شي جينپيڭ كوتديۆۋاردىڭ زۇڭتۇڭى ۋاتالامەن تەلەفوندا سويلەستى
2022.12.21 17:16 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 20 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 20 - كۇنى تۇستەن كەيىن ۋادە بويىنشا كوتديۆۋاردىڭ زۇڭتۇڭى ۋاتالامەن تەلەفوندا سويلەستى.
شي جينپيڭ مىنالاردى اتاپ كورسەتتى: كوتديۆۋار −جۇڭگونىڭ افريكاداعى ماڭىزدى سەلبەستىك سەرىگى. كەلەر جىل − جۇڭگو مەن كوتديۆۋاردىڭ ديپلوماتيالىق قارىم - قاتىناس ورناتقانىنىڭ 40 جىلدىعى، ەكى جاقتىڭ بىرگە ەسكە الۋىنا تاتيدى. جۇڭگو جاق كوتديۆۋار جاقتىڭ ءبىر جۇڭگو پرينسيبىنەن بۇلجىماعانىن ايرىقشا القايدى، كوتديۆۋار جاقپەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءبىرىن - ءبىرى قولداپ، جۇڭگو - كوتديۆۋار قارىم - قاتىناسىن بەكەمدەپ جانە تەرەڭدەتىپ، ەكى ەل قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو - كوتديۆۋار سەلبەستىگىنىڭ كەڭ بولاشاعى بار. جۇڭگو جاق كوتديۆۋار جاقپەن جان - جاقتى سەلبەستىكتى كۇشەيتىپ، اۋىل شارۋاشىلىق ونىمدەرى ساۋداسىن كەڭەيتىپ، كۇرىش، كاكاۋا سياقتى ەگىمشىلىك جانە وڭدەۋ سەلبەستىگىن كۇشەيتىپ، كوتديۆۋاردىڭ كاكاۋا كاسىبىن الۋەتتەندىرۋىنە قولداۋ كورسەتۋدى قالايدى، جۇڭگو جاق قولداۋ كورسەتىپ، ۇستىنە الىپ سالعان قاتىستى نىسانداردىڭ تەز ارادا سالىنۋىن ءارى ونىمدىلىگىن ساۋلەلەندىرۋىن ءۇمىت ەتەمىن. جۇڭگو جاق جۇڭگو كاسىپورىندارىن كوتديۆۋارعا بارىپ قارجى قوسىپ، كاسىپتى گۇلدەندىرۋگە ۇزدىكسىز شابىتتاندىرىپ، ەكى جاقتىڭ سيفرلى ەكونوميكا، جاڭا ەنەرگيا سياقتى سالالارداعى سەلبەستىگىن كەڭەيتۋدى قالايدى. جۇڭگو جاق كوتديۆۋار جاقتىڭ دامۋ مەن حاۋىپسىزدىككە تەڭ ءمان بەرۋ سىندى بيلىك جۇرگىزۋ ۇستانىمىن القايدى، كوتديۆۋار جاقپەن ساياساتتىق اۋىس - كۇيىستى كۇشەيتىپ، كوتديۆۋار جاقتىڭ قاجەتىنە ساي سەلبەستىك ورىستەتۋدى ءارى قولىنان كەلگەنىنشە قولداۋ كورسەتۋدى قالايدى. جۇڭگو جاق باستان - اياق شىنايى، ادال بولۋ ۇستانىمى مەن دۇرىس ادىلەت - مۇددە كوزقاراسىنان جازباي، افريكا ەلدەرىمەن ىنتىماقتى، سەلبەستىكتى كۇشەيتۋدى قالايدى، دۇنيە جۇزىلىك دامۋ باستاماسىن جانە جۇڭگو - افريكا سەلبەستىك تالقى مىنبەرىنىڭ ارەكەت جوسپارىن ءىس جۇزىندىك ارەكەتىمەن ۇزدىكسىز تياناقتاندىرىپ، افريكانىڭ دامۋىنا دەم بەرۋدى قالايدى. جۇڭگو جاق كوتديۆۋار قاتارلى افريكا ەلدەرىمەن بىرگە حالىقارالىق ادىلدىكتى، تۋراشىلدىقتى قورعاۋدى، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
ۋاتالا مىنالاردى ءبىلدىردى: ءتوراعا شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ سايلانعانىن تاعى ءبىر رەت قۇتتىقتايمىن. مەن 2018 - جىلى جۇڭگودا مەملەكەتتىك ساپاردا بولىپ، تەرەڭ اسەر الدىم، كوتديۆۋار مەن جۇڭگونىڭ ديپلوماتيالىق قارىم - قاتىناس ورناتۋدىڭ 40 جىلدىعىن قارسى الۋىنا زور ءۇمىت ارتامىن. جۇڭگو جاق كوتديۆۋاردى قامتىعان ءوڭىر مەن دۇنيە ءجۇزىنىڭ بەيبىتشىلىگىن، حاۋىپسىزدىگىن قورعاۋ جانە جەبەۋ، افريكا ەلدەرىنىڭ ەكونوميكالىق، قوعامدىق دامۋىنا قولداۋ كورسەتۋ جاقتارىندا قاستەرلى قولداۋ كورسەتىپ، ماڭىزدى ۇلەس قوستى، كوتديۆۋار جاق شىن جۇرەكتەن العىس ايتادى. كوتديۆۋار جاق جۇڭگو حالقىنا تاماشا دوستىق سۇيىسپەنشىلىك ورناتتى. كوتديۆۋار ءبىر جۇڭگو پرينسيبىنەن بۇلجىمايدى، كوپ جاقتىلىقتى باتىل قولدايدى، «ءبىر بەلدەۋ، ءبىر جول» باستاماسىن بەلسەنە قولدايدى. ءتىپتى دە كوپ جۇڭگو كاسىپورىندارىنىڭ كوتديۆۋارعا كەلىپ كاكاۋا مانەرلەۋ سياقتى كاسىپ سالالارىنا قارجى قوسىپ، كوتديۆۋارنىڭ ونەركاسىپتەنۋ اياق الىسىنا دەم بەرۋىن قارسى الامىز. كوتديۆۋار جاق جۇڭگو جاقپەن جۇڭگو - افريكا سەلبەستىك تالقى مىنبەرى جۇلگەسىندەگى سەلبەستىكتى ۇزدىكسىز كۇشەيتىپ، وڭىرلىك جانە حالىقارالىق ىستەر جونىندە ءجيى پىكىرلەسۋدى، سەلبەسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
