حالىق تورابى

شي جينپيڭ رەسەي ءبىر تۇتاس رەسەي پارتياسىنىڭ ءتوراعاسى مەدۆەدەۆپەن كەزدەستى

2022.12.22 16:01 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

12 - ايدىڭ 21 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە جۇڭگو كوممۋنيستىك پارتياسىنىڭ ۇسىنىسىمەن جۇڭگوعا ساپارلاي كەلگەن رەسەي ءبىر تۇتاس رەسەي پارتياسىنىڭ ءتوراعاسى مەدۆەدەۆپەن كەزدەستى. سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن

　　«حالىق گازەتى»، 12 - ايدىڭ 21 – كۇنى، بەيجيڭ. 12 - ايدىڭ 21 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ دياۋيۇيتاي مەملەكەتتىك قوناق ۇيىندە جۇڭگو كوممۋنيستىك پارتياسىنىڭ ۇسىنىسى بويىنشا جۇڭگوعا ساپارلاي كەلگەن رەسەي ءبىر تۇتاس رەسەي پارتياسىنىڭ ءتوراعاسى مەدۆەدەۆپەن كەزدەستى.

　　شي جينپيڭ مەدۆەدەۆكە پۋتين زۇڭتۇڭعا ىقىلاستى سالەمى مەن ىزگى تىلەگىن جەتكىزۋدى تاپسىرىپ، بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 20 - قۇرىلتايىندا جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ وزەكتى مىندەتى ايقىندالدى. بىزدە جۇڭگو ۇلگىسىندەگى وسىزامانداندىرۋ جولىمەن ويداعىداي جۇرۋگە جەتكىلىكتى جىگەر، تولىق سەنىم بار، سونداي - اق دۇنيە ءجۇزىنىڭ بەيبىتشىلىگى مەن گۇلدەنۋىنە ءتىپتى دە كوپ وراي ازىرلەيمىز. جۇڭگو كوممۋنيستىك پارتياسى مەن ءبىر تۇتاس رەسەي پارتياسىنىڭ ۇزاق ۋاقىت مەحانيزمدەنگەن بارىس - كەلىس جاساۋى جۇڭگو مەن رەسەيدىڭ ساياسي ءوزارا سەنىمدىلىگىن بەكەمدەۋدىڭ، ەكى ەلدىڭ ءوزارا ءتيىمدى سەلبەستىگىن ىلگەرىلەتۋدىڭ، ەكى ەلدىڭ ستراتەگيالىق سەلبەستىگىن ايگىلەۋدىڭ وزگەشە ارناسى مەن تۇعىرىنا اينالىپ، جاڭا داۋىردەگى جۇڭگو - رەسەي قارىم - قاتىناسىنىڭ ورنىقتى، باياندى جالعاسۋىنا پارمەندى تىرەك ازىرلەدى. قازىر جۇڭگو - رەسەي بيلىكتى پارتيالارىنىڭ بارىس - كەلىسى «3 - ون جىلدىققا» قادام تاستادى. ەكى پارتيانىڭ ەل باسقارۋ تاجىريبەلەرىن ۇزدىكسىز ارقاۋ ەتىپ، دامۋ ستراتەگيالارىنىڭ ۇشتاسۋىن جەبەۋ، ساياسي پارتيالاردىڭ حالىقارالىق كوپ جاقتى سەلبەستىگىن ىلگەرىلەتۋ سياقتى جاقتاردا ىشكەرىلەي اۋىس - كۇيىس جاساپ، بيلىكتى پارتيانىڭ قۇرىلىسى جونىندە ءوزارا ۇيرەنىپ، ءوزارا ۇلگى الىپ، جۇڭگو مەن رەسەيدىڭ جان - جاقتى ستراتەگيالىق سەلبەستىگىن تەرەڭدەتۋگە اقىل - پاراساتى مەن كۇش - قۋاتىن ارناۋىن ءۇمىت ەتەمىن.

　　شي جينپيڭ بىلاي دەپ اتاپ كورسەتتى: وتكەن 10 جىلدا جۇڭگو - رەسەي قارىم - قاتىناسى حالىقارالىق اۋمالى - توكپەلى جاعدايدىڭ سىنىنان ءوتىپ، باستان - اياق اقاۋسىز، ورنىقتى جوعارى دەڭگەيدە دامىدى. جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن دامىتۋ − ەكى جاقتىڭ ءوز مەملەكەت جاعدايىنا نەگىزدەلە وتىرىپ جاساعان ۇزاق بولاشاقتىق ستراتەگيالىق تالعامى. جۇڭگو جاق رەسەي جاقپەن بىرگە جاڭا داۋىردەگى جۇڭگو - رەسەي قارىم - قاتىناسىن ۇزدىكسىز العا ىلگەرىلەتىپ، دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن بىرگە ىلگەرىلەتۋدى قالايدى.

　　شي جينپيڭ مىنانى ءبىلدىردى: ۋكراينا داعدارىسى ماسەلەسىندە جۇڭگو جاق باستان – اياق ءىستىڭ وزىندەگى دۇرىس - بۇرىستى، ورىندى - ورىنسىزدىقتى نەگىزگە الىپ ءوز تۇرعىسى مەن ساياساتىن بەلگىلەپ، وبيەكتيۆ، ءادىل تۇرعىدا تۇرىپ، بەيبىتشىلىككە بەلسەنە ءناسيحاتتاپ، كەلىسسوزدى جەبەپ كەلەدى. قاتىستى جاقتاردىڭ ۇستامدى بولىپ، جاپپاي تىلدەسىپ، حاۋىپسىزدىك سالاسىنداعى ورتاق كوڭىل ءبولىپ وتىرعان ماسەلەلەردى ساياسي ءتاسىل ارقىلى شەشۋىن ءۇمىت ەتەمىن.

　　مەدۆەدەۆ الدىمەن پۋتين زۇڭتۇڭنىڭ ءتوراعا شي جينپيڭگە ءوز قولىمەن جازعان حاتىن تابىستاپ، پۋتيننىڭ شي جينپيڭگە دەگەن دوستىق سالەمىن جانە تاماشا تىلەگىن جەتكىزدى. مەدۆەدەۆ شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ تاعى دا سايلانعانىن، ج ك پ 20 - قۇرىلتايىنىڭ ءبىرقىدىرۋ كەلەلى جەتىستىككە قول جەتكىزگەنىن قۇتتىقتاي كەلىپ، مىنانى ءبىلدىردى: جۇڭگو كوممۋنيستىك پارتياسى جۇڭگوعا باسشىلىق ەتىپ، اناعۇرلىم زور دامۋعا قول جەتكىزىپ، ءبىر ميلليارد 400 ميلليون جۇڭگو حالقىنا باقىت جاراتتى، بۇل تۇتاس دۇنيە ءجۇزى جونىنەن دە كەلەلى ماڭىز الادى، جۇڭگو كوممۋنيستىك پارتياسىنىڭ 20 - قۇرىلتايىندا جاسالعان شەشىمدەر مەن ورنالاستىرۋلاردىڭ ءونىمدى تياناقتاناتىنىنا سەنەمىن. ءبىر تۇتاس رەسەي پارتياسى مەن جۇڭگو كوممۋنيستىك پارتياسىنىڭ سەلبەستىگى − رەسەي - جۇڭگو ەكى ەل قارىم - قاتىناسىنىڭ ماڭىزدى قۇرامداس بولەگى. تاياۋ جىلداردان بەرى ەكى پارتيانىڭ قارىم - قاتىناسى جوعارى دەڭگەيدە دامىدى، ەكى جاق كەڭ كولەمدى اۋىس - كۇيىس، سەلبەستىك ورىستەتتى. ءبىر تۇتاس رەسەي پارتياسى جۇڭگو كوممۋنيستىك پارتياسىمەن ەل باسقارۋ تاجىريبەلەرىن اۋىستىرۋدى كۇشەيتىپ، ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ەكى ەلدىڭ ەكونوميكا - ساۋدا، ەنەرگيا، اۋىل شارۋاشىلىعى سياقتى سالالارداعى سەلبەستىگىن بەلسەنە ىلگەرىلەتىپ، سىرتقى جاقتان كەلگەن ءتۇرلى قىسىم مەن ادىلەتسىز شارالاردى بىرگە تەجەپ، رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋىن جۇزەگە اسىرۋدى قالايدى. ۋكراينا داعدارىسىنىڭ سەبەبى بار، توتەنشە كۇردەلى، رەسەي كەلىسسوز ارقىلى ءدوپ كەلىپ وتىرعان ماسەلەلەردى شەشۋدى قالايدى.

　　ەكى جاق تاعى ورتاق كوڭىل ءبولىپ وتىرعان باسقا دا حالىقارالىق، وڭىرلىك ماسەلەلەر جونىندە پىكىر الماستىردى.

　　ۋاڭ ي قاتارلىلار كەزدەسۋدە بىرگە بولدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved