2022 – جىلعى ەكى جاعالاۋ كاسىپورىنشىلارى باس قوسۋىنىڭ جىلدىق ءماجىلىسى اشىلدى
ۋاڭ حۋنيڭ حات جولداپ قۇتتىقتادى
2022.12.21 17:22 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 20 – كۇنى، شيامىن. 2022 – جىلعى ەكى جاعالاۋ كاسىپورىنشىلارى باس قوسۋىنىڭ جىلدىق ءماجىلىسى 12 - ايدىڭ 20 - كۇنى شيامىن قالاسىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ ەكى جاعالاۋ كاسىپورىنشىلارى باس قوسۋىنىڭ القالار كەڭەسىنە قۇتتىقتاۋ حاتىن جولداپ، ج ك پ ورتالىق كوميتەتى مەن باس شۋجي شي جينپيڭ اتىنان جىلدىق ءماجىلىستىڭ اشىلعانىن قۇتتىقتادى، باسشىلار باس قوسۋىنىڭ بارلىق مۇشەلەرى مەن ماجىلىسكە قاتىناسقان سيلى قوناقتارعا سالەم جولدادى.
ۋاڭ حۋنيڭ مىنانى ءبىلدىردى: ەكى جاعالاۋ كاسىپكەرلەرىنىڭ باس قوسۋى ەكى جاعالاۋدىڭ ەكونوميكالىق سەلبەستىگىن جەبەۋگە، ەكى جاعالاۋدىڭ توعىسپالى دامۋىن تەرەڭدەتۋگە، تايۋان بۇعازىنىڭ بەيبىتشىلىگى مەن ورنىقتىلىعىن قورعاۋعا ماڭىزدى ۇلەس قوسىپ، ەڭ ىقپالدى ەكى جاعالاۋ ەكونوميكالىق اۋىس - كۇيىس سەلبەستىك تۇعىرىنا، ەكى جاعالاۋداعى باۋىرلاستاردىڭ جۇڭحۋا ۇلتىنىڭ ەكونوميكاسىن قول ۇستاسا الۋەتتەندىرۋىنىڭ، جۇڭگو ارمانىن بىرگە ورىنداۋىنىڭ ماڭىزدى ارناسىنا اينالدى.
ۋاڭ حۋنيڭ مىنالاردى اتاپ كورسەتتى: ج ك پ 20 - قۇرىلتايى جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق ورنالاستىرۋ جاسادى، بۇل ەكى جاعالاۋ قاتىناسىنىڭ دامۋى، وتاننىڭ بىرلىككە كەلۋ اياق الىسى جونىنەن كەلەلى دە تەرەڭ مانگە يە. ءبىز ج ك پ 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن جاپپاي دايەكتىلەندىرىپ، ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، سىرتتىڭ كيلىگۋىنە جانە «تايۋان تاۋەلسىزدىگى» بولشەكتەۋشىلىگىنە باتىل قارسى تۇرىپ، ەكى جاعالاۋدىڭ ەكونوميكا، مادەنيەت اۋىس - كۇيىسىن، سەلبەستىگىن جەبەۋدە تاباندى بولىپ، ەكى جاعالاۋدىڭ ءار سالاسىنىڭ توعىسا دامۋىن تەرەڭدەتىپ، تايۋاندىق باۋىرلاستاردىڭ ىرىس - قۇتىن ارتتىراتىن ءتۇزىم مەن ساياساتتى كەمەلدەندىرىپ، قالىڭ تايۋاندىق باۋىرلاستارمەن ىنتىماقتاسۋدا تاباندى بولىپ، وتاننىڭ بىرلىككە كەلۋى مەن ۇلتتىڭ گۇلدەنۋ بارىسىن بىرگە ىلگەرىلەتەمىز.
ۋاڭ حۋنيڭ بىلاي دەپ اتاپ كورسەتتى: وسى كەزەكتى باس قوسۋ «قۇرىلىمدىق كاسىپ سالاسى سەلبەستىگىنىڭ جاڭا ۇلگىسىن ورناتىپ، جاسىل، سيفرلى جاڭا ەكونوميكانى تۇلعالاۋدى» نەگىزگى تاقىرىپ ەتىپ، ساپالى دامۋدىڭ ماڭىزدى ورايىن مىقتاپ يگەرىپ، نازاردى جاساۋ كاسىبىنىڭ جوعارى دەڭگەيلەنۋىن، زەردەلىلەنۋىن، جاسىل تيپكە بۇرىلىس جاساپ دامۋىن ىلگەرىلەتۋ سياقتى ەكى جاعالاۋدىڭ سەلبەستىگىن جەبەۋگە شوعىرلاندىرىپ، ەكى جاعالاۋداعى باۋىرلاستاردىڭ قول ۇستاسا دامۋ، توعىسپالى دامۋ ورتاق تىلەگىن تولىق ايگىلەدى، ەكى جاعالاۋداعى باۋىرلاستاردىڭ اۋىس - كۇيىسىنە، سەلبەستىگىنە تىڭ قوزعاۋشى كۇش قوسىپ، تىڭ ءورىس اشىپ، تىڭ تابىس سيلايتىنى داۋسىز.
ۋاڭ حۋنيڭ بىلاي دەپ دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ەكى جاعالاۋداعى باۋىرلاستاردىڭ ورتاق ءىسى. ەكى جاعالاۋ كاسىپورىنشىلارىنىڭ جاڭا ءداۋىردىڭ جاڭا جورىعىندا جاڭا دامۋ جۇلگەسىن ورناتۋدىڭ، ساپالى دامۋدى ىلگەرىلەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى كۇشى بولۋىن ءۇمىت ەتەمىن. كەڭەسكە قاتىناسقان ەكى جاقتىڭ القالار كەڭەسىنىڭ ەكى جاعالاۋداعى كاسىپورىن سالاسىنداعىلاردى، ونەركاسىپ - ساۋدا سالاسىنداعىلاردى كەڭ كولەمدە ىنتىماقتاستىرىپ، ۇلت ادىلەتتىلىگىن ۇستانىپ، ءداۋىر اۋقىمىن يگەرىپ، تايۋان بۇعازىنىڭ بەيبىتشىلىگى مەن ورنىقتىلىعىن قورعاۋ، ەكى جاعالاۋ قاتىناسىنىڭ بەيبىت دامۋىن، توعىسپالى دامۋىن ىلگەرىلەتۋ، وتاندى بىرلىككە كەلتىرۋ اياق الىسىن ىلگەرىلەتۋ جولىندا ۇزدىكسىز كۇرەس جۇرگىزۋىن ءۇمىت ەتەمىن.
كەڭەستىڭ ۇلى قۇرلىق جاق القا باستىعى گو جينلۇڭ جانە تايۋان جاق القا باستىعى ليۋ جاۋشيان، القا باستىعىنىڭ ورىنباسارى چىن رۇيلۇڭ قاتارلىلار جىلدىق ماجىلىسكە قاتىناستى، ەكى جاعالاۋدىڭ ونەركاسىپ - ساۋدا سالاسىنداعى قايراتكەرلەردەن 300دەن استام ادام ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
