بۇل جىگىت ءبىر جولدا 5 توننا كوكونىس ساتىپ الدى، سەبەبى بىلاي ەكەن
2022.12.22 14:30 كەلۋ قاينارى : حالىق تورابى
12 – ايدىڭ 12 – كۇنى، جياڭسۋ ولكەسى سۋجوۋ قالالىق قىزىل كرەست قوعامى مەيىر باعىشتاۋ ماقساتىندا بەرىلگەن 5 توننا كوكونىستى تاپسىرىپ العان، جىلۋ اتاۋشى داشۋەنىڭ 2 – جىلدىعىندا وقيتىن ستۋدەنت ەكەن. ونىڭ كوكونىستى جىلۋعا اتاۋىنىڭ استارىندا جاتقان اڭگىمەنى بىلگەن سوڭ، توراپتاستار: «مەيىرگە تولى ءارى ادامدى شابىتتاندىراتىن اڭگىمە ەكەن»، — دەستى.
داشۋەنىڭ 2 – جىلدىعىندا وقيتىن ستۋدەنت وقي ءجۇرىپ جۇمىس ىستەۋ ارقىلى اۋىلىنداعى ساتىلىمى توقىراپ قالعان كوكونىستەردى ساتىپ الىپ، قارتتارعا جەتكىزىپ بەرگەن
ۇلكەن قالتاعا سالىنعان بايساي مەن اس سۇتتىگەندى اۆتوموبيلدەن ءتۇسىرىپ جاتقان سۋجوۋ قالاسى ساڭلاڭ ءمالى باسقارماسى قارتتارعا ۋنيۆەرسال قىزمەت وتەۋ ورتالىعىنىڭ ەرىكتىلەرى: «بۇل كوكونىستەر كەشە كەشتە جاڭادان جينالعان، بۇگىن تاڭەرتەڭ اۆتوموبيلمەن جەتكىزىپ بەردى، وتە تاماشا ەكەن»، — دەدى.
بۇل كوكونىستەر الدا الەۋمەتتىك اۋماقتىڭ قاراماعىنداعى قارتتار قاتارلى ءزارۋ ادامداردان 2000 نان استام ادامعا تاراتىلىپ، ولاردى يگىلىككە كەنەلتەدى.
قىزمەتكەرلەردىڭ تانىستىرۋىنشا، سۋجوۋ قالالىق قىزىل كرەست قوعامى تاپسىرىپ العان كوكونىستەردى جىلۋعا اتاۋشىنىڭ ەسىمى لين جىحۇي، ول بيىل 18 جاستا، سۋجوۋ ونەركاسىپ باقشا رايونى قىزمەت وتەۋدى كوتەرمەگە بەرۋ كاسىپتىك شۋەيۋانى 2 – جىلدىعىنىڭ ستۋدەنتى. لين جىحۇيدىڭ ايتۋىنشا، ول ءوزى نانتۇڭ قالاسىنداعى ديقان وتباسىندا تۋعان، اتا – مەكەنىندە كوكونىستەردىڭ وتپەي قالعانىن ەستىپ، بولماشى كۇش قوسۋ ارقىلى كوكونىس ەگەتىن ديقاندارعا كومەكتەسۋدى ويلاعان.
ول: «اتام ديقان بولاتىن، كىشكەنتايىمنان اۋىل - قىستاقتا وسكەنمىن. ديقانداردىڭ قيىنشىلىعىن بىلەمىن»، — دەيدى.
سونىمەن، لين جىحۇي قىستاق ياچەيكا شۋجيىمەن حابارلاسىپ، كوكونىس ەگەتىن ديقانداردىڭ ساتىلماي قالعان ءبىر ءبولىم كوكونىسىن ساتىپ الۋ ويى بار ەكەنىن ايتادى. وسىدان سوڭ، قىستاق ياچەيكا شۋجيى قىستاق تۇرعىندارىن جيناپ، ءار ۇيدەن قوسۋ ارقىلى 5 توننا كوكونىستى توپتاعان.
لين جىحۇيدىڭ تانىستىرۋىنشا، بۇل 5 توننا كوكونىستى ساتىپ الۋعا 9000 يۋان اقشا جۇمساعان، بۇل اقشانى ول وقي ءجۇرىپ جۇمىس ىستەۋ بارىسىندا تاپقان. ول: «باستابىندا اتا – اناما ايتپاعانمىن، اقشانى تاپسىرىپ بولعان سوڭ ايتقانىمدا، ولار مەنىڭ بۇل بەكىمگە كەلگەنىمدى بارىنشا قولدادى»، — دەدى.
شارۋاشىلىق قۇرعان كەزدە كومەككە يە بولعاندىقتان، «ءىس جۇزىندىك ارەكەتىم ارقىلى قوعامعا ۇلەس قوسۋدى ويلادىم»
لين جىحۇيدىڭ تانىستىرۋىنشا، ول 1 – جىلدىقتا وقىپ جاتقان كەزدە، مۇعالىمى مەن ساباقتاستارىنىڭ كومەكتەسۋىندە، مەكتەپ اۋلاسىندا كومپيۋتەر جانە قولفون قاتارلىلاردى جوندەۋ جايماسىن اشۋ ارقىلى وقي ءجۇرىپ جۇمىس ىستەگەن. لين جىحۇيدىڭ ۇيرەنگەن كاسىبى — قوندىرۋ تەحنيكاسىن قولدانۋ كاسىبى. كەيىن كەلە ول ساباقتاستارىمەن بىرگە جياڭسۋ ولكەلىك ونەر باسەكەسىنە قاتىناسقان ءارى 1 – دارەجەلى سيلىققا يە بولعان. قازىر ونىڭ ۇجىمى پاراساتتى جارىقتاندىرۋ قۇرىلعىسىن زەرتتەپ جاساۋعا كۇش سالۋدا، قازىر باستاپقى دەڭگەيدەگى ءونىمدى جاساپ شىققان.
لين جىحۇيدىڭ ايتۋىنشا، «شارۋاشىلىق قۇرعان باستاپقى مەزگىلدە، ول مەكتەپ مەن مۇعالىمدەردىڭ قولداۋىنا يە بولعاندىقتان، ءىس جۇزىندىك ارەكەتى ارقىلى قوعامعا ۇلەس قوسۋدى ويلاعان».
لين جىحۇي، جارايسىڭ!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
