2023 – جىلعى مەملەكەتتىك الەۋمەتتىك جۇمىستانۋعا قىزمەت وتەۋ ارناۋلى قيمىلى بىلاي ورنالاستىرىلدى
2022.12.21 14:19 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 20 – كۇنى بەيجيڭنەن بەرگەن حابارى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى تاياۋدا ۇقتىرۋ باسىپ تاراتىپ، 2023 - جىلعى مەملەكەتتىك الەۋمەتتىك جۇمىستانۋعا قىزمەت وتەۋ ارناۋلى قيمىلىن ورىستەتىپ، ەڭبەكشىلەردىڭ جۇمىس ىزدەۋ، كاسىپتەنۋ جانە ادام ىستەتۋشى ورىنداردىڭ قىزمەتكەر قابىلداۋىنا تەكشە ازىرلەپ، جۇمىستانۋدى ورنىقتىرۋ قىزمەتىن تىڭعىلىقتى جاقسى ىستەۋدى ورنالاستىردى.
ۇقتىرۋدا مىنالار تالاپ ەتىلدى: 2023 – جىلى 1 – ايدان 3 - ايعا دەيىن كوكتەم سامالى ارەكەتى جانە جۇمىستانۋعا كومەكتەسۋ ايى قيمىلى ۇيىمداستىرىلىپ، اۋىل - قىستاقتاعى ەڭبەككۇشتەرگە، قيىنشىلىعى بار ادامدارعا جۇمىستانۋ جاعىنان كومەكتەسۋ - سۇيەمەلدەۋ شوعىرلى جۇرگىزىلەدى؛ 4 – ايدا حالىقتىق كاسىپورىنداردىڭ قىزمەتكەر قابىلداۋ ايى ۇيىمداستىرىلىپ، حالىقتىق كاسىپورىنداردىڭ ءتۇيىندى قاۋىمدى جۇمىسقا الۋىنا قولداۋ كورسەتىلەدى؛ 5 - ايدان 8 - ايعا دەيىن 100 كۇندىك ينتەرنەتتە قىزمەتكەر قابىلداۋ ارناۋلى قيمىلىن ورىستەتىپ، مەملەكەت بويىنشا ءبىرتۇتاس، كوپ جاق بىرلەسىپ قيمىلدايتىن ينتەرنەتتە قىزمەتكەر قابىلداۋ تۇعىرىن ورناتىپ، جۇمىستانۋدى ورنىقتىرۋعا، جۇمىستانۋدى قامتاماسىز ەتۋگە دەم بەرەدى؛ 7 - ايدان 12 - ايعا دەيىن مەكتەپتەن قول ۇزگەننەن بەرى جۇمىستانباعان جوعارى مەكتەپ بىتىرگەن وقۋشىلارعا قىزمەت وتەۋدەن قامال الۋ ارەكەتىن اتقارىپ، جۇمىستانباعان مەكتەپ بىتىرگەن وقۋشىلار مەن جۇمىسسىز قالعان جاستارعا ساياساتتى تياناقتاندىرۋ، ۇقىق - مۇددەنى قورعاۋ، قيىنشىلىعى بارلارعا كومەكتەسۋ - سۇيەمەلدەۋ جەلىلەس قىزمەت وتەۋىمەن قامدايدى؛ 10 - ايدان 11 - ايعا دەيىن، حالىقتىق كاسىپورىندارعا، ورتا، شاعىن كاسىپورىندارعا قاراتا التىن كۇزدەگى قىزمەتكەر قابىلداۋ ايى قيمىلىن ورىستەتىپ، كاسىپورىنداردىڭ جۇمىسشى قابىلداۋ، جۇمىس ورنىن ورنىقتىرۋداعى قيىن ماسەلەلەردى شەشۋىنە كومەكتەسىپ، ادام مەن جۇمىس ورنىنىڭ ۇشتاسۋىن جەبەيدى، سونىمەن بىرگە، «كاسىپ ارقىلى بولاشاققا باستاۋ» جاستاردىڭ جۇمىستانۋىنا قىزمەت وتەۋ ماركاسىن جاراتىپ، جەلىلەس قيمىلداردى ورىستەتەدى؛ 3 - ايدان 5 - ايعا دەيىن جانە 9 - ايدان 11 - ايعا دەيىن«كاسىپ ارقىلى بولاشاققا باستاۋ» ‐ جوعارى مەكتەپ بىتىرگەن وقۋشىلاردى بىرلەسىپ قابىلداۋ ارناۋلى قيمىلىن ۇيىمداستىرىپ، جوعارى مەكتەپ بىتىرگەن وقۋشىلاردىڭ جۇمىس ىزدەۋ، كاسىپ تاڭداۋ جانە ادام ىستەتۋشى ورىنداردىڭ دارىندىلاردى قابىلداۋىنا قىزمەت وتەيدى؛ 11 - ايدىڭ اياق شەنىنەن 12 - ايدىڭ باس شەنىنە دەيىن، «كاسىپ ارقىلى بولاشاققا باستاۋ» — بۇكىل ەلدەگى ادام كۇشى بايلىعى بازارىنداعى جوعارى مەكتەپ بىتىرگەن وقۋشىلاردىڭ جۇمىستانۋىنا قىزمەت وتەۋ اپتالىعى قيمىلىن ورىستەتىپ، ادام كۇشى بايلىعىنا قىزمەت وتەۋ قۇرىلىمدارى 2024 – جىلى جوعارى مەكتەپ بىتىرەتىن وقۋشىلارعا، بۇرىن بىتىرگەن جۇمىستانعىسى كەلەتىن مەكتەپتەن قول ۇزگەننەن بەرى جۇمىستانباعان جوعارى مەكتەپ بىتىرگەن وقۋشىلارعا جانە «ءۇشتى قولداۋ، ءبىردى سۇيەمەلدەۋ» جوسپارى سياقتى نەگىزگى ساتى قىزمەت وتەۋ نىساندارىنىڭ مەرزىمى تولىپ، جۇمىستانباعاندارعا بازارلانعان جۇمىستانۋعا قىزمەت وتەۋ جۇرگىزىلەدى؛ 2023 - جىلى 9 - ايدان 2024 - جىلى 6 - ايعا دەيىن شيزاڭ، چيڭحاي، شينجياڭ جانە سىچۋان، يۇننان، گانسۋدىڭ زاڭزۋ وبلىسىنا قاتىستى اۋدانداردا جۇمىسقا ورنالاسپاعان جوعارى مەكتەپ بىتىرگەن وقۋشىلارعا، 2024 - جىلى جوعارى مەكتەپ بىتىرەتىن وقۋشىلارعا ارناپ «كاسىپ ارقىلى بولاشاققا باستاۋ» — ورتالىق كاسىپورىندارىن شيزاڭ، چيڭحاي، شينجياڭ سياقتى جەرلەردەن جوعارى مەكتەپ بىتىرگەن وقۋشىلاردى ارناۋلى قابىلداۋ قيمىلىنا قاتىناسۋعا ۇيىمداستىرادى.
ۇقتىرۋدا مىنالار باسا دارىپتەلدى: ۇيىمدىق باسشىلىقتى كۇشەيتىپ، قوعامنىڭ ٴار جاقتاعى كۇشتەرىن جۇمىلدىرىپ، جەلىدە قىزمەت وتەۋدەن تولىق پايدالانىپ، جەلىدەن تىس قيمىلداردى تارتىپپەن ۇيىمداستىرىپ، ينفورماتسيانى تەكسەرۋدى كۇشەيتىپ، حاۋىپسىزدىكتى قامتاماسىز ەتۋدى ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
