كوپ جەر ىندەتتىڭ تارالۋى ەڭ جوعارى شەككە جەتەتىن كەزدى مەجەلەدى
وسى ۋاقىت كەزەڭىنە نازار اۋدارىڭىز
2022.12.20 16:14 كەلۋ قاينارى : حالىق تورابى
جۋىردا، گۋاڭدۇڭ ولكەسى گۋاڭجوۋ قالاسى، جىجياڭ ولكەسى، جياڭشي ولكەسى، شاندۇڭ ولكەسى ىندەتتىڭ تارالۋى ەڭ جوعارى شەككە جەتەتىن ۋاقىت جونىندەگى بولجامدى جاريالادى.
گۋاڭدۇڭ ولكەسىنىڭ گۋاڭجوۋ قالاسى: 2023 – جىلى 1 – ايدىڭ باس شەنىندە ىندەتتىڭ تارالۋى ەڭ جوعارى شەككە جەتەدى
12 -ايدىڭ 19 – كۇنى، گۋاڭجوۋ قالالىق حالىق ۇكىمەتىنىڭ اقپارات كەڭسەسى گۋاڭجوۋ قالاسىنىڭ ءدارى – دارمەكپەن قامداۋ، زاتپەن قامداۋ جونىندەگى اقپار جاريالاۋ ءماجىلىسىن اشتى. ماجىلىستە گۋاڭجوۋ قالالىق دەنساۋلىق ساقتاۋ – سالاماتتىق كوميتەتىنىڭ ورىنباسار مەڭگەرۋشىسى، اقپارات مالىمدەمەشىسى جاڭ ي مىنانى ءبىلدىردى: مامانداردىڭ بولجامىنا نەگىزدەلگەندە، گۋاڭجوۋ قالاسىندا ىندەتتىڭ تارالۋى 2023 – جىلى 1 – ايدىڭ باس شەنىندە ەڭ جوعارى شەككە جەتەدى. وسى سەبەپتەن گۋاڭجوۋ قالاسى مەديتسينالىق بايلىقتاردى زاپاسقا ساقتاۋدى كۇشەيتىپ، ەمدەۋ قۋاتىن جوعارىلاتىپ، الدا بولاتىن ىندەتتىڭ تارالۋىنىڭ جوعارعى شەگىنە توتەپ بەرۋگە دايىندالۋدا.
جىجياڭ ولكەسى: مەجەمەن كەلەر جىلى 1 – ايدىڭ ورتا شەنى اينالاسىندا ىندەتتىڭ تارالۋى ەڭ جوعارى شەككە جەتەدى
12 - ايدىڭ 18 – كۇنى، ءتىلشىنىڭ جىجياڭ ولكەسى اشقان ىندەتتەن ساقتانۋ – تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىنشا، ەل ءىشى – سىرتىنداعى ىندەتتى زەرتتەۋگە قاتىستى كوپ ءتۇرلى ۇلگىدەگى ەسەپتەۋگە نەگىزدەلگەندە، جىجياڭ ولكەسىندە ىندەتتىڭ ءبىرىنشى تولقىنى مەجەمەن كەلەسى جىلى 1 – ايدىڭ ورتا شەنى اينالاسىندا ەڭ جوعارى شەككە جەتەدى، وسى مەزگىل ەسكىشە كالەندار بويىنشا ءدال جاڭا جىلعا تۋرا كەلەتىندىكتەن، ىندەتتىڭ تارالۋى ادامداردىڭ جىلجۋىمەن بىرگە جەدەلدەي تۇسەدى.
جياڭشي ولكەسى: ىندەتتىڭ تارالۋى كوكتەم مەرەكەسىنىڭ الدى – ارتىندا ەڭ جوعارى شەككە جەتەدى
12 – ايدىڭ 15 – كۇنى، جياڭشي ولكەسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتى جونىندەگى اقپار جاريالاۋ ماجىلىسىندە، جياڭشي ولكەلىك ىندەتتەن ساقتانۋ – تىزگىندەۋ قىزمەتىنە جەتەكشىلىك ەتۋ ءبولىمى ۋنيۆەرسال گرۋپپاسىنىڭ، ەمدەۋ گرۋپپاسىنىڭ باستىعى، ولكەلىك دەنساۋلىق ساقتاۋ – سالاماتتىق كوميتەتى پارتگرۋپپاسىنىڭ مۇشەسى، نانچاڭ قالالىق مەديتسينا شۋەيۋانى پارتكومىنىڭ شۋجيى گۇڭ جيانپيڭنىڭ ايتۋىنشا، مامانداردىڭ ساراپتاۋىنا، تۇجىرىمداۋىنا نەگىزدەلگەندە، جياڭشي ولكەسىندە ىندەتتىڭ تارالۋىنىڭ كەلەسى رەتكى تولقىنى بيىل 12 – ايدىڭ سوڭىنان كەلەر جىلى 1 – ايدىڭ باسىنا دەيىن بولادى، كوكتەم مەرەكەسىنىڭ الدى – ارتىندا ەڭ جوعارى شەككە جەتەدى.
شاندۇڭ ولكەسى: ىندەتتىڭ تارالۋىنىڭ كەلەسى تولقىنى مەجەمەن كەلەر جىلى 1 – ايدا بولادى
12 – ايدىڭ 14 – كۇنى، شاندۇڭ ولكەلىك جاڭا تيپتى ايدارشا ۆيرۋس وكپە قابىنۋ ىندەتىن ءبىر جاقتى ەتۋ قىزمەتىنە جەتەكشىلىك ەتۋ ءبولىمىنىڭ ەمدەۋ ماماندارى گرۋپپاسىنىڭ باستىعى دۇڭ لياڭنىڭ سۇحباتتى قابىلداعان كەزدە ايتۋىنشا، شاندۇڭ ولكەسىندە ىندەتتىڭ تارالۋىنىڭ كەلەسى تولقىنى باسقا وڭىرلەرمەن سالىستىرعاندا ءبىرشاما كەشەۋىلدەيدى. مەجەمەن كەلەر جىلى 1 – ايدا بولۋى مۇمكىن. مۇنان سىرت، قالالاردا جان سانى اۋىل – قىستاقپەن سالىستىرعاندا تىعىز بولاتىندىقتان، اۋىل – قىستاقتا ىندەتتىڭ تارالۋىنىڭ ەڭ جوعارى شەگى ءبىرشاما كەشەۋىلدەۋى مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
