ەرىن بوياعىش، ءتىس شوتكى، ستاكان قاتارلىلاردى لاقتىرۋدىڭ قاجەتى جوق
ماماندار جۇعىمدالۋشى جازىلعاننان كەيىن تۇرمىستىق بۇيىمداردى اۋىستىرۋدىڭ قاجەتى جوق ەكەنىن ەسكەرتتى
2022.12.20 16:12 كەلۋ قاينارى : حالىق تورابى
جۇعىمدالۋشى جازىلعاننان كەيىن، ەرىن بوياعىش، ءتىس شوتكى، ەرىن مايلاعىش، ستاكان قاتارلى زاتتاردى اۋىستىرۋ كەرەك پە؟ جۋىردان بەرى كوپتەگەن ادامنىڭ كوڭىلىندە وسىنداي سۇراقتار تۋىندادى.
12 – ايدىڭ 19 – كۇنى، بەيجيڭ داشۋەسى حالىق ەمحاناسىنىڭ جۇڭگوشا شيپاگەرلىك ءبولىمىنىڭ مەڭگەرۋشىسى فىڭ سۇيليڭنىڭ حالىق گازەتىنىڭ دەنساۋلىق كليەنتىنە ايتۋىنشا، جۇعىمدالۋشى جازىلعان سوڭ، تۇرمىستىق بۇيىمداردى ارناۋلى ءبىر جاقتى ەتۋدىڭ قاجەتى جوق.
فىڭ سۇيليڭ: «جاڭا تيپتى ايدارشا ۆيرۋس ادام دەنەسىنە سۇيەنىپ ءومىر سۇرەدى، ادام دەنەسىنەن ايرىلعان سوڭ، اۋا الماساتىن ورتادا تەز ارادا ولەدى، سوندىقتان، پايدالانىپ جۇرگەن ەرىن بوياعىش، ستاكان، ءتىس شوتكى قاتارلىلاردى اۋىستىرۋدىڭ قاجەتى جوق»، — دەيدى. «2020 – جىلدىڭ باسىنداعى اسىلگى ۆيرۋس تۇبىرشىگىنەن تارتىپ، قازىرگى وميكرون ۆيرۋس تۇبىرشىگىنە دەيىن، جۇعىمتالدىعى بارعان سايىن كۇشەيگەنىمەن، ۆيرۋستىڭ اۋرۋعا شالدىقتىرۋ دارەجەسى كورنەكتى تۇردە جەڭىلدەدى. جازىلعان ادامنىڭ دەنەسىندە سايكەستى ۆيرۋس تۇبىرشىگىنىڭ ەرەكشەلىگىنە باعىتتالعان انتيدەنە قالىپتاسادى، پايدالانعان زاتتاردىڭ بەتىندە ساقتالىپ قالعان ۆيرۋستان الاڭداۋدىڭ تىپتەن قاجەتى جوق».
وسى جونىندە، بەيجيڭ ديتان ەمحاناسىنىڭ ورىنباسار باستىعى چىن شياۋيوۋ ورتالىق تەلەۆيزيانىڭ «اقپارات 1 + 1» باعدارلاماسىنىڭ سۇحباتىن قابىلداعان كەزدە دە، كوپشىلىكتىڭ بۇل ماسەلەگە كوڭىل ءبولىپ وتىرعانىن، الايدا، مۇنان الاڭداۋدىڭ قاجەتى جوق ەكەنىن ايتقان بولاتىن. ويتكەنى، ۆيرۋس ءتىرى دەنەنىڭ كلەتكاسىندا عانا كوبەيە الادى، تۇرمىستىق زاتتار ونداي ورتا ازىرلەي المايدى.
ونىڭ ايتۋىنشا، ۆيرۋستىڭ تومەن تەمپەراتۋرادا تىرشىلىك ەتۋ ۋاقىتى ۇزاق، جوعارى تەمپەراتۋرادا تىرشىلىك ەتۋ ۋاقىتى قىسقا بولادى، 56 گرادۋستا جانە ودان جوعارى تەمپەراتۋرادا تىرشىلىك ەتۋ ۋاقىتى تىپتەن قىسقا بولادى. كيىم – كەشەكتەردى قالىپتى جۋۋ نەمەسە ىستىق سۋعا شىلاپ قويۋ ارقىلى بۇل ماسەلەنى شەشىم ەتۋگە بولادى، سوندىقتان، كيىم – كەشەكتەرگە بايلانىستى ەكىنشى رەت جۇعىمدالۋ جاعدايى جوق دەرلىك.
ەگەر سوندا دا ءبىر جاقتى ەتۋ قاجەت بولىپ جاتسا، مۇزداتقىش ەڭ نازار اۋدارۋعا ءتيىستى بۇيىم سانالادى. بەيجيڭ يوۋ – ان ەمحاناسى جۇعىمدالۋ اۋرۋلارى ۋنيۆەرسال ءبولىمىنىڭ مەڭگەرۋشى شيپاگەرى، شياۋتاڭشان فاڭساڭ ەمحاناسىنىڭ ەمدەۋ مامانى لي تۇڭزىڭ مىنانى ەسكەرتەدى: مۇزداتقىش تومەن تەمپەراتۋرالى ءارى تۇيىق كۇيدە بولاتىندىقتان، ۆيرۋستىڭ ءومىر سۇرەتىن ۋاقىتى ءبىرشاما ۇزاق بولادى. ول جۇعىمدالۋشى مۇمكىندىگىنشە مۇزداتقىشتى ۇستاماعانى ءجون دەگەن ۇسىنىس بەرەدى. ەگەر تاماق جاساۋ قاجەت بولىپ، مۇزداتقىشتى ۇستاعان بولسا، جازىلعاننان كەيىن مۇزداتقىشتىڭ توگىن ءبىر كۇن ءۇزىپ قويىپ، مۇزداتقىشتىڭ تەمپەراتۋراسىن جىلى بولمەنىڭ تەمپەراتۋراسىمەن بىردەي قالىپقا تۇسىرۋگە بولادى، ادەتتە ءبىر كۇن ىشىندە جاڭا تيپتى ايدارشا ۆيرۋس بۇل ورتادان جويىلادى ءارى جۇعىمتالدىعىنان ايرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
