شي جينپيڭ گەرمانيانىڭ زۇڭتۇڭى شتاينمايەرمەن تەلەفوندا سويلەستى
2022.12.21 17:20 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 20 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 20 - كۇنى كەشتە ۋادە بويىنشا گەرمانيانىڭ زۇڭتۇڭى شتاينمايەرمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بيىل − جۇڭگو مەن گەرمانيانىڭ ديپلوماتيالىق قارىم - قاتىناس ورناتقانىنىڭ 50 جىلدىعى، جۇڭگو - گەرمانيا قارىم - قاتىناسىندا كەلەلى ماڭىز الاتىن ءبىر جىل. جۇڭگو مەن گەرمانيانىڭ نەشە ۇرپاق باسشىلارىنىڭ بىرگە قۇلشىنۋىندا، جۇڭگو - گەرمانيا قارىم - قاتىناسى جالپى تۇلعالىق جاقتان العا قاراي جاقسارۋداي ۇلكەن بەتالىستى ساقتاپ، ەكى ەل جان - جاقتى ستراتەگيالىق سەرىكتەرگە اينالدى. جۇڭگو – گەرمانيا قارىم - قاتىناسىنىڭ دامۋىندا تەرەڭ حالىق رايى نەگىزى، كەڭ كولەمدى ورتاق مۇددە جانە مول تابىستى تاجىريبەلەر بار. ەكى جاق ءوزارا قۇرمەت ەتۋدە، ءوزارا پايدا جەتكىزىپ، تەڭ يگىلىككە كەنەلۋدە تاباندى بولسا بولعانى، جۇڭگو - گەرمانيا قارىم - قاتىناسى، ءسوز جوق، دۇرىس، ورنىقتى، باياندى جالعاسا بەرەدى. جۇڭگو جاق گەرمانيا جاقپەن بىرگە قۇلشىنىپ، جۇڭگو - گەرمانيا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، جۇڭگو - گەرمانيا قارىم - قاتىناسىنىڭ الداعى تابىستى 50 جىلىن اشۋدى قالايدى.
شي جينپيڭ كەلەسى كەزەڭدەگى جۇڭگو - گەرمانيا قارىم - قاتىناسىنىڭ دامۋى جونىندە 3 ءتۇرلى پىكىردى ورتاعا قويدى:
ءبىرىنشى، ەكى جاق دۇرىس نەگىزگى تانىمدا تاباندى بولۋى كەرەك. جۇڭگو مەن گەرمانيا باستان - اياق تىلدەسۋشى سەرىكتەر، دامۋ سەرىكتەرى، سەلبەستىك سەرىكتەرى، دۇنيە جۇزىلىك سىن - سايىسقا توتەپ بەرەتىن سەرىكتەر بولىپ كەلەدى. ەكى جاق تىلدەسۋ ارقىلى ورتاق تانىمدى ۇزدىكسىز ۇيىستىرىپ جانە كەڭەيتىپ، الاۋىزدىقتاردى سىندارلى پوزيتسيامەن تەجەپ، سەرىكتەستىك قارىم - قاتىناستىڭ مازمۇنىن ۇزدىكسىز تولىقتاۋى كەرەك.
ەكىنشى، جۇڭگو - گەرمانيا سەلبەستىك جاساۋدا ناقتى ىستەردى تىندىرىپ، ەسىكتەرىن ءبىر – بىرىنە اشىق ۇستاپ وتىر، بۇل − ەكى جاقتى قارىم - قاتىناستا تاباندى بولۋعا ءتيىستى ەڭ ماڭىزدى ەرەكشەلىك. وتكەن 50 جىلدا جۇڭگو مەن گەرمانيانىڭ ساۋدا سوماسى 870 ەسە ارتتى. ەكى جاق وڭاي - وسپاق قولعا كەلمەگەن سەلبەستىك جەتىستىكتەرىن قاستەرلەپ، بازار، كاپيتال، تەحنيكا ابزالدىقتارىنىڭ ءبىرىن - ءبىرى تولىقتاۋىن كۇشەيتىپ، اۆتوموبيل، ماشينا - جابدىق، حيميا ونەركاسىبى سياقتى ءداستۇرلى سالالارداعى سەلبەستىكتى ۇلعايتىپ، قىزمەت وتەۋ ساۋداسى، زەردەلى جاساۋ، سيفرلاندىرۋ سياقتى سالالارداعى سەلبەستىك كومەسكى كۇشىن اشۋى كەرەك. جۇڭگو جاق جۇڭگودا قارجى قوسقان گەرمانيا كاسىپورىندارىنا بىردەي قارايدى، گەرمانيا جاقتىڭ جۇڭگو كاسىپورىندارىنىڭ گەرمانيادا قارجى قوسۋىنا ءادىل، جاريا، كەمسىتپەيتىن تيجارات - ساۋدا ورتاسىن ازىرلەۋىن ءۇمىت ەتەدى.
ءۇشىنشى، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىنا جەتەكشىلىك ەتۋ − جۇڭگو - گەرمانيا ەكى جاقتىڭ بىرگە قۇلشىنۋعا ءتيىستى باعىتى. جۇڭگو جاق ەۆروپا وداعىنىڭ ستراتەگيالىق دەربەستىگىن قولدايدى، ەۆروپا جاقتىڭ جۇڭگو مەن ەۆروپا ءوزارا ستراتەگيالىق سەرىكتەس بولۋداي نەگىزگى ورىندا تاباندى بولۋىن، ءوزارا قۇرمەت ەتۋدە، ءوزارا سيىسىمدى بولۋدا، ناقتى سەلبەستىك جاساۋدا، ءوزارا پايدا جەتكىزىپ، تەڭ يگىلىككە كەنەلۋدە تاباندى بولۋىن، جۇڭگو - ەۆروپا قارىم – قاتىناسىنىڭ 3 - جاققا باعىتتالماۋىنا، باعىنىشتى بولماۋىنا، شەكتەمەسىنە دە ۇشىراماۋىنا تاباندى بولۋىن ءۇمىت ەتەدى. گەرمانيا جاقتىڭ بەلسەندى رولىن ۇزدىكسىز ساۋلەلەندىرىپ، جۇڭگو جاقپەن بىرگە جۇڭگو - ەۆروپا قارىم - قاتىناسىنىڭ ورنىقتى، باياندى دامۋىن ىلگەرىلەتۋىن ءۇمىت ەتەمىن.
شي جينپيڭ بىلاي دەپ دارىپتەدى: جۇڭگو جاق گەرمانيا جاقپەن كەيىنگى ىندەت كەزىندە ەكونوميكانىڭ قايتا جاندانۋىنىڭ دارمەنسىزدىگى، كليمات وزگەرىسى، استىق داعدارىسى، ەنەرگيا داعدارىسى سياقتى دۇنيە جۇزىلىك سىن - سايىس جاعىندا اناعۇرلىم كەڭ كولەمدە، ىشكەرىلەي سەلبەستىك ورىستەتۋدى قالايدى.
شتاينمايەر مىنانى ءبىلدىردى: جىل سوڭى تاياپ قالعان ساتتە ءتوراعا شي جينپيڭمەن تەلەفوندا سويلەسكەنىمە ەرەكشە قۋانىشتىمىن، 4 جىلدىڭ الدىندا جۇڭگوعا ساپارلاي بارعانىم قازىرگە دەيىن ەسىمدە انىق سايراپ تۇر. بيىل حالىقارالىق اۋقىم ەرەكشە اۋمالى - توكپەلى جاعدايدى باستان كەشىردى، سونداي - اق گەرمانيا مەن جۇڭگونىڭ ديپلوماتيالىق قارىم - قاتىناس ورناتقانىنىڭ 50 جىلدىعى. 50 جىلدان بەرى گەرمانيا مەن جۇڭگونىڭ قارىم - قاتىناسى كۇن سايىن قويۋلاپ، مازمۇنى بايىپ، كولەمى كەڭەيىپ، سەلبەستىك تابىسى توتەنشە مول بولىپ، ەكى جاق حالىقتارىنا باقىت جاراتتى. گەرمانيا جاق ءبىر جۇڭگو ساياساتىن باتىل اتقارادى. گەرمانيا جاق جۇڭگو جاقپەن بىرگە وتكەنگە قايىرىلا قاراپ، وتكەنگە قورىتىندى جاساپ، بولاشاققا كوز جىبەرىپ، ءوزارا قۇرمەت ەتۋ، اشىق، سيىسىمدى بولۋ رۋحى بويىنشا گەرمانيا - جۇڭگو قارىم - قاتىناسىنىڭ ونان ارى دامۋىن ۇزدىكسىز ىلگەرىلەتۋدى قالايدى. مەن گەرمانيا - جۇڭگو قارىم - قاتىناسىنىڭ بولاشاعى جارقىن بولاتىنىنا كامىل سەنەمىن. گەرمانيا جاق جۇڭگو جاقپەن بارىس - كەلىستى، قارىم - قاتىناستى كۇشەيتىپ، جاڭا كەزەكتى ەكى ەل ۇكىمەتى كەڭەسىن دەر كەزىندە وتكىزىپ، ءار سالاداعى ناقتى سەلبەستىكتى تەرەڭدەتىپ، وڭىرلىك قولامتالى ماسەلەلەر جونىندە تىعىز كەڭەسۋدى، سايكەسۋدى جالعاستىرىپ، ورگانيزمدەردىڭ الۋان تۇرلىلىگىن قورعاۋ، ەنەرگيا داعدارىسى، استىق داعدارىسى، كاسىپ تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋ، دۇنيە ءجۇزى ەكونوميكاسىنىڭ قالپىنا كەلۋىن، ارتۋىن جەبەۋ سياقتى ورتاق سىن - سايىسقا اناعۇرلىم ويداعىداي توتەپ بەرۋدى قالايدى. گەرمانيا جاق جۇڭگو جاقتىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ تابىستى وتكىزىلۋىنە قوسقان ماڭىزدى ۇلەسىن القايدى ءارى ەۆروپا – جۇڭگو قارىم - قاتىناسىنىڭ دامۋىن بەلسەندىلىكپەن جەبەۋدى قالايدى.
ەكى جاق تاعى ۋكراينا داعدارىسى جونىندە پىكىر الماستىردى. شي جينپيڭ بىلاي دەپ دارىپتەدى: جۇڭگو جاق تاتۋلاستىرۋدى، كەلىسسوزدى جەبەۋدى قۋاتتاۋدا تاباندى بولادى، داعدارىستىڭ ۇزاققا سوزىلۋى، كۇردەلىلەنۋى ءار جاقتىڭ مۇددەسىنە ۇيلەسپەيدى دەپ قارايدى. جۇڭگو جاق ەۆروپا جاقتىڭ ستراتەگيالىق دەربەستىكتى ايگىلەپ، ەۆروپانىڭ بىركەلكى، ءونىمدى، باياندى حاۋىپسىزدىك جۇلگەسىن ورناتۋعا جەتەكشىلىك ەتىپ، ەۆروپا قۇرلىعىنىڭ باياندى بەيبىتشىلىگى مەن باياندى تىنىشتىعىن جۇزەگە اسىرۋىن قولدايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
