شي جينپيڭ جاڭا زەلانديانىڭ گۋبەرناتورى كيرومەن جۇڭگو مەن جاڭا زەلانديانىڭ ديپلوماتيالىق قارىم - قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
لي كىچياڭ جاڭا زەلانديانىڭ زۇڭليى اردەرنمەن ءوزارا قۇتتىقتاۋ تەلەگرامماسىن جولدادى
2022.12.23 16:00 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 22 – كۇنى، بەيجيڭ. 12 - ايدىڭ 22 - كۇنى مەملەكەت ءتوراعاسى شي جينپيڭ جاڭا زەلانديانىڭ گۋبەرناتورى كيرومەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن جاڭا زەلانديا − ءبىر - ءبىرىنىڭ ماڭىزدى سەلبەستىك سەرىكتەرى. جۇڭگو مەن جاڭا زەلانديا ديپلوماتيالىق قارىم - قاتىناس ورناتقان 50 جىلدان بەرى ەكى ەل قارىم - قاتىناسى اقاۋسىز، ورنىقتى دامۋدى جالعاستىرىپ، كوپتەگەن «بىرىنشىلىكتى» جاراتتى. جۇڭگو مەن جاڭا زەلانديانىڭ ءار سالاداعى سەلبەستىگى ەكى ەل حالىقتارىنا باقىت اكەلىپ، ءوڭىردىڭ بەيبىتشىلىگىنە، ورنىقتىلىعىنا جانە گۇلدەنۋىنە ماڭىزدى ۇلەس قوستى. مەن جۇڭگو - جاڭا زەلانديا قارىم - قاتىناسىنىڭ دامۋىنا ايرىقشا ءمان بەرەمىن، گۋبەرناتورمەن بىرگە قۇلشىنىپ، تاريحي تاجىريبەلەردى قورىتىندىلاپ، ستراتەگيالىق تىلدەسۋدى كۇشەيتىپ، جۇڭگو مەن جاڭا زەلانديانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز العا باسۋىن ىلگەرىلەتىپ، ەكى ەل حالىقتارىن اناعۇرلىم ويداعىداي يگىلىككە كەنەلتۋدى قالايمىن.
كيرو مىنانى ءبىلدىردى: جاڭا زەلانديا – جۇڭگو قارىم – قاتىناسى − جاڭا زەلانديانىڭ ەڭ ماڭىزدى ەكى جاقتى قاتىناسىنىڭ ءبىرى. جاڭا زەلانديا مەن جۇڭگو ديپلوماتيالىق قارىم - قاتىناس ورناتقان 50 جىلدان بەرى ەكى ەل قارىم - قاتىناسىنىڭ دامۋى زور جەتىستىكتەرگە قول جەتكىزدى. جاڭا زەلانديا ەكى ەل اراسىنداعى ۇزاق بارىس - كەلىس تاريحىن قاستەرلەيدى، ەكى ەلدىڭ سەلبەستىگىن ۇزدىكسىز ىلگەرىلەتىپ، ەكى ەل حالىقتارىنا جانە بۇكىل دۇنيە جۇزىنە باقىت جاراتۋدى ءۇمىت ەتەدى.
وسى كۇنى مەملەكەتتىك كەڭەستىڭ زۇڭليى لي كىچياڭ جاڭا زەلانديانىڭ زۇڭليى اردەرنمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو جاق جۇڭگو - جاڭا زەلانديا قارىم - قاتىناسىنىڭ دامۋىنا ايرىقشا ءمان بەرەدى، جاڭا زەلانديا جاقپەن بىرگە قۇلشىنىپ، ديپلوماتيالىق قارىم - قاتىناس ورناتۋدىڭ 50 جىلدىعىن تىڭ باستاما ەتىپ، قارىم - قاتىناستى كۇشەيتىپ، ءوزارا سەنىمدىلىكتى ارتتىرىپ، اۋىس - كۇيىستى كەڭەيتىپ، سەلبەستىكتى ىلگەرىلەتىپ، جۇڭگو - جاڭا زەلانديا قارىم - قاتىناسىنىڭ تىڭ دا اناعۇرلىم زور دامۋعا قول جەتكىزۋىن ىلگەرىلەتۋدى قالايدى.
اردەرن مىنانى ءبىلدىردى: جاڭا زەلانديا جۇڭگونى وڭىرلىك گۇلدەنۋدىڭ جانە ورنىقتىلىقتىڭ شەشۋشى بولەگى دەپ قارايدى. ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعى قارساڭىندا جاڭا زەلانديا جۇڭگومەن بايلانىستى كۇشەيتىپ، ەكونوميكا - ساۋدا، گۋمانيتارلىق سياقتى سالالارداعى اۋىس - كۇيىستى تەرەڭدەتىپ، ەكى جاقتىڭ كليمات وزگەرىسى سياقتى دۇنيە جۇزىلىك سىن - سايىستاعى سەلبەستىگىن ىلگەرىلەتۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
