جۇعىمدالىپ جازىلۋ جونىندەگى 6 ءتۇرلى اعات تانىم
2022.12.21 15:47 كەلۋ قاينارى : حالىق تورابى
ءبىرىنشى اعات تانىم
ەرتەرەك جۇعىمدالىپ، ەرتەرەك جازىلعان جاقسى
ءتۇسىندىرۋ: قانشالىق سوڭىنا الا جۇعىمدالعان سايىن، اۋرۋ بەلگىسى سونشالىق جەڭىل بولۋى مۇمكىن
جۇعىمدالعان ۋاقىت قانشالىق كەيىنگە سوزىلعان سايىن، جۇعىمدالعاننان كەيىن پايدا بولاتىن «جانعا باتاتىن» اۋرۋ بەلگىلەرى بارعان سايىن ازايادى، ۋاقىت وتكەن سايىن وسىلاي بولادى.
—جۇڭگو ينجەنەريا اكادەمياسىنىڭ اكادەميگى جۇڭ نانشان
ەكىنشى اعات تانىم
جۇعىمدالىپ جازىلعان سوڭ 2 اپتا ىشىندە قايتادان جۇعىمدالۋ وڭاي
ءتۇسىندىرۋ: 2 اپتادا قايتا جۇعىمدالۋ وڭاي دەگەن ايتىلىمنىڭ نەگىزى جوق
ەرەكشە انتيدەنە شىنىمەن دە ەكى اپتا ىشىندە عانا ءبىرشاما جوعارى ورەگە جەتە الادى نەمەسە ونىڭ قانشالىق ورەگە جەتكەنىن تەكسەرۋگە بولادى. الايدا، ءىس جۇزىندە ۆيرۋس دەنەمىزگە قابىلدانعان ساتتە، ءبىزدىڭ يممۋنيەت جۇيەمىز قىزمەتىن باستايدى. سوڭىنان قالىپتاسقان قورعاۋشى انتيدەنە ەكى – ءۇش اپتا ىشىندە ەڭ جوعارى شەككە جەتەدى، جالعاسۋ ۋاقىتى ءبىرشاما ۇزاق بولادى، الايدا، وسى ەكى اپتا ىشىندە دەنەمىزدە قورعايتىن قۋات جوق دەۋگە كەلمەيدى. وسى مەزگىلدە شىنىمەن دە ۆيرۋس دەنەگە قابىلدانسا، ول تەز ارادا دەنەدەن الاستالادى، قايتا وسى مەزگىل وڭايلىقپەن جۇعىمدالمايتىن مەزگىل سانالادى. جالپى جاقتان ايتقاندا، جۇعىمدالعاننان كەيىن ۋاقىت قانشا ۇزارعان سايىن، دەنەدەگى انتيدەنەنىڭ مولشەرى سونشالىق تومەندەيدى، جۇعىمدالۋ حاۋپى دە بارعان سايىن ارتادى.
—بەيجيڭ يوۋ – ان ەمحاناسى جۇعىمدالۋ اۋرۋلارى ۋنيۆەرسال ءبولىمىنىڭ مەڭگەرۋشى شيپاگەرى لي تۇڭزىڭ
ءۇشىنشى اعات تانىم
جۇعىمدالعان سوڭ كۇنىنە 5 ليتر سۋ ءىشۋ كەرەك
ءتۇسىندىرۋ: كۇنىنە 2 ليتر اينالاسىندا جىلىمان قايناق سۋ ىشسە بولعانى
سۋ ءىشۋ ۇيلەسىمدى بولعانى ءجون، سۋدى شەكتەۋسىز ىشە بەرۋگە بولمايدى. سوزىلمالى بۇيرەك اۋرۋى، جۇرەك – قان تامىر اۋرۋى بار ناۋقاستار سۋ ءىشۋ مولشەرىن ۇيلەسىمدى تەجەۋى قاجەت. دەنساۋلىعى جاقسى ادامدار جونىنەن ايتقاندا، 24 ساعات ىشىندە سۋ ءىشۋ مولشەرى 3، 4 ليتردەن جوعارى مولشەرگە جەتسە، سۋدان ۋلانۋ جاعدايى تۋىلۋى مۇمكىن.
—سىچۋان ولكەلىك حالىق ەمحاناسى شۇعىل ەمدەۋ ءبولىمىنىڭ شيپاگەرى ياڭ پىڭ
ءتورتىنشى اعات تانىم
جۇعىمدالعان سوڭ جۋىنسا اۋرۋدى اسقىندىرادى
ءتۇسىندىرۋ: دەنە قىزۋى شۇعىل، قاتتى ورلەمەگەن كەزدە جۋىنۋعا بولادى
دەنە قىزۋى شۇعىل، قاتتى ورلەگەن كەزدە، ادەتتە جۋىنباعان ءجون. ءبىر جاعىنان، جۋىنۋ دەنە قۋاتىن سارىپ ەتەدى؛ ەندى ءبىر جاعىنان، جۋىنعان سوڭ سۋىق ءتيىپ، تۇماۋراتۋ، اۋرۋدى اسقىندىرۋ ىقتيمالدىعى ارتا تۇسەدى.
ەگەر دەنە قىزۋى وتە جوعارى بولماسا، مىسالى، 38.5 گرادۋستان تومەن بولسا نەمەسە قىزۋى ورلەگەن اۋرۋ بەلگىسى قايتقان سوڭ، دەنە قۋاتى ءالى دە وتە ءالسىز بولماسا، ادەتتە جۋىنۋعا بولادى، الايدا، مىناداي ءۇش تۇيىنگە نازار اۋدارۋ كەرەك:
① بولمەنىڭ تەمپەراتۋراسىن ۇيلەسىمدى ساقتاۋ، تەمپەراتۋرا وتە تومەن بولىپ، سۋىق تيۋدەن ساقتانۋ كەرەك؛
② سۋدىڭ تەمپەراتۋراسى وتە جوعارى بولماۋى، جۋىنعان ۋاقىت وتە ۇزاق بولماۋى كەرەك، كوپ تەرلەپ، دەنە قۋاتىن سارىپ ەتۋدەن ساقتانۋ كەرەك.
③ جۋىنىپ بولعان سوڭ، دەر كەزىندە سۋ قۇرامىن تولىقتاپ، سۋسىزدانۋدان ساقتانۋ كەرەك.
دەنە قۋاتى ءالسىز قارتتاردىڭ نەمەسە نەگىزدىك اۋرۋى بار ادامداردىڭ ءوزىنىڭ جاعدايىنا قاراي وتىرىپ، الىنە قاراي ءىس كورگەنى وڭ. قالپىنا كەلۋ كەزەڭىندە، دەنەنىڭ ءتۇرلى فۋنكتسيالارى ءبىرشاما ءالسىز بولادى، جۋىنعان كەزدە دەنە قۋاتىنىڭ توزە الماۋى نەمەسە اۋرۋدىڭ اسقىنۋى سىندى جاعدايلار تۋىلۋى مۇمكىن، مۇنداي جاعدايدا دەنساۋلىقتىڭ قالپىنا كەلۋىن كۇتە تۇرىپ، جازىلعان سوڭ جۋىنعان ءجون.
—شاڭحاي جۇڭگوشا شيپاگەرلىك داشۋەسى شۇعىل، سالماقتى، اۋىر ناۋقاستاردى زەرتتەۋ بولىمشەسىنىڭ باستىعى فاڭ باڭجياڭ
بەسىنشى اعات تانىم
جۇعىمدالىپ جازىلعاننان كەيىن تۇرمىستىق بۇيىمداردى اۋىستىرۋ كەرەك
ءتۇسىندىرۋ: جۇعىمدالىپ جازىلعاننان كەيىن، تۇرمىستىق بۇيىمداردى ەرەكشە ءبىر جاقتى ەتۋدىڭ قاجەتى جوق
جاڭا تيپتى ايدارشا ۆيرۋس ادام دەنەسىنە سۇيەنىپ ءومىر سۇرەدى، ادام دەنەسىنەن ايرىلعان سوڭ، اۋا الماساتىن ورتادا تەز ارادا ولەدى، سوندىقتان، پايدالانىپ جۇرگەن ەرىن بوياعىش، ستاكان، ءتىس شوتكى قاتارلىلاردى اۋىستىرۋدىڭ قاجەتى جوق.
جازىلعان ادامنىڭ دەنەسىندە سايكەستى ۆيرۋس تۇبىرشىگىنىڭ ەرەكشەلىگىنە باعىتتالعان انتيدەنە قالىپتاسادى، پايدالانعان زاتتاردىڭ بەتىندە ساقتالىپ قالعان ۆيرۋستان الاڭداۋدىڭ تىپتەن قاجەتى جوق.
—بەيجيڭ داشۋەسى حالىق ەمحاناسىنىڭ جۇڭگوشا شيپاگەرلىك ءبولىمىنىڭ مەڭگەرۋشىسى فىڭ سۇيليڭ
التىنشى اعات تانىم
جۇعىمدالعاننان كەيىن پايدالانعان ديزەنفەكسيالاۋ سۇيىقتىعىنىڭ قويۋلىعى قانشالىق جوعارى بولعان سايىن سونشالىق جاقسى
ءتۇسىندىرۋ: ديزەنفەكسيالاۋ سۇيىقتىعىنىڭ قويۋلىعى جوعارى بولعان سايىن الدىن الۋ سيپاتىندىق ديزەنفەكسيالاۋ ونىمدىلىگىنىڭ جوعارى بولۋى ەكىتالاي
ديزەنفەكسيالاۋ سۇيىقتىعىنىڭ قويۋلىعى مەن مولشەرىن عىلىمي تۇردە پايدالانۋ كەرەك. پايدالانۋ بارىسىندا قويۋلىق دارەجەسى مەن مولشەرى تەك ديزەنفەكسيالاۋ ونىمدىلىگىنە جەتە السا بولعانى، مولشەرى شەكتەن تىس كوپ بولسا، حاۋىپتى بولادى. پايدالانعان كەزدە، ديزەنفەكسيالاۋ سۇيىقتىعىنىڭ تۇسىندىرمەسىندە بەلگىلەنگەن مولشەر بويىنشا پايدالانۋىمىز كەرەك.
—جۇڭگو اۋرۋدان ساقتانۋ - تىزگىندەۋ ورتالىعىكەلۋ قاينارى: حالىق تورابىنىڭ دەنساۋلىق كليەنتى، گۋاڭميڭ تورابى، ورتالىق تەلەۆيزيا اقپارات كليەنتى، جۇڭگو اۋرۋدان ساقتانۋ – تىزگىندەۋ ورتالىعى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
