شي جينپيڭ اۆستراليانىڭ گۋبەرناتورى حەرليمەن جانە زۇڭليى البانيسپەن جۇڭگو مەن اۆستراليانىڭ ديپلوماتيالىق قارىم - قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
لي كىچياڭ اۆستراليانىڭ زۇڭليى البانيسپەن ءوزارا قۇتتىقتاۋ تەلەگرامماسىن جولدادى
2022.12.22 16:02 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 21 – كۇنى، بەيجيڭ. 12 - ايدىڭ 21 - كۇنى مەملەكەت ءتوراعاسى شي جينپيڭ اۆستراليانىڭ گۋبەرناتورى حەرليمەن جانە زۇڭليى البانيسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ مىنالاردى اتاپ كورسەتتى: جۇڭگو مەن اۆستراليا ديپلوماتيالىق قارىم - قاتىناس ورناتقان 50 جىلدان بەرى ءار سالاداعى ناقتى سەلبەستىكتە سۇبەلى تابىستارعا قول جەتكىزىلىپ، ەكى ەل حالىقتارىنا ناقتى باقىت جاراتىلدى. جۇڭگو مەن اۆستراليا − ازيا - تىنىق مۇحيت رايونىنداعى ماڭىزدى ەلدەر، جۇڭگو مەن اۆستراليا قاتىناسىنىڭ اقاۋسىز، ورنىقتى دامۋى ەكى ەل حالىقتارىنىڭ ءتۇبىرلى مۇددەسىنە ۇيلەسەدى ءارى ازيا - تىنىق مۇحيت رايونىنىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن جەبەۋگە ءتيىمدى. مەن جۇڭگو - اۆستراليا قارىم - قاتىناسىنىڭ دامۋىنا ايرىقشا ءمان بەرەمىن، اۆستراليا جاقپەن بىرگە قۇلشىنىپ، ديپلوماتيالىق قارىم - قاتىناس ورناتۋدىڭ 50 جىلدىعىن وراي ەتىپ، ءوزارا قۇرمەت ەتۋ، ءوزارا تيىمدىلىك جاساپ، تەڭ يگىلىكتەنۋ پرينسيبىندە تاباندى بولىپ، جۇڭگو مەن اۆستراليانىڭ جالپى بەتتىك ستراتەگيالىق ارىپتەستىك قاتىناسىنىڭ باياندى دامۋىن ىلگەرىلەتىپ، ەكى ەل مەن ەكى ەل حالىقتارىنا ۇزدىكسىز باقىت جاراتۋدى قالايمىن.
حەرلي مىنانى ءبىلدىردى: 50 جىلدىڭ الدىنداعى تاريحي شەشىم اۆستراليا - جۇڭگو قارىم - قاتىناسىنىڭ دامۋىنا جول اشىپ، ەكى ەلگە ارتۋ جانە وراي اكەلدى. بولاشاققا كوز جىبەرسەك، اۆستراليا جالپى بەتتىك ستراتەگيالىق ارىپتەستىك قارىم - قاتىناستىڭ ورنىن تۇراقتاندىرۋعا كۇش سالىپ، ءوزارا قۇرمەت ەتۋ، ءوزارا پايدا جەتكىزۋ رۋحى بويىنشا، جۇڭگومەن ورنىقتى جانە سىندارلى قاتىناستى دامىتادى.
وسى كۇنى مەملەكەتتىك كەڭەستىڭ زۇڭليى لي كىچياڭ اۆستراليانىڭ زۇڭليى البانيسپەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو مەن اۆستراليانىڭ ديپلوماتيالىق قارىم - قاتىناس ورناتقانىنىڭ 50 جىلدىعىن وراي ەتىپ، ءار سالاداعى اۋىس - كۇيىس پەن سەلبەستىكتى تەرەڭدەتىپ، جۇڭگو – اۆستراليا قارىم - قاتىناسىنىڭ باياندى، اقاۋسىز، ورنىقتى دامۋىن بىرگە ىلگەرىلەتىپ، ەكى ەل حالىقتارىنا ءتىپتى دە كوپ باقىت جاراتۋدى ءۇمىت ەتەمىن.
البانيس مىنانى ءبىلدىردى: 1972 - جىلى ۋيتلام زۇڭلي باسشىلىعىنداعى اۆستراليا جۇمىسشى پارتياسى ۇكىمەتى باتىلدىقپەن جانە كورەگەندىكپەن جۇڭحۋا حالىق رەسپۋبليكاسىمەن ديپلوماتيالىق قارىم - قاتىناس ورناتۋدى ۇيعاردى. وسى دۇرىس شەشىم ەكى ەلدىڭ پارمەندى، باياندى جانە ءوزارا ءتيىمدى قارىم - قاتىناسىن دامىتۋعا داڭعىل جول اشتى. مەن ورنىقتى اۆستراليا - جۇڭگو قارىم - قاتىناسىنىڭ ەكى ەلدىڭ مۇددەسىنە ۇيلەسەتىنىنە كامىل سەنەمىن. مەن جۇڭگو جاقپەن بىرگە ءوزارا قۇرمەت ەتۋ، ءوزارا پايدا جەتكىزۋ نەگىزىندە اۆستراليا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ونان ارى دامۋىن ىلگەرىلەتۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
