكالىق دامۋدا ءدوپ كەلەتىن قيىنشىلىقتار، سىن - سايىستار وتە كوپ، جۇيە كوزقاراسىنا، تۋراشىلدىقتان اينىماي جاڭالىق اشۋعا تاباندى بولۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، جاعدايعا، اۋقىمعا قاراي ىندەتتەن ساقتانۋ - تىزگىندەۋ شاراسىن ساپالىلاندىرىپ، جاڭا كەزەڭدەگى ىندەتتەن ساقتانۋ - تىزگىندەۋ شارالارىن مۇقيات تياناقتاندىرىپ، بۇقارانىڭ ەمدەلۋىن، ءدارى - دارمەكتەن پايدالانۋىن ويداعىداي قامتاماسىز ەتىپ، قارتتار مەن نەگىزدىك اۋرۋعا شالدىققان قاۋىمنىڭ ساقتانۋ - تىزگىندەۋىن ءتۇيىندى تۇردە ويداعىداي يگەرىپ، سالاماتتىقتى قامتاماسىز ەتۋگە، سالماقتى اۋرۋدان ساقتانۋعا كۇش سالۋ كەرەك. ەكونوميكا ساپاسىنىڭ ءونىمدى جوعارىلاۋى مەن ساننىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاپ، ساپا ارقىلى جەڭىسكە جەتۋ، سان وزگەرىسىندەگى قوردالانۋ ارقىلى ساپا وزگەرىسىن جۇزەگە اسىرۋعا تاباندى بولۋ كەرەك. قامداۋ جاعىنداعى قۇرىلىمدىق رەفورمانى جانە ىشكى سۇرانىستى كەڭەيتۋدى اناعۇرلىم ويداعىداي ءبىر تۇتاس جوسپارلاپ، جوعارى ساپالى قامداۋ ارقىلى ءونىمدى سۇرانىس شىعارىپ، كوپ ءتۇرلى ءتاسىل جانە ارنا ارقىلى ىشكى سۇرانىستى كەڭەيتۋگە قولداۋ كورسەتۋ كەرەك. ەكونوميكا ساياساتى مەن باسقا دا ساياساتتاردى اناعۇرلىم ويداعىداي ءبىر تۇتاس جوسپارلاپ، جالپى جاعداي كوزقاراسىن كۇشەيتىپ، ماكرولىق ساياسات بەتالىسىنىڭ ءبىرىڭعايلىعىن باعالاۋدى كۇشەيتۋ كەرەك. ەل ءىشى اينالىمى مەن حالىقارالىق اينالىمدى اناعۇرلىم ويداعىداي ءبىر تۇتاس جوسپارلاپ، جاڭا دامۋ ارناسىن قالىپتاستىرۋدى ارقاۋ ەتىپ، ەل ءىشى ۇلكەن اينالىمىنداعى ىشكى قوزعاۋشى كۇش پەن سەنىمدىلىكتى كۇشەيتىپ، حالىقارالىق اينالىمنىڭ ساپاسى مەن دەڭگەيىن جوعارىلاتۋ كەرەك. قازىرگى مەن ۇزاق بولاشاقتى اناعۇرلىم ويداعىداي ءبىر تۇتاس جوسپارلاۋ، ءارى كەزەكتەگى قىزمەتتى ويداعىداي ىستەۋ، ءارى بۇدان كەيىنگى دامۋمەن ويداعىداي ۇشتاستىرۋ كەرەك.
ءماجىلىس مىنالاردى اتاپ كورسەتتى: كەلەر جىلعى ەكونوميكالىق قىزمەت كۇردەلى بولادى، ستراتەگيالىق جالپى جاعدايدى شىعار ءتۇيىن ەتىپ، قوعامدىق پسيحيكالىق مەجەنى جاقسارتۋدان، دامۋ سەنىمىن سەرپىلتۋدەن كىرىسىپ، قىزمەتتەردى ارقاۋدى نەگىز ەتە وتىرىپ جاقسى ىستەۋ كەرەك.
ءبىرىنشى، ىشكى سۇرانىستى كۇش سالا كەڭەيتۋ. تۇتىنۋدى قالپىنا كەلتىرۋ مەن كەڭەيتۋدى الدىڭعى ورىنعا قويۋ كەرەك. تۇتىنۋ قۋاتىن كۇشەيتىپ، تۇتىنۋ شارت - جاعدايىن جاقسارتىپ، تۇتىنۋ جاعدايىندا جاڭالىق اشۋ كەرەك. قالا، اۋىل تۇرعىندارىنىڭ كىرىسىن كوپ ارنامەن ارتتىرىپ، تۇرعىن ءۇيدى جاقسارتۋ، جاڭا ەنەرگيالىق اۆتوكولىك، زەينەتكەرلىككە قىزمەت وتەۋ سياقتى تۇتىنۋلارعا قولداۋ كورسەتۋ كەرەك. ۇكىمەتتىك قارجى قوسۋ مەن ساياساتتىق ىنتالاندىرۋ ارقىلى تۇتاس قوعامدىق قارجى قوسۋدى ءونىمدى جەتەكتەپ، ”14 - بەسجىلدىق“ ءىرى ينجەنەريالاردى جەدەل اتقارىپ، وڭىرلەر اراسىنداعى نەگىزدىك قۇرىلعىلاردىڭ ۇلاسۋىن كۇشەيتۋ كەرەك. ساياساتتىق فينانس جاعىندا مەملەكەتتىڭ دامۋ جوباسىنا ۇيلەسەتىن ءىرى نىسانداردىڭ قارجى قۇراۋىنا قولداۋ كورسەتۋدى ارتتىرۋ كەرەك. ءتىپتى دە كوپ حالىقتىق كاپيتالدى مەملەكەتتىڭ ءىرى ينجەنەريالارىنا جانە ولقىلىقتاردى تولىقتاۋ نىساندارى قۇرىلىسىنا قاتىناسۋعا شابىتتاندىرۋ جانە باۋراۋ كەرەك. ەكسپورتتىڭ ەكونوميكا جونىنەن تىرەكتىك رولىن ۇزدىكسىز ساۋلەلەندىرىپ، وزىق تەحنيكا، ماڭىزدى جابدىق، ەنەرگيا بايلىعى سياقتى ونىمدەر يمپورتىن بەلسەندىلىكپەن كەڭەيتۋ كەرەك.
ەكىنشى، وسىزاماندانعان كاسىپ سالاسى جۇيەسىن جەدەل قۇرۋ. جاساۋ كاسىبىندەگى ءتۇيىندى كاسىپ سالاسى تىزبەگىن توڭىرەكتەي وتىرىپ، شەشۋشى، وزەكتى تەحنيكالار مەن ۇساق بولشەكتەردەگى ءالسىز بۋىنداردى ءداپ باسىپ تاۋىپ، ساپالى بايلىقتى شوعىرلاندىرىپ كۇش بىرىكتىرە قامال الىپ، كاسىپ سالاسى جۇيەسىندە ءوز كۇشىنە سۇيەنۋگە، مەڭگەرە الۋعا جانە حاۋىپسىز، سەنىمدى بولۋعا كەپىلدىك ەتىپ، حالىق شارۋاشىلىعى اينالىمىنىڭ ىركىلىسسىزدىگىنە شىنايى كەپىلدىك ەتۋ كەرەك. ماڭىزدى ەنەرگيا، كەن ونىمدەرى بايلىقتارىن ەل ىشىندە بارلاپ اشۋدى جانە قورىن مولايتىپ، ءونىمىن جوعارىلاتۋدى كۇشەيتىپ، جاڭاشا ەنەرگيا جۇيەسىن جەدەل جوسپارلاپ قۇرىپ، مەملەكەتتىڭ ستراتەگيالىق زاتتىق ماتەريالدار زاپاسىن قامتاماسىز ەتۋ قابىلەتىن جوعارىلاتۋ كەرەك. جاڭا كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىن اتقارۋ كەرەك. ءداستۇرلى كاسىپ سالالارىنىڭ الەمدىك كاسىپ سالاسى جۇمىس بولىسىندەگى ورنى مەن باسەكەلىك قۋاتىن جوعارىلاتىپ، جاڭا ەنەرگيا، جاساندى زەردە، بيولوگيالىق جاساۋ، جاسىل، تومەن كومىر قىشقىل گاز، كۆانتتىق ەسەپتەۋ سياقتى وزىق تەحنيكالاردى زەرتتەپ اشۋ مەن قولدانۋدى، جالپىلاستىرۋدى جەدەلدەتۋ كەرەك. سيفرلى ەكونوميكانى زور كۇشپەن دامىتىپ، ۇدايىلانعان باقىلاۋ - باسقارۋ ورەسىن جوعارىلاتىپ، تۇعىر كاسىپورىندارىنىڭ دامۋعا جەتەكشىلىك ەتۋدە، جۇمىس ورىندارىن جاراتۋدا، حالىقارالىق باسەكەدە ءوز ونەرلەرىن ايگىلەۋىنە قولداۋ كورسەتۋ كەرەك. الەمدىك كاسىپ سالاسى قۇرىلىمى مەن ورنالاسۋىنىڭ رەتتەلۋى بارىسىندا تۋىلعان جاڭا ورايلاردى مىقتاپ يگەرىپ، جاڭا الاپ اشۋعا، جاڭا باسەكە جولىندا جەڭىپ شىعۋعا باتىل بولۋ كەرەك.
ءۇشىنشى، ”ەكىدەن تيتتەي دە اۋىتقىماۋدى“ شىنايى تياناقتاندىرۋ. قوعامدا ءبىزدىڭ ”ەكىدەن تيتتەي دە اۋىتقىماۋعا“ تاباندى بولاتىن - بولمايتىنىمىز جونىندەگى قاتە سوزدەرگە قاراتا، ءسوز جوق، ايقىن پوزيتسيا ءبىلدىرۋ، ەشقانداي ءدۇدامال بولماۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتۋ كەرەك. تۇرگە ايىرۋ رەفورما بەتالىسىنا تاباندى بولىپ، مەملەكەت مەنشىگىندەگى كاسىپورىنداردىڭ ەكونوميكالىق جاۋاپكەرشىلىگى مەن قوعامدىق جاۋاپكەرشىلىگىنىڭ قاتىناسىن ويداعىداي ءبىر جاقتى ەتۋ كەرەك. جۇڭگوشا ەرەكشەلىكتەگى مەملەكەت مەنشىگىندەگى كاسىپورىنداردى وسى زامانعى سەرىكتەستىك بويىنشا باسقارۋدى كەمەلدەندىرىپ، بازارلانعان مەحانيزم بويىنشا شىنايى جۇمىس جۇرگىزۋ كەرەك. مەملەكەت مەنشىگىندەگى كاسىپورىندار مەن حالىقتىق كاسىپورىندارعا تەڭ مامىلە جاساۋ تالابىن تۇزىمدىك جانە زاڭدىق جاقتان تياناقتاندىرىپ، حالىقتىق شارۋاشىلىق پەن حالىقتىق كاسىپورىنداردىڭ دامۋىنا، زورايۋىنا ساياسات جانە قوعامدىق پىكىر جاعىنان شابىت بەرىپ، قولداۋ كورسەتۋ كەرەك. حالىقتىق كاسىپورىنداردىڭ مال - مۇلىك ۇقىعى مەن كاسىپكەرلەردىڭ ۇقىق - مۇددەسىن زاڭ بويىنشا قورعاۋ كەرەك. ءار دارەجەلى باسشى كادرلار حالىقتىق كاسىپورىنداردىڭ قيىنشىلىعىن شەشىپ، ولار ءۇشىن ناقتى ءىس ىستەپ، ەتەنە، كىرشىكسىز ۇكىمەت - ساۋدا قاتىناسىن ورناتۋى كەرەك.
ءتورتىنشى، شەتەل كاپيتالىن اناعۇرلىم زور سەرپىنمەن باۋراۋ جانە ونان پايدالانۋ. جوعارى دەڭگەيدە سىرتقا ەسىك اشۋدى ىلگەرىلەتىپ، ساۋدا، قارجى قوسۋ سەلبەستىكتەرىنىڭ ساپاسى مەن دەڭگەيىن جوعارىلاتۋ كەرەك. بازارعا كىرۋگە رۇقسات ەتۋدى كەڭەيتىپ، وسى زامانعى قىزمەت وتەۋ كاسىبى سالاسىندا ەسىك اشۋ سەرپىنىن ارتتىرۋ كەرەك. شەتەل قارجىلاندىرعان كاسىپورىنداردىڭ ازاماتتىق مامىلەسىن ويداعىداي تياناقتاندىرىپ، شەتەل قارجىلاندىرعان كاسىپورىنداردىڭ ۇكىمەتتىك ساتىپ الۋعا، مەردىگەرلىككە شاقىرۋعا، مەردىگەر بولۋعا، ولشەم جاساۋعا زاڭ بويىنشا تەپە - تەڭ ات سالىسۋىن قامتاماسىز ەتىپ، ءبىلىم مەنشىك ۇقىعى مەن شەتەل ساۋداگەرلەرىنىڭ قارجى قوسۋداعى زاڭدى ۇقىق - مۇددەسىن قورعاۋ سەرپىنىن ارتتىرۋ كەرەك. جان - جاقتى جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمى جانە سيفرلى ەكونوميكا سەرىكتەستىك قارىم - قاتىناس كەلىسىمى سياقتى جوعارى ولشەمدى ەكونوميكا - ساۋدا كەلىسىمدەرىنە كىرۋدى بەلسەندىلىكپەن ىلگەرىلەتىپ، قاتىستى ەرەجە، بەلگىلەمە، باسقارۋ، ولشەمدەرگە ىرىقتى تۇردە تۋرالانىپ، ەل ىشىندەگى قاتىستى سالالارداعى رەفورمانى تەرەڭدەتۋ كەرەك. شەتەل ساۋداگەرلەرىنىڭ جۇڭگوعا كەلىپ ساۋدامەن، قارجى قوسۋمەن شۇعىلدانۋ جونىندە كەلىسسوز جۇرگىزۋىنە ەڭ زور دارەجەدە قولايلىلىق تۋدىرىپ، شەتەل قارجىلاندىرعان نىشاندىق نىسانداردىڭ ىرگە تەۋىپ سالىنۋىن جەبەۋ كەرەك.
بەسىنشى، ەلەۋلى ەكونوميكا، فينانس حاۋىپ - قاتەرلەرىنەن ءونىمدى ساقتانۋ جانە ولاردى جويۋ. قورا - جاي بازارىنىڭ ورنىقتى دامۋىنا شىنايى كەپىلدىك ەتىپ، قابات ۇيلەردى تاپسىرۋعا كەپىلدىك ەتۋ، حالىق تۇرمىسىنا كەپىلدىك ەتۋ، ورنىقتىلىققا كەپىلدىك ەتۋ قىزمەتتەرىن تىڭعىلىقتى، ويداعىداي ىستەپ، كاسىپتەردىڭ لايىقتى قارجى قۇراۋ قاجەتىن قاناعاتتاندىرىپ، كاسىپتەردىڭ قايتا ۇيىمداسۋىن، بىرىگۋىن ىلگەرىلەتىپ، ساپالى، باستاماشى قورا - جاي كاسىپورىندارىنىڭ حاۋىپ - قاتەرىنەن ءونىمدى ساقتانىپ جانە ونى جويىپ، مال - مۇلىك جانە بەرەشەك جاعدايىن جاقسارتۋ، سونىمەن بىرگە زاڭعا قايشى قىلمىستىق ارەكەتتەرگە باتىل تۇردە زاڭ بويىنشا سوققى بەرۋ كەرەك. قالاعا قاراي شارا قولدانىپ، قاجەتتى جانە تۇرمىستى جاقسارتۋ سيپاتتى تۇرعىن ءۇي سۇرانىسىنا قولداۋ كورسەتىپ، جاڭا قالا تۇرعىندارى، جاستار سياقتىلاردىڭ تۇرعىن ءۇي ماسەلەسىن ويداعىداي شەشىپ، ءۇيدى ۇزاق ۋاقىت جالعا بەرۋ بازارى قۇرىلىسى جونىندە ىزدەنىس جاساۋ كەرەك. ءۇي ساۋدالاۋعا ەمەس، تۇرۋعا ارنالعان دەگەن ورىن تۇراقتاندىرۋعا تاباندى بولىپ، قورا - جاي كاسىپ سالاسىنىڭ جاڭا دامۋ ۇلگىسىنە قاراي ورنىقتى ءوتۋىن ىلگەرىلەتۋ كەرەك. فينانس حاۋىپ - قاتەرىنەن ساقتانىپ جانە ونى جويىپ، ءار جاقتىڭ جاۋاپكەرشىلىگىن قاتايتىپ، وڭىرلىك، جۇيەلىك فينانس حاۋىپ - قاتەرىنىڭ قالىپتاسۋىنان ساقتانۋ كەرەك. پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن كۇشەيتۋ كەرەك. جەرگىلىكتى ۇكىمەتتەردىڭ قارىز حاۋىپ - قاتەرىنەن ساقتانىپ جانە ونى جويىپ، مولشەرىنىڭ ارتۋىن باتىل تەجەۋ، ساقتالىمدى جويۋ كەرەك.
ءماجىلىس مىنالاردى اتاپ كورسەتتى: اۋىل - قىستاقتى گۇلدەندىرۋدى جان - جاقتى ىلگەرىلەتىپ، كولەمدى قايتا كەدەيلەسۋدىڭ تۋىلۋىنان باتىل ساقتانۋ كەرەك. جاڭا كەزەكتى رەفورمانى جاپپاي تەرەڭدەتۋدى جوسپارلاۋ كەرەك. ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن جەبەۋ كەرەك. وڭىرلىك كەلەلى ستراتەگيا مەن وڭىرلىك سايكەستى دامۋ ستراتەگياسىن ىشكەرىلەي اتقارۋ كەرەك. ەكونوميكالىق، قوعامدىق دامۋدىڭ جاسىلعا ويىسۋىن ىلگەرىلەتىپ، كومىر قىشقىل گازىنىڭ شىعارىلۋىن ازايتۋدى، لاستانۋدى ازايتۋدى، جاسىلدى كەڭەيتۋدى، ارتتىرۋدى سايكەستى ىلگەرىلەتىپ، كورىكتى جۇڭگو قۇرۋ كەرەك.
ءماجىلىس مىنالاردى باسا دارىپتەدى: وسىنشاما زور ەكونوميكالىق تۇلعامىز جونىنەن ايتقاندا، ەكونوميكانىڭ ورنىقتى اينالىمىن ساقتاۋ توتەنشە ماڭىزدى. ارتۋدى ورنىقتىرۋعا، جۇمىستانۋدى ورنىقتىرۋعا، زات باعاسىن ورنىقتىرۋعا كۇش سالىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. بازار تۇلعالارىنىڭ قاجەتىن ارقاۋ ەتىپ شارا قولدانۋعا ءمان بەرىپ، ساياساتتى اتقارۋ ءتاسىلىن كەمەلدەندىرىپ، ۋاقىت ونىمدىلىگى مەن دالدىگىن كۇشەيتۋ كەرەك. رەفورمانى تاباندىلىقپەن تەرەڭدەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق كۇشىن ونان ارى قاۋلاتۋ كەرەك. بازار زاڭدىلىعىنا قۇرمەت ەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، ءتۇرلى مەنشىكتەگى كاسىپورىندارعا بىردەي مامىلە جاساۋ كەرەك. ناقتى ەكونوميكانى كۇش سالا دامىتىپ، جاڭالىق اشۋعا سۇيەنە وتىرىپ دامۋدىڭ جاڭا قوزعاۋشى قۋاتىن جەتىلدىرۋ، زورايتۋ كەرەك. ءداستۇرلى كاسىپ سالالارىن جاڭارتىپ، دارەجەسىن جوعارىلاتۋدى جەبەپ، ستراتەگيالىق، جاڭادان گۇلدەنگەن كاسىپ سالالارى مەن وسى زامانعى قىزمەت وتەۋ كاسىپتەرىنىڭ دامۋىنا قولداۋ كورسەتىپ، جالپى جۇرت شارۋاشىلىق قۇرۋ، كوپ بولىپ جاڭالىق اشۋدىڭ تەرەڭدەي دامۋىن جەبەپ، تۇتاس قوعامنىڭ جاڭالىق اشۋ، جاسامپازدىق جاراتۋ الۋەتىن بارىنشا شىعارۋ كەرەك. ەل ءىشى بازارىنىڭ كومەسكى قۋاتىن تولىق اشىپ، ىشكى سۇرانىستىڭ ەكونوميكانىڭ ارتۋىن جەبەۋ رولىن جوعارىلاتۋ كەرەك. ەكونوميكالىق دامۋ مەن حالىق تۇرمىسىنىڭ شۇعىل قاجەتىن ارقاۋ ەتىپ، ولقىلىقتاردى تولىقتايتىن ءىرى نىساندار قۇرىلسىن ىلگەرىلەتىپ، تۇرعىنداردىڭ تۇتىنۋىنا تۇساۋ بولاتىن ءتيىمسىز فاكتورلاردى كۇش سالا جويۋ كەرەك. فينانس، جەرگىلىكتى ورىنداردىڭ قارىزى حاۋىپ - قاتەرىنەن ساقتانۋ - تىزگىندەۋدى كۇشەيتىپ، جۇيەلىك حاۋىپ - قاتەر تۋىلماۋىنىڭ تومەنگى شەگىن ساقتاۋ كەرەك. سىرتقى ساۋدانىڭ كولەمىن ورنىقتىرۋدى، قۇرىلىمىن جاقسارتۋدى اناعۇرلىم زور كۇشپەن ىلگەرىلەتىپ، شەتەل قارجىسىنىڭ ساقتالىمىن ورنىقتىرۋدى، ارتۋىن كەڭەيتۋدى اناعۇرلىم زور سەرپىنمەن جەبەپ، حالىقارالىق ەكونوميكا - ساۋدا سەلبەستىگىنىڭ جاڭا ارتۋ تۇيىندەرىن جەتىلدىرۋ كەرەك. نەگىزگى الەۋمەتتىك قىزمەت وتەۋدى كۇشەيتىپ، نەگىزگى حالىق تۇرمىسىن تومەنگى شەكتەن تۇسىرمەي ساقتاپ، قوعامدىق كۇشتەردىڭ كوپ نەگىزدى قامداۋدى ارتتىرۋىنا قولداۋ كورسەتىپ جانە ولاردى جەتەكتەپ، حالىق تۇرمىسىنىڭ قۇت - ىرىسىن ۇزدىكسىز ارتتىرۋ كەرەك.
ءماجىلىس مىنالاردى تالاپ ەتتى: كەلەر جىلعى ەكونوميكالىق قىزمەتتىڭ ورنالاستىرۋلارىن، تالاپتارىن دالمە - ءدال يگەرىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، ناقتى جاعدايعا تەكسەرۋ جۇرگىزىپ، دايەكتىلەندىرۋدى، تياناقتاندىرۋدى جاسامپازدىقپەن ويداعىداي يگەرىپ، كەلەر جىلعى ەكونوميكالىق دامۋدىڭ باستى مەجەلى نىسانالارىن قۇلشىنا جۇزەگە اسىرىپ، جاڭا بەينەمەن، جاڭا ىسكەرلىكپەن جوعارى ساپالى دامۋدى ىلگەرىلەتۋدە تىڭ ونىمدىلىكتەرگە قول جەتكىزۋ كەرەك. رەفورمانى تاباندىلىقپەن تەرەڭدەتىپ، ەسىك اشۋدى كەڭەيتىپ، ەكونوميكالىق، قوعامدىق دامۋدىڭ قوزعاۋشى كۇشى مەن ومىرشەڭدىك كۇشىن ۇزدىكسىز كۇشەيتۋ كەرەك. ەلەۋلى حاۋىپ - قاتەرلەردى، كومەسكى كىناراتتاردى ىڭعايلى ءبىر جاقتى ەتىپ جانە جويىپ، ەكونوميكانىڭ، فينانستىڭ جانە قوعامدىق كەلەلى جاعدايدىڭ ورنىقتىلىعىن قورعاۋ كەرەك. پارتيا ورتالىق كوميتەتىنىڭ ورنالاستىرۋى بويىنشا، ىندەتتەن ساقتانۋ - تىزگىندەۋ ساياساتىن ساپالىلاندىرىپ رەتتەپ، ءبىر تۇتاس جوسپارلاپ ۇشتاستىرۋدى كۇشەيتىپ، تارتىپپەن ۇيىمداستىرىپ اتقارىپ، تارالۋ مەزگىلىنەن ءساتتى ءوتىپ، ورنىقتى كەزەڭ اۋىستىرۋعا جانە قوعامدىق ءتارتىپتىڭ ورنىقتىلىعىنا شىنايى كەپىلدىك ەتۋ كەرەك. كونە جىلدىڭ اياعى، جاڭا جىلدىڭ باسىنداعى قىزمەتتەردى ويداعىداي ىستەپ، بازارداعى قامداۋعا كەپىلدىك ەتۋدى، باعانى ورنىقتىرۋدى كۇشەيتىپ، كومىر، ەلەكتر، مۇناي - تابيعي گاز، تاسىمالدى رەتتەۋدى كۇشەيتىپ، بۇقارانىڭ قىستان جىلى، حاۋىپسىز وتۋىنە شىنايى كەپىلدىك ەتۋ كەرەك. ىندەت سەبەبىنەن، اپات سەبەبىنەن قيىنشىلىققا ۇشىراعان بۇقارا مەن قارتتار، ءالسىز، اۋرۋ، مۇگەدەك سياقتى ەرەكشە قاۋىمنىڭ نەگىزگى تۇرمىسىن ويداعىداي قامتاماسىز ەتىپ، ءوندىرىس حاۋىپسىزدىگىن رەتتەۋ - جونگە سالۋدى كۇشەيتىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك.
ءماجىلىس مىنالاردى باسا دارىپتەدى: وڭىرلەر، تاراۋلار جانە ءار دارەجەلى باسشى كادرلار يدەيا مەن ارەكەتتى پارتيا 20 - قۇرىلتايىنىڭ رۋحىمەن جانە پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرۋى كەرەك. جوعارى ساپالى دامۋدى جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى ەتۋگە تاباندى بولىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋ مەحانيزمدەرىن كەمەلدەندىرىپ، قۇلشىنا ىسكەرلىك كورسەتەتىن رۋحاني كۇيمەن جانە ”قاشاندا قام جەپ تۇراتىن“ جاۋاپكەرشىلىك تانىمىمەن ەكونوميكالىق قىزمەتتى جاقسى ىستەۋ كەرەك. جاڭا القا جاڭا بەينە، جاڭا ىسكەرلىك كورسەتىپ، ۇيرەنۋدى كۇشەيتىپ، مايتالمان، توسەلگەن باسشى بولۋى كەرەك. شىنايى يگەرىپ، ناقتى ىستەۋگە، شىندىققا جۇگىنىپ، ناقتى ءىس تىندىرۋعا تاباندى بولىپ، فورماشىلدىققا، تورەشىلدىككە قارسى تۇرىپ، عىلمي، دالمە - ءدال جاۋاپكەرشىلىك قۋزاستىرىپ، جاۋاپكەرشىلىك ارقالاۋشىلار ءۇشىن جاۋاپكەرشىلىك ارقالاۋ كەرەك.
ءماجىلىس مىناعان ۇندەدى: بۇكىل پارتيا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بىلەك، نيەت بىرىكتىرىپ، قايسارلىقپەن العا ىلگەرىلەپ، ەكونوميكالىق، قوعامدىق دامۋدىڭ نىسانالارى مەن مىندەتتەرىن قۇلشىنا ورىنداپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن تىڭ ۇلەس قوسۋى كەرەك.
پارتيا مەن مەملەكەتتىڭ قاتىستى باسشى جولداستارى ماجىلىسكە قاتىناستى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى ايىرىم جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ءىشىنارا فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ ءارقايسى تاراۋلارىنداعى نەگىزگى جاۋاپتى جولداستار قاتارلىلار ماجىلىسىكە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
