لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.12.22 16:04 كەلۋ قاينارى : حالىق تورابى
ەكونوميكانى ورنىقتىرۋداعى ءبىرقىدىرۋ ساياساتتىق شارالاردىڭ تياناقتانىپ، ونىمدىلىك كورسەتۋىن ىشكەرىلەي ويداعىداي يگەرىپ، ەكونوميكانىڭ بەكەمدەلۋ، ورنىعۋ نەگىزىنىڭ ۇيلەسىمدى ارالىقتا بولۋىن ىلگەرىلەتۋ جونىندە ورنالاستىرۋ جاسادى؛ ءتۇيىندى تاۋارلارمەن قامداۋدى، باعانى ورنىقتىرۋدى كۇشەيتۋ شارالارىن بەلگىلەپ، بۇقارانىڭ تۇرمىس قاجەتىن قامتاماسىزداندىردى؛ جۇمىستاندىرۋدى ورنىقتىرۋ، حالىق تۇرمىسىنا كەپىلدىك ەتۋ قىزمەتىن ۇزدىكسىز ويداعىداي ىستەپ، حالىق تۇرمىسىنىڭ تومەنگى شەگىن مىقتى يگەرۋدى ورنالاستىردى
شينحۋا اگەنتتىگى، 12 - ايدىڭ 20 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 20 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ەكونوميكانى ورنىقتىرۋداعى ءبىرقىدىرۋ ساياساتتىق شارالاردىڭ تياناقتانىپ، ونىمدىلىك كورسەتۋىن ىشكەرىلەي ويداعىداي يگەرىپ، ەكونوميكانىڭ بەكەمدەلۋ، ورنىعۋ نەگىزىنىڭ ۇيلەسىمدى ارالىقتا بولۋىن ىلگەرىلەتۋ جونىندە ورنالاستىرۋ جاسادى؛ ءتۇيىندى تاۋارلارمەن قامداۋدى، باعانى ورنىقتىرۋدى كۇشەيتۋ شارالارىن بەلگىلەپ، بۇقارانىڭ تۇرمىس قاجەتىن قامتاماسىزداندىردى؛ جۇمىستاندىرۋدى ورنىقتىرۋ، حالىق تۇرمىسىنا كەپىلدىك ەتۋ قىزمەتىن ۇزدىكسىز ويداعىداي ىستەپ، حالىق تۇرمىسىنىڭ تومەنگى شەگىن مىقتى يگەرۋدى ورنالاستىردى.
ءماجىلىس مىنالاردى اتاپ كورسەتتى: بيىل جۇمىستاندىرۋدى ورنىقتىرۋ، زات باعاسىن ورنىقتىرۋ، ەكونوميكانىڭ نەگىزگى جاعدايىن ورنىقتىرۋ قىزمەت جەتىستىكتەرىنىڭ قولعا كەلۋى توتەنشە وڭاي بولعان جوق. قازىر ەكونوميكالىق اينالىم قالپىنا كەلۋ جانە ورنىقتىلىق جاعدايىن ساقتاعانىمەن، نەگىزى ءالى دە بەرىك ەمەس. ورتالىقتىڭ ەكونوميكالىق قىزمەت ءماجىلىسىنىڭ رۋحىن تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ قىزمەتىن كۇش سالا ويداعىداي ىستەپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ەكونوميكانىڭ اناعۇرلىم ورنىقتى جاقسارۋىن، كەلەر جىلى جاقسى باستاما بولۋىن جەبەۋ كەرەك.
ءماجىلىس مىنالاردى اتاپ كورسەتتى: ەكونوميكانى ورنىقتىرۋدىڭ ءبىرقىدىرۋ ساياساتى مەن شارالارىن اتقارۋ مەجەدەن ارتىق فاكتورلاردىڭ سوققىسىنا توتەپ بەرىپ، ەكونوميكالىق اينالىمنىڭ ورنىعۋعا بۇرىلىس جاساۋىن ىلگەرىلەتۋدە ماڭىزدى تىرەكتىك رول اتقاردى. بۇل ساياساتتىق شارالار ءالى دە ەففەكت كەڭىستىگىنە يە، اسىرەسە، كەلەلى نىساندار قۇرىلىسى مەن جابدىقتاردى جاڭالاۋدا، وزگەرتىپ جاساۋدا، قازىر جانە الداعى ءبىر مەزگىلدە قارجى قوسۋ بەلدەۋىن كەڭەيتۋدە ءالى دە ماڭىزدى رول اتقارادى. قازىر قىزمەت جاقسى ىستەلسە، كەلەر جىلعى ورنىقتى ارتۋ جونىنەن دە اناعۇرلىم كوپ ونىمدىلىككە قول جەتكىزەدى، ۋاقىتتان ۇتىپ، ساياساتتىڭ تياناقتانۋىن مىقتى يگەرۋ كەرەك. ءبىرىنشى، ەكونوميكانى ورنىقتىرۋدىڭ ءبىرقىدىرۋ ساياساتتىق شارالارىن تياناقتاندىرىپ، تولىقتاۋدى مىقتى يگەرىپ، جاپپاي تياناقتاندىرۋعا شىنايى كەپىلدىك ەتۋ كەرەك. ەكىنشى، ءىرى نىساندار قۇرىلىسى مەن جابدىقتاردى جاڭالاۋدى، وزگەرتىپ جاساۋدى ىلگەرىلەتىپ، ءتىپتى دە كوپ ناقتى قىزمەت مولشەرىن قالىپتاستىرۋ كەرەك، قىسقى قۇرىلىس جۇرگىزۋ شارتىنا ۇيلەسەتىن نىسانداردىڭ جۇمىسىن توقتاتۋعا بولمايدى. ءۇشىنشى، «ەكىدەن استە اۋىتقىماۋدا» تاباندى بولىپ، حالىقتىق كاسىپورىنداردىڭ سەنىمىن سەرپىلتىپ، ءتىپتى دە جاقسى دامۋىن قولداۋ كەرەك. تۇعىر ەكونوميكاسىنىڭ اقاۋسىز، باياندى دامۋىنا قولداۋ كورسەتۋ كەرەك. ءىس جۇزىندىكپەن ۇشتاستىرىپ، قىزمەت وتەۋ تۇتىنۋىنىڭ ءتارتىپتى قالپىنا كەلۋىن جەبەۋ كەرەك. تۇراقتى جانە جاقسارتىلعان تۇرعىن ءۇي سۇرانىمى، سالىنىپ جاتقان تۇرعىن ءۇي عيماراتتارىن پايدالانۋعا بەرۋ جانە ءۇي - جاي كاسىپورىندارىنىڭ قارجى قۇراۋى سياقتى 16 ءتۇرلى فينانس ساياساتىن تياناقتاندىرۋ كەرەك. حالىقارالىق ساۋدا، قارجى قوسۋ كەڭەسىنە ەڭ زور قولايلىلىق تۋدىرۋ كەرەك. ىندەتتەن ساقتانۋ - تىزگىندەۋ شارالارىن ساپالىلاندىرۋدىڭ، رەتتەۋدىڭ ءتارتىپتى ىلگەرىلەتىلۋىنە، تياناقتاندىرىلۋىنا بايلانىستى، ەكونوميكانىڭ ورنىعۋ جاعدايىن ءبىر تۇتاس سايكەستىرىپ، كەلەر جىلعى ەكونوميكانىڭ ارتۋىنا جاقسى نەگىز قالاۋ كەرەك.
ءماجىلىس مىنالاردى دارىپتەدى: تاياۋدا قاتىستى تاراۋلار جەرگىلىكتى ورىنداردىڭ ەكونوميكانى ورنىقتىرۋدىڭ ءبىرقىدىرۋ ساياسات - شارالارىن تياناقتاندىرۋىنا تاعى ءبىر رەت قۋزاۋشىلىق - جەتەكشىلىك ەتىپ، دامۋ − ءبىرىنشى ماڭىزدى مىندەت دەيتىن جاۋاپكەرلىكتى ارقالاپ، «تومەنگە بەرۋ، باسقارۋ، قىزمەت وتەۋ» رەفورماسىن ىلگەرىلەتىپ، قيىنشىلىقتار مەن ماسەلەلەردى سايكەستىرىپ شەشۋ كەرەك.
ءماجىلىس مىنالاردى اتاپ كورسەتتى: دۇنيە ءجۇزى بويىنشا اقشانىڭ قۇنسىزدانۋى اسقىنعان جاعدايدا بيىل ەلىمىزدىڭ زات باعاسى ورنىقتى بولدى. جاڭا جىل، كوكتەم مەرەكەسى تاياپ قالدى، تۇرمىستىق بۇيىمدارمەن قامداۋدى ورنىقتىرۋدى ۇزدىكسىز مىقتى يگەرۋ كەرەك. ءبىرىنشى، قاتىناستىڭ، زات اينالىمىنىڭ ىركىلىسسىزدىگىنە كەپىلدىك ەتىپ، كەيبىر جەرلەردىڭ زات اينالىمىنداعى «ەڭ سوڭعى ءبىر كيلومەتردىڭ» ىركىلىسسىز بولماۋ ماسەلەسىن تەز ارادا شەشۋ كەرەك. ەكىنشى، استىققا ولكە باستىعى، كوجە - قاتىققا قالا باستىعى جاۋاپتى بولۋ ءتۇزىمىن ناقتىلاندىرىپ، «قوس مەرەكەدەگى» ماڭىزدى حالىق تۇرمىسى تاۋارلارىمەن قامداۋدىڭ جەتكىلىكتى بولۋىنا جانە زات باعاسىنىڭ تۇراقتى بولۋىنا كەپىلدىك ەتۋ كەرەك. بۇقارانىڭ ىندەتتەن ساقتانۋ جانە ەمدەلۋ زاتتىق قاجەتىن شىنايى قامتاماسىزداندىرىپ، قاتىستى كاسىپورىنداردىڭ ءوندىرىستى تولىق جۇرگىزۋىنە قولداۋ كورسەتۋ ءارى حالىقارالىق سەلبەستىكتى كۇشەيتىپ، شۇعىل قاجەتتى بۇيىمداردى ۇيلەسىمدى يمپورت ەتۋ كەرەك. ءۇشىنشى، تۇرمىستا، وندىرىستە پايدالانىلاتىن ەنەرگياعا جانە بۇقارانىڭ قىستان قىسىلماي وتۋىنە شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: بيىل قالا - قالاشىقتاردا 12 ميلليون ادام تىڭنان جۇمىستاندى، الايدا قازىر جۇمىستانۋدى ورنىقتىرۋ قىسىمى ءالى دە ءبىرشاما زور، جۇمىستانۋدى ورنىقتىرۋدى، حالىق تۇرمىسىن قامتاماسىز ەتۋدى ونان ارى ناقتى يگەرۋ كەرەك. ءبىرىنشى، بازار تۇلعالارىنىڭ جۇمىستانۋدى قامتاماسىز ەتۋىن كورنەكتىلەندىرىپ، كاسىپورىندارعا كومەكتەسۋ، قيىنشىلىقتى شەشۋ، جۇمىس ورنىن ورنىقتىرۋ، جۇمىس ورنىن كەڭەيتۋ شارالارىن ويداعىداي تياناقتاندىرۋ كەرەك. ەكىنشى، جوعارى مەكتەپ بىتىرگەن وقۋشىلاردى جۇمىستاندىرۋ قىزمەتىن تىڭعىلىقتى ىستەۋ كەرەك. ءۇشىنشى، شارۋا جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن شوعىرلى جونگە سالىپ، شارۋا جۇمىسكەرلەردىڭ مەرەكەدەن كەيىن دەر كەزىندە قىزمەت ورنىنا قايتۋىنا كومەكتەسۋ كەرەك. ءتورتىنشى، يگىلىك جاراتۋ ارقىلى جۇمىستانۋدى جەتەكتەۋگە قولداۋ كورسەتۋ كەرەك. بەسىنشى، قيىنشىلىعى بار بۇقارانىڭ تۇرمىسىن قامتاماسىز ەتۋدى ويداعىداي ىستەپ، كولەمىن كەڭەيتۋگە ءتيىستى بولسا، كەڭەيتىپ، ەڭ تومەنگى تۇرمىستى قامتاماسىزداندىرۋ سياقتى ءتۇرلى قۇتقارۋ قاراجاتىن دەر كەزىندە تولىق تاراتۋ كەرەك. التىنشى، ىندەت سەبەبىنەن قيىنشىلىققا تاپ بولعان بۇقاراعا ۋاقىتتىق كومەك بەرىپ، جاعدايى شۇعىلدارىنا الدىمەن كومەك بەرىپ، نوپوسى سول جەردە بولماسا، شۇعىل قيىنشىلىق تۋىلعان جەردە تىكەلەي كومەك بەرۋ كەرەك. اپاتقا ۇشىراعان قيىنشىلىعى بار بۇقارانىڭ نەگىزگى تۇرمىسىن شىنايى قامتاماسىزداندىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
